بىزدىكى قورقۇش تۇيغۇسى

HALIS1

	بىزدىكى قورقۇش تۇيغۇسى بىز قورقۇش ئىچىدە تۇغۇلدۈق،قورقۇش ئىچىدە ياشاۋاتىمىز،ئېھتىمال بىر كۈنى يەنە قورقۇش ئىچىدە ئۆلۈپ كېتىشىمىز مۇمكىن.بىز ياشاۋاتقان ئۇشبۇ رېئاللىق بىزگە ھازىرغىچە بىر خىل قورقۇش پېقىلىنىشتىن قورقىمىز،مەسخىرە قىلىنىشتىن قورقىمىز،غۇرۇرىمىزنى يوقۇتۇپ قويۇشتىن،كىشىلەرنىڭ بىر نىمە دەپ قېلىشىدىن،بىزگە قاراپ كۈلىشىدىن،ئۇلارنىڭ باشقۇرىشىدىن قورقىمىز.يەنە تېخى خىزمەتتە نەتىجە يارىتالماسلىقىمىزدىن،باي بولالماسلىقىمىزدىن،ھوقۇق تۇتالماسلىقىمىزدىن،ئۇنۋانىمىزنىڭ ئۆسمەسلىگىدىن،سورۈنلاردا ئولتۇرۇپ بەھۇزور ئوينىيالماسلىقىمىزدىن،پوخورلۇق قىلالماسلىقىمىزدىن،باشقىلار ئالدىدا گىدىيىپ تۇرالماسلىقىمىزدىن،ياخشى ئوقىيالماسلىقىمىزدىن،ياخشى خىزمەتلەرگە ئېرىشەلمەسلىگىمىزدىن.....قىسقىسى،ھەر بىر ئىشىمىزنىڭ ئوڭۈشلۈق بولۇپ كېتەلمەسلىگىدىن قورقىمىز.بىز ئەنە شۇ تالاي قورقۇشلارنىڭ ئىچىگە پېتىپ قالغاچقا،ئۆزىمىز-ئۆزىمىزنىڭ مەۋجۇتلىقىنىمۇ ئۇنتۇپ،ئەشۇ قورقۇشلارنىڭ ئىچىدە ئاڭسىز،كور ئادەملەرگە ماسلىشىشقا مەجبۇر بولۇپ ياشىماقتىمىز.ئويلاپ بېقىڭ؟يېنىمىزدا بىرسى بولىۋىدى باشقا بىر ئويدا،باشقا بىرى بولىۋىدى يەنە باشقا بىر ئويدا بولدۈق.بايىلا تېخى بالىلارچە ھېس-تۇيغۇدا كۈلىۋاتقان ئىدۇق بىرىنىڭ يىڭنە تۆشىگىدىن قاراۋاتقانلىقىنى كۆرۈپ چىرايىمىز تۇتۇلدى،شۇندىلا جىددى،نومۇسچان بىر تۇسكە كىرىپ قالدۇق.ئېھتىمال بۇ بىزدىكى قوقۇش تۇيغۇسى بولسا كېرەك.تۇنۇگۈن بىز باشلىقىمىز بىلەن سورۇن تاللاپ،كەڭ-كۇشادە پاراڭلاشقان ئىدۈق،بۈگۈن بىرىنىڭ ئۇنىڭ بىلەن سۆزلىشىۋاتقانلىقىنى كۆرۈپ ئەنسىرەپ قالدۇق.كېچىلەپ ئۇيقۇنى قويۇپ،بىراۋنىڭ ئۆيىنى ماراپ ئاران ئىزلەپ كېلىۋىدۇق،ئىشىك ئالدىدىكى ئېتنىڭ ئەنسىز قاۋىشى بىزنى قورقۇتتى.شەرەپ مۇنبىرىگە يەنە كۈتمىگەندە باشقىلارنىڭ چىقىپ قېلىشى،نىمىشقىدۇر يۈرىگىمىزنى يىلان تاتىلىغاندەك ئېچىشتۇرۇپ،كۈتمىگەن بىر بالايى ئاپەتنىڭ بىزگە يىتىپ كېلىدىغانلىقىدىن دېرەك بىرىدىغاندەك بىزنى قورقۇتتى.مەجنۇنتال لىڭشىغۇدەك شامال چىقىۋىدى زوكام بولۇپ يېتىپ قالدۇق،كېسىلىمىزنىڭ شۇندىلا ساقايماس كېسەل بولۇپ قېلىشىدىن قورىقتۇق.ئۆگزىمىزگە كېسەك پارچىسى چۈشىۋىدى،خۇددى يەر تەۋرىگەندەك ۋەھىمىلىك ھالدا قورىقتۇق.باشلىرىمىزنى يوتقان ئىچىگە پۆركۈپ،ئۆزىمىزنىڭ سېسىق بۇسى ئىچىدە ھەپتە ئويغانمىغۇدەك مەھكەم ھالدا يېتىۋالدۇق...دېمەك بىز قورقۇش ئىچىدە ياشاپ كەلدۇق. ھېكايەت:بىر كۈنى بىر ئايال كۈپكۈندۈزدە ئىككى بالىسىنى دەريا بويىغا قويۇپ قويۇپ،ئۆزى دەريا بويىدا كىر يۇيۇپتۇ.تۇيۇقسىز بىر يولۋاس تاغدىن يۈگۈرۈپ چۈشۈپتۇ.ئايال ھودۇققىنىدىن دەرياغا كىرىپ يۇشۇرۇنۇۋاپتۇ.ئىككى بالىسى يولۋاسنى كۆرۈپ،ئازراقمۇ قورىقماستىن،يەنىلا ساھىلدا خوشال خۇرام ئويناۋېرىپتۇ.يولۋاس بىر ھازا قاراپ تۇرۇپ،بىر ئاز غەلىتىلىك ھېس قىلىپتۇ.ئۇ ئىككى بالىنى بېشى بىلەن نوقۇپ،ئۇلارنىمۇ قورقۇتماقچى بولۇپتۇ.لېكىن،ئىككى بالا مۆجىزە يۈز بەرگەندەك يولۋاستىن ئازراقمۇ قورىقماپتۇ،يولۋاس ئاخىر ئامالسىز كېتىپ قاپتۇ. ھېكمەت:تۇرمۇشتىكى كىشىلەرمۇ ئەنە شۇنداق ئانا،بالا،يولۋاسقا ئوخشايدۇ.ھەممە كىشى ئوخشاش بولمايدۇ،بەزىلەر كۈچلۈك بولسا،بەزىلەر ئاجىز بولىدۇ.كۈچلۈكلەرنىڭ ئاجىزلارنى بوزەك قىلىشى بۇ ئەزەلدىن تەكرارلىنىپ كېلىۋاتقان قانۇنىيەت.شۇنى ئېسىمىزدە چىڭ تۇتىشىمىز كېرەككى-پەقەت كۈچلۈكلەر ئالدىدا ئاجىزلىقنى ئاشكارىلاپ قويمىساقلا،كۈچلۈكلەرنىڭ بوزەك ئېتىشىگە ئۇچرىمايمىز.قورقۇنچاقلىق قىلساق مەڭگۈ بوزەك بولىدىغان گەپ،بەلكىم ھاياتنىمۇ  ساقلاپ قالالماسلىقىمىز مۇمكىن.بىزدە قورقۇش قانچىكى كۆپ بولىدىكەن،بىزدىكى ھەممە نەرسىنىڭ تۇگەشكىنى شۇ،شۇڭا ئۆزىمىزنىڭ بەخىت-سائادەتلىك ھاياتىنى،ئەرىك كامالىتىنى قولغا كەلتۈرىمىز،كۈچىلىك رىقابەتتە ئالغا باسىمىز،ھەر بىر ئىشتا پارلاق نەتىجە يارىتىمىز دەيدىكەنمىز چوقۇم ئۆزىمىزدىكى قورقۇش تۇيغۇسىنى تېزدىن يوقىتىشىمىز كېرەك.قورقۇش- ئۆز-ئۆزىنى يوقۇتۇشتىن باشقا نەرسە ئەمەس.

