پۇل بىلەن تۇرمۇش مۇۋاپىق بىرلەشسۇن

ruzemammat

	پۇل بىلەن تۇرمۇش مۇۋاپىق بىرلەشسۇن ئەگەر سىز پۇل تېپىش ئۇچۇنلا پۇل تاپسىڭىز ياشاشنىڭ ھەقىقىي مەنىسىنى مەڭگۈ بىلەلمەيسىز . بۇ دۇنيا پۇلدىن ئايرىلىپ راۋاجلانغان ئەمەس.پۇلنى چۈشىنىش ئۈچۈن ياشاش ئۇسۇلىنى چۈشىنىش كېرەك. مۇۋاپىق پۇل تېپىپ،ئىقتىسادچانلىق بىلەن خەجلىيەلەيدىغانلارلا ياشاشنىڭ ھەقىقىي مەنىسىنى چۈشىنەلەيدۇ .    ئادەم پۇل خەجلەش ماھارىتىنى يىتىلدۈرىشى كېرەك. بىر ئادەمنىڭ تۇرمۇش سۈپىتىنىڭ قانداق بۇلىشىمۇ شۇ كىشىنىڭ پۇل خەجلەشىدىن ئايان بۇلىدۇ . كىرىمى يۇقىرىلارنىڭ تۇرمۇش سەۋىيىسى يۇقىرى بۇلىدۇ ، كىرىمى تۆۋەنلەرنىڭ تۇرمۇش سەۋىيىسى تۆۋەن بۇلىدۇ . كىرىمى يۇقىرى بولمىسىمۇ پۇل خەجلەشنى بىلسىلا بۇنداق ئادەملەرنىڭ تۇرمۇشى باياشات ۋە كىشىنىڭ ھەۋىسى كەلگۈدەك ئۆتىدۇ .   ئادەم پۇل كۆپ چاغدا ئەيىش-ئىشرەتلىك ياشىغان بولسا ، ئېنقكى پۇل يوق چاغدا پاراكەندىچىلىك ئىچىدە ياشايدۇ.پۇل ئاز چاغدا تىجەشلىك بىلەن كۈن ئۆتكۈزۈش تۇرمۇشتىكى قىيىنچىلىقنى چۈشەنگەنلىك بۇلۇپ ھېسابلانسا ، پۇل كۆپ چاغدا تىجەشلىك بىلەن كۈن ئۆتكۈزۈش كەلگۈسىگە كۆڭۈل بۆلگەن بۇلۇپ ھېسابلىنىدۇ . پۇل تېپىش مۇھىم . بىراق پۇل يىغىشمۇ ئوخشاشلا مۇھىم . ناھايىتى كۆپ پۇل تېپىپ پۇل يىغالمىسىڭىز خۇددى تېگى تۆشۈك ئىدىشتا سۇ توختىمىغىدەك مەڭگۈ باي بولالمايسىز . پۇل خەجلىمەسلىكمۇ ياخشى ئىش ئەمەس.بىراق ، خەجلەيدىغاندا خەجلەپ، خەجلىمەيدىغاندا خەجلىمەسلىك كېرەك . خەجلەنگەن پۇلنىڭ سانى كۆپ بولمىسىمۇ ئۇ بەرىبىر خەجلەنگەن پۇل ، خەجلەنمىگەن پۇلنىڭ سانى ئاز بولسىمۇ يەنىلا تېجەلگەن پۇل بۇلىدۇ . خەجلىسىڭىز خەجلەۋېرىسىز ، تىجىسىڭىز تېجىيەلەيسىز . ئەقىللىق ئادەملەرنىڭ پۇل خەجلەش ماھارىتى – مۇۋاپىق خەجلەشنى بىلىشتۇر.    پۇل ھاياتتىكى مۇھىم نەرسە . بىراق سىز ئۇنىڭغا زىيادە نۇرغۇن ئېرىشكەن ۋە ئۇنى بۇزۇپ – چاچقان بولسىڭىز ، ئۇ سىزنىڭ تۇرمۇشىڭىزنىمۇ بۇزۇپ ، سىزگە ئازاپ- ئوقۇبەت ئېلىپ كېلىدۇ. چۈنكى سىز ئاللىقاچان پۇلنىڭ چوڭقۇر قايناملىرىغا ئۆزىڭىزنى ئېتىپ بولغان . ھاياتنىڭ ھەسرىتى پۇلغا ئاچكۆزلەرچە ھېرىسمەنلىكتىن باشلىنىدۇ. پۈتۈن كۈچىڭىز بىلەن پۇل تېپىپ ناھايىتى كۆپ يەر-جايغا ئىگە بولسىڭىزمۇ مال – بېساتىڭىز يەتمەيدىغاندەك ، بانكىدا نۇرغۇن پۇلىڭىز بولسىمۇ بۇ پۇلىڭىز يەنىلا ئازدەك بىلىنىدۇ . پۇلغا زىيادە ھېرىسمەنلىكىمىز ئاچكۆزلۈكتىن كېلىپ چىقىدۇ . بىز تۇرمۇشتا بەخىت ۋە قىممەت تاپىمەن دەيدىكەنمىز ، پۇلنى پەقەت «ياشىشىمىزنىڭ زۆرۈرىيىتى» دەپ چۈشىنىشىمىز لازىم . شۇنداق بولغاندا ، ئاندىن چېكىدىن ئاشقان ئاچكۆزلۈك پەيدا بولماي ، ھاياتتىكى پۇل دېشىۋارچىلىقىدىن قۇتۇلۇپ قالىمىز . پۇلنى چۈشىنىش ئۈچۈن ياشاش ئۇسۇلىنى چۈشىنىش كېرەك . مۇۋاپىق پۇل تېپىپ ، ئىقتسادچانلىق بىلەن خەجلىيەلەيدىغانلارلا ئاندىن ياشاشنىڭ ھەقىقىي مەنىسىنى چۈشىنەلەيدۇ .

