مېنىڭ مۇھەببەت تارىخىم(تەھرىلەنگەن تولۇق نۇسقا)

oghuz8

	مۇقەددىمە ھەرقانداق بىر ئىنساننىڭ ئازاب-ئوقۇبەتلىك ھەم شېىرىن ھىسلارغا تويۇنغان بىر مۇھەببەت كەچمىشى بولىدۇ.بۇ خىل كەچمىش بەزىللىرىمىزنى ۋىسال مېۋېسىنى تېتىشقا مۇيەسسەر قىلغان بولسا،بەزىللىرمىزگە ئېنسانىيەت دۇنياسى ھەققىدە ئوچۇق ساۋاقلارنى بېرىدۇ،بەزىللرىمىزگە مەڭگۈ ئۇنتۇلمايدىغان شېرىن ھىسلارنى بەخىش ئەتكەن بولسا،بەزىللرىمىزنىڭ قەلبىدە مەڭگۈ ئۆچمەس داغ ۋە ئازاب ئوقۇبەتلەرنى قالدۇرىدۇ.كەچمىشلىرىمىز مەيلى ئېچنىشلىق بولسۇن،مەيلى بەخىتلىك بولسۇن،مەيلى شېرىن بولسۇن ياكى ئازابلىق بولسۇن،بۇ ھاياتىمىزنىڭ بىزگە بەرگەن ئېسىل سوۋغىسىدۇر. ئەمدى بىز ھېكايىمىزدىكى ‹‹مەن››بېلەن بىللە ئۇنىڭ ئەگرى توقايلىققا تولغان مۇھەببەت تارىخىغا نەزەر سېلىپ باقايلى. سىز بۇ ھېكايىنى ئوقۇغان ۋاقتىڭىزدا ھېكايىدىكى ‹‹مەن››نى مەن دەپ بىلسىڭىزمۇ،ئۆزىڭىز ياكى باشقا بىرى دەپ بىلسىڭىزمۇ بولۇۋېردۇ،بۇ ھېكايىدىكى ۋەقەلىكنى راس دەپ بىلسىڭىزمۇ ياكى توقۇلغان دەپ ئويلىسىڭىزمۇ بولۇۋېردۇ،لېكىن ،شۇنى ئېنكار قىلالمايمىزكى،ھېكايىمىزدىكى ‹‹مەن››ھەم باشقا شەخىسلەرنىڭ ئوخشىشى ،ھەم ئۇلار دۇچ كەلگەن قىيىنچىلىقلار،رېئال تۇرمۇشتىمۇ ھەقىقەتەن مەۋجۇت. 1 ئوقۇرمەن سىزنىڭمۇ بەلكىم ئۇنتۇلماس بالىلىق دەۋرىڭىز ھەم ئېنتايىن ساددا ، سەبىي مۇھەببەت كەچمىشىڭىز بولۇپ باققان بولغىيتى،مەن ئۆزۈمنىڭ مۇھەببەت تارىخىمنى دەل ئاشۇ سەبىي بالىلىقىمدىن باشلىماقچىمەن.   بالىلىقىم قايان كەتتىڭ كۆرەي دىسەم، ‏قۇلىقىڭدىن تۇتۇپ بىر رەت سۆيەي دىسەم.جاپاكەش بۇ كۆڭۈللەرنىڭ ئارامى يوق،سىنىڭ ئۈچۈن بىردەم خىيال سۈرەي دىسەم دادام ئوقۇتقۇچى بولغاچقىمۇ مېنى بەش ياشقا كىرشىمگىلا مەكتەپكە ئەكلىپ 1.سېنىپقا ئەكىرىپ قويغان ئېدى.چۈنكى ئۇ چاغلاردا بىزنىڭ يۇرتلاردا باشلانغۇچ مەكتەپنىڭ تەييارلىق سىنپلىرى تېخى قۇرۇلمىغان ئېدى.يەسلى دېگەنلەرنىغۇ كىنولاردىلا كۆرەتتۇق. بەك كىچىك بولغاچقىمۇ مەن مەكتەپكە كىرگەندىن كېيىن ،دەرىسلەرگە پەقەتلا يېتىشەلمىدىم،ماۋسۇملۇق ئېمتاھاندىنمۇ ئۆتەلمەي سىنىپ قالدۇرلۇپ قايتا ئوقۇشقا قالدۇرۇلدۇم،ھېلىمۇ ئېسىمدە تۇرۇپتۇ شۇ چاغدا مەن قالدۇق بولۇپ قالغانلىقىمنى بەك نومۇس ھېس قىلىپ،نەچچە، كۈن بىر نەسە يىمىگەن ،ھەم مەكتەپكىمۇ بارماي تۇرۋالغان ئىدىم. ئاخىرى دادام -بالام سەن ئىمتاھاندا توۋەن نومۇر ئالمىغان ئىدىڭ ،سەن ساننىڭ سىرتىدا ئوقۇغاچقا مۇئەللىمىڭ نەتىجەڭنى باشقا بالىلار نىڭ نەتىجىسىگە ئالماشتۇرۋېتپتۇ-دەپ مەن ئىشەنگەنگە قەدەر خىزمەت ئىشلىگەندىن كېيىنلا ئاندىن مەكتەپكە بارغان ئېدىم. يېڭى ئوقۇش ماۋسۇمى باشلانغاندىن كېيىن ،مەن ھەقىقەتەن تىرىشتىم ،بۇرۇنقى ساۋاقداشلىرىمنىڭ -قالدۇق-دەپ زاڭلىق قىلىشلىرىغا چىداپ ئۇلارغا كۆرسىتىپ قويۇش ئۈچۈن تىرشىپ ئوقۇشقا بەل باغلىدىم،ئۇ چاغلاردا ئوقۇش ماتىرىياللىرمىز ئېنتايىن كەمچىل ئېدى،پەقەت بىر نەچچە تاپشۇرۇق دەپتىرىمىز ھەم كەينىدە ئۆچۈرگۈچى بار بىر تال قېرىندىشىمىزلا بار ئىدى ،كىتاپ ،ماتىرىياللارنىڭ ھەممىسنى پۇلغا سېتىۋالاتتۇق.شۇڭا مەن ئۆيگە قايىتقاندىن كېيىن ،ئۆيىمىزنىڭ ئالدىدىكى كوچىغا تاش بىلەن يېزىپ ،مەشىق قىلىپ ئۈگەندىم،ئانام نەچچە قېتىم -بالام تاماق يەۋال -دەپ چاقىرسىمۇ كىرگىلى ئۇنىماي تاكى قاراڭغۇ چۈشكىچە مەشىق قىلدىم،ئاخىرى تىرىشقىنىمنىڭ نەتىجىسىنى كۆرۈپ 2.يىللىققا خەنزۇتىلى،ماتېماتىكا،ئېلىپبە ،ئۈچىلى پەندىن 100 نومۇر بېلەن كۆچۈپ چىقتىم،شۇ چاغدا،ئوقۇتقۇچىمدىن ئوقۇش باشلىنىش مۇراسىمىدا مۇكاپاتلىندىغنىمنى ئاڭلاپ،ھاياجانلانغىنىمدىن نەچچە كۈنگىچە ئۇخلىيلمىدىم. لېكىن ،مېنى تېخىمۇ بەك ھاياجانغا سالىدىغان ھەم ئۇنتۇلمايدىغان كۈنلەر كېيىن يۈز بەردى. 2. يىللىققا كۆچكەندىن كېيىن ،مەن سىنىپ باشلىقى بولۇپ سايلاندىم ھەم ئۇدا بىر يىل سىنىپتا 1-لىكنى ساقلاپ كەلدىم.لېكىن 3-يىللىققا كۆچكەندىن كېيىن،بىزنىڭ سىنىپقا ئۈرۈمچىدىن رەنا ئىسىملىك بىر قىز يۆتكىلىپ كېلىپ،مېنىڭ سىنىپتىكى1-لىك ئورنۇمغا تەھدىت بولۇشقا باشلىدى.گەرچە ئۇ ئەدەبىيات بېلەن ماتىماتىكىدا ماڭا يېتەلمىسمۇ ،خەنزۇتىلىدا مەندىن نەچچە ھەسسە ئالدىدا ئېدى،ئۇنىڭ تەلەپپۇزىمۇ مېنىڭكىدىن ياخشى خېتىمۇ مېنىڭكىدىن چىرايلىق ئېدى. رەنا بويى مەن بىلەن كۆپ پەرىقلەنمەيدىغان،يۈزىدە قۇيۇق سەپكۈن بولسىمۇ ،لېكىن ئىنتايىن سۈزۈك كۆرنىدىغان ،گەپ سۆزلىرى تاتلىق قىز بولۇپ ،ئۇ كەلگەندىن كېيىن سىنپىمىزدىكى ماڭا خۇشامەت قىلىدىغانلارنىڭ يېرمىنى دېگۈدەك ئۆزىگە تارتىپ كەتتى،شۇنىڭ بىلەن مەن ئۇنىڭغا بارغانسىرى ئۆچ بولۇشقا باشلىدىم،بۇرۇن مېنىلام ماختايدىغان مۇئەللىملەرمۇ ،رەنانى قوشۇپ ماختايدىغان بولىۋالدى،بۇنى كۆرۈپ ،مېنىڭ تېخمۇ ئوغام قاينايدىغان بولۇپ قالدى.ھەم ھەركۈنى رەنانىڭ بالدۇراق ئۈرۈمچىگە قايتىپ كېتىشىنى تىلەيدىغان بولۇپ قالدىم. رەنا كەلگەندىن كيىن مەن مەكتەپكە كېلىپلا بىرىنجى بولۇپ قىلدىغان ئىش رەنانىڭ كەلگەن كەلمىگەنلىكىگە قاراش بولاتتى.رەنا يوق بولسا باشقا بالىلاردىن ئۇنىڭ كەلگەن كەلمىگەنلىكىنى سۈرۈشتە قىلاتتىم .ئۇنىڭ كېچىكىپ قېلشىنى ياكى كەلمەسلىكىنى شۇنداق ئۈمىد قىلساممۇ ،ئۇ يەنىلا مەندىن بۇرۇن كېلىپ مەيدانغا ياكى ئېشخانىغا چىقىپ كەتكەن بولۇپ چىقاتتى. ھەش -پەش دېگۈچە رەنانىڭ كەلگىنىنگىمۇ بىر ئاي بولاي دىدى.مەنمۇ ھەر كۈنى ئەتىگەن باشقىلاردىن رەنانى سوراشنى داۋام قىلىۋەردىم.بىراق كىم ئويلىغان دەيسىز، مەن ئويلاپمۇ باقمىغان بىر سۆز -چۆچەك سىنىپتا تارقىلىشقا باشلىدى. بىر كۈنى مەن سىنپىمىزدىكى قۇربان ئىسىملىك بىر ساۋاقدىشىم بىلەن ئازراق گەپ تەگىشىپ قالدىم. ئەتىسى سىنىپقا كىرىپ ،شۇنداق بىر قارىۋەتكەندىن كېيىن ،سىنىپتا رەنانىڭ يوقلىقنى بايقىدىم ،ھەم رەنا بىلەن يېقىن ئۆتىدىغان رەيھان ئىسىملىك بىر ساۋاقدىشىمدىن -رەنا تېخى كەلمىدىمۇ دەپ سورىدۇم. مېنىڭ سۆزۈم ئاخىرلاشماستىنلا،  پاراققىدە كۈلۈشكەن ئاۋاز سىنىپنى بىر ئالدى. سىنىپتىكى بالىلارنىڭ ھەممىسى بىر بىرىگەقاراپ، -راسكەن ،ئىرپاننىڭ رەنانى ياخشى كۆرۈپ قالغىنى راسكەن -دېيىشىپ ماڭا مەسخىرە ئارلاش قاراشقا باشلىدى.تۇيۇقسىز دوسكىنىڭ تۈۋىدە،ماڭا -قانداق مەن بىلەن سوقۇشساڭ مۇشۇنداق بولىسەن -دېگەندەك نەزەردە ماڭا قاراپ تۇرغان قۇربانغا كۆزۈم چۈشتى،ھەم غەزەپ بېلەن ئۇنىڭغا ئېتىلدىم.شۇنداق قىلىپ تۇنجى قېتىم مۇئەللىمنىڭ ئىشخانسىغا چىقىپ تەنقىد ئاڭلىدىم. -نېمىشقا ساۋاقدىشىڭ بىلەن ئۇرۇشتۇڭ-دېدى مۇئەللىم ماڭا ئۈمىدسىزلىك نەزىرى بىلەن قاراپ-سەن سىنىپ باشلىقى تۇرۇپ،مۇشۇنداق قىلساڭ باشقىلار قانداق قىلماقچى ئېيتە. مەن ھېچنىمە دېمدىم ھەم دىيەلمەيتىم،دېيىشتىنمۇ خىجىل بولاتتىم . شۇ ئىشتىن كېيىن ،بۇ گەپ -سۆزلەر مەكتەپتە كەڭ تاقىلىشقا باشلىدى،ھەتتا ،ئۆيدىكلەرنىڭ قۇلقىغىمۇ يېتىپ ئۈلگۈردى،شۇنىڭدىن تارتىپ مەن مەيلى ئۆيدە بولسۇن ياكى مەكتەپتە بولسۇن كىم بىلەن سوقۇشۇپ قالسام -رەنا ،رەنا دەيدىغان -بولۋالدى. مەن باشقىلارنىڭ ئاشۇنداق گەپلىرنى ئاڭلىساملا قاتتىق نومۇس قىلاتتىم ھەم غەزىپىم كېلەتتى،بەزىدە ،خىجىل بولغۇنۇمدىن يىغلىۋېتەتتىم. شۇ ۋەقەدىن كېيىن ،مەن رەنانىڭ ئىسمىنى ئاغزىمغىمۇ ئالمايدىغان ،ئۇنىڭغا قاراشتىن ،گەپ قىلىشتىن خجىل بولىدىغان،ئۇ بار يەردىمۇ ئۇزاق تۇرامايدىغان بولۇپ قالدىم. ئارىدىن ئۇزاق ئۆتمەي مېنىڭ ئېسىمدىن چىقىرالمىغۇدەك  يەنە بىر ئىش يۈزبەردى.بىر دۈشەنبە كۈنى چوڭ تازلىقتىن كېيىن،مەن ئۆيگە قايتاي دەپ تۇرشىمغا ئىمىن ئىسىملىك بىر ساۋاقدىشىم قېشىمغا يۈگىرەپ كەلدى-ئىرپان ئىرپان چاتاق بولدى-دېدى ئۇ ھەسىرگىنىچە-قۇربان بىلەن رەنا ئۇرشۇپ قالدى ،قۇربان رەنانى بەك ئۇرۇۋەتتى. -نېمە -دېدىم مەن ،جىددىيلىك بېلەن-ئۇلار ھازىر نەدە. -ئارقامەيداندا-دېدى ئىمىن. نەدىن كەلگەن جاسارەت ئۆزۈممۇ ئىشەنمىدىم،بۇرۇن رەناغا ئۆچلۈك قىلىدىغان مەن رەنانىڭ تاياق يىگەن ھالىتىنى كۆز ئالدىمغا ئەكىلىپ ،ئىچىم بىر خىل سىيرىلىپ كەتتى،ھەم قاتتىق غەزەپلىنىشكە باشلىدىم -دە،بارلىقىم كۈچۈم بىلەن ئارقا مەيدانغا قاراپ يۈگۈردۈم. -ئىرپاننىڭ خوتۇنى ،ئىرپاننىڭ خوتۇنى - قۇربان قاتارلىق بىر نەچچە بالا رەناغا شۇنداق دەپ ۋارقىراپ ھاقارەت قىلىۋاتاتتى،قۇربان رەنانىڭ چېچىغا چىڭ ئېسىلىۋالغان ئىدى.بۇنى كۆرۈپ زادىلا چىداپ تۇرالمىدىم.ئېتىلىپ بارغانچە قۇرباننىڭ ياقىسىغا ئېسىلدىم. -چىدىمىدى،چىدىمىدى ،خوتۇنىغا چىدىمىدى-قۇرباننىڭ ئەتراپىدىكىلەر شۇنداق دەپ چاۋاك چېلىشقىنچە قۇربان ئىككىمىزنىڭ ئەتراپىغا ئولاشتى.قۇربان ئىككىمىز قاتتىق سوقۇشۇپ تاتلىشىپ يۈز كۆزلىرىمىزنى يارا قىلۋەتتۇق.بۇ ئەھۋال يىغىندىن قايىتقان ئوقۇتقۇچىلار كېلىپ،ئايرىغانغا قەدەر داۋاملاشتى. ئوقۇتقۇچىلارنىڭ ئارىسىدا مېنىڭ داداممۇ بار ئىدى. -نېمىش قىلدىڭ-دادام شۇنداق دىگىنىچە نېمە ئىش بولغىنىنىمۇ سورىماستىن ،مېنى بىر نەچچە تەستەك ئۇرىۋەتتى.مەن بۇ ئەلەمگە چىدىماي ئۈنۈمنى قويۋېتىپ  تازا يىغلىدىم. كەچتە ئۆيگە كەلگەندىن كيىن ،ئانام چىرايىمدىكى يارىلارغا قاراپ داڭ قاتقىنىچە تۇرۇپ قالدى. -نېمە ئىش بوپتۇ-ئانام داداغا قاراپ شۇنداق دەپ سورىدى. -نېمە ئىش بولاتتى،خەق بىلەن سوقۇشۇپتۇ ،سېنىڭ نوچى ئوغۇلۇڭ-دېدى دادام ماڭا قاراپ ھومىيىپ-قالغان ئىشنى ئۆزىدىن سورىۋال. -نېمە ئىش بولدى بالام -دېدى ئانام يۈزلىرىمنى سىلىغىنىچە كۆزلىرىگە ياش ئېلىپ-نېمە بولدى يۈزلىرىڭگە. ئانامنىڭ قوللىرى يۈزۈمگە تىگشى بىلەن مەن ئۆزۈمنى تۇتۋالالماي يىغلاپ كەتتىم ،ھەم بولغان ئىشلارنىڭ ھەممىسىنى دەپ بەردىم. -بالام ،قىزلارنى ،ئاجىزلارنى قوغدىغىنىڭ توغرا،لېكىن ،بۇنداق ئۇرۇش جىدەل قىلساڭ توغرا بولمايدۇ،بۇنىڭدىن كېيىن ئاشۇنداق ئىشلار بولسا ،مۇئەللىمىڭنى چاقىرىپ دىگىن ،ھەرگىز ئۇرۇشما بولامدۇ؟-ئانام بولغان ئىشلارنى ئاڭلىغاندىن كېيىن ئاشۇنداق دېدى.مەنمۇ خاتالىقىمنى تونۇپ ماقۇل بولدۇم. ئەتىسى ئەتىگەنلىك مۇزاكىرىدە ،سىنىپ مۇدىرىمىز كىرىپ،بالىلارغا بۇنىڭدىن كېيىن رەنا ئىككىمىزنىڭ ئۈستىدىن سۆز تارقاتماسلىقنى ،يەنە كىم گەپ تارقاتسا شۇنى جازالايدىغانىلىقىنى ئىيتىپ تەربىيە بەردى،ھەم قۇربان ئىككىمىزنى ياراشتۇرۇپ قويدى. شۇنىڭدىن كېيىن ھەممە بالىلار رەنا ئىككىمىزنىڭ ئۈستىدىن گەپ تېپىشقا جۈرئەت قىلالماس بولدى.ئېزىپ-تېزىپ ئاغزىدىن چىقارغانلارغا -مۇئەللىمگە دەيمەن -دېسەكلا تاق توختايدىغان بولدى.مېنىڭ باش ئاغرىقىممۇ شۇنىڭ بېلەن ساقايدى.شۇ ئىشتىن كېيىن، مېنىڭ رەناغا بولغان ئۆچمەنلىكىم يوقىلىشقا باشلىدى،لېكىن ئۇنىڭغا يېقىنلىشىشقا يەنىلا جۈرئەت قىلالماي باشقاساۋاقداشلارغا قارىغاندا بىر ئاز ئارلىق ساقلاپ قالدىم. ئارىدىن بىر يىل ئۆتۈپ كەتتى . بىر كۈنى مەكتەپتىن قايىتقاندىن كېيىن رەنا مېنى چاقىردى ھەم مەكتەپتىن بىللە قايتىشنى ئېيىتتى. -باللا گەپ تاپارمۇ-دېدىم مەن سەل ئىككلىنپ. -ئەمدى گەپ تاپالمايدۇ،يۈرە مۇھىم گىپىم بار-دېدى رەنا كۆڭلى يېرىم بولغاندەك بوش ئاۋازدا. مەنمۇ ماقۇل بولدۇم،ئىككىمىز چوڭ يول بىلەن ماڭماي ئېتىزلىق بىلەن ئارلاپ ماڭدۇق. -مەن ئۈرۈمچىگە كېتىدىغان بولدۇم-دېدى رەنا ئازراق مېڭىپ توختىغاندىن كېيىن-شۇڭا ساڭا دەپ قوياي دەپ بۈگۈن بىللە ماڭدىم. -راسما ؟-دېدىم مەن ئىشەنمىگەندەك رەناغا قاراپ-قاچان ؟ -راس ،ئەتە ماڭىدىكەنمىز،ئانام چوڭ ئانام ئىككىمىزنى ئالغىلى كەلدى. -قاچان يېنىپ كېلىسەن-بىردىنلا مېنىڭمۇ كۆڭلۈم يېرىم بولۇشقا باشلىدى. -بىلمەيمەن،ئانام ئەمدى بۇ يەرگە كەلمەيمىز دەيدۇ. -نېمىشقا ئەمدى. -بۇ يەردە ئۇرۇق تۇققانلىرمىزمۇ يوق ،شۇڭا ئەمدى كەلمەيمىز-دېدى رەنا ھەم سومكىسىدىن ئىنتايىن كىچىك بىر ئويۇنچۇق ماشىنىنى چىقرىپ ،ئالقىنى بىلەن ماڭا ئۇزاتتى-ئالە ،بۇ ساڭا خاتىرە قالسۇن،مېنى ئۇنتۇپ قالماسلىققا ۋەدە بېرەلەمسەن. -ۋەدە قىلاي، سېنى ئۇنۇتمايمەن ،سەن مېنىڭ ئەڭ يېقىن دوستۇم-دېدىم مەن ماشنىنى قولۇمغا ئېلىپ. -مەنمۇ ئامال بولسىلا يەنە كىلىمەن-دېدى رەنا پسڭڭىدە كۈلىۋەتكەندىن كېيىن. -سەنمۇمېنى ئۇنتۇپ قالمىغىن-دېدىم مەن رەناغا چىمچىلىقىمنى بېرىپ-قول بېرشەيلى. ئىككىمىز قول بېرىشتۇق،ھەم ۋادىلىشىپ ئۆيلىرمىزگە قايتىشتۇق. رەنا كەتتى،لېكىن مەن پەقەت خۇشال بولالمىدىم،رەنا ھېلىلا سىنىپقا كىرىپ كېلىدىغاندەك،ئورنىدا ئولتۇرۇپ ،ماڭا كۈلۈمسىرەپ قارايدىغاندەك تۇيۇلۇپ دەرىسمۇ كاللامغا چۈشمەس بولۇپ قالدىم .بۇرۇن ئۇنىڭ كېتىشىنى تىلىگەن بولسام ،ئەمدى كېلىشىنى تىلەيدىغان بولدۇم. ئارىدىن بىر يىل ئۆتكەندىن كېيىن خۇددى تىلىكىم ئەمەلگە ئاشقاندەكلا ،رەنانىڭ كېلىدىغانلىق خەۋرى سىنىپتا تارقالدى. ئارىدىن ئۇزاق ئۆتمەي،بىر كۈنى رەنا مەكتەپتە پەيدا بولدى ،ھەم سىنىپتىكى بالىلارنى ئەتراپىغا ئولاشتۇرۇپ ،ئۈرۈمچىنىڭ قىززىق پاراڭلىرىنى قىلىپ بەردى،چۈشلۈك دەم ئېلىشتا مەيدانغا ئېلىپ چىقىپ ،يېڭى ،يېڭى ئويۇنلارنى ئۈگەتتى. مەن رەنا بېلەن ئادەتتىكىدەك ئەھۋال سوراشتىم،لېكىن ، رەنانىڭ يېنىغا بېرىشقا ،ھەم ئۇنىڭ بىلەن بىللە ئويناشقا جۈرئەت قىلالمىدىم،چۈنكى ،مەن يېڭى كىيىملەرنى كىيىپ،بىزدەك سەھرا بالىلىرىدىن كۆرىنەرلىك پەرىقلىنىپ تۇرغان رەنانىڭ ئۈستىبىشىدىن توپا يېغىپ تۇرغان ،مەندەك بىرىنى ياراتماي قېلىشىدىن ئەنسىرەيتىم،ھەم -ئەتە چوقۇم يېڭى كىيمىمنى كىيىپ ،ئۈستىبېشىمنى تازلاپ كېلىپ ئاندىن رەنا بىلەن ئوينايمەن -دەپ ئويلايتىم. كەچ بولدى ،ھەممە بالىلار بىر -بىرلەپ مەكتەپتىن قايتىشقا باشلىدى. -ئېرپان رەنا سېنى چاقىرۋاتىدۇ-دېدى رەيھان دەرۋازىدىن چىقىپ كېتىۋاتسام ۋاقىرغىنىچە-ساڭا گېپى باكەن. -بۈگۈن ئازراق ئىشىم بار-دېدىم مەن شۇنداق كىرگۈم بولسىمۇ ،ئۈستىبېشىمغا بىر قارىۋەتكەندىن كېيىن-ئۇنىڭغا دەپ قوي ئەتە دىسۇن. مەن شۇنداق دىگنىمچە كىتىپ قالدىم.ئەتىسى ئانام ھېيىتتا ئېلىپ بەرگەن يېڭى كىيمىمنى كىيىپ چاچلىرىمنى يۇيۇپ تاراپ،مەكتەپكە قاراپ ماڭدىم. مەن پاكىز ،چىرايلىق بولۇپ مەكتەپكە كەلدىم لېكىن ،رەنا كەلمىدى،شۇ تەرىقىدە نەچچە كۈنگىچە رەنانىڭ كېلىشىنى ساقلىدىم ،لېكىن ئۇ كەلمىدى ،كېيىن بالىلاردىن رەنانىڭ شۇ كۇنىنىڭ ئەتىسىلا ئۈرۈمچىگە قايتىپ كەتكىنىنى بىلدىم. -رەنانىڭ  كۆڭلى بەك يېرىم بولدى ،سېنى مېنى ئۇنتۇپ قاپتۇ دەپ يىغلىدى تېخى -دېدى رەيھان ماڭا سەت قارىغىنىچە-بەك يۈزسىزكەنسەن ساۋاقداش تۇرۇپ شۇنداقمۇ قىلامسەن. رەنا شۇ كەتكەنچە يۇرتقا قايتا كەلمىدى. رەنا كەتتى ،لېكىن مېنىڭ خۇشلىقىمنى ئۈمىدىمنى ئېلىپ كەتتى،شۇنىڭدىن كېيىن مەن بىر غەمكىن بالىغا ئايلىنىپ قالدىم. ئوقۇرمەن ،بالىلىقتىكى مۇھەببەتنىڭ كۈچىگە سەل قارىماڭ،ئۇ ھېسىيات ئارلاشمىغان ،پۇل بايلىق كۆزلىمگەن ئەڭ ساپ ،ئەڭ ساددا ،ئەڭ پاك مۇھەببەتتۇر. 2 ئىنسان ئۆز تەقدىرىنىڭ كۆرەشچىسىدۇر،ئىنسان تەقدىرى نۇرغۇنلىغان مۇمكىن بولمايدىغانلارنى ۋۇجۇدقا كەلتۈرىدىغان كۆرەش مەيدانىدۇر. شۇنداق قىلىپ رەنا كەتتى،ئۇ كەتكەندىن كېيىن ،مېنىڭ كەيپىياتىمدا تۈپتىن ئۆزگۈرۈش بولدى ،ھېچكىم بىلەن ئارلىشىشنى خالىمايدىغان،ئۆزۈم بىلەن تەڭتۇشلار بىلەن ئوينىمايدىغان بولۇپ قالدىم،لېكىن ئۈگنىشتە تېخىمۇ تىرىشچان بولۇپ كەتتىم،چۈنكى ،مەن رەنانىڭ ھامان بىر كۈنى قايتىپ كېلىدىغانلىقىغا ئىشىنەتتىم.ئۇنىڭ ئۈرۈمچىدە بىزدىن نەچچە ھەسسە ياخشى شارائىتتا ئوقۇغانلىقى ئۈچۈن،دەرىسلەردە مېنىڭ ئالدىمغا ئۆتۈپ كېتىپ،مېنى ياراتماسلىقىدىن ئەنسىرەيتىم. كۈنلەر بىر بىرىنى قوغلاپ ئۆتۈۋەردى،مەن باشلانغۇچنى ياخشى نەتىجە بىلەن پۈتكۈزۈپ تولۇقسىز ئوتتۇرىغا چىقتىم.بۇ جەرياندا مەن ھەر تەتىلدە رەنانىڭ كېلىشىنى تۆت كۆزۈم بىلەن كۈتتۈم ،ساقلىدىم،لېكىن ئۇ پەقەت كەلمىدى.ئۇ ماڭا سوۋغا قىلغان ھېلىقى كىچىك ماشىنا مېنىڭ تۇرمۇشۇمدىكى بىر دىنبىر سىردىشىم ،ھەمراھىم بولۇپ قالدى،مەن ھەر قېتىم ،كۆڭلۈم يېرىم بولغان چاغلاردا ئۇنى قولۇمغا ئېلىپ ،ئۆزۈمگە تەسەللى ئىزدىدىم،رەناغا بولغان سېغنىشىمنى ئاشۇ ماشىنا بىلەن ئورتاقلاشتىم.