تۇز: مۇھەببەت يىغلىمىسۇن

.tuz.

	ئەسسىلامۇ ئەلەيكۇم يېڭى توي قىلغان بىر جۈپ ئەر-خوتۇن كوچا ئاپتۇۋۇزىغا چىققاندا ، قىستاڭچىلىق دەستىدىن ئايرىلىپ كېتىپتۇ . ئارىدىن سەل ئۆتۈپ ، قىستاڭچىلىق ئارىسىدىن ئىنچىكە ، يۇمران بىر قول كېلىپ ، ئىختىيارسىز ئەرنىڭ قولىنى تارتىپتۇ . بۇنىڭدىن ئەقلى لال بولغان ئەر ، قايسى نازىنىننىڭ قولىدۇ - بۇ دەپ ، يۇمران قولنى قوبۇل قىلىپ مەھكەم تۇتىۋاپتۇ . بېكەتكە كەلگەندە ، بۇ ئەر يۇمران قولدىن مېھرىنى ئۈزەلمەي ، نام كارتۇچكىسىنى چىقىرىپ ھېلىقى يۇمران قولغا تۇتقۇزۇپ قويۇپتۇ . ئاپتۇۋۇزدىن چۈشكەندە ، توساتتىن بىر يۈك ئاپتۇمبۇلى ئەرگە قاراپ ئۇچقاندەك كېلىشكە باشلاپتۇ . ئەر بولسا ھېلىقى يۇمران قولنىڭ سېھرى كۈچىنى خىيال قىلىپ ئاپتۇمبىلغا دىققەت قىلماپتۇ . بۇ خەتەرلىك ئەۋالنى كۆرگەن ئايالى قىلچە ئىككىلەنمەستىن ئېرىنى ئىتتىرۋىتىپ ، ئۆزى قان ئىچىگە يىقىلىپتۇ . ئەر تىنىقتىن قالغان ئايالىنى قۇچقىغا ئالغان ۋاقىتتا ، ئايالىنىڭ قولىدا مەھكەم سىقىمدىۋالغان ھېلىقى نام كارتۇچكىسىنى بايقاپتۇ . بۇ تېمىدىكى ھېكمەت : بىپەرۋالىق ھەم زىرىكىشلىك باھانىسى بىلەن ، بەزىدە مۇھەببەت كېمىمىز ئەسلىدە ناھايتىمۇ ئىللىق ھېساپلىنىدىغان پورىتتىن چىقىپ كېتىدۇ . قىزىقىش سەۋەبلىك ، توغرا يولىمىز مەلۇم بىر تۆت كوچا ئېغىزىدا قايرىلىپ كېتىدۇ . ۋاھالەنكى ، سىز كەينىڭىزگە قايرىلىش نىيتىگە كەلگەن ۋاقىتتا ، كەينىڭىزدە مۇھەببەتنىڭ ئۆكسۈپ بۇلدۇقلاپ كوزدىن ياش تۆكۈپ يىغلاۋاتقىننى بايقايسىز .....            مەڭگۈلۈك بىر سۆز چەتئەلدە خىزمەت قىلىۋاتقان بىر ئەر ئايالىغا ئۇچۇر يوللاش ئۈچۈن تېلفۇننى قولغا ئاپتۇ . ئۇنىڭ ئۈچۈر تېكىستى « قەدىرلىكىم چەتئەلدە سىزنى بەك سىغىندىم ، يېڭى يىل بايرىمىڭىزغا مۇبارەك بولسۇن ! » دېگەندىن ئىبارەت ئىكەن . لېكىن ئۇ ئۇچۇرنى يوللايدىغان ۋاقىتتا ، ئۇچۇرنى قىسقا مەنىلىك بولدىمۇ ؟ دەپ ، يېنىدىكى خىزمەتداش بىر ئايالغا كۆرسىتىپتۇ . ئايال ئۇچۇرنى كۆرۈپ سەل قىسقارتىڭ ، دەپتۇ چاخچاق قىلىپ . ھېلىقى ئەر ئۇچۇردىكى «قەدىرلىكىم » دېگەن خەتنى قىسقاتىۋىتىپ ھېلىقى ئايالغا كۆرسىتىپتۇ . ئايال دەرھاللا : _ سىز  باشقا سۆزلەرنى ئىلۋەتسىڭىزمۇ «قەدىرلىكىم » دېگەن سۆزنى ئىلىۋەتمەڭ . بىلەمسىز بۇ سۆز بىز ئاياللار ئۈچۈن ئىنتايىن مۇھىم . بۇ تېمىدىكى ھېكمەت : بۇ ھەقىقەتەنمۇ چىن مۇھەببەتنى قەدىرلەشنى بىلدىغان ئايال ئىكەن . گۈل ، پۇل ئەلۋەتتە مۇھىم ، لېكىن بىلىشىڭىز كېرەككى ، ئەڭ سەمىمىي ، ئەڭ ھەقىقىي مۇھەببەت كۆپىنچە ھاللاردا ئاشۇ ئىللىق ھەم يىقىملىق ۋە يىقىشلىق بىر سۆزدە بولىدۇ . بۇغداي نىنىڭ بولمىسىمۇ بۇغداي سۆزۇڭ بولسۈن دېگىنى شۇ بولسا كېرەك ........ مەنبە :  ساغلام تەپەككۇر شىپاسى مۇنەرگە يوللىغۇچى : تۇز 2015 - يىلى 2 - ئاينىڭ 17- كۈنى ئەزىزانە شەھرى قەشقەر

