ئەبجەش تۈزۈم (فېليەتون)

Elrexid

	ئەبجەش تۈزۈم                     (فېليەتون)              ئابدۇرەھمان ئەفغانىي      ___ بۈگۈن ئۇرۇشقان ئىككىسىنى قانداق بىرتەرەپ قىلىمىز، مۇدىر؟      ___ ئانا - مانىسىنى كۆرسىتىمىز.      ___ ياخشى ئويلاپتىلا، مۇدىر.      ___ كەل، تاماكامغا ئوت تۇتاشتۇر!      ___ مانا، مۇدىر.      ___ ئويلاپ قالدىم. مەكتەپ نىزاملىرىنىڭ بوشاپ قالغان يەرلىرىنى ئامبۇر بىلەن ئوبدان بىر چىڭىتىپ قويساق بولغۇدەك. تۈزۈم ئامورفلىشىپ كېتىپ، بۇ پۇرسەتپەرەس گۇيلار پايدىلىنىپ كېتىدىغان سۈڭگۈچلەر كۆپىيىپ قاپتۇ. شۇ ھاڭلارنى بىرنى قويماي بىتچىتلىشىۋېتىمىز كېرەك.      ___ ياخشى ئويلاپتىلا، مۇدىر.      ___ يەنە ئويلاپ قالدىم. ئاۋۋال سەندىن سوراپ باقاي، تۈزۈم دېگەن نېمە؟ بۇنى بىلەمسەن؟      ___ بىلمەيمەن، مۇدىر.      ___ بىلمەيمەن دېگەن قانداق گەپ؟      ___ ئۆزلىرى دانا، مۇدىر.        ___ خوش، تۈزۈم دېگەن ئوقۇغۇچىلار ياخشى كۆرگەننى ئالا قويماي چەكلەش دېگەنلىك. مانا بۇ رەسمىي تۈزۈم بولىدۇ.      ___ ياخشى دېدىلە، مۇدىر.      ___ بۇ گەپنى مەن بىرەر كىتابتىن ئوقۇۋالغىنىم يوق جۇمۇ. ماۋۇ ئەقىللىق مېڭەمگە تايىنىپ ئويلاپ چىققان. دەپ باقە، قانداقراق ئويلاپتىمەن؟      ___ بەك ياخشى ئويلاپتىلا، مۇدىر.      ___ قارا، مەن بۇ يېڭى ئىدىيەمنى ھازىرلا ساڭا ئىسپاتلاپ بېرىمەن.      ___ ھە ماقۇل، مۇدىر.      ___ ئوغۇل ئوقۇغۇچىلار چېچىنى ئۆسۈك قويۇشقا، قىز ئوقۇغۇچىلار گىرىم ياكى مونچاق - ئۈزۈكلەر بىلەن ئۆزىنى بېزەشكە ئامراق. لېكىن ئۇلارنىڭ بۇ ئامراقلىرىنى بىز توسۇمىز، شۇنداقتۇ؟!        ___ شۇنداق، مۇدىر.      ___ ئۇلار دەرسكە ئۆچ، ئەمما بىز ئۇلارنى شۇنىڭغا ھەيدەيمىز، توغرىدۇ؟!      ___ توغرا، مۇدىر.      ___ ئۇلار يەنە بارچىدىن مەكتەپنىڭ قائىدىلىرىدىن بىزار. ئەمما بىز قېرىشقاندەك ئۇلارنى دەل شۇنىڭغا زورلايمىز. دېمەك، بىز بۇ مىساللاردىن ئوقۇغۇچىلارنى ئۇلار ياخشى كۆرگەندىن توسۇپ، يامان كۆرگەننى ئۇلارغا تېڭىشىمىز كېرەك، دېگەن بىر يەكۈن چىقىدۇ. شۇڭا ئۇلارنىڭ مەكتەپنى تۈرمىگە ئوخشىتىشىمۇ تەبىئىي.      ___ ...      ___ گەپ قىلمايسەنغۇ؟!      ___ كەچۈرسىلە، مۇدىر، ئېسىم قۇرۇسۇن. ناھايىتى ياخشى ئويلاپتىلا، مۇدىر.      ___ يالاقچى بولا سەندەك بولا - ھە!      ___ ھەئە، مۇدىر.      ___ سەن مېنى شىيلاشتىن بۆلەك ھېچ ئىشنى ئۇقمايسەن - ھە!      ___ بۇ مېنىڭ ۋەزىپەم، مۇدىر.      ___ مېنى خۇش قىلدىڭ، بۇنى ئالە!      ___ رەھمەت، مۇدىر. بەرىكاتلىرىغا بەرىكەت ياغقاي، مۇدىر.      ___ يوش... يوش!① ئەمدى بېرىپ ئا ئىككى سوقۇشقاقنى ئالدىمغا سۆرەپ كەل، ئۇلارنى ئۆزۈم قانغۇچە سوقۇشتۇرۇپ قوياي.      ___ پەرمانبەردارمەن، مۇدىر.      ...      ___ ھۇ بەتكەردە ماڭقىلار، مۇشتەك تۇرۇشۇپ يەنە مۇشت ئېتىشتىڭما؟! مۇشت دېگەن مانا ماۋۇ، داداڭنىڭ مۇشتى... تولا كۆزۈمگە سەت كۆرۈنمەي ئىشخانامدىن يىتىشە ماڭ!      ___ باشلىق ياخشى دېدى، ئىتتىك يوقىلىش!      ___ بۇ شۇملارنى دۇمبالاپ ئەجەب پۇخادىن چىقتىما.      ___ ياخشى قىلدىلا، مۇدىر.      ___ كۆردۈڭمۇ، بۇ شاتراقلار كۈندە ياقىماق سىقىشىدۇ، بىز ئۇلارنىڭ ئەدەپلەيمىز. ئۇلار قىلغاننى تەلتۆكۈس توسۇش دەل تۈزۈمدۇر، ھەقىقىي تۈزۈم.      ___ دانىشمەنلىكىڭىزگە قايىلمەن، مۇدىر.      ___ ئەمدىغۇ ئىشەنگەنسەن مېنىڭ ئىدىيەمگە؟      ___ ئىشەنمەسلىككە ھەددىممۇ، مۇدىر.      ___ ئىشەنگەن بولساڭ بۇندىن سوڭرا ئوقۇغۇچىلار ياخشى كۆرگەنلىكى ھەر ئىشنى توسۇڭلار، شۇندا مەكتىپىمىز روناق تاپىدۇ.      ___ خوپ، مۇدىر.      ___ ئەتە چۈشتىن كېيىنگە بىر قېتىملىق لېكسىيە ئورۇنلاشتۇر، مۇتەپەككۇرانە ئويلىرىمنى ئوقۇغۇچىلارغا چاچاي، يىغىن خۇمارىممۇ تۇتۇپ تۇراتتى.        ___ بۇيرۇقىڭىزنى بەجانىدىللىق بىلەن ئورۇندايمەن، مۇدىر. بايىقى سولتەكلەرنىچۇ، مۇدىر؟ سادىر پالۋاندەكلا يانجىۋەتتىلە، جېنى چىقىپ كېتىشتىن بۇرۇن دوختۇرخانىغا ئاپىرامدۇق؟      ___ دوختۇرخانىغا؟ ساقچىخانىغا ئاپىرىمىز، ساقچىخانىغا. شېرىكىمىز زېرىكىپمۇ قالغاندۇ؟      ___ ياخشى ئويلاپتىلا، مۇدىر. شۇغىنىسى بايا سىزگە ئالىيىپ قويۇپ چىقىپ كەتكەن ئاۋۇ بودەكرەكىنىڭ دادىسى ج خ ئىدارىسىنىڭ باشلىقىمىش.      ___ نېمە؟ نېمە دېدىڭ؟ نېمىشقا... نېمىشقا بالدۇرراق دېمىدىڭ شۇنى، ۋوي ئىت كاتىپ؟ ياخشى ئويلاپتىمىشمەن تېخى، ئەمدى...                     2015 - فېۋرالنىڭ 28 - كۈنى، قاراقاش

rana3345

	ئەجەپ قىزىقارلىق ئىكەن. ئەمىلىيەتنى ئوبدان قامچىلاپسىز.

