تۇز: بىپەرۋالىق ئەڭ ئېغىر ئازاپ

.tuz.

	ئەسسىلامۇ ئەلەيكۇم بىر ياش بىر تۈپ دەرەخكە يۆلىنىپ ئاپتاپ سۈنۈپ ئۆلتۇرغان ئىكەن . ئۇنىڭ كىيىملىرى جۇل _ جۇل ، روھىي ھالىتى چۈشكۈن بولۇپ ، تۇرۇپ - تۇرۇپ روھسىز ھالدا ئەسنەپ قويدىكەن . بىر دانىشمەن بۇ يەردىن ئۆتۈپ كېتىۋېتىپ ، ئۇنىڭ بۇ ھالىغا قاراپ سوراپتۇ : _______ يىگىت ، كۈن مۇشۇنداق ياخشى تۇرسا ،ئىش قىلماي دەرەخ سايىسىدا ھورۇنلۇق قىلىپ ئولتۇرغىن ىڭ نېمىسى ، ۋاقىتنى بىكار ئۆتكۈزۋەتكىنىڭگە ئىچىنمامسەن ؟ ____ ھەي ، __ دەپتۇ يىگىت خۇرسىنىپ قويۇپ ، ___ بۇ دۇنيادا مۇشۇ جىسمىمدىن باشقا ھېچ نەرسەم يوق تۇرسا ، جىنىمنى ئۇپرىتىپ ھەم قىيناپ بىرەر ئىش قىلىشىمنىڭ نېمە زۆرۈريىتى ؟ جان كۈندە چىچەكلەمدۇ دەيلا تەقسىر ؟ ئارام ئىلىپ ئۆزەمنى ئاسراش مېنىڭ ئادىتىمگە ئايلىنىپ كەتتى . ___ سېنىڭ ئائىلەڭ يۇقمۇ ؟ ___ يوق ، ئائىلىنىڭ يۈكىنى كۆتۈرمەن دەپ جاپا تارتىپ ئىشلىگىنمدىن كۆرە ، ئائىلە قۇرماي مۇشۇنداق ئۆتكىنىم ياخشى ئەمەسمۇ ؟ سېنىڭ ياخشى كۆرگىنىڭ بارمۇ ؟ ___ يوق ، ياخشى كۆرگەندىن كېيىن ، نەپرەت پەيدا بولغاندىن كۆرە ياخشى كۆرمىگىنىم ياخشى . دوستلىرىڭ باردۇ ؟ ___ يوق ، دوستلۇققا ئېرىشكەندىن كېيىن يەنە ئايرىلدىغان ئىش ، شۇڭا دوست تۇتمىغىنىم ياخشى . ___ پۇل تېپىشنى ئويلامسەن ؟ ____ ئويلىمايمەن ، پۇل تاپقاندىن كېيىن يەنە تۈگەيدىغان ئىشكەن ، شۇڭا كۈچۈمنى خورىتىم نېمە قىلاتتىم . ___ ئۇنداق بولسا ساڭا بىر ئارغامچە تىپىپ بەرسەم بولغۇدەك ، ___دەپتۇ دانىشمەن . _ ئارغامچىنى نېمە قىلىمەن ؟ _ دەپ سوراپتۇ يىگىت ئەجەپلىنىپ . ____ سېنى تىزراق ئېسىلىۋالسۇن دەيمەن . ____ ئېسىلىپ ئۆلىۋال دەۋاتامسىز ؟ _____ شۇنداق ، ئادەم تۇغۇلغان ئىكەن ئۆلىدۇ . تۇغۇلۇپ ئۆلگەندىن كۆرە ، تۇغۇلمىغان ياخشى ئەمەسمۇ ؟ سېنىڭ مەۋجۇت بولۇپ تۇرشىڭنىڭ ئۆزىلا ئارتۇقچە ، ئېسىلىپ ئۆلۋىلىش سېنىڭ بايامقى سۆزلىرىڭگە دەل چۈشىدىكەن ئەمەسمۇ ؟! ئەگەر ئۆلۈۋىلىشنى تاللىمىساڭ ئاڭلا يىگىت : ھەر بىر كۈن ساڭا بىرىلگەن پۇرسەت . بۇ پۇرسەتلەردىن پايدىلنىپ ئەمگەك قىل ، ئەجرى قىل ، ئىشلە شۇندىلا ھاياتلىقنىڭ نەقەدەر لەززەتلىكىنى ھېس قىلىسەن ..... بۇ تېمىدىكى ھېكمەت : دانىشمەننىڭ سۆزىنىڭ تىگى بار . بىكارچىلىق ھەم بىپەرۋالىقتىن ئېغىر ئازاپ يوق . ئادەمنىڭ پۇلى ، نام - ئابرويى بولمىسا ھېچۋەقەسى يوق ، لېكىن ئۇنىڭدا ئۈمىد ، ئىتىقاد ۋە ئىشچانلىق بولمىسا بولمايدۇ . ئادەم ھورۇنلۇق قىلماي ئىش قىلسىلا كۆزلىگەن مەقسەدلىرىگە يېتەلەيدۇ . ھاياتىنى مەنىلىك ئەھمىيەتلىك ئۆتكۈزەلەيدۇ . جەمىيەتكە ھەم مىللىتىگە تۆھپە قوشالايدۇ .           ياسالما ياخشىچاقلىق باشقىلارنى بىزار قىلىدۇ بىر ئادەم بىر ئىت بىر ئېشەك بىقىپتۇ . بۇ ئادەم ھەر قېتىم ئىتىنى ئوينىتىدىكەن ، ئىت قۇيرىقىنى شىپاڭشىتىپ ئەركىلەپ بەرسە ، ئانچۇ - مۇنچە يەيدىغان نەرسىمۇ تاشلاپ بىردىكەن . بۇنى كۆرگەن ئېشەك ناھايتىمۇ ھەسەت قىلىپ ئىچى ئۆتىلىپ كېتىپتۇ . ئېشەكنىڭ ئىگىسىگە ياخشىچاق بولغۇسى كېلىپ ، ئەركىلەپ بىقىپتۇ . نايناقشىپ سەكرەپتۇ ، لېكىن قاملاشتۇرالماي ئىگىسىنى تىپىۋىتىپتۇ . تېپىكتىن زەخمىلەنگەن ئىگىسى ، ياخشىچاق بولىمەن دېگەن ھەسەتخور بۇ ئېشەكنى كالتەك بىلەن چېچىپ تاشلىغۇدەك دۇمبالاپتۇ . بۇ تېمىدىكى ھېكمەت : ھەممە ئادەمنىڭ ئۆزىگە تۇشلۇق ئارتۇقچىلىقى ۋە ئۈستۈنلىكى بولىدۇ ، باشقىلارنىڭ ئارتۇقچىلىقى ھەم ئۈستۈنلىكىنى كۆرۈپ ھەسەت قىلىش نۇمۇسسىزلىق ! باشقىلاردىكى ئارتۇقچىلىق سىزدە بولماي تۇرۇپ ، ئۇنى قارىسىغا دوراپ ياخشىچاق بولماقچى بولدىكەنسىز ئاۋۇ دۆت ئېشەككە ئوخشاش رەسۋا بولۇپ دۇمبالىنىپ قالسىز ...... مەنبە : ساغلام تەپەككۇر شىپاسى مۇنبەرگە يوللىغۇچى : تۇز 2015-يىل 2-ئاينىڭ 21-كۈنى ئەزىزانە شەھرى قەشقەر