مەن ئۇ ماشنىنڭ بۇزلۇپ قېلشىنى،بىرەر زەخمىگە ئۇچرىشىنى پەقەت خالىمايتىم ،شۇڭا ئۇنى ھەتتا ئاتا-ئاناممۇ بىلمەيدىغان مەخپىي جايلارغا قويۇپ ساقلايتتىم،پەقەت قىيىنچىلىققا ئۇچرىغان ،كۆڭلۈم يېرىم بولغان چاغلاردىلا قولۇمغا ئېلىپ سىردىشاتتىم. مەن ئۇ چاغلاردا ،مۇھەببەتنىڭ ياخشى كۆرۈشنىڭ قانداق بولدىغانلىقىنى بىلمەيتىم،پەقەت قەلبىمدە رەناغا بولغان بىر سېغنىشنىڭ ،تەشنالىقنىڭ مەۋىج ئۇرۋاتقانلىقىنىلا ھىس قىلاتتىم،ئۇنى چوڭلارنىڭ مۇھەببەت دېگەنلىرىگە ئوخشىتىشتىن خىجىل بولاتتىم ھەم ئوخشاتقۇممۇ كەلمەيتتى. مەن تولۇقسىز ئوتتۇرا مەكتەپنىڭ 2-يىللىقىغا كۆچكەندىن كېيىن،قەلبىمدە ئۆچەيلا دەپ قالغان رەنانىڭ كېلىشىگە بولغان ئۈمىدىمنى قايتا ياندۇرىدىغان بىرئىش يۈز بەردى.يەنى رەنانىڭ دادىسى يۇرتىمىزغا كېلىپ ،يەر سېتىۋېلىپ ،بىر ساياھەت باغچىسى قۇرۇپ چىقتى،ئەسلىدە ،رەنانىڭ دادىسىنىڭ ئۈرۈمچىدە بىر چوڭ شىركىتى بار بولۇپ ،بۇ قېتىم يۇرتىمىزدىكى ئىشسىز ياشلارنى ئىش ئورنى بىلەن تەمىنلەش مەقسىتىدە بۇ باغچىنى قۇرۇپ چىققان ئىكەن ،مەن بۇ گەپلەرنى دادام دەپ بەرگەندىن كېيىن بىلدىم. باغچا پۈتكەندىن كېيىن ،بىز ساۋاقداشلار بىلەن ھەركۈنى دېگۈدەك ئۇ يەرگە ئوينىغلى باردۇق،بۇرۇن ھېچقانداق يەرگە بېرىشقا قىزىقمايدىغان مەن،رەنانىڭ دادىسىنىڭ باغچىسى ئىكەلىكىنى ئۇققاندىن كېيىن،قايسى بالىنىڭ شۇ يەرگە بارامدۇق دېگەنلىكىنى ئاڭلىساملا شۇلارغا قوشۇلۇپ بارىدىغان بولدۇم.چۈنكى ،مەن  ئاشۇ يەرگە بېرىش ئارقىلىق رەناغا بولغان سېغنىشىمنى ئازراق بولسىمۇ پەسەيىتمەكچى بولاتتىم.ھەم رەنانىڭ  چوقۇم بۇ يەرنى كۆرگىلى كېلىدىغانلىقىغا ئىشىنەتتىم،چۈنكى بۇ يەر نېمىلا دىگەن بېلەن ئۇنىڭ دادىسىنىڭدە. مەن ساقلىدىم ،رەنا كەلمىدى، كۈنلەر بىرىنىڭ كەينىدىن بىرى قوغلىشىپ ئۆتۈۋەردى. بىز تولۇقسىز ئوتتۇرا مەكتەپنىڭ 3-يىللىقىغا كۆچكەندىن كېيىن ،سىنىپتا مۇھەببەت قىزغىنلىقى قوزغۇلۇشقا باشلىدى.كىمنىڭ -كىمگە كۆڭلى بولسا خەت يېزىپ،ياكى چاقىرىپ دەپ يۈرۈپ دېگۈدەك سىنىپتىكى ھەممە ئوغۇل قىزلارنىڭ بىردىن لايىقى بولۇپ كەتتى.بىراق مەنلام تەنھا قالدىم. مەنمىغۇ سىنپىمىزدىكى ھەم پاراللىل سىنىپلاردىكى بىرنەچچەقىز ساۋاقدىشىمنىڭ مۇھەببەت خېتىنى تاپشۇرۋالدىم،لېكىن كۆڭلۈم پەقەت رەناغىلا تەۋەدەك .ئۇلارنى پەقەتلا خالىمىدى.مېنىڭ بۇنداق قىلشىم.سىنىپتا ئۈستۈمدىن يەنە بىر قېتىم گەپ تارقىلىشىغا سەۋەب بولدى. -ۋاي ،ئىرپان دېگەن جىڭ ئوغۇلبالا ئەمەسكەن،ئۇ بىر خەنەك ئوخشايدۇ-دېدى سىنپىمىزدىكى ماڭا تۇنجى بولۇپ خەت يازغان روقىيە دىگەن قىز بىركۈنى مەن سىنىپقا كىرىشىمگە ماڭا ئاڭلىتىپ تۇرۇپ، بەش -ئالتە قىز ساۋاقدىشىمنى ئەتراپىغا ئولاشتۇرۋېلىپ. -نېمىشقا ئۇنداق دەيسەن،نىمە بوپتۇ-دىدى ئۇلارنىڭ ئارىسىدىكى بىرى. -ئۇ ھەقىقى ئوغۇلبالا بولسا نېمىشقا لايىقى يوق ئۇنىڭ-دېدى رۇقىيە ماڭا يانتۇ كۆزىدە قاراپ تۇرۇپ-قايسى كۈنى مەن خەت يازسام رەت قىلۋەتكەنتى قاراڭلار،مەن تېخى مېنى ياراتمىغان ئوخشايدۇ دېسەم،بىزنىڭ مەھەللىلىك ئاينۇر دېگەن قىزۋالىمۇ خەت يېزىپتىكەن ئۇنىمۇ رەت قىلىۋېتىپتۇ دېمەيسە،ئۇ دىگەن بەك چىرايلىق قىزۋالا،نۇرغۇن ئوغۇللارنى ياراتماي رەت قىلۋەتكەن تېخى. ئۇنىڭ گېپى تۈگىشىگە قىزلار ماڭا بىرخىل مەنسىتمەسلىك نەزرىدە قاراپ كېتىشتى،بۇ قارشلار مېنىڭ يۈرىگىمنگە ئوق بولۇپ سانجىلىپ ،تېنىمنى قاتتىق تىترىتىۋەتتى،غورۇرۇم ۋېجدانم ئازار يىگەندەك ئىچىم قاتتىق سىقىلىشقا باشلىدىدە، سىنىپتىن ئوقتەك يۈگىرەپ چىقىپ كەتتىم،ئارقا مەيدانغا چىقىپ  ،يانچۇقۇمدىن ھېلىقى ماشنىنى چىقاردىم ھەم ئۆزۈمنى تۇتۇۋالالماي،ئۆكسۈپ يىغلاشقا باشىدىم. يامان گەپ ھەقىقەتەن تېز تارقىلىدىكەن.مېنىڭ ئۈستۈمدىن بولۇنغان بۇ گەپ بىردەمدە سىنىپنىڭ ئىچىگە پۇر كەتتى،ھەم مەن ئەڭ ئۆچلۈك قىلىدىغان ھېلىقى سەت گەپ ماڭا لەقەم بولۇپ سىڭىپ قېلىشقا باشلىدى. -ئاداش،نىمانداق يۈزىنى تۆكىسە بىزنىڭ  مەھەللىنىڭ باللىرنىڭ،زادى نىمە ئويلايدىغانسە سەن،بىرە قىز بالا بىلەن ياخشى كۆرمىسەڭمۇ ئاتقا بولسىمۇ ئارلاشساڭ بولمامدۇ دەيمەن-دېدى بىر كۈنى مەن بىلەن بىر مەھەللىلىك ساۋۇت دېگەن ساۋاقدىشىم ماڭا كايىپ. -سەن مېنى چۈشەنمەيسە ئاداش- دېدىم مەن كۆڭلۈم بەكلا يېرىم  ھالدا. -نېمىنى چۇشەمەيمەن،زادى نېمىنى ،كۆڭلەڭدە بىرەسى بولسا دىيەلمەيۋاتامسەن يا-دېدى ساۋۇت تىڭىرقىغاندەك قىلىپ. -كۆڭلىمدە بىرسى بارلىقى راس-دىدىم مەن خىجىل بولۇپ، بۇ مېنىڭ تۇنجى قېتىم رەناغا بولغان ياخشى كۆرۈشىمنى ئۆز تىلىم بىلەن قەلبىمنىڭ سىرتىغا چىقىرىشىم ئىدى. -ئۇنداق بولسا ،ئۇنىڭغا دىسەڭ بولمامدۇ؟ -دېيەلمەيمەن.سەن دېيەلمىسەڭ ،مەن دەپپىرەيما ئەمىسە-دېدى ساۋۇت كۈلۈپ تۇرۇپ. -سەنمۇ دىيەلمەيسەن-دېدىم مەن ئىچىمگە تىنىپ. -نېمىشقا دېيەلمەيمەن ،ئۇ زادى كىمۇ-دېدى ساۋۇت قاتتىق ئەجەبلىنىپ. -دېسەم بولمايدۇ. مەن شۇ كۈنى رەنانىڭ ئىسمىنى ئاغزىمدىن چىقىرىشقا جۈرئەت قىلالمىدىم.لېكىن،ئۆزۈمنىڭ رەنانى ياخشى كۆرىدىغانلىقىمنى تۇنجى قېتىم ئېىتىراپ قىلدىم. ئارىدىن ئۇزاق ئۆتمەي مەكتىپىمىزدىكى مۇھەببەت قىزغىنلىقىدىن مەكتەپ مۇدىرى ھەم ئوقۇتقۇچىلارمۇ خەۋەر تاپتى،ھەم سىنىپ مۇدىرلىرىنى بۇ ئىشنى قاتتىق توساش توغرۇلۇق بىر قاتار ئورۇنلاشتۇرۇشلارنى  ئېلىپ باردى. ئوقۇتقۇچىللىرىمىزمۇ،ئوغۇللار بىلەن قىزلارنى ئايرىپ يىغىن ئېچىپ ،خېلى قاتتىق گەپلەر بېلەن تەربىيە ئىشلىدى ،شۇنىڭ بېلەن بىر مەھەل قىزغىنلىشىپ كەتكەن مۇھەببەتلەر بارا -بارا سۇسلىشىپ ئايرىلپ ئاخىرلاشتى ،ياكى قەتئىي مەخپىيلىشىشكە باشلىدى.مېنىڭ ئۈستۈمگە توقۇلغان لەقەم ھەم گەپ-سۆزلەرمۇ شۇنىڭ بىلەن ئۇنتۇلۇشقا باشلىدى. ئېنسان ئۆز كەلگۈسى ئۈستىدىن ھەرخىل ئارزۇ-ئارمانلارنى قىلىدىكەن،نۇرغۇن شېرىن ھىسلارنى سۈرۈپ يەنە نۇرغۇن ئىشلارنى قىلىشنى ئويلايدىكەن،لېكىن رېئاللىق ئۇلارنىڭ ئەمەلگە ئېشىشىغا يول قويمايدىكەن.بىز تەقدىرىمىز ئۈستىدىن غالىب كېلىش ئۈچۈن كۆرەش قىلىدىكەنمىز ئەمما،غەلىبە قىلالايدىغانلىرىمىز بەك ئاز،ئىنتايىن ئاز بولىدىكەن،نۇرغۇنلىرىمىز ھالسىزلىنىپ يىقىلىدىكەنمىز ياكى،تەقدىرىمىزگە باش ئىگىشكە مەجبۇر بولىدىكەنمىز. مەن تولۇقسىز ئوتتۇرا مەكتەپنى پۈتتۈرگەندىن كېيىن ،ئېنتايىن ئېچىنىشلىق تەقدىرنى بېشىمدىن ئۈتكۈزدۈم.مېنىڭ يۇقىرى ئۆرلەپ ئوقۇش ،ئىچكىرى ئۆلكىلەردىكى داڭلىق ئۇنۋېرسىتىلاردا ئوقۇپ،ياراملىق ئىختىساس ئېگىسى بولۇش ئارزۇيۇم كۈپۈككە ئايلاندى. ئاكام ئىككىمىزنڭ يېشى كۆپ پەرىق ئەتمىگەنلىكى،ھەم پەقەت بىر سىنىپلا ئالدى كەينى بولۇپ ئوقۇغانلىقىمىز ئۈچۈن،ئىككىمىزنىڭ بىرىمىزنىڭ ئوقۇپ بىرىمىزنىڭ ئوقۇشتىن ۋاز كېچىشىمىزگە توغرا كەلدى.چۈنكى ،بىزنىڭ ئائىلىنىڭ ھەر ئىككىمىزنى ئوقۇتۇشقا قۇربىي يەتمەيتتى،بىر ئائىلە كىشىللىرى،دادامنىڭ 5 يۈز نەچچە يۇەن مۇئاشىغا تاينىپ جان باقاتتۇق،ئالىي مەكتەپتە ئوقۇش ھەققىمۇ يۇقىرى،تولۇق ئوتتۇرا ھەم تولۇقسىز ئوتتۇرا مەكتەپلەردىمۇ ئوقۇش ھەققى ئېلىناتتى ،مېنىڭ كەينىمدە يەنە ئوقۇشى كېرەك بولغان بىر ئوغۇل بىر قىز ئۇكام بار ئىدى. يۇقارقىدەك سەۋەبلەر تۈپەيلى ھەم ئۇنىڭ ئۈستىگە ئاكام تولۇق ئوتتۇرىغا چىقىپ بولغان بولغاچقا،ئاتا-ئانام مېنى مەجبۇرلاپ، يۇقىرى ئۆرلەپ ئوقۇش ئىمتاھانى بېرىشىمگە يول قويمىدى.يىغلىدىم قاخشىدىم ،يەنىلا ئامال بولمىدى،شۇنىڭ بىلەن يېڭىدىن ئېچىلغان ئىچكىرى تولۇق سىنىپقا ئىمتاھان بېرىش ئارزۇيۇم كۆپۈككە ئايلاندى. بىر نەرسىنى سەندىن ئېلۋالغان رەببىڭ ساڭا يەنە بىر نەرسىنى بىرىدۇ دېگەندەك،مېنىڭ ئوقۇش ئارزۇيۇم يوق بولدى،لېكىن مەن ئۇنىڭ بەدىلىگە يەنە بىر بەخىتكە ئېرىشىشكە مۇيەسسەر بولدۇم. مەن ئىمتاھان بېرىشتىن چېكىنگەندىن كېيىن،ئوقۇتقۇچىللىرىم ھەم مەكتەپ رەھبەرلىكى ئۆيىمىزگىچە كىلىپ ،ئاتا-ئانامغا كۆپ قېتىم تەربىيە ئىشلىدى،دادامنىڭ ئوقۇتقۇچى تۇرۇپ،مەندەك دەرىستە ياخشى ئوقۇغىچىنى ئوقۇتمىسا كېيىن چوقۇم پۇشايمان قىلىدىغانلىقىنى،بۇنىڭغا مەكتەپنىڭۇ يول قويمايدىغانلىقىنى ئېيتتى،بۇنى ئاڭلاپ ئاتا-ئاناممۇ سەل ئەنسىرەپ قالدى. بۇ مەزگىلدە كۈتۈلمىگەن بىر ئىش يۈز بەردى،رەنانىڭ دادىسى يۇرتىمىزدىن ماڭا ئوخشاش تولۇقسىزنى پۈتتۈرۇپ،يۇقىرى ئۆرلەپ ئوقۇيالمىغان ياش باللارنى تەشكىللەپ ئۈرۈمچىدىكى زاۋۇتىغا قۇبۇل قىلىۋاتقانلىقى توغرىسىكى خەۋەر ئاتا-ئانامنىڭ قۇلقىغا يىتىپ كەلدى،ھەم مېنىمۇ شۇ سەپكە قوشۇپ قويماقچى بولدى.مېنىڭ ئوتتەك ئوقۇش قىزغىنلىقىم بولسىمۇ،ئاتا-ئانامنى ئائىلىمىزنى كۆزدە تۇتۇپ،ئاخىرى قوشۇلۇشقا مەجبۇر بولدۇم. شۇنىڭ بىلەن يۇرتىمىزدىن يىغىلغان 10 نەچچە بالا پويىز بىلەن ئۈرۈمچىگە قاراپ ماڭدۇق،كۆڭلۈمنىڭ بىر يەلىرى يېرىم بولسا،بىر يەرلىرىدە بىر خۇشاللىق بار ئىدى.چۈنكى ئۈرۈمچىدە رەنا بار ئەمەسمۇ؟ ئۈرۈمچىگە كەلگەندىن كېيىن بۇ شەھەرنىڭ ھەقىقەتەن چوڭ ئىكەنلىكىنى ،بۇ يەردە ھەممە ئىشنىڭ باشقىچە ئىكەنلىكىنى،بۇيەردىكى نەرسلەرلا بىزنىڭ يۇرتىمىزدىكى بىلەن پەرىقلىنىپ قالماي،ئادەملەرنىڭمۇ ئوخشىمايدىغانلىقىنى،مېھرى -مۇھەببەت،خۇسىسىيەت قاتارلىقلارنىڭ تۈپتىن پەرىقلىق ئىكەنلىكىنى چوڭقۇر چۈشنىپ يەتتىم. رەناغا ئوخشاش بۇرۇن كۆچۈپ چىقىپ ئولتۇراقلاشقان .ئۈرۈمچىلىكلەرنىڭ بىزدەك يېڭى كەلگەنلەرنى ئالتە شەھەرلىك دەپ كەمسىتىدىغانلىقىنى ،قوشنىلار ئارا ئالاقىنىڭ كەمچىللىكىنى،پۇل ئۈستىگە قۇرىلىدىغان مۇناسىۋەتنىڭ كۆپلىكىنى،بۇ يەردە پۇلسىز ياشاشنىڭ مۇمكىن بولمايدىغانلىقىنى چوڭقۇر چۇشنىپ يەتتىم.بايلارنىڭ نامراتلارنى كەمسىتىدىغانلىقىنى ،ئۇلار بىلەن ئالاقە قىلىشتىن نومۇس قىىلدىغانلىقىنى بىلدىم. تۇنجى قېتىم زامانىۋى ئىنسانىيەت جەمىئىيتىدىمۇ يۇقىرى تۆۋەنلىك پەرقىنىڭ ئىنتايىن كۈچلۈك بولىدىغانلىقىنى تونۇپ يەتتىم. يۇقارقىدەك يۇقۇرى تۆۋەنلىك قۇرۇلمىسىنىڭ،سەۋەبىدىن،مېنىڭ رەنانى ئىزدەپ بېرىش،ھەم ئۇنىڭ بىلەن كۆرۈشۈش خىياللىرىم، سۇسلىشىشقا باشلىدى. -نۇرغۇن يىللار ئۆتۈپ كەتكەن تۇرسا، ئۇنىڭ ئۈستىگە رەنانىڭ دادىسى ئىتايىن باي تۇرسا،رەنا ئۈرۈمچىلىك مەن سەھرالىق تۇرسام ئۇ مېنى ئاللاقاچان ئۇنتۇپ كەتكەندۇ ،ئۇنۇتمىغان تەقدىردىمۇ،مەندەك ئۈستى بېشى قالايمىقان بىر سەھرالىقنى كۆزگە ئىلامدۇ-،دېگەندەك خېياللار كاللامنى چىرمىۋېلىپ ئىشەنچىمنى يوقۇتۇشقا باشلىدى. ھاياتلىق نۇرغۇنلىغان كۈتۈلمىگەنلىكلەرگە تويۇنغان،بەزىدە سىز بولمايدۇ دىگەن نۇرغۇن ئىشلار بولۇپ قالىدۇ،بولىدۇ دەپ ئويلىغان نۇرغۇن ئىشلار بولماي قالىدۇ. ھەش پەش دىگۈچە ئۈرۈمچىگە كەلگىنىمگىمۇ ئىككى ئاي بولاي دەپ قالدى،بۇ جەرياندا مەن زاۋۇتتا تىرىشىپ ئىشلىدىم،ئىشتا چېۋەرلىكىم،ھەم باشقىلاردىن پەرىقلىق بولغان ئەقلىي قابىلىيتىم باشلىقلىرىمنىڭ دىققىتىنى تارتىپ ،سېتىش بۆلىمىگە ،يەنى دۇكانغا يۆتكىلىپ چىقىپ،مال سېتىش ،ھېساۋات قاتارلىقلارغا ياردەملەشتىم. توۋا دەيمەن ،شۇ كۈنلەرنىڭ بىرىدە،ئۆزۈم ئويلاپمۇ باقمىغان خىيالىمغىمۇ ئەكىلىپ باقمىغان بىر ھاياجانلىق ئىش يۈزبەردى. بىركۈنى دۇكاندا ئامباردىن يېڭى چىققان ماللارنى رەتلەۋاتسام كەينىمدىن؛ -ئۇستام،ئاكام قەيەرگە كەتتى-دېگەن ئېنتايىن تونۇش بىر ئاۋاز ئاڭلاندى. ئاھ خۇدا راستىنلا شۇمىدۇ،ئاۋاز ئۆزگەرگەن بىلەن،يېنىكلىكى يۇمشاقلىقى ،تەلەپپۇزى پەقەت ئۆزگەرمىگەن ئىدى،ئۇنىڭ ئۈستىگە ئاكام دېگىنى ،بىزنىڭ خوجايىنىمىز يەنى رەنانىڭ تاغىسى بولاتتى. كەينىمگە ئۆرۈلۈشكە جۈرئەت قىلالمىدىم.بۇ ئەپتىم بىلەن ئۇنىڭغا قانداق قارايمەن،ئۇ ئەمەس بولسىغۇ تەلىيىم ،ئەگەر راسىتتىنلا شۇ بولۇپ قالسا قانداق قىلىمەن،ئۇنىڭ ئۈستىگە ئۇ مېنى ئۇستام دىدى.مەن ئۇنىڭ كۆزىگە شۇنچە چوڭ كۆرۈنگەن تۇرسام. -سىزدىن سوراۋاتىمەن،ئاكامنى كۆرمىدىڭىزمۇ؟ ئۇ يەنە بىر قېتىم سورىدى ،كەينىمگە ئۆرۈلۈشكە مەجبۇر بولدۇم. مەن ئۆرۈلدۈم،كۆزلۈرۈمگە ئىشەنمەي داڭ قېتىپ تۇرۇپلا قالدىم.-رەنا؛ ئالدىمدا ،مېنىڭ قەلبىمدىكى سىيما يەنى رەنا تۇراتتى،ئۇنىڭ بويلىرى ئىگىزلىگەن ،رەڭگى تېخىمۇ سۈزۈلگەن  بولسىمۇ يۈزلىرىدىكى قويۇق سەپكۈن تېخىچە يوقىمىغان ئىدى.خۇددى بالا ۋاقىتلىرىدەكلا ئوماق ھەم تاتلىق كۆزلىرى چاقناپ تۇراتتى. رەناغا يەنە قاراپ تۇرغۇدەك گەپ قىلغۇدەك مادارىم قالمىدى شۇتاپتا پۇتلىرىم بوشىشىپ،ھېلىلا يىقىلىپ كېتىدىغاندەك غال- غال تىترىمەكتە ئىدىم. -ئېرپان،بۇ راستىنلا سەنمۇ يا-دېدى رەنا كۆزلىرىگە ئىشەنمىگەندەك قىلىپ،ماڭا قاراپ ھەيرانلىقتىن بىردەم تۇرۇۋەتكەندىن كيىن. مەن خىجىل بولغىنىمدىن يەرگە قارىۋالدىم،شۇ تاپتا يۈزلىرىم ئوت ئالغاندەك قىززىپ كېتىۋاتاتتى.-ھەئە . مەن بىر تەرەپتىن خىجىل بولسام ،يەنە بىر تەرەپتىن،رەنانىڭ مېنى تونۇۋالالىغانلىقىدىن، ئۇنتۇپ قالمىغانلىقىدىن ئىچ-ئىچىمدىن خۇشال بولماقتا ئىدىم. -مۇتەللىپكام ھازىر كىرىمەن دەپ چىقىپ كەتكەن،ئولتۇرۇپ بىردەم ساقلاپ تۇرامسىز-دېدى،ئادىل ئىسىملىك مەندىن 2ياش ئىپچۆرىىسىدە چوڭ كېلىدىغان بىر ئىشدېشىم رەنا ئىككىمىزنىڭ ئارىمىزدىكى سۈكۈتنى بۇزۇپ-ئىككىڭلا تونۇشامسىلەر. -ئەلۋەتتە،ئىرپان دىگەن مېنىڭ باشلانغۇچتىكى ساۋاقدىشىم -دېدى رەنا دۇكاننىڭ ئوتتۇرىغا قويۇلغان ئورۇنداققا كىلىپ ئولتۇرغاچ-سەنمۇ بۇياققا كېلىپ ئولتۇرە ئېرپان. مەن رەنانىڭ تەكلىپ قىلىشى بېلەن ئۇنىڭ يېنىغا كىلىپ ئولتۇردۇم. شۇ كۈنى رەنا ئىككمىز بولۇپ ئۆتكەن ئىشلارنى دېيىشىپ خېلى ئۇزاق پاراڭلاشتۇق.رەنا بۇ يىل ئۆزىنىڭ تولۇق ئوتتۇرا مەكتەپتە ئوقۇۋاتقانلىقىنى،ھېلىقى قېتىم بېرىپ كەلگەپ پېتى يۇرتقا قايتا بارالمىغانلىقىنى،مېنىڭ شۇ قېتىم كۆرۈشكىلى كىرمىگەنلىكىمدىن كۆڭلىنىڭ ئىنتايىن يېرىم بولغانلىقىنى،ئۆزىنىڭمۇ مېنى ئۇنتۇپ قالمىغانلىقىنى،ئەسلەپ تۇرغانلىقىنى،يۇرتقا بېرىشىغا ئاتا-ئانىسىنىڭ قوشۇلمىغانلىقىنى ئېيتىپ بەردى. مەنمۇ ئۇنىڭغا بولغان سېغىنىشلىرىمنى بىرمۇ بىر بايان قىلدىم. -بۇ ھازىرمۇ ئىسىڭدە بارمۇ-دېدىم مەن ھېلىقى كىچىك ماشنىنى قولۇمغا ئېلىپ. ئەلۋەتتە، رەھمەت ساڭا-رەنا ماشنىنى كۆرۈپ قولىغا ئېلىپ كۆزلىرىگە ياش ئالدى-تېخىچە يىپيېڭى تۇرۇپتۇ. ئۇ كۈنى تەلىيمىزگە مۇتەللىپكاممۇ كىرمىدى ،رەنا مەن  بېلەن ئۆتكەن ئىشلار توغرۇلۇق تازا مۇڭداشقاندىن كېيىن ،ئاندىن قايتىپ كەتتى. كۆڭلۈم شۇ قەدەر يىنىك شۇ قەدەر ئازادە،مەن ھېچقاچان ئۆزۈمنى بۇنداق يىنىك ھىس قىلىپ باقمىغان ئىدىم،بولغان ئىشلارنىڭ چۈشۈم ياكى ئوڭۇم ئىكەنلىكىگە ئىشەنگۈم كەلمەي يۈزلىرىمنى چىمدىپ باقاتتىم.دۇنيادا مەندىنمۇ بەخىتلىك ئىنسان بارمىدۇ- دەپ ئۆز-ئۆزۈمگە پىچىرلايتتىم.مۇرادىمغا يەتكۈزگەن ياراتقۇچىغا مىڭ شۈكۈرلەر ئوقۇيتتىم. بەزىلەر ماڭا جەمىئىيەتتىكى ،يۇقىرى تۆۋەنلىكنى ھىس قىلدۇرغان بولسا ،رەنا  ماڭا ھەقىقى مۇھەببەتنىڭ ھوقۇق چىگرىسى بولمايدىغانلىقىنى ھىس قىلدۇردى. شۇنىڭدىن كېيىن رەنا داۋاملىق مېنى ئىزدەپ كېلىدىغان بولدى.مەن بىر تېلفون سېتىۋلدىم (رەنانىڭ بۇرۇنلابارئىكەنتۇق.)ھەمدە،نەگە بارسام نىمىش قىلسام ئۇنىڭغا ئۇچۇر يېزىپ تىلفون قىلىپ دەيدىغان،ھەركۈنى مەكتىپىنىڭ ئالدىدا ئۇنى ساقلاپ تۇرۇپ بىللە ئۆيىگە ئاپىرىپ قويىدىغان بولدۇم.ئىشقىلىپ ئىككىمىز بىر بىرىمىزگە شۇنداق ئامىراق بولۇپ كەتتۇقكى،كۆرۈشكەندە زادىلا ئايرىلغۇمىز كەلمەيدىغان،كۆرۈشكەنسىرى كۆرۈشكىمىز كىلىدىغان بولۇپ كەتتۇق. ھاياتلىقتىكى بەخىتكە ئېرىشمەك شۇ قەدەر تەس ئىكەنكى،ھەر بىر قەدەمدە ھەرخىل توسالغۇلار تەييار تۇردىكەن،ھەرقانداق بىر خۇشاللىقنىڭ كەينىدە بىر قايغۇ يوشۇرۇنغان بولىدىكەن. خۇددى كۆز تەگكەندەكلا رەنا ئىككىمىزنىڭ خۇشال چاغلىرىمىز ئۇزاققا بارمىدى،ئۇنىڭ ئاتا-ئانىسى ئىككىمىزنىڭ بەك يېقىن ئۆتىۋاتقانلىقىمىزدىن خەۋەر تېپىپ پەقەتلا كۆزىگە سىغمىىدى. -سەن زادى كىمۇ ،كىمنىڭ بالىسىسەن،ئېتىزلىقتىن ئەكىلىپ،ياخشى كۈن كۆرسۇن ،ياخشى ياشىسۇن دەپ بېشىڭنى سىلىسام،سەن مېنىڭ قىزىمغا كۆز تاشلىغۇدەك بولدۇڭما تېخى-دېدى بىر كۈنى رەنانىڭ دادىسى مېنى ئالدىغا چاقىرتىپ-ئەسلىڭنى ئۇنتۇپ قالما،سېنى ئەكەلگەن ئىكەنمەن يەن كەلگەن يېرىڭگە ئاپىرىۋېتەلەيمەن. ئۇنىڭ گەپ سۆزلىرى يۈرىكىمگە نەشتەر بولۇپ سانجىلىپ،يەنە بىر قىتىم ئۆز ئورنۇمنى ئېسىمگە سالدى. رەنانىڭ ئاتا-ئانىسى بۇ ئىشلارنى دادام بىلەن ئانامغىمۇ دەپ،ماڭا نەسىھەت قىلىشنى بولمىسا مېنى قايتۇرىۋېتىدىغانلىقىنى ئېيتىپ خاپا بوپتۇ،بۇنى مەن ئانام ماڭا تىلفون قىلىپ؛ بالام ،بەش قول تەڭ ئەمەس،بىز ئۇلار بىلەن تەڭ بولالمايمىز،سەن تېخى كىچىك ،ئەڭ ياخشىسى ئۇ قىزدىن نېرىراق تۇرغىن،ئېشىكى يوق موللامنىڭ قۇلىقى تىنىچ دەپتىكەن،كېيىن يۇرتتىن كىمنىڭ قىزىنى دىسەڭ شۇنى ئەپبېرىمەن،ئۇنىڭدىن ۋاز كەچكىن-دەپ بىرمۇنچە نەسىھەت قىلغاندىن كېيىن ئاندىن بىلدىم. شۇنىڭدىن كېيىن رەنا ئىككىمىزنىڭ ئۇچراشمىقىمىز بەك تەسكە توختايدىغان بولۇپ قالدى.