1-مارت يولغا قويۇلىدىغان چوقۇم بىلىشكە تېگىشلىك بەلگىلىمىلەر

uybura

	1-مارت باشلاپ يولغا قويۇلىدىغان چوقۇم بىلىشكە تېگىشلىك يېڭى بەلگىلىمىلەر مۇقىم مۈلۈك  بىر تۇتاش تىزىملىنىدۇ؛ تور دۇكانلىرى قەرەلىدە مال قايتۇرمىسا جازالىنىدۇ؛  يەر تۆلىمىنىڭ ئەڭ تۆۋەن ئۆلچىمى بازار باھاسىنىڭ %90 ى بولىدۇ... باھار بايرىمى ئۆتۈپ كېتىشى بىلەنلا بىر قاتار خەلق تۇرمۇشىغا مۇناسىۋەتلىك يېڭى قائىدىلەر  بۇ يىل 3-ئاينىڭ 1-كۈنىدىن باشلاپ يولغا قويۇلىدۇ. مۇقىم مۈلۈك بىر تۇتاش تىزىملىنىدۇ «مۇقىم مۈلۈكنى تىزىملاش ۋاقىتلىق نىزامى» 2015-يىلى 3-ئاينىڭ 1-كۈنىدىن باشلاپ يولغا قويۇلىدۇ. «نىزام»غا ئاساسەن، تېرىلغۇ يەر، دېڭىز تەۋەسى شۇنداقلا ئۆي-زېمىن، ئورمانلىق قاتارلىقلار  مۇقىم مۈلۈككە كىرىدۇ.  مۇقىم مۈلۈك ھوقۇقىنىڭ سۇبيېكتى، كېلىش مەنبەسى، قەرەلى، ھوقۇق ئۆزگىرىشى قاتارلىق مەزمۇنلار چوقۇم مۇقىم مۈلۈك تىزىملاش دەپتىرىگە كىرگۈزۈلۈشى كېرەك. ھوقۇقدار، پايدا-زىيان مۇناسىۋىتىگە ئالاقىدار كىشىنى قانۇن بويىچە تەكشۈرۈشكە، مۇقىم مۈلۈك تىزىملاش ماتېرىيالىنى كۆپەيتىشكە بولىدۇ.  ئانالىزچى زاتنىڭ قارىشىچە، مۇقىم مۈلۈكنى بىر تۇتاش تىزىملاش ئۆي-مۈلۈك بېجىنى يىغىش ۋە «ئۆي ئارقىلىق چىرىكلىككە قارشى تۇرۇش»قا ئاساس سېلىشنى مەقسەت قىلىدۇ؛ ئىگىدارلىق ھوقۇقىنىڭ ئەمەلىيلەشتۈرۈلۈشى، يەر-زېمىن باشقۇرۇش قانۇنىنىڭ ئۆزگەرتىلىشى،  «كىچىك مۈلۈك ھوقۇقىدىكى ئۆي» مەسىلىسىنىڭ پاش قىلىنىشى قاتارلىقلارغا نىسبەتەن تۈرتكىلىك رول ئوينايدۇ. سۇغۇرتا كەسپىنىڭ تاشقى پېرېۋوتى باشقۇرۇش مۇكەممەللەشتۈرۈلىدۇ ئورگانلارنى ئىخچاملاپ، ھوقۇقنى تۆۋەنگە چۈشۈرۈشنى يەنە بىر قەدەم ئىلگىرى سۈرۈش ئۈچۈن، سۇغۇرتا كەسپىنىڭ تاشقى پېرېۋوت باشقۇرۇشىنى مۇكەممەللەشتۈرۈش كېرەك، دۆلەتلىك تاشقى پېرېۋوت ئىدارىسى تارقاتقان «دۆلەت تاشقى پېرېۋوتنى باشقۇرۇش ئىدارىسىنڭ بېسىپ تارقىتىش ھەققىدىكى ئۇقتۇرۇشى» 2015-يىلى 3-ئاينىڭ 1-كۈنىدىن باشلاپ يولغا قويۇلىدۇ. يېڭى قائىدىدە  قانۇنىي ئىگىلىك سۇغۇرتا تارماقلىرىنىڭ تاشقى پېرېۋوت سۇغۇرتا كەسپىنىڭ بازارغا كىرىشگە، چېكىنىپ چىقىشىغا يول قويۇش ۋە  مەبلەغنىڭ چەتئەل پۇلىغا ئالماشتۇرۇلۇشىنى تەكشۈرۈش ھوقۇقى قاتارلىقلار بار.   