6چوڭ ناچار ئادەت ئاسانلا چىش ئەتراپى كىسەللىكىگە گىرىپتار قىلىدۇ 。

turukyar219

	ناچار ئادەتلەر چىش ئەتراپى كىسەلىكلەرنى پەيدا قىلغۇچى ئاساسى سەۋەپ بولمىسىمۇ،لىكىن چىش ئەتراپى كىسەللىكلىرىنىڭ داۋالاش ئۈنۈمىگە تەسىر يەتكۈزىدۇ ۋە چىش ئەتراپى كىسەللىكلىرىنىڭ تەرەققى قىلىشىنى تېزلىتۋىتىدۇ.بۇ ناچار ئادەتلەرنى تۈۋەندىكى نەچچە تۈرگە بۆلىنىدۇ:                                                      بىر تەرەپتىلا چايناش                                                                   بۇ خىل ئادەت ئىشلەتمىگەن بىر تەرەپتىكى چىشلاردا زور مىقتاردا چىش باكتىريە دىغى،چىش تاشلىرى پەيدا بۇلۇپ،بۇ ئىش چىش ئەتراپى كىسەللىكلىرىگە ئاسانلا گىرىپتار قىلىدۇ.شۇنداقلا بىر تەرەپتىلا چايناش ئادىتى چىشلار ئارسىدا ئېغىر دەرىجىدە ئۇپۇراشنى كەلتۈرۈپ چىقىرىپ.چىشلار ئاسانلا كىرىشىپ كېتىدۇ بۇ  ئىش ئاسانلا   چىش ئەتراپى كىسەللىكلىرىنى ئېغىرلاشتۇرۋىتىدۇ.                                       تاماق تاللاش                                                                            بۇ خىل ئادەت ئاسانلا ئاقسىل ۋە ۋىتامىن ئا،سې ۋە دې كەمچىل بۇلۇشنى كەلتۈرۈپ چىقىرىپ،چىش ئەتراپى كىسەللىكىگە گىرىپتار بۇلۇشنى ئېغىرلاشتۇرۋىتىدۇ.             ئۇخلىغاندا چىش غۇچۇرلىتىش                                                          بۇ ئادەت چىشلاردا ئېغىر دەرىجىدە ئۇپۇراشنى كەلتۈرۈپ چىقىرىدۇ ۋە چىش ئەتراپى توقۇلمىلىرىنىڭ بىسىمىنى ئېغىرلاشتۇرۋىتىدۇ ۋە ئاسانلا تاماق قالدۇقى كەپلىشىشنى كەلتۈرۈپ چىقىرىدۇ ياكى ئەسلىدە بار بولغان چىش ئەتراپى ياللۇغىنى تىخىمۇ ئېغىرلاشتۇرۋىتىدۇ.                                                                      تاماكا چىكىش                                                                         تاماكا چىكىش پۈتۈن بەدەندىكى سۆڭەككە تەسىر قىلىدۇ.تاماكا چىكىش ئېغىز بوشلىقى ئارقىلىق چىش سۆڭەك ئوقۇرىغا شۈمۈرلۈپ چىش ئەتراپى كىسەللىكلىرىنى پەيدا قىلىشتىكى يەنە بىر سەۋەپ بۇلىدۇ.                                                    كالپۇكىنى چىشلەش،قەلەم چىشلەش،تىرنىقىنى چىشلەش،ئېغزىنى ئېچىپ تۇرۇپ نەپەسلىنىش قاتارلىق ئادەتلەر                                                           بۇ ناچار ئادەتلەر چىش ئەتراپى توقۇلمىلىرىنىڭ بىسىمىنى ئېغىرلىتىپ چىشلاردا ئورنى يۆتكىلىشنى كەلتۈرۈپ چىقىرىدۇ.بۇنىڭ بىلەن چىش ئەتراپى كىسەللىكلىرىگە گىرىپتار بۇلىشىنى كەلتۈرۈپ چىقىرىدۇ.                                                          كەسپى ئادەتلەر                                                                        مەسىلەن:موزدوز،ياغاچچى دىگەندەك خىزمەتلەر،خىزمەت قىلغان ۋاقىتتا مىخ چىشلەپ تۇرىدىغان ئادەتلىرى ئاسانلا چىش ۋە چىش ئەتراپى توقۇلمىلىرىغا زىيان كەلتۈرۈپ،ئۇدۇل چىشلاردا بوشىشىپ كېتىش ياكى چىش ئورنى يۆتكىلىشنى كەلتۈرۈپ چىقىرىدۇ.                                                                               شۇنىڭ ئۈچۈن،چىش ئەتراپى كىسەللىكلىرىگە گىرىپتار بولغان بىمارلار چوقۇم بۇ خىل ناچار ئادەتلەردىن يىراق تۇرىشى كېرەك.مۇشۇنداق قىلغاندىلا چىش ئەتراپى كىسەللىكلىرىنى داۋالاشتا ياخشى ئۈنۈمگە ئېرىشكىلى بۇلىدۇ.چىش  ئەتراپى كىسەللىكىگە گىرىپتار بۇلمىغانلارمۇ چۇقۇم ياخشى چىش ساغلاملىق ئادىتىنى شەكىللەندۈرۈپ بۇ ئارقىلىق چىش ئەتراپى توقۇلمىلىرىنىڭ زىيانغا ئۇچرىشىدىن ساقلىنىش كېرەك.

