تۇز: قارىغۇلارچە گۇمان قىلماڭ !

.tuz.

	ئەسسىلامۇ ئەلەيكۇم                           قارىسىغا ھۆكۈم چىقارماڭ سىبىريەنىڭ مەلۇم بىر يېرىدە بىر جۈپ ياش توي قىلىپ پەرزەنتلىك بوپتۇ . ئايالى تۇغۇتىدا ئۆلۈپ كېتىپ ، ئەر بالىسى بىلەن قاپتۇ . ئۇ تۇرمۇش ھەلەكچىلىكىدە ئالدىراش بولغاچقا ، بالىغا قاراشقا يىتىشەلمەپتۇ . شۇنىڭ بىلەن ئۇ بىر ئىتنى كۆندۈرۈپتۇ . ئۇ ئىت ناھايتى ھۇششار بولۇپ ، گەپ ئۇقىدىكەن ، بالىغا قارىيالايدىكەن ، سوسكىنى چىشلەپ بالىغا سۈت ئەمگۈزەلەيدىكەن . بىر كۈنى ئۇ سىرتقا چىقماقچى بولۇپ ، ئىتقا بالىغا ئوبدان قاراشنى تاپىلاپتۇ . ئۇ باشقا بىر يېزىغا بېرىپ ، قايتاشىدا قاتتىق قار يېغىپ كەتكەچكە ، كەچلىكى قايتىشقا ئامال بولماي قايتالماپتۇ . ئەتىسى ئۆيگە كەلگەندە ، ئىت قاۋىغىنىچە ئىگىسىنىڭ ئالدىغا چېقىپتۇ . ئۇ ئىشىكىنى شۇنداق ئېچىپ قارىسا ، ھەممىلا يەر قان تۇرغۇدەك ، بالىنىڭ كارۋىتىمۇ قان ، بالىمۇ يوق ، ئىتنىڭ بەدەنلىرىمۇ قان . بۇنى كۆرگەن ھېلىقى ئادەم « بۇ ئىتنىڭ ھايۋانلىقى تۇتۇپ ، بالىنى يەۋىتىپتۇ » دەپ ئويلاپتۇ-دە ، قاتتىق ئاچچىغى كېلىپ غەزەپ بىلەن پالتىنى ئىشتنىڭ بىشىغا بىرنى ئۇرۇپ ئۆلتۈرۋىتىپتۇ . بىر دەمدىن كېيىن ، ئۇ تۇيۇقسىز بالىنىڭ ئاۋازىنى ئاڭلاپتۇ ، بالا كارۋاتنىڭ ئاستىدىن ئۆمىلەپ چىقىپتۇ . شۇنىڭ بىلەن بالىنى كۆتۈرۈپ قارىسا ، ھەممە يېرى قان يۇقى بولسىمۇ ، ئەمما بالا ھېچنىمە بولماپتۇ . ئۇ ناھايتى غەلىتىلىك ھېس قىلىپ ، زادى نېمە ئىش ئىكەنلىكىنى بىلەلمەي ، ئىتنىڭ بەدەنلىرىگە زەڭ سېلىپ قارىسا ، پۇتۇدىكى گۆشى يوق تۇرغۇدەك ، كارۋاتنىڭ ئاستىدا بىر ئۆلۈك بۆرە ياتقۇدەك ، ئاغزىدا ئىتنىڭ بىر پارچە گۆشى چىشلەكلىك تۇرغۇدەك . ئەسلىدە، ئىت ئىگىسىنىڭ بالىسىنى قۇتقازغان بولسىمۇ ، لېكىن ئىگىسى بولغان ھېلىقى ئادەم ، خاتا گۇمان بىلەن ، تەكشۈرۈپ كۆرمەيلا ئىتنى ئۆلتۈرۋەتتى . مانا بۇ ھەقىقەتەن ئېچىنىشلىق زور خاتالىق ! بۇ تمىدىكى ھېكمەت : بۇ كىشى ئالدىراقسانلىق بىلەن قارىسىغا گۇمان قىلغاچقا ، ئىتنىڭ بۆرە بىلەن ئېلىشىپ بالىسىنى قوغداپ قالغانلىقىنى بىلەلمەي خاتالاشقان ، شۇنداقلا ياخشىلىققا يامانلىق قىلىپ سالغان . بىر ئىشقا دۇچ كەلگەندە خاتا گۇمان قىلماي ، ئالدىراڭغۇلۇق قىلماي ، كۆپرەك كاللا ئىشلىتىڭ . نېمىنىلا ئاڭلىسىڭىز ، نىمىنىلا كۆرسىڭىز قارىسىغا ھۆكۈم چىقارماڭ . تەكشۈرمىگەن كىشىنىڭ پىكىر بايان قىلىش ھەققى يوق ، ھوقۇقى تېخىمۇ يوق !             قىزغانچۇقلۇق ھەم شەخسىيەتچىلىكنىڭ ئاقىۋىتى بىر ئات بولۇق ئۆسكەن تاغ باغرىدىكى بىر ئوتلاقنى تېپىۋېلىپ ، دائىم شۇ يەردە تويغىچە ئۆتلايدىكەن . بىر كۈنى بىر بۇغا بۇ يەرنى كۆرۈپ ئات يوق چاغلاردا يايلايدىغان بولۋاپتۇ . ئات بۇنى بىلىۋېلىپ ، بۇغا مەن يەيدىغان ئوتلارنى يەۋەلدى ، دەپ قىزغانچۇقلۇق قىلىپ ئۆچ ئالماقچى بوپتۇ ، ئەمما ئۆزى قول سالماي ، ئادەمنىڭ قىشىغا بىرىپ ياردەم قىلىشىنى ئۆتۈنۈپتۇ . ئادەم : ____ بۇغا بەك يۈگرەك ، مەن ئۇنى قوغلاپ تۇتالمايمەن ، ناۋادا دۈمبەڭگە ئىگەر ، ئاغزىڭغا يۈگەن سېلىپ ، سېنى مىنىشكە ماقۇل بولساڭ ئۇنى بۇ ئوتلاقتىن قوغلىۋېتىمەن ، _ دەپتۇ . ئات ماقۇل بوپتۇ . ئادەم ئاتنى مىنىپ ، بۇغۇنى قوغلىۋېتىپتۇ . لېكىن ، ئادەم ئاتنى ئېغىلغا باغلاپ ، ھرۋۇغا قىتىپ ، يەر ھەيدەپ ، سۆرەم سىلىپ بىكار قويماي ئىشلىتىپتۇ . ئات كىيىنچە ئەقلىگە كېلىپ ، ئېغىر خۇرسىنغىنىچە : « مەن نېمە دېگەن ئەخمەق ، شۇنچە كەڭ يايلاقنى قىزغىنىپ ، ئاچكۆزلۈك قىلىپ ، باشقىلارغىمۇ قىلدىم ، ئۆزەمگىمۇ قىلىپ قۇلغا ئايلىنىپ قالدىم » دەپ پۇشايمان قىپتۇ . بۇ تمىدىكى ھېكمەت : ئۆزىنىلام ئۆيلاپ ، ئۆز نەپسىنى دەپ ئاچكۆزلۈك قىلسا ئاشۇنداق ئاقىۋەتلەرگە قالىدۇ . ئانچىكە ئىشلارغا ئۆچمەنلىك  تۈپەيلىدىن ، يوق بىر ئىشلارغا ئۆچ ئالىمەن دەپ يۈرمەڭ ! ۋاستە تاللىماي باشقىلارغا زەربە بېرىپ ، يامانلىق قىلىمەن دېسىڭىز ئاخر ئۆزىڭىز ئېغىر بەدەل تۆلەيسىز . ھەددىڭىزدىن بەك ئاشسىڭىز جاجىڭىزنى يەيسىز ...... مەنبە : ساغلام تەپەككۇر شىپاسى مۇنبەرگە يوللىغۇچى : تۇز 2015- يىلى 2- ئاينىڭ 19- كۈنى ئەزىزانە شەھرى قەشقەر