تور دۇكانلىرى قەرەلىدە مال قايتۇرمىسا جازالىنىدۇ دۆلەت سودا-سانائەت ئىدارىسىنىڭ خەۋىرىگە ئاساسلانغاندا، 2015-يىلى 3-ئاينىڭ 15-كۈنىدىن باشلاپ ئىستېمالچىلارنىڭ ھوقۇق مەنپەئەتىگە دەخلى-تەرۇز قىلىش قىلمىشىنى جازالاش تەدبىرى» يولغا قويۇلۇپ، توردىن مال سېتىۋېلىشقا ئالاقىدار ئىشلار قېلىپلاشتۇرۇلىدۇ. مەسىلەن،   ساتقۇچى تەرەپ بىر تەرەپ قىلىشنى كېچىكتۈرسە ياكى ئىستېمالچىنىڭ مال قايتۇرۇش تەلىپىنى سەۋەبسىز رەت قىلسا بەلگىلىك جازاغا ئۇچرايدۇ؛ سودىگەر ساختا مال باھاسى بىلەن تەمىنلىگەن ياكى ساختا ئېتىبار باھا ئۇچۇرى بىلەن تەمىنلىگەن بولسا،  مۇناسىۋەتلىك قانۇنىي مەسئۇلىيەتنى ئۈستىگە ئالىدۇ. شۇنىڭ بىلەن بىر ۋاقىتتا، توردىكى شەخسىي ئۇچۇر بىخەتەرلىكىگىمۇ ئەھمىيەت بېرىلىدۇ. ئىستېمالچىنىڭ شەخسىي ئۇچۇرىنى ئاشكارىلاش قىلمىشى ۋە ئۆز بېشىمچىلىق بىلەن سودا خاراكتېرلىك ئۇچۇر يوللاش قىلمىشى بەلگىلىك دەرىجىدە جازالىنىدۇ. 　 تور ئىسمى قويۇشتا يەنە «ئۆز بېشىمچىلىق قىلىش»قا بولمايدۇ 3-ئاينىڭ 1-كۈنىدىن باشلاپ «ئىنتېرنېت تورىدىكى ئابونتلارنىڭ ئىسمىنى باشقۇرۇش بەلگىلىمىسى» رەسمىي يولغا قويۇلىدۇ، مىكرو بلوگ، ئۈندىدار،  QQ ، مۇنبەر  قاتارلىقلاردىكى ھېسابات نومۇرىغا 9 تۈرلۈك شەرت قويۇلىدۇ. بەلگىلىمىگە ئاساسەن، تورداشلار ئىنتېرنېت تور ئۇچۇر مۇلازىمىتىگە رويخەتكە ئالدۇرغاندا قوللىنىدىغان ھېسابات ئابونت نامى تۆۋەندىكى 9 تۈرلۈك شەرتكە ئۇيغۇن بولۇشى كېرەك، يەنى ئاساسىي قانۇن ۋە قانۇنلاردىكى بەلگىلىمىگە خىلاپلىق قىلىشقا بولمايدۇ؛ دۆلەت بىخەتەرلىكىگە زىيان يەتكۈزۈشكە، دۆلەت مەخپىيەتلىكىنى ئاشكارىلاشقا، دۆلەت ھاكىمىيىتىنى ئاغدۇرۇپ تاشلاشقا ئۇرۇنۇشقا، دۆلەتنىڭ بىرلىكىنى بۇزۇشقا  يول قويۇلمايدۇ؛  مىللەتلەر ئارىسىدا قۇتراتقۇلۇق قىلىشقا، مىللىي كەمسىتىش قىلىشقا، مىللەتلەر ئىتتىپاقلىقىغا زىيان يەتكۈزىدىغان ئىشلارنى قىلىشقا بولمايدۇ؛  شەھۋانىيلىق، ئىشقىۋازلىق، قىمار ئويناش، زوراۋانلىق، قاتىللىق قاتارلىق مەزمۇنلارنى تارقىتىشقا بولمايدۇ؛  ئەگەر خىلاپلىق قىلىنسا،  مۇددەت بەلگىلەپ ئۆزگەرتىش، ۋاقىتلىق ئىشلىتىشتىن توختىتىش ۋە تىزىمدىن چىقىرىۋېتىش چارىسى كۆرۈلىدۇ. خەينەنگە بېرىپ مال سېتىۋالسا تېخىمۇ ئەرزان ئالغىلى بولىدۇ بۇ يىل 3-ئاينىڭ 20-كۈنىدىن باشلاپ، يېڭى «ئارالدىن نەرسە سېتىۋالسا باج كەچۈرۈم قىلىش سىياسىتى» يولغا قويۇلۇپ، خەينەن ئارىلىدىن نەرسە-كېرەك سېتىۋالىدىغان ساياھەتچىلەر تېخىمۇ كۆپ ئېتىبارغا ئېرىشەلەيدۇ. مالىيە مىنىستىرلىقىنىڭ ئۇقتۇرۇشىدا كۆرسىتىلىشىچە، خەينەن ئارىلىدىكى باجسىز تاۋارلار تېخىمۇ كۆپەيتىلىپ، يېڭىدىن پارچە سېتىلىدىغان  بوۋاقلار تەڭشەلگەن سۈت پاراشۇكى، قەھۋە، ئائىلىدە ئىشلىتىلىدىغان ھاۋا ساپلاشتۇرغۇچ قاتارلىق 17 خىل تاۋار قوشۇلىدىكەن.  