ئالدانغان چوكان

koxmak7

	ئالدانغان چوكان دوستۇمنىڭ مەھەللىدە ئاچقان ئامبۇلاتورىيەسىگە پات –پات بېرىپ تۇرمەن. ئامبۇلاتورىيە دىگەنمۇ ئاجايىپ جاي، ھەر ئىقلىم، ھەر كەسىپ ، ھەر ياشتىكى كىشلەر كىرىپ چىقىدۇ. داۋالانغۇچە،  ئاسما ئوكۇل چۈشكىچە نۇرغۇن كىشلەر بىر-بىرسى بىلەن پاراڭلىشىدۇ، پىكىر ئالماشتۇردۇ. دوستۇمنىڭ ئامبۇلاتورىيىسىگە ئاغرىپ قالسام ئەلبەتتە بارىمەن، ئەمما دوستۇم بىلەن كۆرشۈپ ھال ئەھۋال سوراش ئۈچۈنمۇ ئانچە مۇنچە بېرىپ تۇرمەن ئەلبەتتە. دوستۇمنىڭ بۇ ئامبۇلاتورىيەسىنىڭ دائىملىق خېرىدارلىرى كۆپ بولغاچقىمۇ، بىمارلار ئۆكسىمەيدۇ. دائىملىق خېرىدارلىرى ئىچىدە، چىرايى قارامتۇل كەلگەن، ئۇسقىنى ناھايىتى يوغان بىر ئايال بار. بۇ ئايال ئاغرىپلا قالسا، دوستۇمنىڭ ئامبۇلاتورىيەسىگە كىلىدۇ. كارۋاتقا ئۆزىنى تاشلاپلا، كىسەللىك ئەھۋالىنى دەپ «غوجام نوچى دورىلىرىنى سالسىلا، ئى پۇل دىگەن نەرسىنىڭ كۆزىگە قارىمىسىلا» دەيدۇ. دوستۇم راستىنلا بۇ خېرىدارىغا چەتئەلنىڭ ئاسما ئوكۇللىرىنى سالىدۇ. ئىككى ئۈچ كۈنلىكى نەچچە مىڭ سومدىن ئاشىدۇ. پۇلنى يىللىقىنى ياكى بىرنەچچە يىلىقنى بىراقلا يىغىپ بىرىدۇ، بۇ ئايالنىڭمۇ ئۆزىگىچە دۇنيا قارىشى، كىشلىك تۇرمۇش قارىشى بار. كىيىن بۇ ئايال غايىپ بولۇپ كەتتى. بىرنەچچە يىلغىچە پەقەتلا ئۇچرىتالمىدىم. بىر كۈنى دوستۇمدىن بۇ ھەدىمىزنى سورىسام، تۈرمىگە كىرىپ كەتكەنلىكنى ئېيىتتى. نىمىشقا دەپ سورىسام ئۇ ئايال يەتتە يىللىق شەھەرنىڭ مائارىپ فوندىنى يىۋاپتىكەن، ئالتە يەتتە يىللىق كىسىۋەتتى دىدى. سىلنىڭ پۇلنى قانداق قىلدى دىىسەم، قولغا ئېلىنىشتىن ئىلگىرىكى بىر كۈنى تۇيۇقسىز چاقىرىپ يەتتە مىڭ سوم پۇلنى بىرىپ كەتكەنىدى. دىدى. بىز مۇۋاپىق پەيىتتە تۈرمىگە بېرىپ يوقلاپ قويايلى دىدىم. دوستۇم ماقۇل بولدى. بۇ ئامبۇلاتورىيەگە كىلدىغان ينە بىر ئادەم بار ئىدى. ئۇ ئادەمنىڭ يېشى ئاتمىشتىن ھالقىغان ئورا كۆز ئاق يۈزلىك ئادەم ئىدى. بۇ ئادەم داۋاملىق غەلىتە گەپ قىلىپ  باشقىلار بىلەن ئۇرشۇپ قالاتتى. كىيىنچە بۇ ئادەم بىر خىل كىسەلگە گىرىپتار بولۇپ قاپتۇ، داۋاملىق تۈكۈرەتتى، ئاسمىنى ئېسىشقا باشلىغاندىن تارتىپ، تاكى چۈشۈپ بولغۇچە بىر قېتىملىق قەغەز ئىستىكاننى قولىغا ئېلىۋېلىپ توختىماي تۈكۈرىۋىرەتتى. ئۇنىڭ ئەتراپىدا ئولتۇرغانلار كۆڭلى ئېلىشىپ پەقەتلا ئولتۇرالماي قالاتتى. ئۈچ كۈن ئىلگىرى يەنە دوستۇمنىڭ ئامبۇلاتورىيىسىگە كىردىم. ئادەملەر خۇددى كاپىراتسىيە ۋاقتىدا كىنوخانىدا ئولتۇرغاندەك ئولتۇرۇپ ئاسما ئاستۇرۋاتاتتى. زوكام مىنىڭ جېنىمنى ئېلىپ جاڭگالدا قويىۋاتاتتى. دوستۇم ماڭىمۇ ئاسما ئوكۇل يېزىپ بەردى. ئاسما ئاستۇرۋاتقۇچە يېنىدىكى ياشقىنە كەلگەن بىر چوكاننىڭ پاراڭلىرى قۇلىمىقمغا كىرىپ قالدى. ئۇ چوكان گېپىنى تىزلا تۈگەتتى. مەن ئۇنىڭغا نىمە بولغانلىقىنى يەنە بىر قېتىم ئەيتىپ بىرىشنى ئۆتۈندۈم. چوكان قايتىدىن سۆزلەپ بەردى. تۈنۈگۈن چوكان ئاسما ئوكۇل ئاستۇرۇپ بولۇپ، ئۆيىگە كىتىپ بارسا، بىر بالىسىنى كۆتۈرۋالغان، بىر بالىسىنى يۆتىلىۋالغان بىر ئايال ئوچراپتۇ. ئۇ ئايال چوكاننىڭ ئالدىغا كىلىپ: -خېنىم مەن ئاقسۇدىن كەلگەن، بالام ئاغرىپ قالدى، خاپا بولماي بالامغا دورا ئالغۇدەك پۇل بەرسىلە، - دەپتۇ. چوكان ئىچ ئاغىرتىپ: -        تولا ئاغرىپ قېلىپ، ئۆزىمىزنى ئايدا نەچچە مىڭ سوملۇق داۋالىتۋاتىمىز، ماڭسىلا بالىلىرىغا ئاسما ئوكۇل سالدۇرۇپ قوياي، -دەپتۇ. -        رەھمەت سىللە بەك ئاق كۆڭئۈل چوكانكەنلا، بولدى، دورا ئالغۇدەك پۇل بەرسىلە، -دەپتۇ.   چوكان پورتىمالىدىن 50 سومنى ئېلىپ، ئايالغا بېرىپتۇ، ئايال -        ماۋۇ بالامنى تۇتۇپ تۇرسىلا، مەن دورا ئەپچىقۋالاي، -دەپتۇ. -        قارىسىلا، مىنىڭمۇ ئاغرىپ قېلىپ بالا كۆتۈرگىدەك ھالىم يوق، ماۋۇ بالىلىلىرىنى بېقىپ تۇراي، بۇ بالىلىرىنى ئۆزلىرى كۆتۈرۈپ، دورا ئەپچىقۋالسىلا،- دەپتۇ. چوكان ئۇ ئايالنىڭ بالىسىنى تۇتۇپ دوقمۇشتا خېلى ساقلاپتۇ، ئايال كەلمەپتۇ، ھېلىقى بالا قورسىقىم ئېچىپ كەتتى دەپ غەلۋە قىلغىلى تۇرۇپتۇ. چوكان بالىنى يىتىلەپ دوقمۇشتىكى سامسىخانىدىن ئۈچ سامسا ئېلىپ بالىغا يىگۈزۈپتۇ. يەنىلا بالىنىڭ ئانىسى كەلمەپتۇ. ئاخىرى تاقىتى تاق بولغان چوكان ھېلىقى ئايال كىرىپ كەتكەن دورىخانىغا كىرىپتۇ، ئۇ يەردە ئۇ ئايال يوق تۇرغىدەك. ئەتراپنى ئىزدەپ ھېچيەردىن تاپالماپتۇ. ئامالسىز بالىنى يىتىلەپ ئۆيگە قايتىپتۇ. ئۇ ئۆيگە كىلىپ بولغان ئىشلىرىنى يولدىشىغا ئېيتىپ بىرىپتۇ. يولدىشى بىرەر ئىش چىقىپ قالمىسۇن دەپ بالا ۋە ئايالىنى ئېلىپ كەنت كومتىتىغا ئەھۋال مەلۇم قىلىپ قويۇپتۇ. كەنت كومتىتى ئەھۋالنى يېزىلق ساقچىخانىغا مەلۇم قىپ قويۇپتۇ. ئەتىسى يېزلىق ساقچىخانىدىن