رەنانى مەكتەپكە دادىسى ياكى ئاكىسى ماشىنا بىلەن ئاپىرىپ ئەكىلىدىغان بولدى،رەنانىڭ تىلفونىنىمۇ ئېلىۋالدى.لېكىن بىز يەنىلا بىر بىرىمىزدىن ۋاز كەچمىدۇق.رەنا پۇرسەت تاپسىلا ،ئاممىۋى تىلفونلاردىن ،ئۆيىدە ئادەم يوق چاغلاردا ئۆيىنىڭ تېلىفونىدىن تېلىفون قىلىپ تۇردى.ھەپتىدە بىر ئىككى قېتىم،دىيشىۋېلىپ ئوغۇرلۇقچە كۆرشۈپ تۇردۇق. گەرچە كۆرىشىدىغان ۋاقتىمىز ئىنتايىن قىسقا بولسىمۇ ،ئۇنى خالىغان چاغدا كۆرەلمىسەممۇ ،مەن يەنىلا ئۆزۈمنى بەخىتلىك ھېسابلايتتىم.چۈنكى رەنانىڭ قەلبىدە مەن بار ،مېنىڭ قەلبىمدە رەنار بار،ئىككىمىزنىڭ ئارلىقىمىز يىراق بولسىمۇ قەلبىمىز يەنىلا تۇتاش. ھايات بىر مۈشكۈر سەپەردۇر،ئۇنىڭدا سەن ئويلاپمۇ باقمىغان جاپا -مۇشەققەتلەر،ئېگىز تاغ داۋانلار ،قار شىۋىرغانلار سېنى كۈتۈپ تۇرىدۇ. بالا -قازا كۆرۈنۈپ كەلمەس ،پۇت قولىنى ساڭگىلىتىپ ،دېگەندەك، مەن ئۈرۈمچىگە كەلگىنى 2 يىل بولاي دىگەن چاغدا مەن ئۈچۈن يېڭىش ئىنتايىن قىيىن بولغان بىر مۇشكىلات ،يەنى بىر تاللاشقا دۇچ كەلدىم. بىر كۈنى رەنا ماڭا تىلفون قىلىپ-كەچتە كۆرۈشەيلى دەيدىغان مۇھىم گەپ بار- دىدى. ئۇنىڭ ئاۋازىدىن بىرخىل ئەنسىزلىك ،غەمكىنلىك چىقىپ تۇراتتى. مەن ماقۇل بولغاندىن كېيىن كۆرىشىدىغان ئورۇننى دىيشىپ تېلفوننى قويۇۋەتتىم ،لېكىن پەقەت خاتىرجەم بولالالمىدىم،ھەرقېتىم رەنا بىلەن كۆرۈشۈشنىڭ ئالدىدىكىدەك خۇشال بولالمىدىم.بىرخىل ئەنسىزلىك قەلبىمنى چىرمىۋالىپ بالدۇرراق كەچ بولشىنى ساقلىدىم. -بىز ئەمدى كۆرۈشەلمەيدىغان ئوخشايمىز ئىرپان-دېدى رەنا مېنى كۆرۈپلا ئېسەدەپ يىغلىغىنىچە. نېمىشقا،زادى نېمە ئىش بولدى ماڭائېيىتساڭچۇ-مەن رەنانىڭ قوللىرىغا ئىسىلدىم. -ئۇلار مېنىڭ تويۇمنى قىلماقچى- رەنا ئەمدى ئۆزىنى تۇتۇۋالالماي ھۆڭرەپ يىغلىۋەتتى-ئەمدى مېنى مەكتەپكىمۇ ئەۋەتمەيدىكەن. -كىم بىلەن ،نىمە دەيدىغانسەن رەنا-مەن رەنانىڭ سۆزلىرىنىڭ يالغان بولشىنى ئۈمىد قىلاتتىم .لېكىن،ئۇنىڭ بۇ ھالىتىگە قاراپ ئۇنىڭ گەپلىرىنىڭ راسلىقىنى جەزىملەشتۈرمەي تۇرالمايتتىم. رەنا ماڭا،ئۆزىنىڭ تۈركىيەدە بىر تاغىسى باارلىقىنى ،ئۇنىڭ رەنادىن 10 ياشتىنمۇ چوڭ بىر ئوغلى بارلىقىنى ،ئۇلارنىڭ بۇ قېتىم بۇ يەرگە كېلىپ رەنانىڭ ئاتا-ئانىسى بىلەن،رەنا بىلەن نەۋرا ئاكىسىنىڭ تويىنى قىلىپ قويۇش توغرىلىق مەسلىھەتلشكەنلىكى،رەنانىڭ ئاتا-ئانىسىنىڭمۇ قوشۇلغانلىقىنى،پات يېقىندا ئۇلارنىڭ تويىنى قىلىپ،رەنانى ئېلىپ تۈركىيەگە چىقىپ كېتىدىغانلىقىنى يىغلاپ تۇرۇپ سۆزلەپ بەردى. -مېنى ئېلىپ كەتكىن ئىرپان بىز يىراقلارغا كېتەيلى ئۇلار تااپالمايدىغان يەرلەرگە كېتەيلى-رەنا شۇنداق دىگىنىچە مېنىڭ باغرىمغا ئۆزىنى ئاتتى،بۇ ئۇنىڭ تۇنجى قېتىم مېنى قۇچاقلىشى ئېدى.مەن ئۇنىڭ چاچلىرىنى سىلىدىم،شۇتاپتا نېمە دېيىشنى ،نېمە قىلىشنى پەقەتلا بىلەلمەيتتىم،قەلبىم قاتتىق ئىزلىۋاتاتىتى ،رەناغا قوشۇلۇپ كۆزلىرىمدىن ئىسسىق ياشلار سىرغىپ چۈشمەكتە ئىدى. -مەن ئوبدانراق ئويلۇنۇپ باقاي رەنا-دېدىم مەن بىز بىر ھازا يىغا زارە قىلىشقاندىن كېيىن رەناغا قاراپ-ئۆيدىكلەرگە مەسلىھەت سېلىپ باقاي بولمىسا بىزنىڭ ئۆيدىكلەر  كېلىپ، سېلەرنىڭ ئۆيگە كىرىپ باقسۇن،ئاتا-ئاناڭمۇ سېنى ئۇنچىۋالا يىراق يەرگە ئەۋەتىۋېتىشكە باغرى چىدىماس. -سەن دادامنىڭ مىجەزىنى بىلمەيسەن،دادام دىگەن گىپىدىن ھەرگىز يانمايدۇ ئىرپان-دېدى رەنا مىشىلدىغىنىچە-ئەڭ ياخشىسى بىز بۇ يەردىن كېتەيلى ،ھېچكىم تاپالمايدىغان يىراق جايلارغا كېتەيلى. -بىراق،........ مەن گىپىمنىڭ ئاخىرىنى يۈتىۋەتتىم. -ماقۇل دېسەڭچۇ-رەنا ماڭا ئېسىلدى. -ماقۇل،مەن ئەتىگىچە ئوبدانراق ئويلۇنۇپ باقاي سەنمۇ تەييارلىق قىلغاچ تۇرغىن. رەنا كەتتى،مەن تۇرغان جايىمدىلا بېشىمنى چاڭگاللىغىنىمچە ئولتۇرۇپ قالدىم. زادى قانداق قىلىشىم كېرەك،رەنانىڭ دېگەنلىرى توغرا،ئۇنىڭ دادىسى،مەندەك بىرىگە ھەرگىزمۇ قىزىنى تۇتقۇزۇپ قويمايدۇ،مەن شۇلارنى ئويلىغاندىن كېيىن ،رەنانىڭ دادىسىنىڭ ھېلىقى قورقۇنۇچلۇق ھالىتىنى كۆز ئالدىمغا كەلتۈردۈم.ھەم ئۇنىڭغا ئېيتىش نىيتىمدىن يالتايدىم. -قېچىش كېرەك توغرا قېچش كېرەك،دېدىم مەن ئۆز-ئۆزۈمگە،بىراق،كۆز ئالدىمغا مېھرىبان ئاتا-ئانامنى كەلتۈردۈم،مەن قاچسام ئۇلار قانداق قىلىدۇ،رەنانىڭ ئاتا-ئانىسى ئۇلارنى بوش قويىۋېتەرمۇ؟مېنى مىڭ بىر جاپادا بېقىپ چوڭ قىلسا مەن ئۇلارغا بۇنداق قىلسام قانداق بولىدۇ،ئۇلارنىڭ زادى نېمە گۇناھى بار؟شۇلارنى ئويلىغاندىن كېيىن ،بۇ نىيتىمدىن يالتايدىم،ئارقىدىنلا،رەنانىڭ باشقا بىرى بىلەن توي قىلغاندىكى مىسكىن قىياپىتى كۆز ئالدىمدا پەيدا بولدى،رەنانىڭ قوللىىرىنى باشقا بىرى تۇتسا،مەن ئەمەس،باشقا بىرى ئۇنىڭ ھەمرايى بولسا،مەن بۇنىڭغا قانداق چىدايمەن،بۇ ماڭا ئۆلۈم بىلەن باراۋەر ئەمەسمۇ،ئۇنىڭدىن ئۆلگىنىم ياخشى ئەمەسمۇ؟بىردىنلا كۆز ئالدىم قاراڭغۇلاشتى رەناسىز بۇ ھاياتنىڭ قانداق بولىشىنى تەسەۋۋۇر قىلالمىدىم.زادى قانداق قىلىشىم كېرەك؟نىرۋېللىرىم قاتتىق چىڭقالدى،بېشىم ئېتىلىپكەتكۈدەك ئاغرىشقا باشلىدى.قانداقلا بولمىسۇن ئۆيدىكلەرگە بىر مەسلىھەت سېلىپ بېقىشىم كېرەك.شۇ مەقسەتتە ئۆيگە تىلفون قىلدىم. تىلفوننى ئانام ئالدى ،ئانامنىڭ ئاۋازىنى ئاڭلاپ ئۆزۈمنى زادىلا تۇتۇۋالالمىدىم. -جېنىم بالام ،نېمە بولدۇڭ،سېنى بىرەرسى بوزەك قىلغان ئوخشىمامدۇ بىرەرسى بىلەن ئۇرشۇپ قالدىڭمۇ يە-ئانام مېنىڭ يىغا ئارلاش ئاۋازىمنى ئاڭلاپ ئەنسىرەشكە باشلىدى. -ئانا رەنانىڭ تويى بولىدىكەن،مەن زادى قانداق قىلاي پەقەت ئۆزۈمنى تۇتالمايۋاتىمەن-مەن ئانامغا يۈرۈكۈمگە پاتمايۋاتقان دەتلىرىمنى بىراقلا تۆكۈپ بەرمەكچى بولۇپ ھۆڭرەپ يىغلاشقا باشلىدىم. -جېنىم بالام،ئۆزۈڭنى تۇتۋالغىن،مەن سېنى ئوبدان چۈشنىمەن،بۇ ھامان بولىدىغان ئىش،بىز ئۇلارنىڭ خىلى ئەمەسمىز،سەن تېخى كىچىك بۇ كۈنلەرمۇ ئۆتۈپ كېتىدۇ-ئانام ماڭا تەسەللىي بېرىشكە باشلىدى. ئانامنىڭ سۆزلىرىدىن،رەنا ئىككىمىزنىڭ ئىشنىڭ مۇمكىن بولمايدىغانلىقىنى چۈشنىپ يەتكەندەك بولدۇم. مەن رەناسىز ياشىيالمايتتىم،ئۇ مېنىڭ بارلىقىم ھاياتىم دېسەممۇ ھەرگىز خاتالاشمايتتىم،.بىر كۈن كېچىچە ئويلىنىش ئارقىلىق ئاخىرى رەنانىڭ دېگىنىگە قوشۇلۇش قارارىغا كەلدىم. ئەتىسى دۇكانغا كېلىپلا مۇتەللىپكامدىن بىر نەچچە ئاينىڭ ياقى ئالمىغان مۇئاشىمنى -ئۆيدىكلەرگە پۇل لازىمكەن سېلىپ بەرمىسەم بولمايدۇ -دەپ ئالدىم،،ئەمدى ھەممە ئىش رەنانىڭ ماڭا تىلفون قلىشىغىلا قاراشلىق بولۇپ قالدى. رەنا كەچكە يېقىن تىلفون قىلىپ توينىڭ بىر نەچچە كۈنگە قالماي بولىدىغانلىقىنى،ئەتىلا ماڭمىساق ئۈلگۈرەلمەيدىغانلىقىمىزنى ئېيىتتى ،مەن رەناغا ئەتىگچە تەييارلىق قىلىشنى ،ئامالنىڭ بېرىچە بېلەتنىڭ ئامالىنى قىلىدىغانلىقىمنى ئېيتىپ،كۆرىشىدىغان ئورۇننى دىيشىۋالغاندىن كېيىن تېلفوننى قويۇۋەتتىم.ھەم مىڭ تەسلىكتە ئەتىسى ئەتىگەن لەنجۇغا ماڭىدىغان پويىزنىڭ ئورۇنسىز بېلىتىدىن ئىككىنى سېتىۋېلىپ ئەتىنىڭ بالدۇرراق كېلىشىنى ساقلىدىم،يۈركىمنىڭ بىر يەلىرى ئەنسىز سوقماقتا ئىدى.كاللامدا تۈمەنمىڭ خىل خىياللار ھۆكۈم سۈرۈۋاتاتتى. ئەتىسى رەنا بېلەن دېيىشكەن ۋاقىتتا ئۇچرىشىپ ۋوگزالغا قاراپ ماڭدۇق،مەن ئەنسىزلىك بىلەن ئەتراپىمغا قارايتتىم،رەنانىڭ ئۆيدىكىلەر ھېلىلا پەيدا بولۇپ،بىزنى تۇتۇۋالىدىغاندەك تۇيۇلۇپ كېتىۋاتاتتى.رەنامۇ خۇددى ماڭا ئوخشاشلا خاتىرجەمسىزلىنۋاتاتتى. تەلىيمىزگە كەينىمىزدىن ھېچكىم قوغلاپ كەلمىدى.بىز پويىزغا چىقىپ لەنجۇغا قاراپ يۈرۈپ كەتتۇق. -خەيىرى -خوش ئانا يۇرتۇم،خويرى خوش،ئاتا-ئانام،ئۇرۇق تۇغقان ،دوست يارەنلىرىم،ئامان قېلىڭلار،مەندەك ۋاپاسىز ،شەخسىيەتچى پەرزەنتىڭلارنى كەچۈرۈڭلار-ئۆز-ئۆزۈمگە شۇنداق دەپ پىچىرلىدىم،كۆزلىرىمدىن ئىسسىق ياشلار مەڭزىمنى بويلاپ سىرغىپ چۈشمەكتە ئىدى.رەنامۇ خۇددى ماڭا ئوخشاش كەيپىياتتا ،يۇرتىغا قېرىنداشلىرىغا چىدىمىغاندەك،پويىزنىڭ دەرىزىسدىن بارغانسىرى كەينىدە قېلىۋاتقان ئۈرۈمچىگە غەمكىن كۆزلىرىنى تىكمەكتە ئىدى. دۇنيادا مۇساپىرلىقتىنمۇ ئېغىر مۇشەققەت يوقتۇر،مۇساپىرلىقتىنمۇ چوڭ غېرىپلىق يوقتۇر،،مۇساپىرلىق ھاياتىمىزنىڭ ئەڭ سەرسان چاغلىرىدۇر. رەنا ئىككىمىز بىر بىرىمىزگە يۆلۈنۈپ ئۆرە تۇرۇپ،،قىستىلىپ،باشقىلارنىڭ ئاياغلىرىدا ئولتۇرۇپ دېگەندەك مىڭ بىر جاپادا لەنجۇغا يىتىپ كەلدۇق،مەن رەنادەك كىچىكىدىن جاپا مۇشەققەت كۆرمەي،ناننىڭ يۇمشىقنى يەپ چوڭ بولغان بىر قىزنىڭ يول ئازابىغا چىداپ كۆرسەتكەن جاسارىتىگە ھەم ھەيران بولدۇم،ھەم ئاپىرىن ئوقۇدۇم،ئۇنىڭ مەن ئۈچۈن مۇشۇنداق جاپالارغا چىداۋاتقانلىقىدىن،تۈركىيەدىكى باياشات تۇرمۇشتىن ۋاز كېچىپ ،مەن بىلەن مۇساپىر بولۇشقا رازى بولغانلىقىدىن سۆيۈندۈم،ھەم تەسىرلەندىم،ئۆز-ئۆزۈمگە بۇنىڭدىن كېيىن رەنانىڭ ھالىدىن ياخشى خەۋەر ئېلىشقا،ئۇنىڭ كۆزىدىن ياش ئاققۇزماسلىققا قايتا-قايتا ۋەدە بەردىم. -بۈگۈن بىر كۈن مۇشۇيەردە تۇرۇپ ئەتىگىچە بىلەتنىڭ يولىنى قىلىپ ئاندىن باشقا بىرە شەھەرگە ماڭايلى-دېدىم مەن پويىزدىن چۈشكەندىن كېيىن ،رەناغا مەسلىھەت يوسۇندا قاراپ. رەنامۇ مېنىڭ پىكرىمگە قوشۇلدى،بىز مەھسلىھەت قىلىش ئارقىلىق لەنجۇدىن بېيجىڭغا بېرىشنى قارار قىلدۇق،بېيجىڭغا سەھەر سائەت 2دە ماڭىدىغان پويىزبېلىتىدىن ئىككىنى سېتۋالدۇق،بۇ قېتىم تەلىيىىزگە قاتتىق ئورۇن بولسىمۇ چىقىپ قالدى،بىر كىچە ۋوگزالدا تۈنىگەندىن كېيىن ،بېيجىڭغا قاراپ يولغا چىقتۇق.مەن قاتتىق تەمتىرەيتتىم ،جىددىيلىشەتتىم،ئەمدىلا 17 ياشنىڭ قارىسىنى ئالغان رەنا ئىككىمىزگە بۇ مۇساپىرچىلىق ھەقىقەتەن تەس كېلەتتى،يات شەھەردە،قانداق قىلىپ جان  بېقىش ،قانداق ياشاش دېىگەندەك سوئاللار مېنى قىينايتتى،رەنانى ئۈمىدسىزلەندۈرۈپ قويارمەنمۇ دەپ خىجىل بولاتتىم،ئۇنىڭ ئائىلسىدىكىلەرنىڭ كەينىمىزدىن قوغلاپ كېلىشىدىن ئەنسىرەيتتىم،پات -پات رەنانىڭ ئەندىشە قاپلاپ تۇرغان چىرايىغا قاراپ قوياتتىم،ئۇ مېنى خاتىرجەم قىلىش ئۈچۈن زورىغا كۈلۈمسىرەيتتى،مېنىڭ كۆڭلۈمنى كۆتۈرۈش ئۈچۈن ھەرىكەت قىلاتتى،لېكىن مەن يەنىلا ئۇنىڭ غەمكىن چىرايىدىن،كۆڭلىدىكى ئەنسىزلىكنى سىزۋالالايتتىم يول ئازابى گۆر ئازابى دىگەندەك مىڭ بىر مۇشەققەت بىلەن ئاران دىگەندە بېيجىڭغا كېلىۋالدۇق.بىز ئۈچۈن پۈتۈنلەي ناتۇنۇش بولغان بۇ شەھەردە قانداق قىلىشنى نەگە بېرىشنى نېمە قىلىشنى بىلەلمەي قاتتىق تىڭىرقايتتۇق،،مېھمانخانىلاردا ياتايلى دىسەك ياتاقلارنىڭ قىممەتلىكى،تاماق يەيلى دىسەك،ھالال بىلەن ھارامنىڭ پەرقى، بىزنى قىيناۋاتاتتى، غېرىبچىلىق،يېتىمچىلىق،ئامالسىزلىق رەنا ئىككىمىزگە دەرىت بولىۋاتاتتى،لىكىن بىز يەنىلا بۇنى بىر بىرىمىزگە چاندۇرماي،تەسەللىي بېرىشەتتۇق،كۆيۈنىشەتتۇق،مېھرى -مۇھەببەتنى ھىس قىلدۇراتتۇق،يالغۇز ئەمەسلىكىمىزنى يادىمىزغا سالاتتۇق.ئېغىر كۈنلەر بىزنىڭ مۇھەببىتىمىزنى تېخىمۇ چىڭىتماقتا ئىدى،تاۋلىماقتا ئىدى. رەنا ئىككىمىز بىر نەچچە كۈننى چىملىقلاردا باغچىلاردا ،بۇلۇڭ پۇشقاقلاردا مۇشەققەت ئىچىدە ئۆتكۈزگەندىن كېيىن.تەلىيىمىزگە بىر ياخشى نىيەتلىك قېرىندىشىمىزغا ئۇچراپ قالدۇق،ئۇ بىزگە تۇرىدىغان ئۆي ،يەيدىغان تاماق بەردى يەنە ئاشخانىسىدىن قىلىدىغانغا ئىش بەردى، رەنا ئىككىمىز ئۇ ئادەمگىمۇ ھەقىقى ئەھۋالنى ئېيتىشتىن قورىقتۇق،بىر -بىرىمىزنى ئاكا -سىڭىل ئاتا-ئانىمىز قاتناش ھادىسىسىدە قازا قىلغاچقا، جان باقالماي بۇ يەرگە كېلىپ قالدۇق دەپ چۈشەندۈردۇق.ئۇمۇ ئوشۇق تۆشۈك گەپ قىلماي بىزنىڭ سۆزىمىزگە ئىشەندى. ياخشى كۈنلەرنىڭ كەينىدە يامان كۈنلەر ماراپ تۇرىدۇ،يىتىمنىڭ ئاغزى ئاشقا تەگسە بۇرنى قاناپتۇ دېگەندەك رەنا ئىككىمىزنىڭ بۇ ياخشى كۈنلىرىمىزمۇ ئۇزاققا بارمىدى. بىر كۈنى خوجايىن مېنى چاقىرىپ، قولۇمغا بىر بولاقنى تۇتقۇزۇپ تىيەنجىنگە بېرشىمنى ۋوگزالنىڭ ئالدىدا بىرەيلەن چىقىپ ئېلۋالدىغانلىقىنى ئېيتىپ ،كىرا پۇلىنى تۇتقۇزدى.،ياق دىيىشكە تېخى يۈزۈم چىدىمىدى.ماقۇل دەي دىسەم رەنانى يالغۇز قويغۇم كەلمىدى.بىللە ئېلۋالاي دېسەم خوجايىن-سەن خاتىرجەم بولغىن سىڭلىڭ بىزگە ئامانەت ،ئۇنىڭغا ياخشى قارايمىز -دەپ ئۇنمىدى.ئامالسىز ،ئەنسىرەش خاتىرجەمسىزلىك ئىچىدە يولغا چىقتىم. تىيەنجىنگە كەلگەندىن كېيىن ،خوجايىنىم دېگەندەك ئالدىمغا ھېچكىم چىقمىدى،بىركۈن ۋوگزالنىڭ ئالدىدا ئولتۇرۇپ،ئۇيان بۇيان مېڭىپ يۈرۈپ ساقلىساممۇ قولۇمدىكى نەرسىنى ئالىدىغان ئادەم كەلمىدى ،خوجايىنغا تىلفون قىلىپ ئالالمىدىم،كۆڭلۈم بىر ئىشنى تۇيغاندەكلا تۇيۇقسىز بىر ئەندىشە ئىچىمنى سىقىشقا باشلىدى.دە،بېيجىڭغا قاراپ يولغا،چىقتىم،ئىچىمدە رەنانىڭ ئامان بولشىنى ئاللادىن تىلدىم،ئۇنى يالغۇز قويۇپ كەلگىنىمگە پۇشايمان قىلىشقا باشلىدىم. تەبىئەتتە ھەرخىل ،ھەر تۈرلۈك گۈللەر بار،ئۇلار تەبىئەتكە ھۆسۈن قوشۇش ھەم خۇشپۇراق چېچىش ئۈچۈن كۆكلەيدۇ،ئېچىلىدۇ،يەنە تەبىئەتتىن ھېچنەرسە تەلەپ قىلماي توزۇيدۇ،لېكىن ئاشۇ گۈللەرنىڭ ئارىسىدىمۇ،زەھىرى بارلىرى،تىكىنى بارلىرى بار،ئۇلار ئۆزىنىڭ تەبىئىتىنى ئاشكارلىماسلىق ئۈچۈن تىكەنلىرىنى ياپراقلىرى بىلەن ئورايدۇ،زەھىرىنى ھۆسنى بىلەن پەردازلايدۇ.گۈل بولسىلا گۈزەل بولشى ناتايىن،ئۇلارنى پەرىق ئېتىش ئىنتايىن مۇھىم.ئادەملەرمۇ خۇددى شۇنىڭغا ئوخشايدۇ،شۇنچە كۆپ مىھرى -مۇھەببەتلىك .ئىنسانلارنىڭ ئىچىدە،سىرتىنى مىھرى-مۇھەببەت بىلەن ئورىۋېلىپ ،قەلبىدە ھىيلە -مىكىر قايناپ تۇرىدىغانلىرىمۇ ئاز ئەمەس،شۇنىڭ ئۈچۈن ئۇلارنىڭ سىزگە قىلغان مۇئامىلىسىگە ،ھەم تاشقى قىياپىتىگە قاراپلا ئالدىراپ ئىشنىپ كەتمەڭ،ئۇ ئادەمنىڭ سىز ئويلىغاندەك ياخشى بولۇپ چىقىشى ناتايىن. ئەنسىرەش بۇرۇقتۇرمىچىلىق ئىچىدە بېيجىڭغا يىتىپ كېلىپ ،ئالدىرغىنىمچە ۋوگزالدىن چىقىپ ،تاكسى توسۇشقا كىرىشتىم،قېرىشقاندەك ،ھەممە تاكسىدا ئادەم بار بولۇپ ،پەقەت قۇرۇق تاكسى ئۇچرىمايۋاتاتتى،شۇ تاپتا جىددىيچىلىكتە يۈرۈكۈم ئاغزىمغا قاپلىشىپلا قېلىۋاتاتتى.تەلىيىمگە مىڭ بىر جاپادا ئادەم چۈشىىرىۋاتقان بىر تاكسىغا يامىشىپ يۈرۈپ چىقىۋالدىم-چاۋياڭ رايونىغا -دىدىم مەن شوپۇرغا قاراپ. -چاۋياڭ رايونى شۇنچە چوڭ تۇرسا ،قەيەرگە بارىسىز، ئېنىق ئورۇننى دىمەمسىز-شوپۇر ماڭا قاراپ گۈلەيدى. مەن مىڭ تەسلىكتە بىزنىڭ ئاشخانىغا يېقىن يەردىكى بىر بەش يۇلتۇزلۇق مېھمانخانىنىڭ ئىسمىنى ئېسىمگە ئالدىم. بىر ھازا جىددىيچىلىك،يوللاردىكى توسۇلۇشلاردىن كېيىن،ئاران دېگەندە يىتىپ كەلدۇق. -ياسىن ئالدىراپ سالدىراپ ئاشخانىغا كىرىپ كېتىۋاتقانلىقىمنى كۆرگەن كاۋاپچى بالا مەردان مېنى چاقىردى.ياسىن مېنىڭ بۇ يەرگە كەلگەندىن كېيىن قوللانغان يالغان ئىسمىم ئىدى. -نېمە -دېدىم مەن ئالاقزادىلىك بىلەن ئۇنىڭ يېنىغا بېرىپ چىرايىغا قاراپلا بىر جىددىيچىلىكنى سەزگەندەك بولۇپ. -ئەڭ ياخشىسى ئىچىگە  كىرمىگىن. -نېمىشقا؟-مەن تېخىمۇ جىددىيلىشىشكە باشلىدىم. -دېسەم بولمايدۇ،سەن بېرىپ سىڭلىڭنى ئىزدىگىن-دېدى مەردان ئاشخانا تەرەپكە بىر قارىۋەتكەندىن كېيىن. -سىڭلىمغا نېمە ئىش بولدى،ئۇ زادى نەدە ؟-مەن مەرداننىڭ ياقىسىغا ئېسىلدىم. -قويۇۋەت-دېدى مەردان مېنى قاتتىق سېلكىپ-مەن ھېچنىمنى بىلمەيمەن،مەن پەقەت ئۇلارنىڭ سىڭلىڭنى قېچىپ كەتتى دېگەنلىكىنى ئاڭلىدىم،نېمە ئىش بولغانلىقىنى راستىنلا ئۇقمايمەن. مەرداننى قويىۋەتتىم-دە،بار كۈچۈم بىلەن ئاشخانىغا قاراپ يۈگۈردۈم.شۇ تاپتا كۆزۈم ھېچنىمنى كۆرمەيتتى،پەقەت رەنانىڭ يىغلاۋاتقان ھالىتى كۆز ئالدىمدا ئىدى. -سىڭلىمنى نېمە قىلدىڭ ئېيتە-مەن ۋاقىرغىنىمچە پۇكەيدا بەخەرامان ئولتۇرغان خوجايىننىڭ ياقىسىغا ئېسىلدىم. -قويە ھاراملىق-ئۇ مېنى قاتتىق سىلكىدى-يىتىمچىكەن دەپ ئاش بەرسەم ،ياقامغا ئېسلىۋاتامسەن،ئۇجالاپنىڭ نەدىلكىنى مەن نىمە بىلمەن،ئىززىتىنى قىلغاننى بىلمەيدىغان جالاپكەن ئۇ. خوجايىننىڭ ئاغزىدىن چىقىۋاتقان گەپلەرنى ئاڭلاپ زادىلا چىدىيالمىدىمدە ،بارلىق كۈچۈمنى يىغىپ ئۇنىڭغا ئېتىلدىم.