زىننەت بۇيۇملىرى، قول سائىتى، ئەتىر، گىرىم بۇيۇملىرى قاتارلىق 10 خىل بازىرى ئىتتىك تاۋارلارنىڭ بىر قېتىملىق سېتىۋېلىنىدىغان مىقدارىغا قويۇلغان چەكمۇ تۆۋەنلىتىلىدىكەن. ھۆكۈمەت دائىرىلىرى بۇ ئارقىلىق خەينەن ئارىلىنىڭ ساياھەتچىلەرنى جەلپ قىلىش كۈچىنى ئاشۇرۇپ، خەلقئارالىق ساياھەت ئارىلى قۇرۇلۇش قەدىمىنى تېزلىتىشنى پىلانلىغان. يەر  تۆلىمىنىڭ ئەڭ تۆۋەن ئۆلچىمى بازار باھاسىنىڭ %90ى بولىدۇ 3-ئاينىڭ 1-كۈنىدىن باشلاپ «شەندۇڭ ئۆلكىسى دۆلەت ئىگىدارلىقىدىكى زېمىندىكى ئۆيلەرنى ئۆتكۈزۈۋېلىش ۋە تۆلەم بېرىش نىزامى» ئەمەلىيلەشتۈرۈلىدۇ.  ئۆتكۈزىۋېلىنغان تۇرالغۇ يەرگە بېرىلىدىغان تۆلەمنىڭ ئۆلچىمى ئادەتتە يېڭىدىن سېلىنغان تاۋار ئۆي بازار باھاسىنىڭ %90 بويىچە بولىدۇ.  بۇ  بەلگىلىمىدە يېڭىدىن سېلىنغان تاۋار ئۆيلەرنىڭ باھاسى ئاساس قىلىنىدۇ.  ئوخشىمىغان شارائىتتىكى ئوخشاش بولمىغان تۇرالغۇ ئۆيلەرگە بېرىلىدىغان تۆلەمنى پەرقلىق قىلىش ئارقىلىق، تۆلەمدىكى تەڭپۇڭسىزلىق كېلىپ چىقىشىنىڭ ئالدى ئېلىنىدۇ. ئۇنىڭدىن باشقا ئۆتكۈزىۋېلىنغان تۇرالغۇ ئۆيلەر  ئەگەر ئۆيى ئۆتكۈزىۋېلىنغۇچىنىڭ بىرلا يۈرۈش ئۆيى بولسا، ھەم ئۆينىڭ قۇرۇلۇش كۆلىمى 45 كۋادرات مېتىردىن  كىچىك بولسا، ئۆتكۈزىۋالغۇچى تارماقلار ئۆيى ئۆتكۈزىۋېلىنغان كىشىگە ئەڭ كىچىك كۆلەمدىكى تۆلەم پۇلىنى بېرىشى، يەنى 45 كۋدرات مېتىردىن چوڭ قۇرۇلۇش كۆلىمى بويىچە ھېسابلاپ تۆلەم بېرىشى كېرەك.  شۇنىڭ بىلەن بىر ۋاقىتتا، ئەڭ تۆۋەن كۆلەم بويىچە بېرىلگەن تۆلەمگە قوشۇپ بېرىلگەن پۇلنى تۇرالغۇ ئۆينى ئۆتكۈزىۋېلىشنى قارار قىلغان خەلق ھۆكۈمىتى ئۈستىگە ئېلىشى كېرەك. مەلۇماتلارغا قارىغاندا، نۆۋەتتە شەندۇڭ ئۆلكىسىدىكى ھەرقايسى جايلاردا تۆلەم بېرىلىدىغان ئەڭ تۆۋەن كۆلەم 45 كۋادرات مېتىردىن 60 كۋادرات مېتىرغىچە بولىۋاتىدۇ.  تۇرالغۇ ئۆي بولمىغان يەرلەرنى ئۆتكۈزىۋېلىشتا قويۇلىدىغان تەلەپ تۇرۇشلۇق رايوننىڭ شۇ تۈردىكى ئۆي-مۈلۈك بازار باھا ئۆلچىمىگە ئاساسەن بېكىتىلسە بولىدۇ، دۆلەت مەھكىمىسىنىڭ نىزامىدا بەلگىلەنگەن تۆلەم ئۆلچىمى بىلەن بىردەكلىكىنى ساقلىشى كېرەك. شەھەر-بازارلارنىڭ سۇنى بىر تەرەپ قىلىشىغا رۇخسەت قىلىش يېڭى بەلگىلىمىسى يولغا قويۇلىدۇ بۇلغانما سۇلارنىڭ شەھەر-بازار سۇ چىقىرىۋېتىش تۇربىسى تورىغا كىرگۈزۈشكە بولغان باشقۇرۇشنى