1263318936

	بەكلا ياقتۇردۇم

borkut-

	ياخشى تېما . يەقتۇردۇم .

tumaris01

	ياخشى  تېما  ئىكەن ياقتۇردۇم

korgu1991

	قورقۇدىغاندىن قورۇقمىساق،قورىقمايدىغاندىن قورىقساق ھازىر بولۇۋاتقاندەك ئىش بولىدۇ.

tumaris01

	بالىلارنى قورقىتىپ باشقۇرغىنىمىز بىلەن ، يۈرەكسىز بۇلۇپ قالىدىكەن ، بىر ئىشقا جۈرئىتى يوق بۇلۇپ قالغاندىن يۈرەكلىك بۇلغىنى ياخشى دەپ ئويلايمەن . ئىشقىلىپ بالىلار تەربىيسىگە قاتتىق دىققەت قىلىش كېرەك .

tohmah

	مەنمۇ باشقىلارغا ئوخشاش ياخشى تېمىكەن دەپ ماختاپ قوياي باشقا گەپ قىلسام......دىن قورقىمەن .

بانكىر

	tumaris01 يوللىغان ۋاقتى  2015-3-3 03:44 PM بالىلارنى قورقىتىپ باشقۇرغىنىمىز بىلەن ، يۈرەكسىز بۇل ... ئۆيىڭىزدە ئوغلىڭىزنى قانداق ئۇسۇلدا چىنىقتۇرىسىز؟

nasif

	كۆز قورققاق، قول باتۇرنىڭ ماقالىۋى چۈشەندۈرلىشىكەن...

tumaris01

	بانكىر ئەپەندىم ، مېنىڭ ئوغلۇم يوق ، توي قىلىپ قالسام خۇدايىم بېرەر …