ھەققانىي: ھەسەتخورلوق،پىتنىخورلۇق ھەققىدە ھېكمەتلەر

akkani

	* غەيۋەتخورلارنى ئۆزۈڭگە يېقىن يولاتما، چېقىمچىلاردىن ئۆزۈڭنى يىراق تۇت، ئۇلاردىن ساقلان. بۇنداق كىشى كىشىلەرنىڭ زىيانكەشلىرىدۇر. كىشىگە زىيانكەشلىك قىلىدىغانلارنى سەن دۈشمەن بىل.                 - يۈسۈپ خاس ھاجىپ ** غەيۋەتخور كىشىگە قېتىلما، يىراق تۇر، غەيۋەتخورنىڭ تىلىدا ئوت كۆيىدۇ، دۇنيانىڭ پىتنە-پاساتلىرى غەيۋەتخوردىن چىقىدۇ، غەيۋەتخورنىڭ بېشىنى كەس، ئەي مەرت سېخىي.                            -يۈسۈپ خاس ھاجىپ چېقىمچىلىقنى خالىمايدىغان قانچىلىك ياخشى كىشى بولسىمۇ، غەيۋەتخورلار ئارىسىغا كىرسە، سەۋر قىلالمايدۇ، پىكرى ئۆزگۈرىدۇ.            _ يۈسۈپ خاس ھاجىپ ھەسەتخورلۇق بىماردۇر، بەلكى، ئۇ ساقايماس كېسەلگە گىرىپتاردۇر.                _ ئەلشىر ناۋايى * ھەسەت بىر كىشىنىڭ راھىتى ئۈچۈن يەنە بىر كىشىنى ئازاپقا سالىدۇ، ھەر سائەتتە مىڭ غەم-غۇسسىنىڭ زەھىرىنى كىشىگە ئوتلاتتۇرىدۇ، بېرەر ئادەم راھەت قەدىمىنى يەرگە قويسا، ھەسەتخور ھەسەت قولى بىلەن بېشىغا كاچاتلايدۇ.                   _ موللا مۇھەممەت تۆمۈر قەشقەرى * كىشىنى كۆرەلمەسلىكنىڭ ئاقىۋەت پايدىسى نىمە؟ كىشىنى كۆرەلمۈگۈچىلەرنىڭ ئاقىۋىتى ئۈزىنى كېسەل قىلىشتۇر.              _ يۈسۈپ خاس ھاجىپ ھەسەتخورلۇق بىر كېسەلدۇركى، ئۇنى داۋالاشقا ئۇزۇن ۋاقىت كېتىدۇ، ئۇ ئادەمنى يەيدۇ، ۋۇجۇدۇڭنى قۇرۇتۇدۇ.                 _ يۈسۈپ خاس ھاجىپ * بىرىنىڭ يەنە بىرىگە گەپ تۇشىغانلىقى باشقىلارنىڭ گۇناھىنى ئۆز بوينىغا ئېلىۋالغانلىقى بولىدۇ، نەمماملىق( گەپ تۇشۇغۇچىلىق) راست سۆزنىڭ توسالغۇسىدۇر، سۆز توشۇغۇچىنىڭ كىچىكى دوزاقنىڭ تۇتىرۇقى بولسا، چوڭى دوزاقنىڭ ئوتىدۇر.            _ ئەلشىر ناۋايى * دايىم قەدىر-قىممەتلىك بولاي دىسەڭ،پىتنە-پاساتلارغا قوشۇلما،ئەي خۇشخۇي،پىتنە-پاسات ھەر ئىشنىڭ نېگىزىنى بۇزىدۇ،پىتنە-پاسات ياخشى ئىشلارنى ئىزدىن چىقىرىدۇ،پىتنە-پاساتنىڭ ئەتراپىدا يۈرمىگىن،ئۇنىڭغا يېقىنلاشما،پىتنە-پاسات قەيەردە بولسا،شۇ يەردە خارلىق بولىدۇ، پىتنە-پاسات بار يەردە دۆلەت تۇرمايدۇ،قاچىدۇ،ئەگەر تۇرسا ھەيران بولما،ئۇ بىر كېچىلىك مىھمان،خالاس.                              _يۈسۈپ خاس ھاجىپ *قۇرۇق سۆزنى قىلما،كىشىنى كىشىگە چاقما،ئۇششاق سۆز تاراتما ۋە ئاداۋەت ساقلىما.                       _ يۈسۈپ خاس ھاجىپ *   غەيۋەت زىنادىن قاتتىقراق گۇناھتۇر،كىمىكى غەيۋەت قىلسا،غەيۋىتى قىلىنغۇچىنىڭ گۆشىنى يىگەنگە ئوخشاش بولۇپ،ئادىمىلىك تەبىئىتىنى يوقاتقان بولىدۇ،چۈنكى يىيىشكە تىگىشلىك بولمىغان نەرسىلەرنى يىيىش ئادەمگە خاس قىلىق ئەمەستۇر.                      _ موللا مۇھەممەت تۆمۈر قەشقەرى *  كىشىلەرگە ھەسەت قىلما،ئارتۇقچە يەپ-ئىچمە،بۇ ئىككى ئىشنى قىلغۇچىلار داۋاملىق دەرتكە قالىدۇ.                         _ يۈسۈپ خاس ھاجىپ *  قەيەردە پىتنە-پاسات بولسا،ئۇ يەردىن بەخت تېزىپ كېتىدۇ.                _ يۈسۈپ خاس ھاجىپ *   غەيۋەت قىلغۇچى زىيانكاردۇر،بەلكى نىجاسەت يىگۈچىدۇر.ئۇلار ئەفىيۇن ۋە بەڭ ( نەشە)بىلەن ئۆمرىنى زايە قىلغانلاردۇر.                 _ ئەلشىر ناۋايى *   بېخىلنىڭ مېلىنى ئاسراشتىن مىھنىتى قاتتىق،ھەسەتخورنىڭ خۇي-پەيلىدىن تۇرمۇشى ئاچچىق،دىمەك ،بىرىنچىسى ئۆز بايلىقىدىن خار،ئىككىنچىسى ئۆز قىلىقىدىن مۇسىبەتدار.                  _ ئەلشىر ناۋايى *  خوشال ھاياتقا ئىرىشەي دىسەڭ،كىشىگە ھەسەت قىلماسلىققا غەيرەت قىل.                _يۈسۈپ خاس ھاجىپ *   غەيۋەتخور كىشى ئۈزىمۇ ئامانلىق تاپالمايدۇ.                 _مۇھەممەت ئىبنى ئابدۇللا خاراباتى *   كىمكى خەلق ئارىسىدا غەيۋەتخورلۇق قىلىدىكەن،ئۇنداقلار دىۋە بىلەن شەيتانغا سىرداشتۇر،كىمكى خەلق ئارىسىدا گەپ توشۇغۇچى،سۇخەنچى بولسا شۆھبىسىزكى، ئۇ ئىپلاستۇر.                    _ مۇھەممەت ئىبنى ئابدۇللا خاراباتى *   پىتنىخورلۇق قىلىش ناھەق قان تۆكۈشتىنمۇ يامان.                _ مۇھەممەت ئىبنى ئابدۇللا خاراباتى *  پىتنىخورنىڭ رىزقى كەم بولىدۇ.                _ مۇھەممەت ئىبنى ئابدۇللا خاراباتى *   ئالى ھىممەتلىك كىشىلەر پىتنە-پاساتتىن خالى بولىدۇ.                 _  مۇھەممەت ئىبنى ئابدۇللا خاراباتى *  ئىلىمسىز كىشى ھايۋانغا ئوخشايدۇ،ئۇنىڭ قىلىدىغان ئىشى پىتنە-پاسات تېرىشتىنلا ئىبارەتتۇر.                   _مۇھەممەت ئىبنى ئابدۇللا خاراباتى *  ناھەق قان تۆكۈش پىتنىدىن پەيدا بولىدۇ،پىتنىخورلۇقتىن ئالەمدە كۆپ غەۋغا تېرىلىدۇ.                   _ مۇھەممەت ئىبنى ئابدۇللا خاراباتى *  ئالەم پىتنىدىن خاراپ بولىدۇ، پىتنىدىن كۆپلىگەن ئادەملەرنىڭ جېنىغا ئازاپ يېتىدۇ.                _ مۇھەممەت ئىبنى ئابدۇللا خاراباتى مەنبە: ئوقىغان كىتاپلىرىم.

