يىرتلغان روھىمنى تىكمەكتە شېئىر

bahwanbiz

	يىرتلغان روھىمنى تىكمەكتە شېئىر كەلمەكتە يېنىمغا بىر قۇچاق ئۇيقۇ، مۈرەمنى بىر ئازاپ تۇرار غاجىلاپ ، بىر تاتلىق جىمجىتلىق قىلار تەببەسسۇم كېچىلەر ئەينەكنى تۇرىدۇ يالاپ . يىرتلغان روھىمنى تىكمەكتە شېئىر ، ھەربلەر چاپلىشار بارماقلىرىمغا . بىپەرۋا خاسلىقنىڭ يۇلاي بىخىنى ،، ئۆتمۈشۈم شىۋىرلار قۇلاقلىرىمغا . ھامىلدار مەنالار ئىكەن خاسىيەت ، تەۋەككۈل تىك تۇرۇش تۇغىدۇ توخۇم . ئەجرىمنىڭ تۇپرىقى قانسۇن سۆيۈشكە ، تاڭ سەھەر بىر مىنۇت كېچىكەر چوقۇم . تۆت تامغا يېيىلار توكنىڭ يورىقى ، بىر ئۇلۇق بايقىلىش تۆت تامدىن چىقار . مېھنەتنىڭ مىۋىسى كەتسە يىگىلەپ ، ھەقىقەت قولىنى كەينىگە تىقار . بىر ئۇششاق چەكسىزلىك كېلەر يېيىلىپ ، دەقىقە توختامنى يىرتتى ئامال يوق . ئاخىرىقى بارماقتا باساي كونۇپكا ، كېچىكىپ قالىمەن تەرمىسەم ئۇرۇق . ئۈمۈدنىڭ قېپىنى پىششىقلاش ئۈچۈن ، چار خىيال قىلماقتا ئەتىگە گىرىم . ناۋاتتەك كىچىكلەپ كەتسەممۇ گەرچە ، مەرىپەت  بېغىغا تىكىمەن جىرىم . ئابلەت مۇھەممەت باغۋەن

tumaris01

	سىزنىڭ  لىرىك  شېئىرىڭىزنى  ئوقۇپ  شۇنچىلىك خوش بولدۇم ، بەك  ياخشى  چىقىپتۇ…

turmux.net

	ياخشى چىقىپتۇ، ھارمىغايسىز...

AriFe

	مەرىپەت بېغىغا تىكىمەن جىرىم، چۈنكى مەن بىر باغۋەن  بېرىمەن بىلىم. بازىرى قىززىدى قايناپ،

1263318936

	سىزمۇ مەندەك يىرتىلغان روھىڭىزنى شىېر بىلەن ياماپسىزدە؟

xirhan7228

	ھەي باللار  ئادەمنى ئاچچىق ئەلەملەرگە سالدىغان شېرىلارنى يازماي . روھنى ئۇرغۇتدىغان ، كەيپىياتنى ياخشىلايدىغان . ئادەمگە روھى ئۇزۇق بۇلالايدىغان ئەسەرلەرنى يېزىڭلار..  رەخمەت .

manzilm

	ھارمغايسىز ، چۇڭقۇر مەنىلىك شىئىر ئىكەن...بەك ياختۇردۇم...

bahwanbiz

	شېئىرنىڭ ئاخىرىدا ئارزۇ ئۈمۈد بارغۇ قېرىندىشىم ، تۇرمۇشنىڭ بېسىمى ئاستىدىكى كەيپىياتنى تەڭشەپ يېڭى بىر دۇنياغا قاراپ ماڭىدىغان بىر روھ مەدىھەلەنگەن بۇ شېئىردا

ISMAT0701

	ياخشى يېزىپسىز !!!!!

زىبا.

	تۈنگۈن يازغان بىر يازمامنى ئەسلەتتىڭىز  ، ( شېئىر  بولۇپ سىڭەي باغرىڭغا ).