ھېلىقى چوكاننى ئىزدەپ ساقچى كەپتۇ. ساقچىنىڭ دىيىشىچە بىر ئايال ساقچىخانىغا بىرسى بالامنى ئوغۇرلاپ كەتتى. دەپ دىلۇ مەلۇم قىلغان ئىكەن. ساقچىلار چوكان ۋە بالىنى ساقچىخانىغا ئاپپىرىپتۇ. ھېلىقى ئايال بالام مۇشۇ دەپتۇ. ھەم چوكاندىن، ئۆزىنىڭ يەڭگىگىنى يەتتە كۈن بولغانلىقنى، تۈنۈگۈن بالىسىنى ئىزدەيمەن دەپ خۇنتەۋرەپ كەتكەنلىكنى شۇڭا 20مىڭ سوم تۆلەم تۆلەپ بىرىشنى ئېيتىپتۇ. چوكان ئەھۋالنى بىر قۇر چۈشەندۈرۈپتۇ. چوكاننىڭ ئاسمىسى تۈگىگەنگەنىدى. ھېلىقى ئايالنىڭ تۇتۇپ تۇرسىلا دىگەن بالىسى يېنىدا تۇراتتى. ئۇ بالا قاڭشارلىق ، شۇنداق چىرايلىق ھەر قانداق ئادەمنىڭ مەسلىكى كىلدىغان بالا ئىدى. ئايال كاسا ئوكۇلى ئۇرغىلى سىستىرالار ئىشخانىسىغا كىرىپ كەتتى، بالا تاكى چوكان چىققۇچە كۆزىنى مىتمۇ قىلماي سىستىرالار ئىشخانىسىغا قاراپ تۇردى. چوكان ئوكۇل ئۇدۇرۇپ بولۇپ، -ئابدۇللا بالام قوپە، ماڭايلى،-دىدى. بالا كىرىسلۇدىن چۈشۈپ چوكاننىڭ قولىنى تۇتتى. -        نەگە ماڭدىلا؟ - دەپ سورىدى بىر سىستىرا. -        بۇ بالىنىڭ كىيىمى نىپىزكەن، يېڭئى بازارغا ئەككىرىپ بىر قۇر كىيىم ئېلىپ بىرەي. -        ئانىسى شۇنداق ئەسكىلىكلەرنى قىلسا يەنە كىيىم ئېلىپ بىرەملا؟ -        ئۇ ئەسكىلىك ئانىسىغا تەۋە، مەن بۇ بالىنىڭ قەلبىگە ھەققىي بىر ئانىىنىڭ سىماسىنى سىزىپ قوياي دەيمەن، بۇ بالىدا نىمە گۇناھ، - دىدى- دە بالىنى يىتىلەپ چىقىپ كەتتى. مىنىڭ ئاسما ئوكۇلۇم تۈگىگەن ئىدى، مەن بۇ ئىشنىڭ قاداق ئاخىرلىشىدىغانلىقنى بىلگۈم بار ئىدى. شۇڭا ماڭدىغان چاغدا، سىستىراغا ئاخىرنىڭ قانداق بولغانلىقنى ئەتە سوراپ قويۇشنى ئېيتىپ ئامبۇلاتورىيەدىن چىقتىم. ئەتىسى ئىشتىن چۈشۈپلا ئامبۇلاتورىيەگە چاپتىم. ھەم قولۇمغا ئاسما ئوكۇل سالغۇچە سىستىرادىن ھېلىقى ئىشنىڭ قانداق بولغانلىقىنى سوردۇم. سىستىرانىڭ دىيىشىچە، ئەتىسى ساقچىلار زادى كىمنىڭ بالىسى ئىكەنلىكنى ئايرىش ئۈچۈن كىرەمباغ دوختۇرخانىغا ئاپپىرىپ دىنىئاسىنى تەكشۈرتۈپتۇ. نەتىجىدە ھېلىقى قۇچاقتىكى بالا ئايالنىڭ چىقماپتۇ، لىكىن ھېلىقى ئابدۇللا دىگەن بالا ئايالنىڭ بالىسى چىقىپتۇ. شۇنىڭ بىلەن ساقچىلار بۇ ئايالنى بالا ئالداپ ساتىدىغان بىدىك دەپ گۇمانلىنىپ تەكشۈرۋېتىپتۇ. چوكان ئابدۇللانى بەرسە مەن باقاي دەپتۇ. لىكىن ساقچىلار ئۇنىڭغا يول قويماپتۇ.