alemdarapandem

	گۇمانخورلۇق ھەسەت ۋە قىزغانچۇقلۇق كەڭ يامراۋاتقان كىسەللىكنىڭ بىرى.  كەڭ قوساقلىق تەمكىنلىك ياخشى پەزىلەت. ئىبرەتلىك ھىكايلەركەن. يەنە مۇشۇنداق تىمىلارنى يوللاپ تۇرارسىز.

turmux.net

	شۇڭا« گۇمان ئىماننى قاچۇرۇپتۇ » دەيدىغان گەپلەر بار ئەمەسمۇ... ئېسىل ھېكىمەتلەر ئىكەن، رەھمەت !

hadrat

	ياخشى ھېكىمەتلەر ئىكەن،ھارمىغايسىز...

saliha24

	ئېسىل ..........................

kaysar123

	«قۇرئان كەرىم»ھۇجۇرات سۇرىسىدە «ھەقىقەتەن بەزى گۇمانلار گۇناھتۇر» دىيىلگەن،بىر ئىشنى تەكشۇرمەي ھۆكۆم چىقارسا ئاقىۋەت پۇشايمانغا قالىدىغان گەپ.        بۇ بىر ھەقىقەت

kulkem

	گۇمان دېگەن مۇشۇنداق نەرسە مانا...

ablimitt

	ئۆزى قىلالمايدىغان ئىشلاردىمۇ قىزغانچۇقلۇق قىلىپ ئارتۇقچە تەلپ قىلىۋەرسە ‹‹تەلۋىڭ مۇشۇ بولسا قىلىۋالە مانا›› دەپ تاشلاپ بەرسە قىلالماي نەچچە يىل يىتىۋىتىپ ئاندىن يەنە ئۆزىدىن كۆرمەي خەققە ئورا كولاشقا نەچچە يىل سەرىپ قىلغاندا ئاقىۋەت يەنە تاپىدىغان نۇرغۇن پۇلدىن قۇرۇق قالىدۇ.   ھىندىستاننىڭ ‹‹ماڭلاي سۇرۇق›› دىگەن كىنوسىدىكى نىھارىكا دىگەن بۇزۇقمۇ شۇنداق ئادەملەرگە بەك ئۇخشايدىكەن. بارچە يامان ئىشنى ئۆزى قىلىپ يەنە خەقتىن ئۈچ ئالىمەن دەپ يۈرىشى تىخى...

ئارزۇ01

	بۇنداق ئىسىل تىمىلارنى نەدىنمۇ تاپىدىغانسىز؟ ئوقۇغانسىرى ئوقۇغۇم كىلۋاتىدۇ. تەربىيۋى ئەھمىيتى زور ئكەن

tursunjan1

	ھەرقانداق ئادەم كۆرۈنگەندەك ياخشى،خەق دېگەندەك ئەسكى بولىشى ناتايىن. ھەقىقەتەن ياخشى تېمىلارنى سۇنىۋاتىسىز، رەھمەت