قەيەردىن كەلگەنلىكىنى ئۇقمايلا قالدىم،ئىتىلىشىم بىلەن ،تاياق توقماقلار ئۈستۈمگە يامغۇردەك يېغىشقا باشلىدى. رېئاللىق ئېنتايىن رەھىمسىز ،بەزىدە سەن ئۆزۈڭنى چۆمۈلىدىنمۇ ئاجىز ھېس قىلىسەن،بەزى ئىشلارغا قارشىلىق قىلىشقا ئامالسىز قالىسەن،كۈچلۈكلەر ئاجىزلارغا يەم بولىدىغان تەبىئەت قانۇنىيتىنى ئەنە شۇ چاغدا چوڭقۇر چۈشۈنۈپ يېتەلەيسەن. ئۇلار مېنى ئۇرۇپ يېرىم جان قىلىپ قويغاندىن كېيىن،سىرىتقا ئېلىپ چىقىپ تاشلىۋەتتى.ئۈزۈمنى شۇنچىلىك غېرىب ھېس قىلدىمكى،ئاتا-ئانام شۇ ئانلاردا كۆز ئالدىمغا كەلدى، ئانامنىڭ مېھرىبان سىمايى،چاچلىرىمنى سىلاشلىرى،-بالام نېمە بولدۇڭ -دەپ كۆزلىرىمدىن ئاققان ياشلىرىمنى سۈرتۈشلىرى خىيال ئىكرانىمدىن ئۆتۈپ باغرىمنى ئىزىشكە باشلىدى.-ئاھ،ئانام ،دادام سىلەر نېمە كۈنلەرنى كۆرىۋاتقانسىلەر،مەن سىلەرگە يۈز كېلەلمەيمەن،مەن نېمە دىگەن شەخسىيەتچى،مەندەك ئەسكى بالاڭلارنى  كەچۈرەرسىلەرمۇ›-ئۆز ئىچىمدە ئۇلارنىڭ غايىۋانە سىماسىغا قاراپ شۇنداق  دىدىم.ئارقىدىنلا،رەنانىڭ بىچارە قىياپىتى كۆز ئالدىمغا كېلىپ ،ئۇنى بۇ يەرگە ئېلىپ كەلگىنىمگە قاتتىق پۇشايمان قىلىشقا باشلىدىم.ئۆز-ئۆزۈمنى ئەيىبلىدىم ،تىللىدىم. رەنانى نېمىشقىمۇ بۇ يەرگە ئەكەلگەندىمەن ،مەن نېمە دىگەن شەخسىيەتچى،مەن ئاشۇنداق قىلمىغان بولسام ،ئۇ بەخىتلىك باياشات تۇرمۇش كەچۈرەر بولغىيتى.بۇ ئەرزىيەتلەرنىمۇ تارتماس بولغىيتى،بىچارە رەنا نەلەردە نىمە ئىشلارنى قىلىۋاتقاندۇ،شۇ خىياللارنى قىلغاندىن كېيىن يانفۇنۇمنى ئېسىمگە ئالدىم،رەنا نېمىشقا ماڭا تېلفون قىلمايدىغاندۇ،ئاممىۋى تىلفون تاپالمايۋاتقانمىدۇ يا،شۇلارنى خىيال قىلغاندىن كېيىن ،رەناغا تېلىفون ئېلىپ بەرمىگنىمگە پۇشايمان قىلىشقا باشلىدىم. تۈن ئاللىقاچان يېرىملىشىپ ئۆتكەن ئىدى.مەن بارلىق كۈچ قۇۋىتىمنى يىغىپ ئۆمىلەپ دېگۈدەك قوپۇپ دەلدەڭشىپ مېڭىشقا باشلىدىم.بىرنەچچە قەدەم ماڭا ماڭمايلا يەنەگۈپپىدە قىلىپ يىقىلدىم ، بېشىم قاتتىق چىڭقىلىپ كۆتۈرۈشكە ئامالسىز قالدىم. شۇ ياتقانچە تاڭ يۇرىغاندا كۆزۈمنى ئاچتىم،پۈتۈن بەدىنىم چېقىلىپ كەتكەندەك ئاغرىۋاتاتتى،ئورنۇمدىن تۇرۇشقىمۇ ماغدۇرۇم يەتمەيۋاتاتتى،شۇنداقتىمۇ،بىردەم ھەپىلەشكەندىن كېيىن ،ئورنۇمدىن تۇرۇپ ئاستا-ئاستا مېڭىشقا باشلىدىم. ياخشىلار ئېگىسىگە ئامانەتتۇر،ئۇلار ياراتقاننىڭ ھەر خىل سىناقلىرىدا سىنىلىدۇ،تاۋلىنىدۇ،ياراتقان ئۇلارنى يامانلاردىن ساقلايدۇ. بىر ئاز ماڭغاندىن كېيىن يانفونۇم سايرىدى.بىردىنلا ئۈمىدلىنىپ يانفوننى ئالدىم. -ۋەي -رەنا ئاشۇ بىر ئېغىزگەپنى ئارانلا دىدى-دە ،ئۆزىنى تۇتالماي يىغلاپ كەتتى. -جېنىم رەنا نىمىشقا يىغلايسەن،ساڭا زادى نېمە ئىش بولدى.ماڭا نېمىشقا تېلفون قىلمايسەن سەندىن قانچىلىك ئەنسىرگىنىمنى بىلسەڭ ئىدىڭ.-دېدىم مەن ھاياجان ئىچىدە يىغا ئارلاش -سەن نەدە ھازىر،ماڭا ئېيىتساڭچۇ. -........-رەنا ھېچنىمە دىمەيتتى ،تېلىفوندا .ئۇنىڭ يىغلىغان ئاۋازىلا ئاڭلىناتتى. مەن مىڭ تەسلىكتە ئۇنىڭدىن سوراپ ،ئۇ تۇرغان ئورۇننى ئۇققاندىن كېيىن شۇ جايغا قاراپ ماڭدىم.مەن كەلگەن چاغدا رەنانىڭ يېنىدا تىلفون ئۇرغۇدەكمۇ پۇل يوق بولغانلىقى ئۈچۈن،ئاممىۋى تىلفونخانىدا مېنى ساقلاپ ئولتۇرغان ئىكەن. مەن تېلفون ھەققىنى تاپشۇرۋەتكەندىن كېيىن،رەنانى ئېلىپ چىقىپ كەتتىم. -تېخى سېنى شىنجاڭغا كەتكەن ئوخشايدۇ دەپتىمەن،ساڭا زادى نىمە ئىش بولدى رەنا ،بۇ زادى نېمە ئىش-دېدىم مەن رەنانىڭ قولىدىن چىڭ تۇتقىنىمچە. -ھېچئىىش ،سەندىن خۇش بولاي ئېرپان ئەمدى مەندىن بۇ ئىشنى سورمىغىن،-دېدى رەنا ۋە مېنىڭ يۈز كۆزلىرىمگە قارىغاندىن كېيىن قاتتىق چۆچۈپ كەتتى-ساڭا نېمە بولدى،نېمە ئىشلار بۇ. -ھېچئىش بولمىدى-دېدىم مەن قىزارغىنىمچە -ھازىرقى مەسىلە سەندە ،ساڭا زادى نېمە ئىش بولدى دەپبەرسەڭچۇ؟ -مېنى ياخشى كۆرسەڭ ئەمدى مەندىن بۇ ئىشنى سورىما-رەنا شۇنداق دەپلا يىغلاپ كەتتى.مەنمۇ ئۇنىڭدىن قايتا سوراپ كۆڭلىنى يېرىم قىلىشنى خالىمىدىم. -ھەممىسى مېنىڭ سەۋەبىم،ئەمدى سېنى ھەرگىز يالغۇز قويمايمەن، يېنىڭدىن بىردەممۇ ئايرىلمايمەن،كۆزۈڭدىن بىر تامچا ياش ئاققۇزمايمەن،ئەگەر ۋەدەمدە تۇرمىسام ئاللا مېنى-گېپىمنىڭ ئاخىرى تۈگىمەستىنلا رەنا ئاغزىمنى ئېتىۋالدى. -بولدى ماڭا مۇشۇ گېپىڭنىڭ ئۆزى كۇپايە،ئاغزىڭنى ئۈشىتمىگىن. -بىز توي قىلايلى-دېدىم مەن رەناغا ئەقلىمنى تاپقاندەك قاراپ-شۇنىڭدا سېنى بۇندىن كېيىن ھېچكىم بوزەك قىلالمايدۇ. -ساراڭ-رەنا نىڭ چىرايى قىزىرىپ يىغىدىن توختىدى. مەن بۇرۇن سۇجۇنى قاشتېشى شەھرى ،ئۇيغۇرلارنىڭ ئاشخانىلىرى بەك جىق،ئۇ يەردىكىلەرنىڭ ھەممىسى ياخشى ئادەملەر،بۇزۇق ئادەملەر ئاز دەپ ئاڭلىغان ئىدىم.شۇڭا رەناغا سۇجۇغا بېرىش توغرىلىق مەسلىھەت سالدىم،ئۇمۇ پىكرىمگە قوشۇلدى.شىنجاڭدىن ئەكەلگەن پۇللىرىمىز ئاز قېلىۋاتاتتى،رەنا قولىدا كۆتۈرىۋالغان كىچىك بىر بوغچىدىن باشقا،يۈك تاقلىرىمىزنىڭ ھەممىسى .ھېلىقى ئاشخانىدا قالغان ئىدى،مەن بېرىپ ئەكىلەي دېسەم رەنا قەتتىي قوشۇلمىدى ،شۇنىڭ بىلەن يانفونۇمنى سېتىپ ،يۈك تاقلىرىمىزنى ئالمايلا پويىز بېلەن سۇجۇغا قاراپ يۈرۈپ كەتتۇق. بىر يات شەھەردىن يەنە بىر يات شەھەرگە قاراپ كېتىۋاتاتتىۇق،،بەلكىم مەن خاتا قىلغاندىمەن،ئەسلىدە،رەنانىڭ گېپىگە قوشۇلماسلىقىم ،ئۇنى بۇ يەرگە ئەكەلمەسلىكىم،ھەر ئىككىلمىزنىڭ ئاتا-ئانىسىنى قاخشاتماسلىقىم كېرەك بولغىيدى،مەن شۇلارنى ئويلىغاندىن كېيىن ،بىردىنلا ئۆزۈمنى گۇناھكاردەك ھېس قىلىشقا باشلىدىم.بىراق .......................... گادىرماچ خىياللار بىلەن سۇجۇغا قانداق يىتىپ كەلگىنىمنىمۇ بىلمەي قالدىم،بەزىلەر غەم يەپ كەتتىم دەيدىكەن،بۇ سۆز مېنىڭ ئويۇمچە بەكمۇ خاتاكەن،چۈنكى ،ئادەم غەمنى ئەمەس ،غەم ئادەمنى يەيدىكەن ئەمەسمۇ؟ سۇجۇغا كەلگەندىن كېيىن،ئۇدۇل قاشتېشى بازىرىغا بازىرىغا باردۇق،سۇجۇدا ھەپتىدە بىر كۈن قاشتېشى بازىرى بولىدىغان بولۇپ ،تەلىيىمىزگە بىز دەل ئاشۇ كۈندە سۇجۇغا يېتىپ كەپتۇق،بۇ بازاردا ھەقىقەتەن مەن ئاڭلىغاندەك قاشتېشى تىجارىتى بىلەن شۇغۇللىنىدىغان خوتەن ،قەشقەر قاتارلىق جايلاردىن كەلگەن ئۇيغۇرلار كۆپ بولۇپ،ئۇيغۇرلار ئاچقان ئاشخانىلارمۇ،ھارۋا ھەيدەپ يۈرۈپ،پولو،كاۋاپ،سامسا ساتىدىغان ئۇيغۇرلارمۇ خېلى بار ئىكەن. رەنا ئىككىمىز بۇ بازارنى بىر ئىككى ئايلىنىپ چىقىپ ،خۇدددى ئۈرۈمچىگە كىلىپ قالغاندەك ھېسىياتقا كېلىپ قالدۇق،يۇرتداشلىرىمىز بىلەن پاراڭلاشتۇق،شۇجەرياندا مەن ئىككى كاۋاپچى بالا بىلەن تونۇشۇپ قالدىم،ۋە ئۇلار بىلەن بىردەمدىلا چىقىشىپ يېقىن ئاغىنىلەردەكلا بولۇپ كەتتۇق. چىرايىدىن ساددىلقى چىقىپ تۇرىدىغان 22-21 ياشلار چامىسسىدىكى بۇ ئىككى يىگىت خوتەننىڭ قاراقاشتىن كەلگەن بولۇپ ،بىرىنىڭ ئىسمى مۇھەممەت قاسىم،يەنە بىرىنىڭ ئىسمى جۈمە قارى ئىكەن،بۇ يەرگە كەلگىنى ئىككى-ئۈچ يىل بولۇپ قالغان ئىكەن،سۇجۇدىكى بىر كەچلىك بازاردا كاۋاپچىلىق قىلىدىكەن،ھەپتىدە بىر كۈن بولىدىغان بۇ بازارنىمۇ قولدىن بەرمەيدىغان بولۇپ،ئىش ئوقىتى يامان ئەمەسلا قاملىشىپ قالغان ئىكەن؛ تەلىيمىزگە سۇجۇدىكى ئىشلىرىمىز ئىنتايىن ئوڭ بولۇپ كەتتى،سۇجۇدا بېيجڭدىكىدەك سەرسان بولماي تۇرۇپلا ياخشى نىيەتلىك بۇ ئىككى بالىنىڭ غەمخورلۇقىغا ئېرىشتۇق. ئۇلار مېنى كىچىك كۆرمەي ئۆزىلىرىگە بۇرادەر قىلۋالدى،يەنە بىزگە تۇرىدىغان ئۆي تېپىپ بېرىپ ،ئىش ئوقىتىگە شېرىك قىلۋالدى،مەن ئۇلاردىن ئېنتايىن مىننەتدار ئېدىم ،ئۇلارغا ئىشنەتتىم،شۇڭا ئۇلاردىن كەچۈرمىشلىرىمنى يوشۇرماي ،ھەممىنى قويماي ئېيتىپ بەردىم، ئۇلار رەنا ئىككىمىزنىڭ  سەرگۈزەشتىللىرىمىزنى ئاڭلىغاندىن كېيىن  ،ئىككىمىزگە تېخىمۇ ھېسداشلىقى كەلدى. -موللامدىن بىرنى تەكلىپ قىلىپ نىكايىڭلانى ئوقۇۋېتەيلى-دېدى مۇھەممەتقاسىم دېگەن بالا بىزگە يول كۆرسىتىپ-ھامان قېچىپ چىقىپسىلە ئەمدى بۇنداق يۈرۈۋەرسەڭلا بولماس. -بىزمۇ شۇنداق قىلايلى دېگەن بىراق ئاتا-ئانىللىرىمىزنى ئويلاپ قالدۇق-دېدىم مەن سەل ئىككىلەنگەندەك بولۇپ. [/pمەن كۆڭلۈمدە رەنانىڭ ئاتا-ئانسىنىڭ بىزنى كەچۈرىشىنى تىلەيتتىم،ئۇلارنىڭ رەنانىڭ كەچۈرىشىنى ،بىزنىڭ توي قىلىشىمىزغا قوشۇلىشىنى ئۈمۈد قىلاتتىم،ئەگەر ئۇلار قوشۇلىدىغانلا بولسا مەن رەنانى يەنە ئون يىل ساقلاشقىمۇ رازى ئىدىم. -ئەمدى ،ئۇلارنى ئويلىغنىڭلارنىڭ پايدىسى يوق،قىلىدىغاننى قىلىپ بوپسىلەر -دېدى جۈمە قارىمۇ مۇھەممەتقاسىمنىڭ پىكرىنى قوللاپ. -شۇنداقتىمۇ ،ئۇلارنىڭ بىر پىكرىنى ئېلىپ باقمىساق بولماس -دېدىم مەن سەل ئەندىشە قىلىپ-ئاۋال ئۇلار بېلەن ئالاقە قىلىپ باقايلى ،كەلگەننىڭ ياقى ،رەنامۇ،مەنمۇ ئۆيدىكلەر بىلەن ئالاقە قىپ باقمىدۇق،ئۇلار نىمە ئويلايدۇ،شۇنى بىر بىلىپ باقايلى ،ئۇلار قارشى تۇرسا ،ئاندىن قىلساقمۇ كېچىكمەيمىزغۇ. -بۇنداق قىلساڭ ئۆزەڭگە ئىش تېپۋالاسەنمىكىن ئاداش-دېدى مۇھەممەتقاسىم مېنىڭ پىكرىمگە نارازى بولۇپ-سېنىڭچە رەنانىڭ ئاتا-ئانىسى سېنى بوش قويۇۋېتەرمۇ؟ -شۇنداق،ئېرپان ئۆزۈڭگە ئىش تېپۋالمىغىن-دېدى باياتىننىڭ ياقى سۈكۈتتە تۇرغان رەنامۇ گەپ قىستۇرۇپ-مەن دادامنى ياخشى چۈشنىمەن ئۇنىڭ بىزنى قوللىشى مۇمكىن ئەمەس. -ئۇنداق بولسا ،مەن ئۆيدىلەر بېلەن بىر ئالاقىلشىپ باقاي،نېمە ئىش بولغان بولسا بىزنىڭ ئۆيدىكىلەرنىڭ چوقۇم خەۋىرى بولىدۇ-دېدىم مەن ئەقلىمنى تاپقاندەك بولۇپ-مەنمۇ ئاتا-ئانامنى ياخشى چۈشنىمەن،ئۇلار ھەرگىز ماڭا يامان بولدىغان ئىشنى قىلمايدۇ،ئاۋال ئۇلاردىن بىر ئەھۋالنى بىلىپ باقايلى. مېنىڭ بۇ پىكىرىم ھەممەيلەننىڭ قوللىشىغا ئېرىشتى.ئەتىسى مەن بازاردىن گۇاڭجۇنىڭ تەۋەلىكىدىكى ئەخلەت كارتىدىن بىرنى سېتىۋالدىم،نېمىلا دېگەن بېلە ئىھتىيات قىلمىساق بولمايدۇ-دە،ئەڭ ياخشىسى ئۇلارنىڭ بىزنىڭ ئورنىمىزنى بىلمگىنى ياخشى. ئانا باغرى پەرزەنىت ئۈچۈن، ئاسماندىنمۇ كەڭرى.مېھرى مۇھەببىتى دېڭىزدىنمۇ چوڭقۇر،ئۇلارنىڭ قېنى پەرزەنىتى ئۈچۈن ئاقىدۇ،يۈرىكى پەرزەنتى ئۈچۈن سوقۇدۇ،پەرزەنتى ئۇنىڭ ئالدىدا ھەرقانچە ئېغىر گۇناھ ئۆتكۈزسىمۇ-بالا ئەمەسمۇ ؟دېگەن بىر ئېغىز گەپ بىلەن ھەممىنى ئۇنتۇيدۇ،كەچۈرىدۇ،يەنە شۇ گۇناھكار پەرزەنتى ئۈچۈن غەم يەيدۇ. ئۆيدىكىلەرگە تېلىفون قىلىش ماڭا ئاسانغا چۈشمىدى،چۈنكى مەن ئۆزۈمنى ئۇلارنىڭ ئالدىدا گۇناھكار ھېسابلايتتىم،ئۇلارنىڭ يۈز-ئابرويىنى يەر بىلەن يەكسەن قىلغان مەندەك بىر ۋاپاسىز پەرزەنتنىڭ ئەمدى ئۇلارنى -دادا،ئانا دەيدىغان ،ئۇلارنىڭ يۈىگە قارايدىغان ھوقۇقى بارمۇ؟قېرىنداشلىرىمغا قارىغۇدەك يۈزى بارمۇ؟ئۇيان ئويلاپ،بۇيان ئويلاپ مىڭ تەسلىكتە بىر جۈرئەتكە كېلىپ تېلفوننى قولۇمغا ئالدىم. ئەسسەلامۇ -ئەلەيكۇم-بۇ ئانامنىڭ ئاۋازى ئىدى،ئۇنىڭ ئاۋازىنى ئاڭلاپ ئۆزۈمنى تۇتۇۋالالماي ئۆكسۈپ ،ئۆكسۈپ يىغلاشقا باشلىدىم. -ئېرپان بالام بۇ سەنمۇ؟-ئانام مېنىڭ تىنىقلىرىمدىن سەزگەندەكلا مېنى تونۇۋالدى-جېنىم بالام گەپ قىلساڭچۇ؟ .............. مەن يەنە ھېچنىمە دىيەممىدىم ،،،پەقەت ئىچ -ئىچىمدىن ئېتىلىپ چىقىۋاتقان يىغا ئاۋازىمنى تىترىتىپ،مېنى يىغلاشقا ئۇندەيتتى،ئانامغا ئىچىمدىكى بارلىق دەردىمنى،ئازابىمنى ،بىراقلا تۆكۈۋەتكۈم كېلەتتى. -بالام سەن ساق-سالامەتمۇ،گەپ قىلساڭچۇ،سەن ئېرپان مەن بىلىمەن ،سەن ئېرپان-ئاناممۇ ماڭا ئەگىشىپ يىغلاشقا باشلىدى-سەندىن بەك ئەنسىرىدىم ،جېنىم بالام ،بىزنى ئۆلسۇن دېدىڭمۇ ،بۇ دۇنيادا ياشىمىسۇن دېدىڭمۇ؟گەپ قىلساڭچۇ؟ -جېنىم ئانا مېنى كەچۈرۈڭلار ،مەندەك شەخسىيەتچى بالاڭلارنى كەچۈرۈڭلار،مەن سىلەرگە يۈز كېلەلمەيمەن. -ئۇنداق دېمە بالام،سەن تېخى كىچىك ،سېنى نېمىشقا كەچۈرمىگۈدەكمەن ،سەن دېگەن مېنىڭ بالام تۇرساڭ-ئاناممۇ مەندەك ئېسەدەپ يىغلايتتى. ئانام ماڭا بىز قېچىپ كەتكەندىن كېيىن رەنانىڭ دادىسىنىڭ ساقچىلارنى باشلاپ كېلىپ ،پۈتۈن ئۇرۇق تۇققانلارنىڭ ئۆيىنى قويماي ئاختۇرۇپ چىققانلىقىنى،،،دادام بېلەن ئانامنى قاتتىق ھاقارەتلىگەنلىكىنى،دادامنىڭ بۇ ئەلەملەرگە چىدىماي ئاغرىپ يېتىپ قالغانلىقىنى،ھەم ئاچچىقىدا مېنىڭ ئېرپان دەيدىغان بالام يوق،مەن ئاتا-بالىلىقتىن كەچتىم ،قايتىپ كېلىدىغان بولسا پۇت قولىنى چىقىپ تاشلىۋېتىمەن ،بۇندىن كېيىن ئۇنى تونمايمەن دەپ ئېيىتقانلىقىنى،ئېيتىپ بەردى. -بالام بۇ تەرەپلەرگە قايتىپ كېلىشنى ئويلىما،رەنانىڭ دادىسى سىلەرنى بوش قويۇۋەتمەيدۇ،ئۇ تېخى نەدە كۆرسەم شۇ يەردە جېنىنى ئالىمەن دېدى،داداڭنىڭمۇ تېخى ئاچچىقى يانمىدى،شۇڭا بىر ئىككى يىل ئىشلار بېسىققۇچە نەدە بولساڭلار شۇ يەردە تۇرۇپ تۇرۇڭلار-دېدى ئانام مېنىڭ قايتىپ بارايلىمۇ دەپ سورىغان سوئالىمغا رەدىيە بېرىپ-پۇلۇڭ بوممىسا مەن پۇل سەپپىرەي كارتا نومرۇڭنى ئۇچۇر قىلىپ يوللاپ قويغىن، پۇلىمىز بار بىزدىن ئەنسىرىمىگىن جېنىم ئانا ئۆزۈڭنى ئاسرىغىن،دېدىم مەن چۈشەندۈرۈپ -ھازىر بىز ئىش تاپتۇق بۇ يەردىكى كۈنلۈرىمىزمۇ يامان ئەمەس،رەنا ئىككىمىز توي قىلماقچى بولۇۋاتىمىز،سەل تۇرمىشمىزنى مۇقىم قىلۋالغاندىن كېيىن سىلەرگىمۇ پۇل سەپبېرىمىز. -بولدى بالام ،سىلەر ياخشى كۈن كۆرسەڭلەرلا مەن شۇنىڭدىن رازى،يوقاپ كەتمەي تېلىفون قىلىپ تۇرغىن،بەك ئېھتىيات قىلىڭلار ،رەنانىڭ دادىسى ھەممە يەردە سېلەرنى ئىزدەۋاتىدۇ. -ئانا بىزنىڭ تويىمىزغا رازىلىق بىرەرسەنمۇ؟ .......... ئانام ھېچنىمە دېىمىدى. -ئانا،گەپ قىلساڭچۇ؟ مەن رازى بالام ،ئۆزۈڭنى ئاسىرا ،ئاللاھقا ئامانەت-ئانام شۇنداق دەپلا تېلفوننى قويىۋەتتى،ئۇنىڭ ئاۋازىدىن ئامالسىزلىق قايغۇ ،ئازاب چىقىپ تۇراتتى. شۇنداق قىلىپ ،مۇھەممەت قاسىم ،رەنا ئىككىمىزگە موللامدىن بىرنى تېپىپ بەردى،بىز نىكاھ ئوقۇتۇپ ،كىچىك بولسىمۇ توي قىلىۋالدۇق،مۇھەممەت قاسىم بىلەن جۈمە قارىنىڭ ئاغىنىلىرى تونۇش بىلىشلىرى بىزنىڭ تويىمىزنى ئوبدانلام قىزىتىپ بەردى،رەنا ئىككىمىزنىڭ تويى گەرچە ئاددىي بولسىمۇ ،كۆڭلىمىز خۇشال ئىدى،ئەڭ مۇھىمى بىر بىرىمىزنىڭ يېنىمىزدا بولغانلىقى ئۈچۈن بىز بەخىتلىك ئىدۇق. دۇنيادا مۇكەممەل ئىش يوق بولغىنىدەك مۇكەممەل ئىنسانمۇ يوق بولىدىكەن،مەن توي كۈنى ئويلىمغان ھەم ئويلاپمۇ باقمىغان بىر ئىشقا دۇچ كەلدىم. توي كېچىسى رەنانىڭ يېنىغا كىرىشتىن ئاۋال،مۇھەممەت قاسىم ھەم جۈمە قارىيلار بىرنەچچە ئاغىنىسى بېلەن نەشە چەكتى،ھەم ماڭىمۇ چېكىشكە زورلىدى. -كەيىپى بەك ياخشى نەرسە بۇ ،توي كېچىسى چېكىپ كىرسەڭ رەنا سېنى مەڭگۇ ئۇنتىيالمايدۇ ئاداش-دېدى مۇھەممەتقاسىم قاپاقتەك بىر نەرسىنى ماڭا سۇنۇپ. -بۇ قانداق نەرسە-سورىدىم مەن ،ھەم بۇرۇن بىر كىنودا بىر نەشكەشنىڭ خۇددى مۇشۇنىڭغا ئوخشاپ كېتىدىغان قاپاققا نەشە سېلىپ چەككەنلىكى يادىمغا كېلىپ چۆچۈپ كەتتىم-نەشە ئەمەستۇ ،ھە؟ نەشىنىڭ نوچىسى ،نەشە دېسەكمۇ بولىدۇ،بىزمۇ داۋاملىق چەكمەيمىز ،ئانچە مۇنچە كەيىپ سېغىنغاندا چېكىپ قويىمىز شۇ-دېدى مۇھەممەت قاسىم مېنى زورلاپ-بىر قېتىم چېكىپ قويغانغا ھېچنىمە بولمايدۇ،گىرامى نەچچە پۇللۇق نەسە دىمەي،تېخى بۇنىڭ، -بولدى ،مەن ئۇنداق نەرسىلەرنى چەكمەي ئۆزۈڭلار چېكىۋېرىڭلار ئاداش،مەن تاماكىمۇ چېكەممەيمەن-دېدىم مەن ئۆزۈمنى ئېپقېچىپ. ۋاي-ۋۇي ئاداش چەكمىسەڭ -چەكمىگىنە،تويۇڭ بولمىغان بولسا ساڭىمۇ ئېشىپ قالمايتى بۇ-مۇھەممەت قاسىم ئەمدى مەندىن رەنجىشكە باشلىدى. -ئاداش بولدى كۆڭلۈڭگە ئالما،بىزمۇ يۇرتتىكى ۋاختىمىزدا بەش ۋاخ ناماز ئوقۇيدىغان ،كەيىپ ساپادا يوق ياخشى باللا ئىدۇق،مۇشۇ يەرگە كەلگەندىن كېيىن ،باشقىلارنىڭ كەينىگە كىرىپ كېتىم ،مۇشۇ ئىشلارنى ئۈگىنىپ قالدۇق،ئەمدى مۇساپىرچىلىقتا ئادەم بەزى ئىشلارنى قىلمايمەن دېيەلمەيدىكەن،چەكمىسەڭ تېخى ياخشى ،بىزمۇ ئەمدى ساڭا زولىمايلى-جۈمە قارى مېنىڭ سەل ئوڭايسىزلىنىپ قالغىنىمنى كۆرۈپ يېنىمغا كېلىپ ماڭا تەسەللىي بېرىپ،مۇھەممەت قاسىممۇ ،ماڭا كەچۈر دېگەن مەنىدە قاراپ كۈلۈمسىرەپ قويدى.مېنىڭ كۆڭلۈممۇ شۇنىڭ بېلەن جايىغا چۈشۈپ قالدى. ئىنسان ئۈچۈن ئەڭ ھاياجانلىق ،ئەڭ ئۇنتۇلغۇسىز ،ئەڭ مەنىلىك ،ئەڭ شېرىن،ئەڭ بەخىتلىك چاغلار ئۆزى سۆيگەن ئادىمى بىلەن ئۆتكۈزگەن توي كېچىسى بولسا كېرەك. توي كېچىسى رەنا ئىككىمىز بىر-بىرىمىزگە مەڭگۈ ئايرىلماسلىققا ،مەڭگۈ مۇشۇنداق ئامراق ئۆتۈشكە،بىر بىرىمىزگە مەڭگۈ ۋاپادار بولۇشقا،ياخشى-يامان كۈنلەردە بىرگە بولۇشقا،بىر بىرىمىزنىڭ يۆلىكى ،سىردىشى ،ھەمرايى بولۇشقا ئەھدىلەشتۇق. ۋاقىت ئىنتايىن تىز ئۆتىدىكەن،تۈنۈگۈن تال چىۋىقىنى ئات ئىتىپ ئويناپ،ئىتىز قىرلاردە توپىغا مىلنىپ،باغلاردا ئاچچىق غورا يەپ يۈرگەن بالا ئىدۇق مانا ئەمدىلىكتە،ھاياتنىڭ ئاچچىقى چۈچۈكلىرىنى تېتىپ ،بىر ئائىلىنىڭ ئىگە بولۇپ   قالدۇق-دېسە. رەنا ئىككىمىز توي قىلۋالغاندىن كېيىن بىزنىڭ ئىشىمىز يۈرشۈپلا كەتتى،مۇھەممەتقاسىملار بىزگە باشقا بىر كەچلىك بازاردىن ئورۇن ھەل قىلىپ بەردى،رەنا ئىككىمىزمۇ ئىككى ئېغىزلىق ئۆيدىن بىرنى ئىجارە ئېلىپ ئۆزىمىزگە تەۋە  بىر ماكان قۇرىۋالدۇق خۇش -خەۋەرلەر كەينى كەينىدىن ئۈزۈلمىدى. بىز توي قىلغىلى ئىككى ئاي بولۇپ ئاشقان چاغلار ئىدى .بىر كۈنى رەنا ئىككىمىز كۈندىكىىدەك كاۋاپنىڭ تەييارلىقىنى قىلىۋاتاتتۇق.رەنا ھە دېسىلا قەي قىلىپ،بەك بېئارام بولۇۋاتاتتى.رەنانىڭ بۇ ھالىتىنى كۆرۈپ مەن ئۇنىڭدىن ئەنسىرەپ قالدىم. -نىمە بولدۇڭ رەنا،نەرىڭ ئاغرىۋاتىدۇ-سورىدىىم مەن ئەنسىزلىك بېلەن. -ھېچنىمە بولمىدۇم،شۇ بىر ئاز بىئارام بولۇۋاتىمەن كۆڭلۈم ئېلىشىۋاتىدۇ شۇ-دېدى رەنا ئۆزىنى جانلىق كۆرسىتىشكە ئۇرۇنۇپ. -مېجەزىڭ يوق بولسا ،سەن يېتىپ ئارام ئال،بۈگۈن بازارغا مەن ئۆزۈم چىقىپ كىرەي. -ياق بولدى ،مەندە ھېچقانداق چاتاق يوق-دېدى رەنا -ئۆزۈڭ چىقساڭ قىينىلىپ قالىسەن. ئۇ كۈنى رەنا مەن بىلەن بازارغا بىللە چىقتى،ئەتىسى ئەتىگەن ئۇ يەنە تۈنۈگۈنكىگە ئوخشاش بىئارام بولۇشقا باشلىدى،مەن ئۇنىڭدىن تېخىمۇ بەك ئەنسىرەشكە باشلىدىم ،ھەم .ئۇنىڭ ئۇنمىغىنىغا ئۇنىماي دوختۇرخانىغا ئېلىپ بېرىپ تەكشۈرتتۈم . ھامىلداركەن. دوختۇرنىڭ سۆزىنى ئاڭلىغاندىن كېيىن خۇددى ئالتۇن تېپىۋالغاندەك خۇشال بولۇشقا باشلىدىم.شۇكۈنى رەنا ئىككىمىز بازارغىمۇ چىقمىدۇق،پۈتۈن بىر كۈننى سۇجۇنىڭ باغچىللىرىنى ئايلىنىپ ساياھەت قىلىپ بۇ خۇش-خەۋەرنى تەبرىكلەش بېلەن ئۆتكۈزدۇق. گەرچە بۇ خەۋەر مېنى خۇشال قىلغان بولسىمۇ،لىكىن كۆڭلۈمدە يەنە بىر مەسئۇلىيەتنىڭ كۈچىيىشىگە تۈرۈتكە بولۇۋاتاتتى،چۈنكى مەن بۇرۇن بالا ئىدىم،،تۇيۇقسىز ئەر بولدۇم،ئەمدىلىكتە دادا بولۇش ئالدىدا تۇرۇپتىمەن،مېنى كەلگۈسىمدە بىر ئائىلە،ھەم دادىلىق ،ئەرلىك بۇرچى كۈتۈپ تۇرۋاتاتتى،مەن لاياقەتلىك دادا ئەسئۇلىيەتچان ئەر بولىشىم كېرەك ئېدى. ھەممىلا ئىنساننىڭ ھاياتى كۆل سۈيىدەك مۇقىم،سۈزۈك ھەم تېنىچ تۇرۇۋەرمەيدۇ،كۆپىنچىمىزنىڭ ھاياتى خۇددى ئۆركەشلەر ئىقىۋاتقان دەرياغا ئوخشاش گاھ سۈزۈلسە ،گاھى لېيىپ قالىدۇ،دېڭىزغا ئوخشاش دولقۇنلايدۇ پەسىيدۇ،چايقىلىدۇ.ئۇنىڭدا خۇشاللىققا قايغۇ ،بەخىت-ئامەتكە ئازاب ياندىشىپ كېلىدۇ. خۇددى شۇنىڭدەك رەنا ئىككىمىزنىڭ ھاياتىمۇ ،بىر خىل رېتىمدا ئوڭۇشلۇق ھەم كۆڭۈللۈك ئۆتۈۋەرمىدى. ئارىدىن بەش ئايچە ۋاقىت ئۆتكەندىن كېيىن،بىز تىجارەت قىلىۋاتقان كەچلىك بازار مەلۇم سەۋبتىن تاقىلىپ قالدى،شۇنىڭ بىلەن ئامالسىز ،ئۇيەر بۇ يەردە يايما ئېچىپ كاۋاپچىلىق قىلىشقا باشلىدۇق،تاپقان پۇلىمىزنىڭ تايىنى يوق ،ھە دېگەندىلا شەھەر باشقۇرغۇچىلارنىڭ مۇسادىرە قىلىشلىرىغا ئۇچراپ ،پەقەت راۋاج تاپالمىدۇق،رەنامۇ خېلىلا ئېغىرلىشىپ قالدى،بۇ ئەھۋاللار مېنى خېلىلا ھالسىرتىپ قويغان ئىدى،مۇشۇنداق بولۇۋەرسە ئۇزاققا قالمايلا جېنىمىزنى باقمىقىمىزمۇ بىر گەپ بولۇپ قالاتتى.مۇشۇ ئىشلار ھەتتا رەنا ئىككىمىزنىڭ توي قىلغاندىن كېيىنكى تۇنجى قېتىم ئۇرىشىشىمىزغا ھەم كېيىن تېخىمۇ كۆپ ئىشلارنىڭ يۈز بېرىشىگە سەۋەب بولدى. بىر كۈنى مەن ئادەتتىكىدەك بازاردىن قايتىپ،ئىشىك ئالدىدا تۇرۇپ رەنانىڭ بىر كىم بىلەن تېلفوندا پاراڭلىشۋاتقانلىقىنى ئاڭلاپ قالدىم. سەن ئۇقمايسەن ئاچا ،مۇشۇنداق كېتىۋەرسە ،مەن تۇغىدىغانغىمۇ پۇل تاپالماسلىقىمىز مۇمكىن،ئەسلى ساڭا دېمەي دېگەنتىم ،بىراق ئامالىم بولمىدى -رەنا شۇلارنى دېگەندىن كېيىن ئەتىگىچە كارتا نومۇرنى ئۇچۇر قىلىپ يوللاپ بېرىدىغانلىقىنى ئېيتىپ تېلفوننى قويۇۋەتتى. توۋا،بۇ زادى قانداق ئىش،مەن ھەيران قېلىۋاتاتتىم،رەنا ئەزەلدىن ماڭا ئۆيدىكىلەر بىلەن ئالاقە قىلىۋاتقانلىقىنى ئېيتىپ باقمىغان ئىدى،رەنا نېمىشقا بۇنداق قىلىدۇ،نېمىشقا مېنى ئالدايدۇ،زادى نېمىشقا ؟شۇلارنى خىيالىمدىن ئۆتكۈزگەندىن كېيىن ئۆيگە ئوقتەك ئېتىلىپ كىردىم. -بۇ زادى نېمە قىلغىنىڭ رەنا ،،سەن نېمىشقا مېنى ئالدايسەن،سەن مېنى ئالدىماسلىققا ۋەدە بەرگەنغۇ؟ -گېپىمنى ئوغۇرلۇقچە ئاڭلىدىڭما-رەنانىڭمۇ ئاچچىقى كەلگەندەك قىلاتتى-مەن سېنى ئالداپ قانداق قىپتىمەن. -نېمىشقا ئۆيۈڭدىكىلەر بىلەن ئالاقىلاشقىنىڭنى ماڭا ئېيىتمايسەن مۇشۇ مېنى ئالدىغىنىڭ بولماي نېمە؟ -سەن قاچان ئاناڭ بىلەن كۆرۈشكەندە ماڭا مەسلىھەت سالغان،سەن ئاناڭ بېلەن كۆرۈسەڭ بولدىكەن ،مەن ئاچام بېلەن كۆرۈشسەم نېمىشقا بولمايدىكەن. -سېنىڭ ئۆيۈڭدىكىلەر بىلەن مېنىڭ ئۆيۈمدىكىلەر ئوخشىمايدۇ. -نەرى ئوخشىمايدىكەن،سېنىڭ ئاناڭ ئانا ،مېنىڭكى ئانا ئەمەسمىكەن ،سەن نېمە دېمەكچى-رەنا ئەمدى ۋاقىراشقا باشلىدى-ئۇقۇپ قوي ساڭا ئۆيۈڭدىكىلەر قانداق بولسا ماڭىمۇ شۇنداق. -مەن سېنى توسمىدىم ،لىكىن ماڭا دەپ قويشۇڭ كېرەك ئېدى،ئۇنىڭ ئۈستىگە نېمىشقا ئۇلاردىن پۇل سورايسەن،مەن سېنى باقالمىدىممۇ يا ،ئاچ قالغان يېرىڭ بامۇيا. -باقاممىدىڭ،مۇشۇمۇ سېنىڭ تېخى مېنى ياخشى باققىنىڭ ،ئۈستى بېشىمغا بىر قاراپپاقە،سەن بىلەن كەلگەننىڭ ياقى ماڭا قايسى ياخشى كۈنلەرنى كۆرسىتىپ كەتكەنسە سەن،تارتمىغان جاپايىم قالمىدى.مېنىڭ .. رەنانىڭ سۆزلىرى يۈرىكىمگە نەشتەر بولۇپ سانجىلماقتا ئىدى.مەن ئۇنى بۇنداق دەيدۇ دەپ ئويلاپمۇ باقمىغان ئىدىم. -ئۇنداق بولسا قايتىپ كەت ،باي داداڭنىڭ يېنىغا قايتىپ كەت،مەن باقالمىغان بولسام كەتسەڭ بولىدىغۇ-مەن شۇنداق دېگىنىمچە ئىشىكنى جاراڭ -جۇرۇڭ ياپقىنىمچە سىرىتقا چىقىپ كەتتىم. بىردەم ئۇيان بۇيان چۆگىلەپ نەگە بېرىشىمنى نېمە قىلشىمنى زادىلا بىلەلمىدىم ،ئىچىم ئەلەمگە توشۇپ كېتىۋاتاتتى،رەنامۇ ماڭا مۇشۇنداق قىلسا ،مېنىڭ بۇ دۇنيادا يدشىغىنىمنىڭ نېمە پايدىسى،ئۆلۈپ كەتسەملا بولمامدۇ مەن، بىر ئۆينىمۇ ئوڭلاپ باقالمىسام مېنىڭ نەرىم ئەركەك .ئىچىمدىن ئۇرغۇپ چىقىۋاتقان بىر ئەلەم تېنىمنى تىترىتەتتى،شۇ تاپتا روھىم ھېچنەرسىدىن تەسەللى تاپىدىغاندەك ئەمەس ئىدى.شۇ خىياللار بېلەن بىر دەسسەپ ئىككى دەسسەپ مۇھەممەت قاسىملارنىڭ يېنىغا كېلىپ قالغىنىمنى ئۆزۈممۇ تۇيمايلا قالدىم. -ئاداش نېمە بولدۇڭ؟جۈمە قارى چىرايىمغا قاراپ بىر ئىشنى سەزگەندەكلا سورىدى. -ھېچنىمە -دېدىم مەن نېمە دىيشىمنىمۇ بىلەلمەي-ئاداش ھېلىقى نەرسىەڭلار بارمۇ؟ -نېمنى دەيسەن؟-دېدى جۈمە قارىي ئەجەبلىنىپ. -ھېلىقى توي كۈنى ماڭا بەرگەن نەرسىچۇ؟ -مەندە بار-دېدى مۇھەممەت قاسىم-بىراق ئۇ كۈنى سەن ئۇنمىغانتىڭغۇ؟ بۈگۈن چەككۈم بار-دېدىم مەن ئېغىر كىچىك تىنۋەتكەندىن كېيىن. -يۈرە ئەمىسە ياتاققا كىرەيلى-مۇھەممەت قاسىم مېنى ياتاققا باشلاپ كىرگەندىن كېيىن،يوشۇرۇپ كويغان يېرىدىن بىر نەسىلارنى ئېلىپ قوراشتۇرۇپ تېگىگە ئوت يېقىپ ماڭا چېكىش ئۇسۇلىنى ئۈگىتىپ قويغاندىن كېيىن قولۇمغا بەردى. -رەھمەت ئاداش-مەن ئۇنى قولۇمغا ئېلىپ ،مۇھەممەت قاسىمنىڭ ئۈگۈتۈپ قويغۇنى بويىچە چېكىشكە باشلىدىم ،تەنلىرىم بوشۇشۇپ،روھىم ئۆزۈمنىڭ ئەمەستەك ،كاللام پىرقىراشقا باشلىدى،مەن پۈتۈن ئازابلىرىمنىڭ مۇشۇ نەرسە بېلەن يوقۇلۇپ كېتىشىنى ئارزۇ قىلاتتىم. ھېكايىمىز مۇشۇ يەرگە كەلگەندە بەلكىم نۇرغۇن دوسلىرىمىزنىڭ ئۇيلىغان يېرىدىن چىقمىغان بولىشى مۇمكىن،لېكىن رېئاللىق بىزنىڭ خىيال قىلغىنىمىزدەك بولىشىغا يول قويمايدىكەن،چۈنكى بۇ ھېكايە ،مېنىڭ ئەمەس باشقىلارنىڭ تۇرمۇش ھېكايىسى ئاساسىدا قوراشتۇرلۇپ ئۆزگەرتىلىپ ،يېزىلغان بەزى يەلىرى توقۇلغان بولسا بەزى يەلىرى ھەقىقەتتە بولغان.مەن ئۆزۈم ئاڭلىغان كۆرگەن ئىشلاردۇر،دوسلىرمىزنىڭ ياقتۇرىشىنى ئۈمىد قىلىمەن. ئادەم دېگەننى قارا باسسىمۇ ئاجايىپ باسىدىكەن،ئۆزى ئويلاپمۇ باقمىغان ئىشلارنى قىلىپ سالىدىكەن،شۇ كىچىككىنە سەۋەنلىكى تۈپەيلىدىن ئۆمۈرلۈك پۇشايمانغا قالىدىكەن،ھاياتى پۈتۈنلەي ئۆزگىرىپ ئاستىن-ئۈستۈن بولۇپ كېتىدىكەن. ئەقلىي -ھوشۇمغا كەلگەندىن كېيىن ئۆزۈمنىڭ نېمە قىلىپ قويغانلىقىمنى بىلىپ قىلغانلىرىمغا پۇشايمان قىلشقا باشلدىم،مەن نىمانچە كالۋا ،نېمە ئۈچۈن بۇنداق ئىش قىلغاندىمەن،،ئەجەبا رەنانىڭ دېگەنلىرى خاتامۇ ؟ئۇ مېنىڭ كەينىمدىن ئىچكىرىگە كىرگەننىڭ ياقى قاچان بىر ياخشى كۈن كۆرۈپ باقتى،ئۇمۇ ،خۇددى مەندەك ئىنسان تۇرسا ،ئاتا-ئانىسىنى ،قېرىنداشلىرىنى سېغىنىدۇ-دە ئەلۋەتتە،ئۇلار بېلەن ئالاقە قىلغىنىنى يوشۇرسا نىمە بوپتۇ،يا باشقا ئادەملەر بېلەن ئالاقىلاشمىسا،بۈگۈن مەن سەل ئاشۇرىۋەتتىممۇ قانداق؟شۇلارنى خىيالىمدىن ئۆتكۈزگەندىن كېيىن،رەناغا -قايتىپ كەت دېگەن سۆزۈم -شارتتتىدە يادىمغا كەلدىدە جىددىيلىشىشكە باشلىدىم. -ئاداش،قانداق خېلى ياخشى بوپ قالدىڭمۇ يە-دېدى جۈمە قارى مېنىڭ ئورنۇمدىن تۇرۋاتقىنىمنى كۆرۈپ.بېشىنى كۆتۈرۈپ،مۇھەممەتقاسىم بولسا يوتقانغا بېشىنى پۈركىگىنىچە خورەك تارتىپ ئۇخلاۋاتاتتى.دەرىزىدىن چۈشكەن كۈن نۇرى سائەتنىڭ ئاللىقاچان بىر يەرگە بېرىپ قالغانلىقىدىن شەپە بېرىپ تۇراتتى. -بۇ گەپلەرنى كېيىن دېيىشىلى ئاداش،مەن ئاخشام مۇشۇ يەردە قونۇپ قالدىمما-دېدىم مەن ئايىغىمنى كىيگەچ. -ھەئە،ئاخشام خۇدۇڭنى بىلمەي قاپتىكەنسەن ،رەناغا بىزنىڭ ئۆيدە دەپ تېلفون قىلىپ قويۇپ ،مۇشۇ يەردە ياتقۇزۇپ قويدۇق. -ئاپلا-مەن جۈمە قارىنىڭ سۆزىنى ئاڭلاپ،تېخىمۇ ئەنسىرەشكە باشلىدىم،جۈمە قارىغا باشقا گەپ قىلماستىن يۈگۈرگىنىمچە چىقىپ كەتتىم. رەنا زادى قانداق قىلغاندۇ؟ئۇ راستىنلا شىنجاڭغا كەتكەنمىدۇ؟ياق قايتىپ كەتسە دادىسى ئۇنى ساق قويمايدۇ ،ئۇنىڭ ئۈستىگە ھامىلدار تۇرسا،ئۇ ئۆيدىن چىقىپ كەتكەن بولسا قانداق قىلارمەن،قانداقمۇ قىلارمەن-شۇ ئەندىشىلەر بىلەن ئۆيگە كىلىپ جىددىيلىك بىلەن ئىشىكنى ئېچىك كىردىم،ئۆينىڭ ئىچى رەتلىك ،پاكىزە يۇغۇشتۇرىلغان ئىدى.لېكىن رەنا ئۆيدە يوق تۇراتتى.پۇت قولۇم لەسسىدە بوشۇشۇپ ئولتۇرۇپ قالدىم ھەم يېنىمدا تۇرغان بىر پارچە خەتكە كۆزۈم چۈشتى.دە،خەتنى قولۇمغا ئېلىپ ئوقۇشقا باشلىدىم، -ئېرپان مېنى كەچۈرگىن،مەن ئەسلىدە ساڭا ،ئۇ گەپلەرنى دېمەسلىكىم كېرەك ئىدى،ئۆزۈمنى بېسۋالالماي قالدىم،ئەسلىدە سەندىن يوشۇرماسلىقىم كېرەك ئىدى،سېنىڭ بىلگەندىن كېيىن كۆڭلۈڭنىڭ يېرىم بولشىدىن ئەنسىرەپ سەندىن ئۇ ئىشلارنى يوشۇرۇشقا مەجبۇر بولدۇم.بىلەمسەن ،ئۇزاق يىللار كۆرشەلمەي كۆڭلۈم يېرىم بولغان شۇ دەملەردە،سېنى ئۈرۈمچىدە كۆرگەن ئەشۇ چاغدىلا ،مەن ئەمدى سەندىن ھەرگىز ئايرىلماسلىققا ئۆز-ئۆزۈمگە ۋەدە بەرگەن،سەم بولغانلىقىڭ ئۈچۈن ،ھېچنىمىدىن قورىقماي جاسارەتكە كېلىپ ،ساڭا ئەگىشىپ مۇشۇ يەرگىچە كەلگەن،ئەسلىدە ساڭا مەڭگۈ ئېيىتماي دېگەن ئىدىم،لېكىن ھەقىقى ئەھۋالنى ئېيتىۋەتمىسەم بولمىغۇدەك،سەن تىيەنجىگە كەتكەن ھېلىقى كۈنى يادىڭدا باردۇ؟ئاشۇ كۈنى نېمە ئىش بولغانلىقىنى بىلەمسەن؟ئاشۇ كۈنى ھېلىقى ياۋۇز ئەبلەخ خوجايىن مېنى ئالداپ نومسۇمغا تەگمەكچى بولغان ئىدى،مەندەك ئاجىز كۈچسىز بىر قىزنىڭ قايسى جاسارەت بېلەن ،ئۇ ھايۋاننىڭ قولىدىن قۇتۇلۇپ قاچالىغانلىقىمنى بىلەمسەن،بۇ دەل سەن ماڭا ئاتا قىلغان جاسارەت،يەنى سېنىڭ ماڭا ئاتا قىلغان مۇھەببىتىڭنىڭ ،ساڭا بولغان ساداقىتىمنىڭ كۈچ قۇدىرىتى ئىدى،ئەگەر ئاشۇ كۈنى مەن ئۇنىڭ چاڭگىلىدىن قېچىپ قۇتۇلالمىغان بولسام ،ئۆزۈمنى جېنىم ئارقىلىق پااكلىقىمنى قوغداپ قالماقچى بولغان ئىدىم،بىلەمسەن ،،،سەن مېنىڭ ھاياتىم،بارلىقىم،سەنسىز مەن  نەپەس ئېلىشىىنىمۇ، بۇ دۇنيادا ياشاشنىمۇ تەسەۋۋۇر قىلالمايمەن،مېنى كەچۈرگىن سەن مېنىڭ نەزىرىمدە ،دۇنيادىكى ئەڭ ياخشى يىگىت،مەن ئۈچۈن قىلغانلىرىڭغا كۆپ رەھمەت،ھەقىچان ناشتا قىلماي كەلگەنسەن ، بۈگۈن سەن ئەڭ ئامراق پولۇ ئېتىپ ئىشكاپنىڭ ئىچىگە سەپ قويدۇم،يەۋېلىپ ئاندىن بازارغا چىقاسەن،مەن بۈگۈننىڭ تەييارلىقىنى قىلغاچ سېنى ساقلايمەن،ساڭا ئامراق خوتۇنۇڭ رەنا. خەت ئىنتايىن قىسقا بولسىمۇ ،مېنى بەكمۇ تەسىرلەندۈردى،كۆزۈمدىن چۈشكەن ياشلار مەڭزىمدىن سىرغىپ چۈشۈپ قەغەزنى ھۆل قىلىۋەتكەن ئىدى. -رەنا سەن نېمە دىگەن ياخشى-ئۆزۈممۇ سەزمەستىن بوشقىنە شىۋېرلىدىم.دە رەنا ئەتكەن پولۇنى ئېلىپ ئىشتىھا بىلەن يېيىشكە باشلىدىم.رەنا ئەتكەن پولۇ ھەقىقەتەن ئوخشايتتى،نېمىشقىدۇر ،ئۇ باشقا شەھەر قىزلىرىغا پەقەتلا ئوخشىمايتتى ،ھەممىلا تاماقنى شۇنچىلىك ئوخشىتىپ ئېتەتتى،بىر قېتىممۇ ئېتىپ باقمىغان تاماقلار بولسىمۇ بىر قېتىم كۆرىۋالسىلا ئۈگنىۋالالايتتى، ئاللاھىم ماڭا رەنادەك قىزنى ھەمرا قىلغىنىڭغا چەكسىز شۈكۈر-ئچىمدە شۇلارنى ئويلىغاندىن كېيىن،ئالدىراپ سالدىراپ بازارغا ماڭدىم،رەنا ئېغىرقات ،ئۇنىڭ ئۈستىگە 7 ئاي بولاي دەپ قالغان بولغاچقا ئۇنىڭدىن ئەنسىرەپ قالغان ئىدىم.-كەلدىڭما-رەنا مېنى كۈلۈمسىرەپ تۇرۇپ كۈتىۋالدى. -مېنى كەچۈرگىن رەنا-مەن رەناغا قاراپ ئاران ئۇشۇ بىر ئېغىز گەپنى دىيەلىدىم.ئىككىمىز بىر بىرىمىزگە قاراپ كۈلۈپ قويغاندىن كېيىن كاۋاپنىڭ تەييارلىقىنى باشلىۋەتتۇق. شۇنداق قىلىپ،رەنا ئىككىمىز ئەپلىشىپ قالدۇق ،بىر ناۋاينىڭ ئالدىدىن ئورۇن سېتىۋېلىپ مۇقۇم ئورۇنغا ئېگە بولۇپ قېچىپ يۈرۈشتىنمۇ قۇتۇلدۇق،ئىش -ئوقىتىمىزمۇ يامان ئەمەس ھالغا كېلىپ قالدى.لېكىن مەن شۇ پېتى ھېلىقى پاتقاققا پېتىپ قالدىم،ئارىدىن ئىككى ئۈچ كۈن ئۆتە -ئۆتمەي بىئارام بولۇپ،كۆڭلۈم مۇھەممەت قاسىمنىڭ ھېلىقى بىرنەرسىسىنى تارتىپ پەقەت ئارام بەرمىدى،ئۆزۈممۇ سەزمىگەن ھالدا ئۇنىڭ يېنىغا يەنە باردىم،يەنە باردىم........ ئىككى ئۈچ قېتىم ئۆزىنىڭكىنى بەردى تەڭ چەكتۇق،كېيىن-ئاداش سەنمۇ بىلىسە ھازىر پۇل تاپماق بەك تەسلىشىم كەتتى،مەنمۇ ئۆزۈمنىڭ يېتىشمەي يۇرتتىكلەردىن پۇل سالدۇرۇپ ،ئاغىنىلەردىن قەرىز سوراپ ئاران ئۆزۈمگە لايىقنى تاپالايدىكەنمەن،بۇندىن كېيىن سەنمۇ ئۆزۈڭنىڭكىنى ئۆزۈڭ ئال،مەن ساڭا ساتىدىغان يەرنى كۆرسىتىپ قوياي-دېدى مۇھەممەت قاسىم بىر كۈنى مەن يەنە ھېلىقى نەرسىنى سوراپ كەلگەنىنىمنى كۆرۈپ سەل ئاچچىقى كەلگەندەك قىلىپ، -مۇشۇ بىر قېتىم ،بىرىپ تۇرە ،كىلەر قېتىم مەن ئالاي.-دېدىم مەن سەل يالۋيرغاندەك قىلىپ. -گېپىڭ گەپ ھە،ئاداش. گەپ. -يۈرە ئەمىسە. زەھەر دېگەن ئاجايىپ نەرسىكەن،ئۆزۈڭنى زەھەرلەپ بولدى قىلمايدىكەن،ئەتراپىڭدىكى سەن بىلەن مۇناسىۋېتى بار بارلىق ئادەملەر ئۇنىڭ كاساپىتىگە زېيىنىغا تەڭ ئۇچرايدىكەن،شۇڭا ئۇنىڭ ئىسمى زەھەر دەپ ئاتىلىدىكەن . شۇنىڭ بىلەن مەنمۇ ئۆزۈمنىڭكىنى ئۆزۈم سېتىۋالىدىغان بولدۇم،تاپقان پۇلۇپ چەككىنىمگە ئاران يېتىدىغان بولۇپ قالدى،رەناغا چاندۇرماسلىققا شۇنچە تىرىشساممۇ ،يەنىلا ئاشكارلاندىم. ھەرقېتىم ساق چېغىمدا ئۇنىڭغا ئەمدى  چەكمەسلىككە ئادەم بولۇشقا ،تۈزۈلۈشكە قايتا-قايتا ۋەدە بېرەتتىم،بىراق خۇمارىم تۇتقان چاغدا،رەنامۇ،ئۇنىڭ قوسىغىدىكى بالاممۇ كۆزۈمگە كۆرۈنمەيتتى،رەنا ماڭا يالۋۇراتتى يىغلايتتى،قاخشايتتى،بىراق ئۇنداق چاغلاردا مېنىڭ كۆزۈمگە ھېچنەرسە كۆرۈنمەيتتى ئېسىمگە كەلگەندە قىلغانلىرىمغا پۇشايمان قىلاتتىم،ئۆزۈمدىن يىرگىنەتتىم،ئۇ نىجىس نەرسىنى چوقۇم تاشلاشقا نىيەت قىلاتتىم كىشىلەر زەھەرنى ئاق ئالۋاستى دەپ ئاتايدىكەن،مېنىڭچە بۇ ناھايىتى جايىدا ئېيتىلغان گەپ ئىكەن،چۈنكى ئۇنىڭ چاڭگىلىغا چۈشكەن ئادەم،ۋېجدانىنى غورۇرىنى ئادىمىيلىكىنى،ئىنسانىيلىقىنى،مىھرى-مۇھەببىتىنى پۈتۈنلەي يوقىتىپ ياۋۇزلۇشۇپ كېتىدىكەن،ئۇنىڭ چاڭگىلىدىن قۇتۇلۇش ئېنتايىن مۈشكۈل بولىدىكەن. زەھەرگە ئۈگىنىپ قالغان قىسقىغىنە بىرنەچچە ئاي جەريانىدا،مەن پۈتۈنلەي ئۆزگىرىپ كەتتىم،بۇرۇنقى مىھرى -مۇھەببەتكە تولغان يۈرىكىم ،ئەمدى بارغانسىرى قېتىشقا باشلىدى.نەچچە قېتىم زەھەر تاشلىماقچى بولۇپ ،رەناغا دەپ بىر ئۆيگە سولىنىۋالغان بولساممۇ، رەنا ،قىلغان نالە زارەمگە چىدىماي ئىشىكنى ئېچىپ ،ماڭا كېرەكلىك نەرسىنى ئۆزى بېرىپ ئەكىلىپ بەردى.شۇنداق قىلىپ مەن زەھەرنىڭ قۇلىغا ئايلاندىم،مېنى ھاياتىم بويى ئەڭ ئۆكۈندۈرىدىغان ئىش،مەن ھەتتا رەنا يەڭگىگەن چاغدىمۇ ئۇنىڭ يېنىدا بولالمىدىم،ئۇنىڭ ئۈرۈمچىدىكى ئاچىسى دادىسىدىن يوشۇرۇنچە كېلىپ ،ھالىدىن خەۋەر ئالدى.