akkani

	*ئوت ئۇتۇننى كۆيدۈرگەندەك،ھەسەت ساۋاپنى كۆيدۈرىدۇ. *ھەسەت جاننى قىينايدۇ، * ھەسەت پەسكەشلەرنىڭ ئادىتى ۋە دۆلەتمەن كىشىلەرنىڭ دۈشمىنىدۇر. * ھەسەت ياغقان يەرگە دۈشمەنلىك ئۈنىدۇ. * ھەسەت،يالغانچىلىق ۋە ئۆچمەنلىكتىن يىراق تۇرۇڭلار.چۈنكى بۇ ئۈچى دىنغا ھاقارەت كەلتۈرىدىغان ۋە ئىنساننى ۋەيران قىلىدىغان ناچار قىلمىشلاردۇر. *دەرتنىڭ ئەڭ چوڭ مەنبەسى ھەسەتتۇر. * پەسكەشلىكنىڭ قورالى ھەسەتتۇر. * تۈمۈر داتلىشىش بىلەن تۈگەشكەندەك،جىسىممۇ ھەسەت بىلەن تۈگىشىدۇ. * ھەسەت نىمە دىگەن ئادىل،چۈنكى ئۇ ھەسەتخورنىڭ جېنىنى ئالىدۇ. * ھەسەتخور داۋاملىق كېسەل. بېخىل داۋاملىق خار. * ھەسەتخورنىڭ ئۈزى ساق بولسىمۇ،روھى كېسەل. * ھەسەتخور تەقدىرگە نەپرەت بىلەن قارايدۇ. * ھەسەتخورنىڭ ھەسرىتى كۆپ، گۇناھى ئۇنىڭدىنمۇ كۆپ. * ھەسەتخورلارنىڭ سالامەتلىكىگە كۆڭۈل بۆلمىگىنىگە ھەيرانمەن. * ھەسەتخور كىشىنىڭ ھەسىرىتى ئۇزۇن داۋاملىشىدۇ. * ھەسەتخور بىلەن قارا نىيەتنىڭ ھاياتىدىنمۇ ھەسرەتلىك ھايات بولمىسا كېرەك. * ھەسەتخورنىڭ سىنىڭ خۇشال بولغىنىڭغا ئاچچىقلىنىشى سەن ئۈچۈن غەلىبە. * شۇنچە ھەسەت قىلىپمۇ يەنىلا ھەسەتخورنىڭ جىسىملىرىنىڭ چىرىپ كەتمىگەنلىكى ھەيران قالارلىق ئىش. * ھەسەتخور ناچار ئىش بولسا خۇشال بولۇپ،خۇشاللىق بولسا قايغۇرىدۇ.

turmux.net

	ئېسىل ھېكىمەتلەر ئىكەن. كۆپىنچە ھاللاردا ئەجداتلىرىمىزدىن قالغان ئېسىل ھىكىمەتلەرنى ئۆزىمىزگە تەدبىقلىمايمىز، ئەمما شۇنداق بىر كۈنلەر بىشىمىزغا كەلگەندە ئاشۇ ھېكىمەتنى ئەسكە ئىلىپ ئاندىن ھېس قىلىمىز.  شۇڭا ‹ گۆھەر ياتىدۇ سايدا، تونىمىساڭ نېمە پايدا › دېگەن گېپىمىز بار

alemdarapandem

	ياخشى بىر تىما ئىلىپ كەپسىز بەك ياخشى بولۇپتۇ.  ھەسەتخوركىچىسى ئۇخلىيالمايدۇ. ھەسەتخور گۇمانخۇر كىلىدۇ. ھەسەتخور نامەرت كىلىدۇ. ھەسەتخور تاۋى نازۇك كىلىدۇ.

UYGUR==DOLAN

	سىنىڭ ئالدىڭدا باشقىلارنىڭ غەيۋىتىنى قىلغان ئادەم ، چۇقۇمكى باشقىلارنىڭ ئالدىدا سىنىڭ غەيۋىتىڭنى قىلىدۇ .

UYGUR==DOLAN

	سىنىڭ ئالدىڭدا باشقىلارنىڭ غەيۋىتىنى قىلغان ئادەم ، چۇقۇمكى باشقىلارنىڭ ئالدىدا سىنىڭ غەيۋىتىڭنى قىلىدۇ .

bayhenim

	ھەسەتخورلۇق تولىمۇ يامان كىسەل ،ھەسەتخورلۇق ئويلىمىغان پاجىئەلەرنى كەلتۈرۈپ چىقىرىدۇ ،شۇڭا بۇكىسەلنى ئۆزىمىزدىن يىراق تۇتىشىمىز كىرەك.بۇ ئىسىل ھىكمەتلەردىن نۇرغۇن بىلىمگە ئىگە بولدۇق رەھمەت سىزگە

15001506547

	akkani يوللىغان ۋاقتى  2015-2-16 06:30 PM *ئوت ئۇتۇننى كۆيدۈرگەندەك،ھەسەت ساۋاپنى كۆيدۈرىدۇ. *ھە ... ئەلى قۇربان دىگەندەك ھەۋەس قىپ تۇرۇپ  ھەسەت  قىلساقمۇ   سىز دىگەندەك بولامدۇ ؟ بۇ سىزنىڭ تىمىڭىزغا قۇسۇر چىقاغىنىم ئەمەس سوراپ بىلىۋالاي دىگەن

tumaris01

	ھەسەتخورلۇق -ئىنسان روھى ئۈچۈن ئېلىپ ئېيىتقاندا ئەڭ زور ئاپەت .

tumaris01

	رەھمەت ئېيتشىنى ئۇنتۇپ قاپتىمەن .. رەھمەت سىزگە ، مۇشۇنىڭغا ئوخشاش ھېكمەتلىك سۆزلەرنى ئۇچراتسىڭىز دەرھال يوللاپ تۇرۇڭ ، بىزمۇ قەلبىمىزگە يېزىۋالايلى ...