تۇز: كوللېكتىپ ھەمكارلىق

.tuz.

	ئەسسىلامۇ ئەلەيكۇم ئامېركا كالىفورنىيە ئۇنىۋېرستېتىدىكى ئالىملار مۇنداق بىر تەجىربە ئىشلەپتۇ : توققۇز مايمۇننى  ئۈچتىن قىلىپ ئۈچ بوش ئۆيگە سولاپ قويۇپ ، ھەر بىر ئۆيگە بەلگىلىك مىقداردا يېمەكلىك قويۇپ قويۇپتۇ . لېكىن قويۇپ قويغان يېمەكلىك ئورنى ئوخشىمايدىكەن . بىرىنچى ئۆيدىكى يېمەكلىكنى يەرگىلا قويۇپ قويۇپتۇ . ئىككىنچى ئۆيدىكى يېمەكلىكنى بىر- بىرىدىن سەل ئىگىزرەك قىلىپ تامغا ئىسىپ قويۇپتۇ . ئۈچۈنچى ئۆيدىكى يېمەكلىكنى تورۇسقا ئىسىپ قويۇپتۇ . بىر قانچە كۈندىن كېيىن ، ئۇلار بىرىنچى ئۆيدىكى مايمۇنلارنىڭ بېرىنىڭ ئۆلگەنلىكىنى ، بىرىنىڭ ئېغىر يارلانغانلىقىنى ، بىرىنىڭ قۇلىقى يوق ، پۈتلىرىنىڭ ئۈزۈلۈپ ئاران جىنى قالغانلىقىنى كۆرۈپتۇ . ئۈچۈنچى ئۆيدىكى مايمۇنلارنىڭ ھەممىسىنىڭ ئۆلگەنلىكىنى ، پەقەتلا ئىككىنجى ئۆيدىكى مايمۇنلارنىڭ ھەممىسىنىڭ ساپ - ساق تۇرغانلىقىنى كۆرۈپتۇ . بۇنىڭ سەۋەبىنى تەھلىل قىلغاندا : بىرىنچى ئۆيدىكى مايمۇنلار ئۆيگە كىرىپلا تەييەر يىمەكلىكنى كۆرگەن . شۇنىڭ بىلەن ئاسانلا قولغا كىلدىغان يېمەكلىكنى تالىشىپ ، بىر - بىرىدىن قىزغىنىپ قاتتىق ئۇرۇشقان . نەتىجىدە يارلانغىنى يارلىنىپ ، ئۆلدىغىنى ئۆلۈپ قانلىق ۋەقە يۈز بەرگەن . ئۆچۈنچى ئۆيدىكى مايمۇنلار يېمەكلىكنى ئېلىشقا ھەرقانچە تىرشىپ باققان بولسىمۇ ، لېكىن تورۇس بەك ئىگىز بولغاچقا ، ھەرقانچە قىلسىمۇ ئالالماي ئاخىر ئاچلىقتىن ئۆلگەن . پەقەت ئىككىنچى ئۆيدىكى مايمۇنلارلا ، دەسلەپتە ئۆزىنىڭ ئىقتىدارىغا تايىنىپ سەكرەپ يۈرۈپ يېمەكلىكنى ئېلىپ يىگەن . كېيىنچە يېمەكلىك ئېسىلغان ئورۇننىڭ ئىگىزلەپ بېرىشى ۋە قىيىنلاپ كىتىشى بىلەن ، بۇ مايمۇنلار ئۆز - ئارا ھەمكارلاشقاندىلا يېمەكلىكنى ئالايدىغانلىقىنى بىلگەن . شۇنىڭ بىلەن بىر مايمۇن ، بىر مايمۇنغا تاينىشىپ ، بىر - بىرىنىڭ دۈمبىسىگە چىقىپ ، بىر - بىرى بىلەن ھەمكارلىشىپ تۇرۇپ يېمەكلىكنى ئېلىپ يىگەن . شۇنداق قىلىپ نىر نەچچە كۈن يېتەرلىك يېمەكلىككە ئېرىشىپ ، ھاياتىنى ساقلاپ قالغان . بۇ تېمىدىكى ھېكمەت : شەخىسنىڭ ئىقتىدارى ۋە قابىليىتىنى ئىشقا سىلىپ ، شەخسنىڭ ئاكتىپلىقىنى ۋە ئەقىل - پاراسىتىنى جارى قىلدۇرغاندىلا ، كۆللىكتىپ ئىچىدە ئۆز - ئارا ھەمكارلىشىپ ، قېيىن ئۆتكەلدىن بىرلىكتە ئۆتۈپ كەتكىلى بولىدۇ . كوللېكتىپ ھەمكارلىقنىڭ ئالدىنقى شەرتى ___ ھەر بىر كوللېكتىپنىڭ نەتىجىسىنىڭ ئۆزى بىلەن زىچ مۇناسىۋەتلىك ئىكەنلىكىنى ، ئۆزىنىڭ بىر ياندا تۇرۇپ ، ئۆزىنى قاچۇرۇش ئەمەس ، بەلكى پىدايىلىق بىلەن ئىجرا قىلغۇچى بولۇش ئىكەنلىكىنى تونۇپ يىتىش كېرەك ! مەنبە : ساغلام تەپەككۇر شىپاسى مۇنبەرگە يوللىغۇچى : تۇز 2015- يىلى 2- ئاينىڭ 16- كۈنى ئەزىزانە شەھرى قەشقەر