qiqakkiz

	بۇ ئەھۋاللار بالىلاردا  كۆپ ئۇچرايدۇ .

turmux.net

	ياخشى يوللاپسىز... كونىلار ‹‹ چىش ئاغرىقى ئاغرىق ئەمەس، ئاغرىغانغا كىشى ئۆلمەس ›› دەپ قويۇشىدىكەن. لېكىن چىشى ئاغرىغان ئادەم ئۆزى بىلىدىكەن دەردىنى... يەنىلا چىش ئېغىز تازلىقغا ئەھمىيەت بىرىش ئەڭ ياخشى چارە دەپ ئويلايمەن.

uzum-tal

	turmux.net يوللىغان ۋاقتى  2015-2-28 02:15 PM ياخشى يوللاپسىز... كونىلار ‹‹ چىش ئاغرىقى ئاغرىق ئەمەس، ... مەن بۇرۇن باشقا ئىشمۇ بىر نىمە مۇشۇ چىش توغۇرسىدا مىۋە-چىۋىلەرنىڭ ئۈچكىس..دىگەندەك قاتتىق نەرسىلەرنى چىشىدا چىقىپ يىسە. تاتلىق نەرسىلەرنى كۆپ يىسە چىش ئاسان كىرەكتىن چىقىدۇ . قۇرۇت چۈشىدۇ ، ئاغىريدۇ ...دىگەن گەپنىڭ ھەممىگە %90 ئىشىنەتتىم بىراق ھازىر بۇنداق گەپلەرگە %90 ئىشەنمەيدىغان بولدۇم . بىراق بۇ سەۋەپلىك ماڭا مالامەت قىلماڭلار مۇنبەرداشلىرىم . ئويلىسام ئاتا بوۋىلار  50~40 يىل نامراتلىق دەردىدىن قوساق تويغۇدەك تاماق يوق  چىشىىڭ كۈچى يەتكەن ياڭاق. بادەم . مېۋە-چىۋە ئۈچكىسى ....دىگەندەك قاتتىق قۇرۇق نەرسلەرنى يەپ جاھانسازلىق قىپتىكەن ئاندا-ساندا ئادەملەرنىڭ چىشى ئاغىرغىننى ھىساپقا ئالمىغاندا كۆپ سانلىق ئات-بوۋىلارنىڭ چىشى مۇستەھكەم بىر ئۆمۈر يىتىپكەن. مانا ھازىر تاتلىق تۈرۈم . گۆش- پۆش . ھەر خىل سەي-كۆكتات ..... تازا قاينىتىپ ماش قايناق بولغاندا ئېستىمال قىلىمىز . ياڭاق ،باداملارنى .....مەخسۇس چاقىدىغان ئامبۇر بىلەن چىقىپ تېخى چىشىمىزنىڭ كۈچى يەتمەيدۇ دەپ ئىزىپ نان بىلەن يەيمىز .  لىكىن نەگە قارىسا چىش ئاغىرقى ۋە ماڭدامدا بىر چىش داۋالاش ئورنى ئۇچۇرايدۇ. ئىچىگە قارسىڭىز تاماكا دىگەن نەرسىگە قارسا كۆڭلى ئىلىشىپ قوسۇدىغان قىز-ئاياللارنىڭ ئۇدۇل بىر نەچچە چىشى ئۇزۇن يىل نەشە چەككەن بەڭگىنىڭ چىشىدەك تۆمۈرنىڭ تىتىدەك دات بىسىپ كەتكىننى كۆرىمىز. تېخىى نورغۇللىرى بويغا يەتمىگەن قىزلار. بەش-ئالتە ياشلىق قىز-ئوغۇل ئۆسمۈرلەرنىڭ چىشىمۇ ئاللىقاچان پورلىشىپ كاماك بولۇپ خۇددى كارتۇن قونچاققا ئوخشاپ قىلۋاتىدۇ.  