مەن بولسام ئۆزۈمنىڭ مەينەتچىلىكلىرىمنى يوشۇرۇش ئۈچۈن باشقا شەھەرلەردە سەرگەردان بولۇپ،يۈۇپ رەنا يەڭگىگەندىن كېيىن ،ئاندىن ئۇنى كۆرگىلى كەلدىم،رەنا كۆزلىرى ،قاشلىرى ،ئاغزى ماڭا قويۇپ قويغاندەك ئوخشايدىغان پاقلاندەك بىر ئوغۇل تۇغدى،ئۇنىڭ ئىسمىنى مېھىرلىك بالا بولسۇن دەپ ،رەنانىڭ پىكرى بويىنچە مېھرىبۇللا قويدۇق،ئوماق ئوغلۇمنىڭ تۇغۇلىشىمۇ يەنىلا مېنىڭ باغرىمدىكى ياۋۇزلۇقنى ئۆزگەرتەلمىدى.مەن ھەتتا ،يۇرتۇمدا بالا دەردىدە باغرى كاۋاب بولۇپ كەتكەن ئاتا-ئانامنىمۇ ئاياپ قويمۇدۇم،ئانامنى ئالداپ يۈرۈپ،نەچچە قېتىم پۇل سالدۇرۇپ خەجلىدىم،كېيىن ئۇقسام ،ئانام ماڭا سېلىپ بېرىدىغان شۇ نەچچە مىڭ يۇەن پۇلنى دادامدىن يوشۇرۇن غەملەش ئۈچۈن ،ئۆزىنىڭ بىر ئۆمۈر يىغقان نەچچە مىسقال ئاتۇنىنىمۇ سېتۋېتىپتۇ،بىر پەرزەنىت ئۈچۈن ئۆز ئانىسغا قىلىنغان بۇنىڭدىنمۇ ئارتۇق ۋاپاسىزلىق بولمىسا كېرەك. رەنانىڭ يەڭگىگىنىگىمۇ ھەش-پەش دېگۈچە ئىككى ئايدىن ئېشىپ قالدى،رەنامۇ بالىنىڭ ھەم ئۆزىنىڭ ھالىدىن خەۋەر ئالالىغۇدەك بولۇپ قالدى.ئۇنىڭ ئاچىسىمۇ قايتىپ كەتتى.شۇنىڭ بىلەن مەنمۇ ئۆيگە قايتىپ كەلدىم. -ئېرپان سەن زادى بۇ نىجىس نەرسىنى تاشلامسەن تاشلىمامسەن،سەن قاچانغىچە مۇشۇنداق ئۆتمەكچى،بالاڭ ئىككىمىز نېمە يەۋاتىمىز،نېمە ئىچىۋاتىمىز ھېچنەرسە بېلەن كارىڭ يوق،بىر كۈن ئۆمىلەپ ئىشلەپ تاپقان پۇل بىر قېتىم چېكىشىڭگىمۇ يەتمەيدۇ،سەن زادى تۈزۈلەمسەن يوق،ئەگەر مۇشۇنداق قىلىۋېردىغان بولساڭ ،مەنمۇ كېتىمەن ،دادام ئۇرۇپ ئۆلتۈرۋەتسىمۇ مەيلى ،سېنىڭ يېنىڭدا ئاچ قېلىپ ئۆلگەندىن كۆرە دادامنىڭ تايىقىدا ئۆلگىنىم مىڭ ياخشى.-دېدى رەنا بىر كۈنى مېنىڭ ئەس ھوشۇم خېلى جايىغا چۈشكەن چاغدا ماڭا كايىپ. -ئۇنداق قىلما رەنا،مەندىمۇ نېمە ئامال بار مېنى تاشلىغۇسى يوق دەمسەن-رەنانىڭ گېپى مېنى ئوبدانلا قوقىتىپ قويدى-مەن سەنسىز ياشىيالمايمەن،مېنى تاشلىۋېتىشكە قانداق يۈكۈڭ چىدايدۇ. -بۇ گەپلىرڭنى نەچچە مىڭ قېتىم ئاڭلاپ كەتتىم قۇرۇق گېپىڭنى قوي زادى تاشلامسەن يوق ،بۈگۈن ھەممە گەپنى ئوچۇق دەيسەن،مەن دېگنىمنى چوقۇم قىلماي قويمايمەن-رەنانىڭ چىرايىدىن قەتئىيلىكى چىقىپ تۇراتتى. -مەن تاشلاي ،بۇ قېتىمقى ۋەدەم راس،مەن چوقۇم تاشلايمەن-مەن رەناغا يالۋۇرۇشقا باشلىدىم. -ئۇنداقتا بۈگۈنلا مەن بېلەن زەھەر تاشلاش ئورنىغا بارىسەن-دېدى رەنا قەتئىي قىلىپ. -بۇ...-ئۈنۈم ئىچىمگە چۈشۈپ كەتتى-مەن ئۇ يەرگە كەتسەم بالا بىلەن قىينىلىپ قالارسەنمىكىن -قىينالمايمەن،،سەن زەھەر تاشلايدىغانلا بولساڭ مەن قىينالساممۇ رازى-دېدى رەنا پىكرىدە چىڭ تۇرۇپ-بالا بېلەن ئىككىمىز ،ھازىرمۇ بىركۈن ئاچ ،بىر كۈن توق يۈرىۋاتىمىزغۇ،بەرىبىر. -ماقۇل ئەمىسە بارايلى-دېدىم مەن يېنىڭ كۈلۈمسىرەپ-بۇ نىجىستىن قۇتۇلىدىغانلا ئىش بولسام بۈگۈن سەن بېلەن نەگە دېسەڭ بارىمەن. رەنا سۆزۈمنى ئاڭلىغاندىن كېيىن ئىللىققىنە تەبەسسۇم قىلدى. رەنا ئىككىمىز سۇجۇدىكى ئەمگەك بىلەن زەھەر تاشلاتقۇزۇش ئورنىغا يېتىپ كەلدۇق،مېنىڭ بۇ قېتىمقى ئىرادەم ھەقىقەتەن چىڭ ئىدى ،ئىچىمدە زەھەر تاشلىماي تۇرۇپ بۇ يەردىن ھەرگىز چىقمايمەن دەپ ئويلايتتتىم.رەنا مۇناسىۋەتلىك رەسمىيەتلەرنى بىجىرگەندىن كېيىن،بالىنى ئېلىپ  كۆزى قىيمىغان ھالدا مەن بېلەن خوشلىشىپ كېتىپ قالدى. -ئۆزۈڭنى ئاسىرا،بالىغا ياخشى قارا .-رەنانىڭ ئاستا قەدەملەر بېلەن مەندىن يىرالىشىۋاتقان سىماسىغا قاراپ بوشقىنە شىۋېرلىدىم، مەن ئۇنى سۆيەتتىم، مېنىڭ دۇنيادا مۇشۇنچىلىك ئادەم بولۇپ ياشىيالىشىمغا بىردىنبىر سەۋەبچى بولۇۋاتقان ئىنسان دەل رەنا ئېدى،مەن ئۇنىڭ ئۈچۈن ھەممىنى ھەممىنى قىلىشقا رازى ئىدىم،ئۇنىڭدىن ئايرىلىپ قېلىشتىن قورقاتتىم،زەھەر مېنىڭ ۋېجدانىمنى يوقۇتالىغنى بېلەن ئۇنىڭغا بولغان مۇھەببىتىمنى يوقىتالمىغان ئېدى. مەن زەھەر تاشلاش ئورنىغا كىرگەندىن كېيىن ،داۋالىنىشقا ماسلاشتىم،مەن گەرچە بۇرۇن تۈرمىگە كىرىپ باقمىغان بولساممۇ،بۇ جاينى خۇددى بىر تۈرمىگىلا ئوخشىتاتتىم،بۇ جاي مەن بۇرۇنلاردا تېلىۋېزوردا كۆرىدىغان تۇرمىگە بىز جىنايەتچىلەرگە ئوخشىشىپ كېتەتتۇق.،مەن بۇ يەردە ئۆزۈمنىڭ ھەقىقەتەن بىر ئېغىر جىنايەت ئۆتكۈزگەنلىكىمنى چوڭقۇر ھېس قىلىپ قىلغانلىرىمغا قاتتىق پۇشايمان قىلدىم،ھەم بالدۇرراق ياخشى ئۆزگىرىپ چىقىشقا بەل باغلىدىم.رەنامۇ ھەپتىدە بىر قېتىم مېنى كۆرگىلى كېلىپ ماڭا رىغبەت بېرىپ تۇردى. تۇرمۇشنىڭ نۇرغۇن ئىشلىرى سىز بىلەن مەن ئويلىغاندەك بولمايدىكەن،بەزى ئىشلار سىز كۈتۈلمىگەندە يۈز بېرىپ ،سىزنىڭ قىلماقچى بولغان يەنە بىر ئىشىڭىزغا توسالغۇ بولىدىكەن. مەن زەھەر تاشلاش ئورنىغا كىرگىلى بىر ئاي بولاي دېگەندە ،بىر كۈنى رەنا روھى چۈشكەن ئەنسىز ھالەتتە مېنى ئېلىپ چىقىپ كېتىدىغانلىقىنى ئېيتتى. -مەن يەنە بىرە ئاي تۇرۇپ ئاندىن چىقىپ كەتسەم بولارمىكىن-دېدىم مەن رەنانىڭ پىكرىنى رەت قىلىپ چۈنكى مەن يەنە بۇرۇنقى ئىشنى تېپۋېلشىمدىن ئەنسىرەيتتىم ،،بۇ يەردىكى باشقۇرغۇچىلارمۇ ئەڭ ئاز دېگەندە 3 ئاي تۇرمىسام ،تەلتۆكۈس تاشلىيالمايدىغانلىقىمنى ئېيىتقان ئىدى. چىقىپ كەتمىسەڭ بولمايدۇ،مېھرىبۇللانىڭ ئەھۋالى ئېغىر ئۇنىڭ دوىتۇرخانىدا قويۇپ كەلدىم-رەنا نىڭ كۆزلىرىدىن ئاققان ياشلار مېنىڭ يۈرىكىمگە بېرىپ تەگدى.بىر خىل ئەنسىزلىك ۋۇجۇدۇمنى قاپلىدى. -ماقۇل ئەمىسە چىقىپ كېتەيلى-دېدىم مەنمۇ ئەندىشىگە چۈشۈپ. رەنا مۇناسىۋەتلىك رەسمىيەتلەرنى بىجىرگەندىن كېيىن ،مېنى ئېلىپ چىقىپ كەتتى ،بىز ئۇدۇل دوختۇرخانىغا قاراپ ماڭدۇق. ئەي ئاللاھ ،بالامنى ئۆز پاناھىڭدا ساقلىغىن،مېنىڭ قىلغان گۇناھلىرىم ئۈچۈن ،بالامنى جازالىمغىن،مېنىڭ جېنىمنى ئالغىن،بالامنىڭ چېنىنى ئامان قىلغىن،مېنڭ بالامدىن مەھرۇم قىلىش بىلەن جازالىمغىن-ئىچىمدە توختىماي ئاللاھقا ئىلتىجا قىلاتتىم ،گۇناھلىرىمغا توۋە قىلاتتىم،بالامنىڭ كېسەل بولشىنى ،مېنىڭ گۇناھلىرىمنىڭ سەۋەبىدىن دەپ ئويلاپ ئۆزۈمنى قاتتىق ئەيىپلەيتتىم،. دوختۇرخانىغا بارغاندىن كېيىن ،مېھرىبۇللانىڭ ئۆپكىسى ئىششىپ ،قالغانلىقىنى ۋاقتىدا ئېلىپ كەلمىگەنلىكىمىز ئۈچۈن،ھاياتىنىڭ خەتەر ئىچىدە ئىكەنلىكىدىن خەۋەر تاپتىم،.رەنا ئىككىمىز بالىنى ،دوختۇرخانىمۇ-دوختۇرخانا كۆتۈرۈپ چېپىپ يۈردۇق.بۇ جەرياندا ،رەنانىڭ ئاچىسى ،ھەم ئانىسى ،دادىسىدىن يوشۇرۇن بىرنەچچە قېتىم پۇل سېلىپ بەردى. بالامدىن ئايرىلىپ قالسام ئۆزۈمنى ھەرگىز كەچۈرەلمەيتتىم،ئاللادىن توختىماي ئۇنىڭغا ئامانلىق تىلەيتتىم،تىلەكلىرىم ،ئاللاھنىڭ قوبۇلىغا ئىرىشتىمۇ ،ياكى سەبىي بالامغا ئىچى ئاغرىدىمۇ،بىر دوختۇرخانىدىكىلەر بالامنىڭ ھاياتىنى قۇتقۇزۇپ قالدى،شۇنىڭ بىلەن رەنا ئىككىمىزمۇ خېلى ئارام تېپىپ قالدۇم. ئادەم دېگەن بەزىدە ھايۋانچىلىكمۇ ئەقلىنى تاپالمايدىكەن،ئېشەك جېنىدا پۇتۇ بىر قىتىم تىقىلىپ كەتكەن يەردىن ئېىككىنچى ئۆتمەيدىكەن،لېكىن بەزىللىرىمىز بولساق تىقىلغان چاغدا ،بۇ يولدىن ئىككىنجى ماڭمايمەن دەيدىكەنمىزيۇ،يەنە ئىككى ئۈچ كۈندە ئېيىتقان گېپىمىزنى ئۇنتۇپ يەنە ئاشۇ يول بېلەن ماڭىدىكەنمىز.كۆرۈكتىن ئۆتىۋېلىپلا بۇرۇنقى ھالىمىزنى ئۇنتۇپ قالىدىكەنمىز. بالىمىز ساقىيىپ  دوختۇرخاندىن چىققاندىن كېيىن رەنا ئىككىمىز بۇرۇنقىدەك شېرىن تۇرمۇشمىزنى يەنە باشلىدۇق، لېكىن مەن ئۇزاققا بارمايلا ،،يەنە كونا كەسپىمنى تېپۋالدىم،گەرچە بۇرۇنقىدەك كۆپ قىلمىساممۇ ،لىكىن يەنىلا ئۇنىڭدىن ۋاز كېچەلىمىدىم،رەنامۇ بۇرۇنقىدەك كۆزۈمگە كىرىۋالماي بېرىمغا قويۇپ بېرىدىغان بولدى. كۈنلەر ئۆتۈپ مېھرىبۇللامۇ بىر ياشقا كىرىپ، ئاشتى،ئۇنىڭ تاتلىق قىلىقلىرى مېنى بەك سۆيۈندىرەتتى،تە،تە -دەپ ئەمدىلا پۇتىنى يۆتكەم مېڭىشلىرى،-دا،دە دە-دەپ چاقىرىشلىرى،قەلبىمنى ھاياجانغا سالاتتتى. ئاتا-ئانىلارنىڭ مەيلى باغرى قانچىلىك قاتتىق بولسۇن،پەرزەنىتلىرى ئۈچۈن ھامان ئېرىيدىكەن يۇمشايدىكەن،ئۇلارنىڭ كەرچۈرەلمىگىدەك گۇناھلىرى بولسىمۇ كەچۈرىدىكەن.يەنە ئۇلارنى سېغىنىدىكەن. بالىمىزنىڭ -دە دە -دەپ تىلى چىقىۋاتقان ئاشۇ چاغلاردا ،رەنا ئىككىمىزنى تولىمۇ خۇشال قىلىدىغان بىر خەۋەر يېتىپ كەلدى.يەنى ئۇنىڭ دەدىسى ،بىزنى كەچۈرگەنلىكىنى،دەرھال يۇرتقا قايتىساق تويمىزنى قىلىپ قويىدىغانلىقىدىن  -رەنانىڭ ئاچىسى ئارقىلىق خەۋەردار بولدۇق. بۇ خەۋەرنى ئاڭلاپ رەنا ئىككىلمىز ئىنتايىن خۇشال بولدۇق.ئاتا-ئانىللىرمىزنى قېرىنداشلىرىمىزنى ،يۇرتىمىزنى سېغنىپ چاڭقاپ تۇرغا يۈرەكلىرىمىز ،خۇددى ئۇسسۇزلۇق بار كۆلگە ئىنتىلگەندەك،يۇرتقا قايتىشقا ئالدىرىدۇق.بىراق مېنىڭ كۆڭلۈمدە بىر ئاندىشە بار ئىدى،كونا ھۈنىرىمنى تاشلىيالماسلىقىمدىن قورقاتتىم،يۇرتتىكىلەرنىڭ ئالدىدا رەسۋا بولۇشتىن،ئەندىشە قىلاتتىم،رەنانىڭمۇ شۇنداق ئەندىشە قىلۋاتقانلىقى چىرايىدىن چىقىپ تۇراتتى.بىر تۇرۇپ ،شۇنىڭ بىلەن بۇ ئەندىشەمنى رەناغىمۇ ئېيتتىم ،ئىككىمىز مەسلىھەتلىشىپ،مەن زەھەر تاشلاش ئورنىغا كىرىپ راۋۇرۇس ساقايغاندىن كېيىن ئاندىن قايتايلى دېسەك رەنانىڭ دادىسىنىڭ ئاچچىقىنى كەلتۈرۈپ قويۇشتىن ئەنسىرىدۇق،يۇرتقا قايتقاندىن كېيىن شۇ يەردىكى زەھەر تاشلاش ئورنىغا باراي دېسەك باشقىلارنىڭ بىلىپ قېلىشىدىن ئەنسىرىدۇق،شۇنىڭ بىلەن ،ھازىرچە يۇرتقا قايتىپ توينى قىلۋەتكەندىن كېيىن ئاندىن مەن ئىچكىرىدىكى ئىشلارنى بىر تەرەپ قىلىمەن دەپ بۇ يەرگە كېلىپ ،زەھەر تاشلاش ئورنىدا 3 ئاي تۇرۇپ ئاندىن قايتىدىغانغا كېلىشتۇق. بىز ئۈرۈمچىگە كەلگەندە چوڭلار كېلىشىپ ،توينىڭ تەييارلىقىنى قىلىپ ،بىزنىڭ كېلىشىمىزنى ساقلاپ تۇرغان ئىكەن ،بىز كېلىپ ئۇزاققا قالمايلا توي باشلاندى،رەنا ئىككىمىزمۇ نۇرغۇن ئىسسىق سوغاق كۈنلەرنى باشتىن كەچۈرگەندىن كېيىن ئاخىرى مۇرادىمىزغا يەتتۇق.ئۇرۇق-تۇققانلىرىمىز بىلەن جەم بولۇپ شادلىققا چۈمدۇق. توينى تۈگتۈپ ئۇزاق ئۆتمەيلا مەن رەنا بىلەن مەسلىھەتلەشكىنىمىز بويىچە سۇجۇغا يول ئالدىم. ھاياتنىڭ ئىشلىرى بىز ئويلىغاندەك خالىغاندەك بولمايدىكەن،بەخىت كەلگەندە بىز قەدىرلەشنى بىلمەي ،ئەركىلەيدىكەنمىز،بەخىتنىڭ قەدىرگە يەتكۈدەك بولغان چاغدا بولسا ،ئۇ بىزدىن قىيداپ كېتىپ قالىدىكەن. مەن سۇجۇغا كېلىپ ،ئۇدۇل زەھەر تاشلاش ئورنىغا كەلدىم،ھەم بۇ قېتىم بۇ نىجىسقا ئىككىنجى يېقىن كەلمەسلىككە قەتئىي نىيەت قىلدىم،قىسقىغىنە ئۈچ ئاي جەريانىدا ،مەن كۆپ ئۆزگەردىم ،ئاخىرى بۇ نىجىش ئاقنىڭ چاڭگىلىدىن قۇتۇلۇپ ئىنتىزارلىق بىلەن يۇرتۇمغا قاراپ ماڭدىم،ئۆزۈمنىڭ كەلگۈسۈم توغرۇلۇق،رەنا مەن بالىمىز ئۈچىمىزنىڭ ئۆتكۈزىدىغان شېرىن تۇرمىشمىز توغرۇلۇق ھەرخىل خىياللارنى قىلدىم،،تىرشىپ ئىشلەپ ،ئىگىلىك تىكلەپ ،ھەقىقى ئائىلە قۇرۇپ،توغرا يولدا مېڭىپ،ھەقىقى ئادەمدەك ياشاشقا ئىرادە قىلدىم. رېئاللىق ئارزۇنى بەربات قىلىدۇ. يۇرتقا قايتىپ كەلگەندىن كېيىن ،مېنىڭ بۇ ئارزۇلۇرۇم خۇددى كۈپۈكتەك توزۇپ كەتتى،مەن كەلگەندە مېھرىبۇللانىڭ يەنە دوختۇرخانىغا كىرىپ قالغانلىقىدىن خەۋەر تاپتىم ،ئۇنىڭ ئەھۋال ئۆتكەنكى قېتىمغا ئوخشاش ئىدى.دوختۇرلارمۇ بىر نەچچە كۈن كۆزەتكەندىن كېيىن ،ئۆيگە ئېلىپ كېتىڭلار تەييارلىق قىلىپ قويۇڭلار دېدى،رەنانىڭ ئاھۇ زارى يۈرىكىمنى قاتتىق ئېزەتتى،ئىچىمدە بىر ئوت كۆيىۋاتاتتى ،ئۆزۈمدىن نەپرەتلىنەتتىم،ئاللاغا قايتا -قايتا تىلەيتتىم.يالۋۇراتتىم. -ياق ،مەن بۇنداق بولىشىغا قاراپتۇرمايمەن ،بالامدىن ئايرىلىشقا چىدىمايمەن-رەنا دوختۇرنىڭ گەپلىرىنى ئاڭلىغاندىن كېيىن ،پەقەت چىداپ تۇرالمىدى-سۇجۇغا ئاپىرايلى،ھېلىقى دوختۇرخانىغا ئاپىرايلى،ئۇلار بالامنى قۇتقۇزالايدۇ. رەنانىڭ سۆزنى ئاڭلاپ مەنمۇ ئۈمۈدلەنگەندەك بولدۇم،رەنانىڭ دادىسى ئايرۇپىلان بېلىتىنى ھەل قىلىپ بەردى.بىراق بىز سۇجۇغاماڭماي تۇرۇپلا 2 ياشقىمۇ توشمىغان ئوماق پەرزەنتىم مېھرىبۇللا رەنانىڭ قۇچىقىدا جان ئۈزدى.بالا كەلسە قوش كەپتۇ دېگەندەك،رەنا بۇنىڭغا چىدىيالماي ھوشىدىن كېتىپ ھاياتىدىن ئايرىلغىلى تاس قالدى.تەكشۈرگەندىن كېيىن دوختۇر رەنانىڭ يۈرىكىدە توسۇلۇش بارلىقىنى ۋاقتىدا ئوپراتسىيە قىلمىسا ھاياتىدىن ئايرىلدىغانلىقىنى ئېيىتتى. ئاھ خۇدا بۇ زادى نېمە كۈن ،،،ئەي ئاللاھ ئۆتكۈزگەن گۇناھلىرىم ئۈچۈن نېمىشقا مېنىڭ ئۆزۈمنى جازالىماي ئەتراپىمدىكىلەرنى جازالايدىغانسەن،،بالامنىڭ جېنىنى ئالدىڭ ،ئەمدى رەنانىڭ بولسىمۇ ئامان قويساڭچۇ،ئۇنىڭ جېنىنىڭ ئورنىغا مېنىڭكىنى ئالساڭچۇ-بۇ نەتىجىدىن كاللام پىر قىراشقا باشلىدى،،، مېھرىبۇللانى يەرلىكىگە قويۇپ ئاخىرەتلىك ئىشلىرىنى تۈگەتكەندىن كېيىن،رەنانىڭ ئۆيىدىكىلەر بىلەن مەسلىھەتلىشىپ،رەنانى ئوپراتسىيە قىلدىرۇش قارارىغا كەلدۇق،دوختۇر بىزگە بۇ ئوپراتسىيەنىڭ خەتىرى يۇقىرىلىقىنى ،ئەگەر ئوپراتسىيە قىلدۇرمىساق،رەنانىڭ ھاياتىنىڭ تېخىمۇ خەۋىپتە قالىدىغانلىقىنى ئېيتتى،رەنا ئوپراتسىيە قىلدۇرمايمەن دەپ قارشى تۇرغان بولسىمۇ ،دادىسى ئوپراتسىيە قىلدۇرۇشتا چىڭ تۇردى، ئوپراتسىيەگە كىرىدىغان كۈنى رەنا مېنىڭ قولۇمنى چىڭ تۇتۇپ تۇرۇپ مۇنۇلارنى دېدې-ئېرپان،مەنمۇ كەتسەم سەن دۇنيادا يالغۇز قالىدىغان بولدۇڭ،ئەگەر ياخشى كۈننىڭ يامىنى كېلىپ قېلىپ ،مەن ئوپراتسىيەدىن ساق چىقالمىسام،سەن ئۆزۈڭنى ئاسىرا ،ياخشى ياشا،،،ئەمدى ھېلىقى ئىشنى ئىككىنجى قىلما ،مەندەك ساڭا ئاشىق سېنى ياخشى كۆرىدىغان ئايالىڭنى مەڭگۈ ئۇنتۇپ قالما،ئىسىڭدە بولسۇنكى ھېلىقى ئىشنى مەڭگۈ قىلمىغىنى مېنىڭ دېگەنلىرىمنى قىلىشقا ۋەدە بەرگىن. -ۋەدە بېرەي رەنا ،ئۇنداق گەپلەرنى قىلمىغىن مەن سەنسىز ياشىيالمايمەن،،ئۇنداق ئاغزىڭنى ئۈشۈتمىگىن،ھەن ساقىيىپ چىقىسەن،بىز يەنە بالىلىق بولىمىز،جىق باللىرىمىز بولىدۇ،شۇلار بىلەن بەخىتلىك ياشايمىزدېدىم مەن ،رەناغا تەسەللى بېرىپ شۇ تاپتا مەن بەكلا تىڭىزقاپ قالغان .ئىدىم ،رەنا بولمىسا قانداق ياشاشنىمۇ پەرەز قىلالمايتتىم .. -ماڭا ئاللاھنىڭ نامى بىلەن ۋەدە بەرگىن،ئۇ ئىشنى قىلمايمەن ،ياخشى ياشايمەن دەپ ۋەدە بەرگىن-رەنا قولۇمنى تېخىمۇ چىڭ سىقتى. -ئاللاھنىڭ نامى بىلەن ۋەدە بېرەي ،ئۇ ئىشنى ھەرگىز قىلمايمەن،ياخشى ياشايمەن. رەنا خاتىرجەم بولغاندەك ،ئاتا-ئانىسى تەرەپكە قاراپ ،-دادا،مەندەك قىزىڭنى كەچۈرگىن مەندىن رازى بولارسەنمۇ. -بۇ نىمە دىگىنىڭ بالام ،سەن مېنى كەچۈرگىن مەن ساڭا يۈز كېلەلمەيمەن،سەن مەندىن رازى بولغىن ،مەن سەندىن يۈز مىرەتە رازى. رەنا دادىسىنىڭ سۆزىنى ئاڭلىغاندىن كېيىن ئۇلۇغ كىچىك تىنىپ قويدى،ئاندىن ئۇ خۇددى كۆڭلى بىر ئىشنى تۇيغاندەك ،ئانىسىدىن ،ئاچىسىدىن قېرىنداشلىرىدىن رازىلىق ئالدى،دوختۇرخانا ياتىقىنىڭ ئىچى يىغا -زارىغا تولدى.رەنا ماڭا بىر قارىۋەتكەندىن كېيىن،ئوپراتسىيخانىغا كىرىپ كەتتى. جان ئاللاھنىڭ بەندىلەرگە بەرگەن ئامانىت ئىكەن،ئەجەل ياشنىڭ چوڭ كىچىكلىكىگە،قېرى ياشلىققا،ياخشى يامانلىققا،باي نامراتلىققا قارىماي كېلىۋېردىكەن،كەتكەنلەر كەتكەنلەر كېتىدىكەن،،،ھاياتلارنىڭ باغرى قان،يۈرىكى زەرداپ بولۇپ مەڭگۈلۈك ھېجران ھەم ئازابقا قالىدىكەن. رەنانىڭ ئوپراتسىيەدىن ساق سالامەت چىقىشىنى تىلەيتتىم،ئىچىم تىتىلدايتتى ،يۈرۈكۈمنىڭ سوقىشى شىۇنچىلىك تىز بولۇپ ،ھەربىر گۈپۈلدىشىگىچە ھىس قىلالايتتىم.ئوپراتسىيە بەك ئۇزاق داۋام قىلدى،ئارىدىن ئۈچ تۆت سائەتچە ۋاقىت ئۆتكەندىن كىيىن دوختۇرلار ئوپراتسىيەدىن چىقتى.دوختۇرلارنىڭ باشلىرىنى چايقىشىدىن ،كۆڭلۈم بىر نەرسىنى تۇيىغاندەك تۇرغان جايىمدا لەسسىدە ئولتۇرۇپ قالدىم. -ۋاي بالام،ۋاي جېنىم بالام،سەن كەتكۈچە مەن كەتسەم بولمامدۇ. -ۋاي قىزىم،ۋاي شور پىشانە قىزىم. -ۋاي قېرىندىشىم،بۇ زادى نىمە قىلغىنىڭ،بىزنى ئارماندا قويۇپ  كەتتىڭمۇ. دوختۇرخانىنىڭ ئىچى قىقاس چوقان يىغا زارىغا تولدى.مېنىڭ پەقەت ئىشەنگۈم كەلمەيتتى،يۈز بىرۋاتقان ئىشلار خۇددى بىر چۈشتەك ،ئويغانساملا تۈگەيدىغاندەك تۇيۇلاتتى،چۈنكى مېنىڭ قەلبىمدىكى رەنانىڭ جېنى ئىنتايىن پىششىق بولۇپ ھەرقانداق بوران چاپقۇنلارغىمۇ بەرداشلىق بېرەلەيتتى.ئۇنىڭ مەن ئۈچۈن قىلغان قەيسەرلىكلىرى مېنڭ ئاشۇنداق ئويغا ئەكەلگەن ئىدى،كېيىن بىلدىمكى،رەنامۇ يۈرىكى گۆشتىن يارالغان ئاجىز بىر قىز ئىكەن،ئۇ نۇرغۇنلىغان ئازابلارغا،جاپا-مۇشەققەتلەرگە پەقەت مېنى دەپلا چىداپ كەلگەن ئىكەن.