xajarim

	ئايرىلغاننى  ئىيىق يەر ، بۆلۈنگەننى  بۆرە يەر...   كۈچ بىرلىكتە، ئىش ئۆملۈكتە..   بىرلەشكەن ئۇزار، ئايرىلغان توزار. ئىتىپاقلىق _كۈچ. يالغۇز دەرەخ ئورمان بولماس، يالغۇز ئاتنىڭ چىڭى چىقماس،چىڭى چىقسىمۇ دىڭى چىقماس. ئۇيغۇر خەلىق ماقال -تەمسللىرى  نىمىدىگەن ئىسىل ھە...

IZDIGUQI

	ۋەئەلەيكۇمئەسسالام ناھايىتى ياخشى يىزىپسىز ! !

turmux.net

	ياخشى تېمىكەن، دېمىسىمۇ ھازىرقى دەۋىردە ھەمكارلاشماي بىر ئىش قىلىش تەسكە توختايدىغان بولۇپ كەتتى.

madonna

	مۆرىنى مۆرىگە تىرىگەندىلام بىر ئىشنى بىر باشقا ئىلىپ چىققىلى بولىدۇ . ھەمكارلاشقۇچىلار ھۆكۈم سۈرىدۇ .

قورغان

	كىشىنى ئويلاندۇرىدىغان،تەربىيىۋى قىممىتى يۇقىرى تېمىكەن... ئەجرىڭىزگە تەشەككۈر

ئارزۇ01

	تەربىيۋى ئەھمىيتى يۇقۇرى ئكەن. ھازىرقى رىئالقتا قىممىتى بار تىما. ھازىر جەمىيىتىمىزدە شەخسىيەتچىلىك ئەۋىج ئلۋاتىدۇ ئادەملەر ئۆزىنىلا ئويلىغاچقا نۇرغۇن ئائلەردە تۇرلۇك كۆڭۇلسىزلكلەر بولوپ تۇرۋاتىدۇ بۇ تىمىنى شۇلار ئوقۇغان بولسا ئىش باشقىچە بولاتتى.

ئارزۇ01

	تەربىيۋى ئەھمىيتى يۇقۇرى ئكەن. ھازىرقى رىئالقتا قىممىتى بار تىما. ھازىر جەمىيىتىمىزدە شەخسىيەتچىلىك ئەۋىج ئلۋاتىدۇ ئادەملەر ئۆزىنىلا ئويلىغاچقا نۇرغۇن ئائلەردە تۇرلۇك كۆڭۇلسىزلكلەر بولوپ تۇرۋاتىدۇ بۇ تىمىنى شۇلار ئوقۇغان بولسا ئىش باشقىچە بولاتتى.

تەقۋا0997

	ھەقىقەتەن تەربىيىۋى ئەھمىيەت ئگە ئەسەركەن ،مەمنۇن بولدۇم

yilanjay

	ياخشى تىما يوللاپسىز،ئىتپاقلىققا،بىرلىككە ھىچنەرسە توغرا كەلمەيدۇ،ھەمىمىزگە مەلۇم،چىچىلىپ تۇردىغان قۇم سىمىنۇت ،شىغىل ۋە سۇ بىلەن بىرلەشكەندە ئاجايىپ مۇستەككەم بىتونغا ئايلىنىدۇ ئەمەسمۇ