bayhenim

	نۇرغۇن ئىشلارغا بىز بەك سەل قارايمىز،بىر كۈنلەردە يوقۇتۇپ قويغان ۋاختىمىزدا پۇشايمان قىلىمىز بىراق ،ئاللا قاچان كىچىككەن بۇلىمىز .شۇڭا قولىمىزدا بار چاغدا قەدىرلەشنى بىلەيلى ،كىيىنكى پۇشايمان ئۆزۈڭگە دۈشمەن...................

xirkat

	ئەسسالامۇ- ئەلەيكۇم، «تۇز» ئەپەندىم. مەن سىزنىڭ بۇ تېمىلىرىڭىزنى ئىز قوغلاپ كۆرۈپ كىلىۋاتىمەن، سىزمۇ زىرىكمەي مۇنبەرگە سۇنىۋاتىسىز. سىز بۇ «ھىكايەت»لەرنى قەيەردىن يېزىۋاتىسىز، ئۇ قايسى كىتاپ؟ مۇمكىن بولسا شۇ كىتاپنىڭ نامىنى ۋە قەيەردىن تاپقىلى بۇلىدىغانلىقىنى ئېيتىپ بەرگەن بولسىڭىز، بۇ كىتاپنى تېپىپ سېتىۋېلىپ ئوقۇساق، ساقلاپ قويساق تېخىمۇ ياخشى بۇلىدىغاندەك تۇرىدۇ. ھەر بىر «ھىكايە»نىڭ داۋامىدىكى «ھېكمەت»نى ئۆز چۈشەنچىڭىز ئاساسىدا يېزىۋاتامسىز ياكى ئۇمۇ كىتاپتا بارمۇ؟ داۋاملىق يوللاپ تۇرۇڭ، ئەجرىڭىزگە رەھمەت.

saliha24

	ھىكمەتلەر تۇلىمۇ ئېسىل ،   قەلىمىڭىزبەرىكەتلىك بولسۇن .

tumaris01

	ھېكمەتلەر تولىمۇ ئېسىل ئىكەن ، قەلەم قۇۋۋىتىڭىزگە بەرىكەت تىلەيمەن .

tursunjan1

	گۆرنىڭ ئۈستىنى گۈل قاپلاپ، ياشناپ تۇرسىمۇ، لەھەت ئىچىدە قۇرۇپ ياتقان گۈلگە قارا .

چىمەن0990

	قۇلىڭىزغا دەرت بەمىسۇن

qaplin2

	شەيخۇل پىركالانىمنىڭ مۇبارەك تەنلىرى ئىسەنمىكىن ،دىدارلاشمىغىلى ئاز كەم بىر يىل بوپتۇ ، ۋەلنىھايەت ئىسىل تېمىغا داخىل بۇلۇپ ئولتۇرۇپتىمىز

221

	بەكلا ئىسل يازمىلار ئىكەن. ئادەم ھەردائىم كۆز ئالدىدىكى بەخىتنى قەدىرلەشنى ئۇنۇتماسلىقى كىرەك.

turmux.net

	سىز بۇ «ھىكايەت»لەرنى قەيەردىن يېزىۋاتىسىز، ئۇ قايسى كىتاپ؟ يازما مەنبەسىدە شۇ كىتابنى ئەسكەرتكەن چېغى