ئۈن-تۈنسىز ھالدا روھىم چىقىپ كەتكەندەك رەنانىڭ يېنىغا يۈگۈردۈم ،ئۇنىڭ يۈزىگە يېپىلغان ئاق رەخىتنى تىترەپ تۇرۇپ ئاچتىم. -رەنا،كۆزۈڭنى ئاچساڭچۇ-كۆزۈمدىن مەڭزىمنى بويلاپ چۈشىكەن ئىككى تامچە ياش بىلەن تەڭ،كەينىمگە يىقىلدىم. خۇددى چۈشۈمدىكىدەكلا بىر خىل تۇيغۇ بىلەن رەنانىڭ ئاخىرەتلىكىنى تۈگەتتىم،رەنا خۇددى ھازىرلا قايتىپ كېلىدىغاندەك،بۇ ئىشلارنىڭ ھەممىسى بىر چۈشتەك،بىر ئۇخلاپ ئويغانساملا ،رەنا يېنىمدا پەيدا بولىدىغاندەك تۇيۇلۇپ ،رېئاللىققا ،تەقدىرگە زادىلا تەن بەرگۈم كەلمىدى،رەنانىڭ ھەممە نەرسىسىنى قولۇمغا ئېلىپ بىرمۇ- بىر كۆرۈپ چىقتىم،كۆزلىرىمگە سۈرتتىم،ئۇنىڭ كىيىملىرىدىن تارىغان ھىدىنى تويماي پۇرىدىم،ئۇنىڭسىز ،ھەم پەرزەنتىمسىز پارە-پارە بولغان بۇ يۈرىكىمگە ئازراق بولسىمۇ تەسەللى ئىزدىدىم،ئۇنىڭ نەرسىللىرىنى ئاختۇرۋېتىپ،نەچچە دەپتەرنى بىر قىلىپ تىكىلگەن توم بىر خاتىرە قولۇمغا چىقىپ قالدى.خاتىرىنى ئېچىپ ئوقۇشقا باشلىدىم،خاتىرىگە رەنا ئىككىمىزنىڭ سەبىلىكىمىزدىن تاتىپ تونۇشقان ،يۈزبەرگەن ھەممە ئىشلار ھەم رەنانىڭ ھىس تۇيغۇلىرى يېزىلغان ئىدى. 4رەنانىڭ كۈندىلىك خاتىرىسى بۈگۈن 3. ئاينىڭ 28.كۈنى سەيشەنبە،مەن بۈگۈن ئاجايىپ بىر ئىشقا يولۇقتۇم،مەكتەپتىكى بىر نەچچە ئوغۇل بالا مېنى تازا بوزك قىلغان ئىدى،بۇرۇن مەن بىلەن پەقەت خوشى يوق ئېرپان دېگەن ساۋاقدىشىم،ماڭا يان بېسىپ ئۇلار بىلەن ئۇرۇشتى،ئەمدى مېنىڭمۇ مەكتەپتە بىر قوغدۇغۇچىم بار بولغاندەك قىلىدۇ،ئۇ ئىنتايىن باتۇر ھەم ياخشى بالا ئىكەن. 5.ئاينىڭ 18.كۈنى سەيشەنبە،بۈگۈن كۆڭلۈم بەكلا يېرىم،مەن ئۈرۈمچىگە كېتىدىغان بولدۇم،مەن كەتسەم ئېرپان مېنى ئۇنتۇپ قالارمۇ؟نېمىلا دېگەن بىلەن ئۇ مېنى ئۇنتۇپ قالماسلىققا ۋەدە بەردىغۇ؟مېنىڭچە ئۇ چوقۇم گېپىدە تۇرىدۇ،چۈنكى ئۇ دېگەن باتۇر ئوغۇلبالا. 6.ئاينىڭ 21.كۈنى يەكشەنبە،مەن بۈگۈن ئىنتايىن خۇشال چۈنكى مەن يۇرتىمغا قايتىدىغان بولدۇم،ئۇ يەردىكى دوسلۇرۇمنى ،ئېرپاننى كۆرۈشكە بەكلا ئالدىراۋاتىمەن ،ئۇ مېنى ئۇنتۇپ قالغانمىدۇ؟ئۇ چوڭ بولۇپ كەتكەنمىدۇ؟ [p=30, 2, lef6..ئاينىڭ 28. كۈنى دۈشەنبە ،بۈگۈن كۆڭلۈم ئىتايىن يېرىم بولدى.چۈنكى ئىرپان مېنىڭ يېنىمغا بىر قېتىممۇ كەلمىدى،كەچتە چاقىرساممۇ،كۆرۈشمەي كەتتى،ئۇ نېمىشقا بۇنداق قىلىدىغاندۇ؟ئۇ مېنى ئۇنتۇپ قالغانمىدۇ؟ئەمدى ئوغۇللارغا ھەرگىز ئىشەنمەيمە،ئوغۇل بالا دېگەن بەك يالغانچى ئوخشايدۇ. 9.ئاينىڭ 1.كۈنى پەيشەنبە بۈگۈن باشلانغۇچنى پۈتتۈرۈپ تولۇقسىز ئوتتۇرا مەكتەپكە چىقتىم ،ئىرپانمۇ تولۇقسىز ئوتتۇرىغا چىقتى ھەقاچان،ئۇ شۇ تاپتا نېمە ئىش قىلىۋاتقاندۇ،مېنى ئاللىقاچان ئۇنتۇپ كەتكەنمىدۇ،ھەي بولدىلا..... 5.ئاينىڭ 20 .كۈنى يەكشەنبە،بۈگۈن ھاياتىمدىكى ئۇنتۇلغۇسىز،مېنى ئەڭ خۇشال قىلىدىغان بىر كۈننى كۈتىۋالدىم،ئېرپان بىلەن دۇككاندا كۈتۈلمەستىن ئۇچرىشىپ قالدىم،نېمە دېگەن ياخشى، ئۇ مېنى ئۇنتۇپ قالماپتۇ،مېنى يادىدىن چىقارماپتۇ،ئۇ ماڭا بۇرۇنقىدەكلا ئامراق ئوخشايدۇ،بولمىسا مەن بەرگەن ماشىنىنى ھازىرقىچە ساقلىماس بولغىيتى،مەن نىمە دېگەن بەخىتلىك ھە| 4.ئاينىڭ 12. كۈنى سەيشەنبە،بۈگۈن كۆڭلۈم بەكلا يېرىم،ھەش پەش دېگۈچە ئىرپان ئىككىمىز ئارلىشىۋاتقىلىمۇ بىر يىل بولاي دەپتۇ.دادام مېنى چەتئەلدىكى تۇققىنمىزنىڭ ئوغلىغا ياتلىق قىلماقچى بولۇۋاتىدۇ،بىراق،مەن ئېرپاننى ياخشى كۆرىمەن ،ئۇ بولمىسا ياشىيالمايمەن،دادام ئېرپان ئىككىمىزنىڭ ئارلىشىشىغا قەتئىي قارشى تۇرسا بىز زادى قانداق قىلساق بولار،توغرا بىز قېچىپ كېتەيلى،مېنىڭچە ئېرپانمۇ چوقۇم قوشۇلىدۇ،،چۈنكى ئۇمۇ مېنى مەندەكلا ياخشى كۆرىدۇ،ئۇنىڭغا ئەتىلا ھەممە ئەھۋالنى ئېيتىمەن ،ئاندىن بىز بۇ يەردىن يىراقلارغا كىتىپ،خاتىرجەم ياشايمىز. 4.ئاينىڭ13. كۈنى چارشەنبە،بۈگۈن ھاۋا ئېنتايىن ئوچۇق،لىكىن كۆڭلۈم نىمىشقىدۇر بىرخىل قاراڭغۇ،زادى قانداق قىلسام بولار،ئەتە ئېرپان ئىككىمىز ئىچكىرىگە قېچىپ كېتىدىغان بولدۇق،بىچارە ئانام قانداق قىلار،دادام ھەقەچان ئاچچىقتىن يېرىلىپ كېتىدىغان بولدى-دە،بىراق مەندىمۇ نىمە ئەمەل بار ،مەن قاچمىسام ئېرپاندىن ئايرىلىپ قالىمەن،دادام مېنى چەتئەلگە چىقىرىۋەتسە،ئوخشاشلا ئۇلاردىن مەھرۇم قالىمەن،دادام نىمىشقا بۇنچە باغرى تاش بولۇپ قالغاندۇ؟ئۇ بۇرۇن ماڭا بەكلا ئامراق ئىدى،مەن كىچىككىنە يىغلاپ قويساممۇ بىئارام بولاتتى،ھازىر نېمىشقا ئىرپان ئىككىمىزنى ئايرىۋېتىدىغاندۇ،قېرىنداشلىرىمدىن،،ئانامدىن،،،دادامدىن ئايرىلغۇم يوق،لېكىن ئېرپاندىن تېخىمۇ ئايرىلغۇم يوق،مەن ئۇنىڭسىز ياشىيالمايمەن،شۇڭا تاللىغان يولۇمدىن قايتماسلىقىم كېرەك،ئانا،دادا،قېرىنداشلىرىم مېنى كەچۈرۈڭلار،سېلەرنى سۆيىمەن ،سېلەرنى ئاللاھقا تاپشۇردۇم. 5.ئاينىڭ 2. كۈنى ،بۈگۈن ئېرپان ئىككىمىز بېيجىڭغا كەلگەندىن كېين،ئاخىرى تۇرىدىغان جايغا ئىگە بولدۇق،بۇ خوجايىن بەك ياخشى ئادەمكەن،بىزنى كوچىدا كۆرۈپ ،ئىچى ئاغرىپ ،ئاشخانسىدا ئىشلەشكە قوبۇل قىلدى ،تۇرىدىغان جاي بەردى.لېكىن ئۇ نىمىشقا ماڭا بىر خىل سىرلىق قارايدىغاندۇ،مېنى بىرەسىگە ئوخشىتامدىغاندۇ يە.......،بولدىلا جىق ئويلىماي،يول ئازابى گۆر ئازابى دېگەندەك نۇرغۇن جاپا مۇشەققەتلەرنى تاتىپتىمىز،گاھى ئاچ توق قالغان يەلىرمىزمۇ بار،شۇڭا بۇ كۈنلىرمىزنىڭ قەدرىگە يېتىشىم كېرەك،ئېرپان يېنىمدىلا بولىدىكەن مەن ،ھەرقانداق جاپا-مۇشەققەتكە چىدايمەن. 5.ئاينىڭ 21.كۈنى ،بۈگۈن ھاياتىمدىكى ئەڭ پەسكەش بىر كۈننى ئۆتكۈزدۈم،ئادەملەر نېمە دېگەن رەزىل ھە،ئۇلار نېمە دېگەن پەسكەش،ئۆزىنىڭ بالىلىرىدەك بىر قىزغا قانداقمۇ نېيىتىنى بۇزىدىغاندۇ،ئۇلارنىڭ قىزلىرى يوقمىدۇ،ئاچا-سىڭىللىرى يوقمىدۇ؟قانۇن نېمىشقا ئاشۇنداقلارنى جازالىمايدىغاندۇ.ئاشۇنداق ئادەملەرنىڭ كاساپىتىن قانچىلغان قىزلىرىمىزنىڭ بەختى ۋەيران بولىۋاتقاندۇ؟ ئاللاھىم پاكلىقىمنى ،ئىپپىتىمنى ساقلاپ قالغىنىڭغا يۈزمىڭ قەدەر شۈكىرى. ئەگەر بۈگۈن ماڭا بىر ئىش بولغان بولسا،مەن ئېرپانغا قانداقمۇ قارىيالايتتىم،ئۇنىڭدىن ئۆلگىنىم ياخشى ئەمەسمىدى.[p=30, 2, le5.5ئاينىڭ 30 كۈنى ،بۈگۈن مەن ئۈچۈن ھاياتىمدا بۇرۇلۇش نۇقتىسى بولۇپ قالدى،چۈنكى بۈگۈن مەن توي قىلدىم،ئۆزۈم ياخشى كۆرىدىغان ئادەمنىڭ ئايالى بولدۇم،بۇ نېمە دېگەن زور بەخىت ھە،مەن بۇ كۈننى مەڭگۈئۇنتۇپ قالمايمەن،لېكىن مۇشۇ دەقىقىلەردە ،ئاتا-ئانام قېرىنداشلىرىممۇ يېنىمدا تۇرۇپ رازىلىق بەرگەن بولسا نېمە دىگەن ياخشى بولاتتى ھە . 6.ئاينىڭ 27.كۈنى،بۈگۈن مەن ئۈچۈن ئۇنتۇلغۇسىز خۇشاللىق بىر كۈن بولدى،مەن ئانا بولىدىغان بولدۇم،ئانا بولۇش تۇيغۇسى مېنى بىر تەرەپتىن خۇشال قىلسا يەنە بىر تەرەپتىن سەل قوقۇپ قېلىۋاتىمەن،مەن ئەمدىلا 17 ياشتىن ھالقىدىم،بالا بېقىش تەربىيلەش ،دېگەنلەردىن ئەسلا خەۋېرىم يوق،زادى قانداق قىلسام بولار،ئېرپانمۇ ئىنتايىن خۇشال،ئۇنىڭ خۇشاللىقىنى سۇغا چىلاشتۇرغۇم يوق،شۇڭا نېمىلا بولمىسۇن چىدىشىم كېرەك،ھازىر سۇجۇغا كەلگەندىن كېيىن ،تۇرمىشمىزمۇ خېلى جايىغا چۈشۈپ قالدى.قالغىنىغا ئاللاھ بار،بالىنى بەرگەن خۇدايىم رىسقىنىمۇ قوشۇپ بېرەر. 9.ئاينىڭ16. كۈنى،بۈگۈن ئۆيدىكىلەرنى ،ئانامنى ،ئاچامنى شۇ قەدەر سېغىندىم ،ئۇلار نېمە ئىش قىلىۋاتقاندۇ، ئەھۋالى ياخشىمىدۇ،مېنى سېغىنغانمىدۇ،ياكى مېنى ئۇنتۇپ كەتكەنمىدۇ،ھازىر ئىش ئوقىتىمىز تازا ياخشى ئەمەس،قوسىقىممۇ بارا-بارا يوغناپ قېلىۋاتىدۇ،مەن قانداق تۇغۇشنىمۇ قانداق بالا بېقىشنىمۇ بىلمەيمەن،ئاتا-ئانامنىڭ يوقلىقى ،قەدىرى ئەمدى ئەجەپ ئۆتىلىۋاتىدىغۇ؟ئاچام بىلەن ئالاقىلىشىپ باقسام بولارمۇ يا؟بىراق ئۇنداق قىلسام ئېرپاننىڭ ئاچچىقى كېلىپ قالارمۇ؟بىزنىڭ ئۆيدىكىلەرنىڭ ئۇنىڭغا قىلغان ئەسكىلىكلىرى ئاز ئەمەس تۇرسا.زادى قانداق قىلسام بولاركىن. 9.ئاينىڭ 21.كۈنى ،بۈگۈن ھاۋا ئوبدانلا سوۋۇپ قاپتۇ،مەن تۇنجى قېتىم ئېرپانغا يۈز كېلەلمەيدىغان ئىشتىن بىرنى قىلىپ ،ئاچام بېلەن ئالاقىلەشتىم،لېكىن ئىچىم شۇ قەدەر بوشاپ قالدى،مەن ئەسلىدە ئاچامنىمۇ مېنى كەچۈرمەسمىكىن دەپ ئويلىغان ئىدىم،بىراق ئۇ ماڭا بەك ياخشى مۇئامىلە قىلدى،ئانامنىڭمۇ مېنىڭ سېغىنغانلىقىنى ،دادامنىڭمۇ ئاز-ئازدىن ئاچچىقى يېنۋاتقانلىقىنى ئىيتقان ئىدى كۆڭلۈم شۇقەدەر كۆتۈرۈلۈپ قالدى،ھامىلدار بولغىنىمنى ئاڭلاپ ماڭا بەكلا ئىچى ئاغرىدى.قېرىنداش دېگەن يەنىلا باشقىچە بولىدىكەن،قېرىندىشىڭ بولسا يالغۇز قالمايدىكەنسەن.يولەنچۈكۈڭ سىردىشىڭ بار بولىدىكەن،بىراق ئىرپان قانداق ئويلاپ قالار............. 10.ئاينىڭ 12.كۈنى ،بۈگۈن كۆڭلۈم بەك يېرىم،ئېرپان بېلەن تۇنجى قېتىم ئۇرشۇپ قالدىم،ئەسلىدە ئۇنىڭغا ۋاقىرماسلىقىم كېرەك ئىدى،چۈنكى ئۇمۇ مەن ئۈچۈن قولىدىن كەلگەننىڭ ھەممىنى قىلىۋاتىدۇ،بۇ ئىشلارغا ئۇنىڭدىمۇ ئامال يوقتە،مەن ئۇنىڭدىن يوشۇرمىسام بوپتىكەن،ئۆيدىكىلەر بېلەن ئالاقىلىىشنى ئۇنىڭ بېلەن مەسلىھەتلەشسەم بوپتىكەن.بىز ،مېنىڭ ئۆيۈمدىكىلەرنىڭ سەۋەبىدىن مۇشۇ يەرلەردە قېچىپ يۈرىۋاتقان تۇرساق ،ئەلۋەتتە ئېرپاننىڭ توغرىدە، بۈگۈن ئۇنىڭ كۆڭلىگە راسلا ئازار بەردىم،مەن نېمە دېگەن ئەسكى،ئېرپان مېنى كەچۈرگىن مەن سېنى سۆيىمەن.11.ئاينىڭ 4.كۈنى، بۈگۈن مەن ئۈچۈن قوبۇل قىلىش ئىنتايىن قىيىن كېلىدىغان  بىر ئىشقا يولۇقتۇم.ئېرپاننىڭ زەھەر چېكىدىغانلىقىنى ئويلاپمۇ باقماپتىكەنمەن،ئۇ نېمە ئۈچۈن مۇشۇنداق قىلىدىغاندۇ؟مېنى ،بالىمىزنى ئويلاپ قويمامدىغاندۇ؟ ئۇ بىزگە بۇنداق قىلسا قانداق بولىدۇ.ئەجەبا ئۇ مېنى ياخشى كۆرمەمدىغاندۇ؟بۇ زادى نېمە كۈن؟مەن ئەمدى قانداقمۇ قىلارمەن؟ئېرپان بۇندىن كېيىن قانداق بولۇپ كېتەر؟ئاللاھىم ،ماڭا ياردەم قىلغىن ئۇنى بۇ يۇلدىن قايتۇرغىن . 12.ئاينىڭ7.كۈنى،بۈگۈن ئىنتايىن ئېچىنىشلىق خىياللارغا كېلىپ قالدىم،ئۆزۈمنى شۇ قەدەر يالغۇز يىگانە ھېس قىلدىم،خۇددى ئېرپان ئورنىدا  ،يېنىمدا باشقا بىرى پەيدا بولۇپ قالغاندەك بولۇپ قالدىم،ئۇ نىمىشقا بۇنچىۋالا ئۆزگىرىپ كېتىدىغاندۇ،نېمىشقا مەن بېلەن كارى بولمايدىغاندۇ،بۇ نېمە دېگەن ئازابلىق تۇيغۇ ھە،مەن زادى قانداق قىلشىم كېرەك،ئەجەبا ئېرپاننىڭ مۇشۇنداق  بولۇپ قېلىشىغا مەن سەۋەب بولغاندىمەنمۇ؟ئىككىمىز مۇشۇ يەرلەرگە قېچىپ كەلمىگەن بولساق ،ئۇمۇ بۇنداق ئىشلارنى قىلىپ يۈرمەس بولغىيمىدى،مەن نېمىشلارنى قىلىپ قويدۇم، ئېرپان نېمىشقا ئۇنى تاشلىيالمايىغاندۇ؟مەن نېمە دىگەن ئاجىز ،قولۇمدىن ھېچنەرسە كەلمەيۋاتىدىغۇ.ئۇف ئەجەپمۇ چارچىدىم............. 12.ئاينىڭ 18.كۈنى،بۈگۈن مېنىڭ تۇغۇلغان كۈنۈم ،لېكىن ئېرپان يېنىمدا يوق،يىغلاۋاتىمەن،كۆڭلۈم يېرىم بولىۋاتىدۇ،قوسىغىمدىكى بالام يىنىككىنە تېپىپ،يېنىڭدا مەن بار دېگەندەك ماڭا تەسەللى بېرىۋاتىدۇ، ئېرپان نەگىمۇ كەتكەنسەن،بۈگۈن ساڭا قانچىلىك مۇھتاج بولغىنىمنى بىلەمسەن،يۈرۈكىمنى قانچىلىك ئەزگىنىڭنى بىلەمسەن،تۇغالغان كۈنۈمدە ،ماڭا چوڭ تورىتلارنى ئېلىپ بېرىشىڭنىمۇ،گۈللەرنى سوۋغا قىلشىڭنىمۇ،كىيىم كىچەكلەرنى كىيدۈرشىڭنىمۇ ،ئۈمىد قىلمايتتىم،پەقەت يېنىمدا بولىشىڭنى -تۇغۇلغان كۈنۈڭگە مۇبارەك دەپ مەڭزىمگە بىرنى سۆيۈپ قويۇشىڭنىلا ئارزۇ قىلاتتىم،ئاھ يالغۇزلۇق............................ 2.ئاينىڭ 8.كۈنى بۈگۈن قوسغۇم بەك ئەغرىۋاتىدۇ،قارىغاندا ئاي-كۈنۈم يېقىنلىشىپ قالغان ئوخشايدۇ،بىراق ئىرپان يېنىمدا يوق،مەن زادى قانداقمۇ قىلارمەن،نېمە دېگەن تەس كۈن بۇ،مەن بەك قورقىۋاتىمەن،ئۆزۈمنى دۇنيادا تىغدەك يالغۇز ھېس قىلىۋاتىمەن ،نەدە سەن ئېرپان،مېنىغۇ ئۇنتۇپ كەت،قوسۇغۇمدىكى سېنىڭ بالاغۇ شۇنىمۇ ئۇنتۇپ قالدىڭمۇ؟قەلبىم شۇ قەدەر قاراڭغۇ،ئاللاھىم ماڭا بىر يول كۆرسەتسەڭچۇ،توغرا،ئاچامغا تېلفون قىلاي ئۇ چوقۇم كېلىدۇ، 2.2.ئاينىڭ 9.كۈنى.بۈگۈن مەن يەڭگىگەن كۈن،،ھەم ئىنتايىن ئازبلىق ئۇنتۇلغۇسىز بىر كۈن.ئاچام ئايروپىلان بېلەن كېلىپ مېنى ۋاقتىدا دوختۇرخانىغا ئېلىپ بارمىغان بولسا بالام ئىككىمىزنىڭ ئۆلۈكىمىز ياقا يۇرتتا قالار بولغىيمىدى،ئېرپان نەدىمۇ يۈرۈيدىغانسەن .................. 5.ئاينىڭ 3.كۈنى بۈگۈن زادىلا چىدىغۇچىلكىم قالمىدى،ئىرپان زەھەر تاشلىمايدىغان بولسا ،مەن چوقۇم ئۇنىڭ يېنىدىن كېتىمەن ،ئۇنىڭ يا بالام ئىككىمىزنىڭ نىمە يەپ ،نىمە ئىچىۋاتقىنى بىلەن كارى بولمىسا ،تاپقان تەرگەننىڭ ھەممىسىنى زەھەرگە تېگىشىۋەتسە،بالامنىڭ كەلگۈسى زادى قانداق بولماقچى،بىراق مەن يەنىلا ئۇنىڭ ،تۈزىلىدىغانلىقىغا ئىشىنىمەن. 5.ئاينىڭ 20. كۈنى بۈگۈن ئىرپاننى يوقلىغىنى باردىم،ئۇنىڭ ھالىنى كۆرۈپ يۈرىكىم ئېزىلىپ كەتتى،بىراق چىدىماي نېمە ئېلاجىم بار،بۇرۇنقى گۈزەل كۈنلىرىمىزگە قايتىش ئۈچۈن ،ئۇمۇ مەنمۇ،بۇ قىيىنچىلىقلارغا چىدىشىمىز كېرەكتۇ،بۇ بەلكىم ئاللاھنىڭ بىزگە بەرگەن سىناقلىرىدۇر،بەلكىم،ئۆتكۈگەن گۇناھلىرىمىزغا بەرگەن جازاسىدۇر.شۇ تاپتا،ئېرپان ئىككىمىزنىڭ بالىلىقىمىز كۆز ئالدىمغا كېلۋالدى،نېمە دېگەن گۈزەل چاغلار ھە،مەڭگۈ چوڭ بولمىساق،ئاشۇنداق خاتىرجەم سەبىيلىكتە ياشىساق قانچىلىك ياخشى بولاتتى ھە. 5. ئاينىىڭ 29. كۈنى بۈگۈن مەن ئىنتايىن قىيىن بىر كۈننى ئۆتكۈدۈم،ئوماق قوزام ،مېھرىبۇللا خېلىلا ئىغىر ئاغرىپ قالدى،ئاللاھىم ماڭا ياخشى كۈنلەرنىڭ يامىننى كۆرسەتمىگىن ،بالامنى پانايىڭدا ساقلىغىن،مەن بالامدىن ئايرىلىشقا چىداپ بولالمايمەن،ماڭا ھازىر ئەڭ زور تەسەللى دەل ئاشۇ پەرزەنتىم،مەن ئۈمىدسىز قالساممۇ بالام بولغانلىقى ئۈچۈن تىرىك ياشاۋاتىمەن.1 بۇرۇن ئىرپان ئۈچۈن ياشىغان بولسام ،ئەمدىلىكتە بالام ئۈچۈن ياشاۋاتىمەن.مەن ئەتە بالامنىڭ ساقىيىپ كېتىشىنى ئۈمىد قىلىمەن. 6. ئاينىڭ10.كۈنى،بۈگۈن دوختۇرخانىدىن چىقتۇق،كەيپىياتىم ناھايىتى ياخشى ،چۈنكى مېھرىبۇللانىڭ ئەھۋالى ياخشىلاندى،ئېرپانمۇ بۇرۇنقىغا قارىغاندا خېلىلا ياخشىلىنىپ قالدى،مەن ئۇنىڭدىن كۆپ نەرسىنى ئۈمىد قىلمايمەن،پەقەت ئاشۇ نەرسىنى تاشلاپ ،ئائىلىمىزنىڭ قوينىغا قايتىپ كېلىشىنىلا ئۈمىد قىلىمەن،ئۇ قايتىپ كېلىدىغانلا بولسا،مەن جاپا-مۇشەققەت تارتىشقا رازى،مەن ئۈچۈن ھېچنەرسىنىڭ لازىمى يوق ،پەقەت ئىرپان ھەم بالىمىز ئۈچىمىز جەم بولساقلا ئايرىلمىساقلا كۇپايە.ئۇلۇغ خۇدا بىزنى ئەمدى ئايرىۋەتمىگىن. 3.ئاينىڭ 2.كۈنى ،بۈگۈن باھار كەلگەن چېشى ھەممىلا جاي شۇقەدەر سالقىن ،كۆڭلۈممۇ شۇ قەدەر كۆتۈرەڭگۈ،ئېرپان ئىككىمىز ،ئاخىرى مۇرادىمىزغا يەتتۇق،ئاتا-ئانا ئۇرۇق تۇغقانلىرىمىز بىلەن جەم بولدۇق،ئاتا-ئانىللىرىمىزنىڭ ئىتراپ قىلىىشىغا ئېرىشىش نېمە دېگەن زور بەخىت ھە،ئەمدى مەن ئېرپاننى،ھەممە ئادەمگە ئوچۇق ئاشكارە ھالدا ئېرىم دېيەلەيدىغان بولدۇق،يۇرتىمىزدا،قېرىنداشلىرىمىزنىڭ ئارىسىدا ياشىيالايدىغان بولدۇق،ئەڭ مۇھىمى ئۈچىمىزنىڭ ئىللىق بىر ئائىلىسى بولىدىغان بولدى. 3.ئاينىڭ 15.كۈنى ،بۈگۈن ئېرپان سۇجۇغا زەھەر تاشلاش ئۈچۈن ماڭدى،مەن ئۇنىڭدىن يەنىلا بەك ئەنسىرەپ قالدىم،يۈرىكىمنىڭ بىر يەرلىرى ئېغىپلا تۇرىدۇ،نىمىشقىدۇر يېقىندىن بېرى يۈرىكىم سانجىپ سانجىپ ئاغرىيدىغان بولىۋالدى،ماڭا زادى نېمە بولىۋاتقاندۇ؟ئەڭ مۇھىمى ئېرپان ساق سالامەت زەھەر تاشلاپ قايتىپ كەلسە بولاتتىغۇ،ئۇنى بەك سېغىنىپ كېتىدىغان بولدۇمدە،لېكىن چىدىشىم كېرەك،مۇشۇ قېتىم چىدىۋەتسەم ،ئۇنىڭدىن كېيىن مەڭگۈ ئايرىلمايمىز......... مانا بۇلار رەنانىڭ كۈندىلىك خاتىرىسىدىكى مېنىڭ مەڭگۈ ئېسىمدىن چىقمايدىغان قۇرلار. رەنانىڭ كۈندىلىك خاتىرىسىنى ئىككى كۈنگىچە ھېچنەرسە يېمەي ئوقۇپ تۈگەتتىم،،،،،،،،ھەمممىسىگە ،،رەنانىڭ قايغۇسىغا ،ئازابىغا ،،،ھەممىسىگە مەن سەۋەبچى بولغانلىقىنى ،كۈندىلىك خاتىرىنى ئوقۇپ تۈگەتكەندىن كېيىن چۈشنىپ يەتتىم،دېمەك رەنانىڭ ئۆلۈشىگە مەن سەۋەبچى بوپتىمەن،مەن گۇناھكار مەن بىر قاتىل، رەنا مېنى كەچۈرىۋەتتى ،ئەمما مەن ئۆزۈمنى مەڭگۈ كەچۈرەلمەيمەن،ئوقۇرمەن سىزمۇ مېنى كەچۈرمەيسىز توغرىمۇ. ھېكايىمىزنىڭ 1. بولۈمى مۇشۇ يەردە تۈگىدى .2. بولىمى ئايرىم تېما قىلىپ يوللىنىدۇ،مېنىڭ مۇھەببەت تارىخىمنى ياختۇرۇپ ئوقىغان بارلىق ئوقۇرمەنلەرگە چوڭقۇر تەشەككۈر. مەن بۇندىن كېيىن قانداق تەقدىرگە يولىقىدىغاندۇ؟ئۇ رەنانىڭ ئۇنتىيالامدۇ؟باشقا بىرى ئۇنىڭ تۇرمىشىغا كىرەلەمدىغاندۇ؟داۋامىغا قىزىقسىڭىز،مېنىڭ مۇھەببەت تارىخىمنىڭ 2. بولىمىگە دىققەت قىلغايسىز.... 1. بولۇم تاماملاندى.