hadrat

	كۈندە-كۈندە ياخشى ھېكمەتلىك ئەھمىيەتلىك تىمىلارنى يوللاپ كىلىۋاتىسىز.ئەجرىڭىزگە رەھمەت،ھارمىغايسىز...

ئارزۇ01

	ئىسىل تىما ئكەن . كۇندە ئوقۇپ تۇرۇشنى ئۇمۇد قىلىمەن

turmux.net

	ياخشى ھېكىمەتلەركەن، رەھمەت !

saliha24

	ئىنشااللا تىمىللىرىڭىز ئۈزۈلمىسۇن .

izdinish

	بىپەرۋالىق ، مەسئۇلىيەتسىزلىك بىلەن ئەيدىز يۇقتۇرىۋېلىپ ھازىرلا ئۆلۈپ كېتىدىغاندەك ھەسرەت - نادەمەتتە يۈرگەنلەرنى كۆردۈم . ئاخىرقى ئۆمرىدە بىر تېرە - بىر ئۇستىخان بولۇپ كېتەرمۇ ؟ بەدەنلىرى جاراھەتكە تولۇپ كېتەرمۇ ؟ ئۇ تونۇشۇمنىڭ ئۇ ھالىتىنى كۆرگۈم يوق ئىدى …

زىبا.

	سىزنىڭ   ھەر   بىر  تىمىڭىز   بىر   مەكتەپ  ،  ئۇنىڭدىن   نۇرغۇن  سىر  -ھىكىمەتلەر   تۈكۈلۈپ  تۇرىدۇ  .

mastana888

	ئەجرىڭىزگە كۆپ تەشەككۈلەر بولسۇن داۋاملىق يوللاپ تۇرۇڭ

IZDIGUQI

	ياخشى ھىكايەتلەركەن !

tumaris01

	بەك   ياقتۇردۇم  ،…