turmux.net

	turgun0997 يوللىغان ۋاقتى  2015-2-28 03:18 PM مەن ئەسلى پەقەت گەپ قىلماي دىگەن لىكىن ئەمدى گەپ قىلما ... ئاچچىقىڭىزنى بىسىۋېلىڭ...

rana3345

	turgun0997 يوللىغان ۋاقتى  2015-2-28 03:19 PM قۇلۇڭدىن كەلسە مىنى چەكلىۋەت ،،مەنمۇ  سەندەك پىت ئۈچەي ... سىزگە ماكانىمىز مۇنبىرىنى تەۋسىيە قىلاي. شېئىرىڭىز تەستىقلىنىدۇ.

turgun0997

	ئابابەكرى مىسرانىم ئەپەندى ،،،كەچكىچە چ چ كوڭجەندە  رەسىم يوللاپ يۈرمەي ،،،مۇنبەرگىمۇ كۆڭۈل بۆلۈپ قۇيۇڭ ،،،،،،قابىلىيەتلىك ئادەملەنىڭ ھەممىسى ئىستىقبال سەھنىسىگە  چىقىۋالغاچ مۇنبەر باشقۇردىغانغا ئادەم تاپالماي نىدىكى يالاڭئاياق بىرنىمىلەنى باشقۇرغۇچى قىلىپ قويمايلى ،،،،مۇنبەرنىڭ بۈگۈنگە ئۇلاشمىقى بىزدىن بەكرەك سىزگە ئايان ،  قانچىلىق جاپا-مۇشەققەت ۋە قانچىلىك خىرىس ئىچىدە مۇشۇنچىلىك تەرەققى قىلدى،،،ئەمدى بۇ نەتىجىلەرنى نەدىكى بىرنىمىلە يوق قىلۋەتمىسۇن،،، سەمىمى تەكلىپ

turgun0997

	rana3345 يوللىغان ۋاقتى  2015-2-28 03:28 PM سىزگە ماكانىمىز مۇنبىرىنى تەۋسىيە قىلاي. شېئىرىڭىز ت ... ماكانىم تورىنىڭ تور ئادرىسىنى  دەپ بىرەمسىز؟

rana3345

	turgun0997 يوللىغان ۋاقتى  2015-2-28 03:39 PM ماكانىم تورىنىڭ تور ئادرىسىنى  دەپ بىرەمسىز؟ http://www.makanimiz.com

axik884

	مەكتەپ دىگەن جەمىيەت  ، ئوقوغۇچى دىگەن .........   مودۇر دىگەن................    ھا ھا ھا ھا

mahdi99

	turgun0997 يوللىغان ۋاقتى  2015-2-28 03:18 PM مەن ئەسلى پەقەت گەپ قىلماي دىگەن لىكىن ئەمدى گەپ قىلما ... ھە  ئەسلى  مۇنداق باشقۇرغۇچىلارمۇ باركەندە،مىنىڭمۇ تەستىقلانمايۋاتىدىغۇ،

mastana888

	turgun0997 يوللىغان ۋاقتى  2015-2-28 03:18 PM مەن ئەسلى پەقەت گەپ قىلماي دىگەن لىكىن ئەمدى گەپ قىلما ... قىرىندىشىم مارشالنىڭ تەستىقلىمىغان تىمىلىرى پەقەت سىزنىڭلا ئەمەس مىنىڭمۇ بار كىيىنقى قىتىم ئىنكاس يازغاندا تەكرار يىزلىشتىن ساقلىنىڭ مەن ھازىر تىما يوللىسام قاراپ بىقىپ مارشال يوق چاغدا يوللايدىغان بولۇپ قالدىم