كۈچەيتىش، شەھەر-بازارلارنىڭ سۇنى چىقىرىۋېتىش ۋە بۇلغانما سۇلارنى بىر تەرەپ قىلىش ئەسلىھەلىرىنىڭ بىخەتەر ئىشلىتىلىشىگە كاپالەتلىك قىلىش ئۈچۈن، تۇرالغۇ-ئۆي شەھەر بازار قۇرۇلۇش تارماقلىرى بىر نەچچە كۈن ئىلگىرى  تارقاتقان  «شەھەر-بازار بۇلغانما سۇلىرىنى سۇ چىقىرىش تۇربىسى تورىغا كىرگۈزۈشكە رۇخسەت قىلىشنى باشقۇرۇش تەدبىرى» (تۆۋەندە قىسقارتىلىپ «تەدبىر» دەپلا ئېلىنىدۇ) 3-ئاينىڭ 1-كۈنىدىن باشلاپ يولغا قويۇلىدۇ.  «شەھەرلەرنىڭ سۇنى چىقىرىشقا رۇخسەت قىلىشنى باشقۇرۇش تەدبىرى» ئەمەلدىن قالدۇرۇلىدۇ «تەدبىر»دە مۇنداق دەپ بەلگىلەندى: سۇ چىقارغۇچى چوقۇم ئالاقىدار سۇ چىقىرىش ئىجازەتنامىسىدە بەلگىلەنگەن سۇنىڭ تۈرى، مىقدارى، ۋاقتى، سۇ چىقىرىش تۆشۈكىنىڭ ئورنى ۋە سانى،  چىقىرىۋېتىلگەن بۇلغانمىلارنىڭ تۈرلىرى ۋە قۇيۇقلۇقى قاتارلىقلارغا ئاساسەن بۇلغانما سۇنى قويۇپ بەرسە بولىدۇ، شەھەر-بازارلار سۇ چىقىرىش ئەسلىھەلىرىگە  زەھەرلىك، ئاسان ئوت ئالىدىغان ۋە ئاسان پارتىلايدىغان، چىرىتكۈچى سۇيۇقلۇقلار ۋە  قالدۇقلىرىنى تۆكۈشكە، زىيانلىق گاز ۋە چىقىرىندى مايلارنى تۆكۈش ۋە قويۇپ بېرىشكە بولمايدۇ؛  شەھەر-بازار سۇلىرىنى چىقىرىش ئەسلىھەلىرىنى توسۇپ قويۇشقا ياكى  شەھەر-بازارلار سۇ چىقىرىش ئەسلىھەلىرىگە ئەخلەت، لاي-لاتقا، قۇرۇلۇش پاتقىقى، ماي، بۇلغانما پاتقىقى قاتارلىق توسقۇچى نەرسىلەرنى تۆكۈشكە بولمايدۇ؛ شەھەر-بازار سۇ چىقىرىش ئەسلىھەلىرىنى  ئۆز بېشىمچىلىق بىلەن چۇۋۇش، يۆتكەش ۋە تېشىشكە بولمايدۇ؛ شەھەر-بازار سۇ چىقىرىش ئەسلىھەلىرىگە ئۆز بېشىمچىلىق بىلەن بۇلغانما سۇلارنى قويۇپ بېرىپ، بېسىمىنى ئاشۇرىۋېتىشكە بولمايدۇ.  سۇ چىقىرىۋەتكۈچى شەھەر-بازار سۇ چىقىرىش ئەسلىھەلىرىگە تەلەپ بويىچە سۇ قويۇپ بەرمىگەن بولسا، شەھەر-بازار سۇ چىقىرىشنى ئاساسلىق باشقۇرغۇچى ئورۇن  دەرھال قانۇنسىز ھەرىكەتنى توختىتىپ، مۇددەت بەلگىلەپ تۈزىتىشكە بۇيرۇيدۇ؛ ئېغىر ئاقىۋەت كەلتۈرۈپ چىقارغانلارنىڭ سۇ بىر تەرەپ قىلىش ئىجازەتنامىسى ئەمەلدىن قالدۇرۇلىدۇ ۋە 50 مىڭ يۈەندىن يۇقىرى 500 مىڭ يۈەندىن تۆۋەن جەرىمانە قويۇلىدۇ؛  نۇقتىلىق بۇلغانما سۇ چىقىرىش ئورۇنلىرىنىڭ تىزىملىكىگە چۈشۈپ قالغان سۇ چىقارغۇچىلارغا 30 مىڭ يۈەندىن يۇقىرى 500 مىڭ يۈەندىن تۆۋەن جەرىمانە قويۇلىدۇ، ھەمدە ئالاقىدار ئەھۋاللار تەڭ دەرىجىلىك مۇھىت ئاسراشنى ئاساسلىق باشقۇرۇش تارماقلىرىغا ئۇقتۇرۇش قىلىنىدۇ. مەنبە: kutadsoda  سالونى

