پۇرسەت ھەممىدىن مۇھىم
بۇرۇن بىر ئادەم ئۇچۇپ كېتىۋاتقان بىر ياۋا غازنى ئاتماقچى بولۇپ،ئوقياسىنى بەللەۋېتىپ:-خەپ سېنى ئېتىۋالسام پىشۇرۇپ يېمىسەم،-دەپتىكەن،ئىنىسى ئۇنىڭ گېپىگە قوشۇلماي؛
-ئۆيدە باققان غازنى پىشۇرۇپ يېسە مەززىلىك بولىدۇ،ياۋا غازنى كاۋاپ قىلسا مەززىلىك بولىدۇ،-دەپ تۇرىۋاپتۇ.
ئاكا-ئۇكا ئىككەيكەن تالىشار-تالىشار،كىمنىڭ گېپىنىڭ ئۇرۈنلۈق ئېكەنلىگىنى ئايرىش ئۈچۈن قازىنىڭ ئالدىغا بېرىپتۇ.قازى ئۇلارغا ياۋا غازنىڭ يېرىمىنى پىشۇرۇڭلار،يېرىمىنى كاۋاپ قىلىپ يەڭلار،دەپتۇ.ئۇنىڭ گېپىگە قايىل بولغان ئاكا-ئۇكىلار قايتىپ كېلىپ ياۋا غازنى ئاتماقچى بولۇپ قارىسا،ياۋا غازنىڭ قارىسىمۇ كۆرۈنمەپتۇ.
تۇرمۇشتا ئەنە شۈنداق تالاي پۇرسەتلەر كۆز ئالدىمىزدىن كېتىپ قالىدۇ.پۇرسەت كۈتۈش ئالدىراقسانلىق بىلەن قارشى مەنىدىكى سۆز بولۇپ،يۈز ئادەمنىڭ ئىچىدە بىر-ئىككىيلەندە بۇ خىل گۈزەل ئىقتىدار ھازىرلانغان بولىدۇ.بىرەر ئىشنى قىلغاندا بىر قەدەر چاققان بولۇش كېرەك.تۇرمۇشىمزدا نۇرغۇن كىشىلەر بار.ئۇلار ئەنە شۈنداق كۆز ئالدىدىكى قىممەتلىك پۇرسەتنى كەتكۈزىۋىتىپ،«ماڭا بۇنداق پۇرسەت نېسىپ بولمىدى»-دەپ ئاغرىنىدىغان.ئەمەلىيەتتە پۇرسەت كۈتۈش-ئالدىراقسانلىق قىلماسلىق،ھودۇقماسلىق،دەل ۋاختىدا ھەركەتكە كېلىش دېگەنلىكتۇر.پۇرسەت كەلمىسە قانچىلىك ئالدىرغان بىلەنمۇ بىكار،لېكىن پۇرسەتنى كەتكۈزىۋىتىپ ھەر قانچە ئالدىرغانمۇ يەنىلا بىكار.شۇڭا سىزمۇ شۈنىڭغا ئىشىنىڭكى-ۋاقىت ئالتۇندىن قىممەت.ۋاقتى كەلمىسە ياكى پۇرسەت پىشىپ يىتىلمىسە،مەيلى چوڭ ئىش ياكى كىچىك ئىشلار بولسۇن،بەرىبىر قىلغىلى بولمايدۇ.مۇۋەپپىقىيەت ئەنە شۇنداق پۇرسەتلەرنى دەل ۋاختىدا تۇتۇشتىن كېلىدۇ.ئەڭ ياخشىسى مەيلى قەيەردە،قانداق ئىشلاردا بولۇڭ كۆز ئالدىڭىزدىكى پۇرسەتنى ھەرگىزمۇ قاچۇرىۋەتمەڭ!
يوللىغان ۋاقتى 2015-2-27 06:35:47 PM