كۈندە گۆش بىلەن تۇخۇمنىڭ ئاستىدىن قوپالمايدىغان ئەر-ئاياللار ۋەي چىشىم دەپ ئەسكى لوڭگىنى مەڭزىگە چاپلاپ كىتىۋاتقان ئەھۋال سورساق سالامنى قايتۇرالماي مەڭزىنى كۆرسۈتۈپ 4- دوختۇرخاننىڭ بىمارىدەك شەرەتلەپ  بىر مەڭزىنى بىر چىش دوختۇرخانىسنى كۆرۈسۈتىۋاتقان . چىش تازلاش مەھسۇلاتلرىنى ساتىدىغان شىركەتلەر ماۋۇ چىش پاستىسىدا كۆزئەينەكلىك يىلاننىڭ يىغى بار چىشىڭىزنى چوتكىلسىڭىز چىشىڭىز بىر ئۆمۈر ئاغىرمايدۇ . ماۋۇسىغا كەكەرداننىڭ چىش مىلكىنىڭ يىغىنى قاتقان كالا گۆشىنى خان يىسىڭىزمۇ ئاغىرمايدۇ . ھەر كۈنى ئىككى نۆۋەت چىشىڭىزنى گەپ يوق 20 يىل چوتكىلاپ بارسىڭىز چىشىڭىزدا تاش ياڭاقنى بىر چىشلەپ چاقالايسىز. شىغىل تاشنى تۆت چىشلەپ ئىزۋىتەلەيسىز دەيدۇ . نۇمۇس قىلماي ئالتىنجى  ئايدا قايناق سۇ ئىچىسڭىز 32 چىشىڭىز قايناق سۇنى سېكىنۇت ئىچىدە تېمپۇراتۇرسىنى 15 گىرادۇسقا چۈشۈردۇ. بىرىنجى ئايدا مۇز يىسىڭىز سېكىنۇت ئىچىدە چىشىڭىزنى مۈزنى سېكىنۇت ئىچىدە ئىرىتىپ نۆلدىن يۇقۇرى 20 گىرادۇسقا چىقىرپ سالامەتلىكىڭىزنى قوغداپ ھەر قاچان ئىسىق-سوغۇق يىيىشڭىزگە كاپالەتلىك قىلىدۇ ...دەپ كىتىشلىرىنى نىمە دەي.     ئۇنى دىدى . بۇنى دىدى چىش تازلاش پاستىسىنىڭ ھەممىسى شۇ چىشنى كىرىنى تاشلاشتىن ھىچقانداق ئەھمىيتى يوق كىر سوپۇننىڭ ئۆزىكەن.  خۇددى چاچ سوپۇنى. كىر سوپۇنى...دىگەندەك چىش سوپۇنى دىسەك ئارتۇق كەتمىگۈدەك .

mastana888

	turmux.net يوللىغان ۋاقتى  2015-2-28 02:15 PM ياخشى يوللاپسىز... كونىلار ‹‹ چىش ئاغرىقى ئاغرىق ئەمەس، ... ياخشى پىكىر

mastana888

	uzum-tal يوللىغان ۋاقتى  2015-2-28 03:21 PM مەن بۇرۇن باشقا ئىشمۇ بىر نىمە مۇشۇ چىش توغۇرسىدا م ... كۈلكىلىك .... لىكىن ئاساسى بار

mastana888

	تىما يوللىغۇچى جاپا چىكىپسىز ساغلاملىق ئۇچۇرلىرى بولسا داۋاملىق يوللاپ تۇرۇڭ

Uqkuni93

	ئەسسالامۇ ئەلەيكۇم.جاپا چىكىپسىز.ياخشى تىمىلىرىڭىز ئۈزۈلمىسۇن.

tumaris01

	ئەجرىڭىزگە رەھمەت