saliha24

	ئۇف.........................................

izqel

	مال مۆلۈكنى سېستىمىلاشتۇرۇش دىگەنلىك چەتئەل دۆلەتلىرىدىكى مەڭگۈلۈك مۆلۈك قاتارىدا مۇئامىلە قىلىنىدىغاندەك ھىس قىلىمەن.لىكىن مەن خاتا چۈشىنىۋالغاندىمەن.

.tuz.

	ئەسسىلامۇ ئەلەيكۇم ياخشى خەۋەركەن ، بىلۋالدۇق .

hadrat

	ياخشى خەۋەر يەتكۈزگىنىڭىزگە رەھمەت. .بىلىۋالدىم.

adip0903

	ئەمەلى ئىجرا بۇلۇشىنى تىلەيمەن

mingbexi

	بىلىۋالدۇق رەھمەت.

توقماق

	izqel يوللىغان ۋاقتى  2015-3-2 01:09 PM مال مۆلۈكنى سېستىمىلاشتۇرۇش دىگەنلىك چەتئەل دۆلەتلىر ... جۇڭگۇنىڭ يەر قانۇنىدا ئۇنداق ئىش يوق.جۇڭگۇدا پەقەت ئىككى خىللا يەر ئىگىدارلىق ھوقۇقى بار.بىرى دۆلەت ئىگىدارلىغىدا،يەنە بىرى كوللىكتىپ ئىگىدارلىغىدا.شەخىسلەردە پەقەت قانۇندا بەلگىلەنگەن مۇددەت ئىچىدىكى پايدىلىنىش،ئىشلىتىش ھوقۇقىلا بولىدۇ.

izqel

	توقماق يوللىغان ۋاقتى  2015-3-2 11:03 PM جۇڭگۇنىڭ يەر قانۇنىدا ئۇنداق ئىش يوق.جۇڭگۇدا پەقەت ئ ... ھە....بۇنىمۇ بىلىۋالغۇلۇق.دۆلىتىمىز بۇ قائىدىنى بۇزالمىغۇدەك ئەمسە.

sultan777

	بىلىۋالدۇق. رەھمەت.