qiqakkiz

	ئالدامچىلارنىڭ ھىلە - مىكىرسى تەرەققىي قىلىۋاتىدۇ دىسە .....................

hadrat

	ئويغۇر ئانىلىرىنىڭ يۈزىنى مۇشۇنداق ئىپلاس كىشىلەر تۈكۈپ بولدى دە،ئىسىت ئالدامچىلار لەنەت ساڭا...

ranjimayman

	قۇلاق ئۇزۇنكەن مەندەك...مەنمۇ مۇشۇنداق گەپ سۆز بار يەردە قۇلىغىمنى دىڭ تۇتۇپ تۇرىمەن زادى.

بانكىر

	خۇدايىم ئۇنداق ناكەس ئاياللارنىڭ جاجىسىنى بىرە.

xavkun

	بۇ تىمىدا سىز نىمە دىمەكچى ... ؟ ساپلا تاققا تۇققۇ ...

ئھسان

	ئىبرەت.ئىلىشقا تىگىشلىك مەسلە...مۇنبەردىكىلەرمۇ دىققەت قىلمىساڭلار جەميىتىمىزدىكى بىر قسم رەزىل كىشلەرنىڭ قىلتىقىغا چۇشۇپ كىتىسلەر...شۇڭا مۇنداق گەپلەرنى ئاڭلاپ قويغۇلۇق...دەپ ئويلىدىم ....ئوزەمچە!!!!!!!!!!!!!!!!

xiriin

	چۈشەنمىدىمغۇ

13289986520

	ranjimayman يوللىغان ۋاقتى  2015-3-4 05:01 PM قۇلاق ئۇزۇنكەن مەندەك...مەنمۇ مۇشۇنداق گەپ سۆز بار يەرد ... جۇباجىدەكلا  دىڭ تۇتامسىز يا چاخچاق ھە

izdinish

	ئابداللار بىزگە ئاسمىلاتسىيە بولغاندىن بېرى ، مەلۇم كىشىلەردە ئاڭلىسا ئىنسان قوبۇل قىلالمىغۇدەك دەرىجىدە قىلىقلار پەيدا بولدى ! مەن دىنغا كىرىپ چىقكەتكەن ، ۋە ئابداللاردىن كۆرىمەن مۇشۇنداق قىلىقنى قىلىدىغانلار دەپ .