KulKee

	ھەقىقەتەن ياخشى يېزىپسىز دوستۇم .... ئاخىرىنى تېزراق يېزىشىڭىزنى ئۈمىد قىلىمەن !

dress

	‏ئاخىرى قاچانلىققا چىقىدۇ

forever1

	مەن تونۇيدىغان بىرى بار(چچ دا)!مۇشۇ تېمىغا ئوخشاش ئۆزىنىڭ مۇھەببەت سەرگۈزەشتىسىنى يوللىماقچى ئىكەنتۇق.(ئۇ ئوغۇل بالا تېخى 20مىگىمۇ كىرمەپتۇ)مەن يوللاشتىن ئاۋال ماڭا دەپ بەرسىڭىز بۇلامدۇ دەپ سوراپ سالغان گۇناھىمغا بىرمۇنچە «دەرت»تۆكۈپ بەردى...ئۇ بىر ئوغۇل بالىنى (كېلىشكەن)ياخشى كۆرۈپ قالغانمىش...

مېھرىما

	ياخشى يىزىپسىز ،داۋامىغا ئىنتىزارمەن.

oghuz8

	KulKee يوللىغان ۋاقتى  2015-3-4 03:27 PM ھەقىقەتەن ياخشى يېزىپسىز دوستۇم .... ئاخىرىنى تېزراق يې ... رەھمەت

uighur~biz

	ھەممىنى ئوقۇپ بولدۇم، ئاخىرىغا قىزىقىۋاتىمەن، ھەي بىچارىلەر. ئىككىنجى بۈلۈمىنىڭ بېشىنى ئازاپلىق تەقدىرنىڭ سايىسىدىن قۇتۇلمىغان ئۆزىنى ئۇنتۇغان ھالەتتە تەسۋىرلەپ ئۇنۇڭدىن كىيىن ئىرپاننىمۇ بىزنىمۇ خوش قىلىۋىتىڭلا ..

uighur~biz

	ھەممىنى ئوقۇپ بولدۇم، ئاخىرىغا قىزىقىۋاتىمەن، ھەي بىچارىلەر. ئىككىنجى بۈلۈمىنىڭ بېشىنى ئازاپلىق تەقدىرنىڭ سايىسىدىن قۇتۇلمىغان ئۆزىنى ئۇنتۇغان ھالەتتە تەسۋىرلەپ ئۇنۇڭدىن كىيىن ئىرپاننىمۇ بىزنىمۇ خوش قىلىۋىتىڭلا ..