ababakriimir

	ئەخلاقمۇ بولمىسا بولمايدۇ،ئەمما بەزىدە ئويلاپ قالىمەن،ھازىرقىدەك مۇشۇنداق بىر جەمئىيەتتە قىسقىسى بىر ئوغۇل بالا ئۈچۈن ئاۋۋال پۇل تېپىش ھەممىدىن مۇھىمكەن،بۇ گەپكە نەچچىڭلار ھازىرلا قارشى چىقىشىڭلار مۇمكىن،ئەمما ھەقىقىي يانچۇقىڭىزنى كولاپ باقماي تۇرۇپ ئۇ مۇھىم بۇ مۇھىم دېيىش بەكلا ئەخمىقانىلىك ئىكەن.....

turmux.net

	ئادەم توي قىلىپ پەرزەنتلىك بولغاندا نېمە ئۈچۈن پۇل تاپىدىغىنىنى، پۇلنى نېمىگە خەجلەيدىغىنىنى بەكمۇ ياخشى بىلىپ كىتىدىكەن.

rahmansaykin

	سىز ئۆزىڭىز يېزىۋاتامسىز ياكى بىرەر كىتاپتىن يىزىۋاتامسىز ؟

mastana888

	turmux.net يوللىغان ۋاقتى  2015-2-15 04:55 PM ئادەم توي قىلىپ پەرزەنتلىك بولغاندا نېمە ئۈچۈن پۇل تاپ ... بەلكم توغرىدۇر

mastana888

	پۇل تىپىش بىر ئۇسۇل ، ئۇبى قانداق بىر تەرەپ قىلىش بىر خىل ئىقتىدار

izqel

	پۇل بوولمىسىمۇ بولمايدۇ،بىراق نۇقۇل پۇل ئۈچۈنلا ياشاپ ئۆتسىڭىز كىيىن بىر كۈنلەردە مىجەزىڭىزنىڭ مالاي مىجەز بولۇپ كىتىۋاتقانلىقىڭىزنى،يەنى ئۆزىڭىزدىن ئۈستۈن تۇرىدىغان باللارنىڭ ئالدىدا ۋاي دەپ،ئۆزىڭىزدىن تۆۋەنرەك تۇردىغانلارغا غادىيدىغان بولۇپ قالىسىز.پۇلمۇ تېپىڭ،جايىدا خەجلەڭ...مەسلەن بىر ئوغۇل بالا ئۈچۈن يەنى بويتاقلار ئۈچۈن :مۇئەييەن دوسىتلۇق چەمبىرىكى بولسۇن.مەسلەن ھەپتە ياكى ئايدا بىر قانچە قىتىملىق ئولتۇرۇش ئۈچۈن ئازىراق پۇل خەجلەڭ.رەتلىك ۋە ئىقىمغا ماسلاشقان كيىم كىيىپ قۇيۇڭ....چوڭلارغا،ئۆزىڭىزنىڭ ئاتا ئانىسىغا بەكىرەك كۈيىنىڭ،ئاندىن سېرىتتا باشقا چوڭ ياشانغانلارغا كۈيىنىڭ.ئۇلارنى ھۆرمەت قىلىڭ،ھەرگىز كېبىر چىقارماڭ...بۇنداق ھالەتنى ئادەت قىلسىڭىز باشقىلار سىزدىن ئەيمىندىغان،كۆڭلىدە ھۆرمەت قىلىدىغان بولىدۇ.ئاندىن ئۆزىڭىزگە بىرەر كەسىپ ياكى خىزمىتىڭىزگە ئائىت پايدىلىق بىلىملەردىن بەھىرلىنىپ قۇيۇڭ. ئەمدى تۇرمۇشلۇق بولغاندا بولسا ئۈچ خىل چېقىم ھەرگىز چىقىم بولمايدۇ.بىرى سالامەتلىك،مەسلەن پەسىل ئالماشقاندا يا ئىغىرراق بىر كىسەل بولغاندا بۇنىڭغا سەرىپ قىلىنغان چېقىم...يەنە بىرى كېيىم كىچەككە خەجلەنگەن پۇل،يەنە بىرى قۇرساققا يىگەن چىقىم...يەنە بىرى بىرەر نەرسىگە مەبلەغ سالغان چېقىم...بۇندىن باشقا خەجلەنگەن پۇللار  ئۇرىنى يوق چىقىم بولىدۇ...ئاتا ئانىنى بىقىش مەجبۇرىيەت بولغاچقا بۇ ئۇرۇنسىز چىقىمغا كىرمەيدۇ.

xahanime

	نۇرغۇن ئادەملەر بار ئىكەن قوساققا يىيىشكە چىدىماي پۇلنى يىغىپ ئاغرىپ قالغاندا ئونمىڭلاپ تۆلىسە قىلچە قوسقى ئاغرىمايدىكەن . ئەگەر ئاشۇ دوختۇرغا تۆلىگەن پۇلنى ياخشى ئوزۇقلانغان بولسا دوختۇرخانىغا چىپىپمۇ يۇرمەيتى . مۇشۇمۇ بىر مىسالى

mamatkurban

	پۇل ئۈچۈن قۇل بولماي پۇلنى قۇل قىلىشنى بىلگەندىلا تۇرمۇش ھەقىقىي بەخىتلىك بولىدۇ.پۇل ئىقتىسات قىلغانلىق پۇل تاپقان بىلەن ئوخشاش ئارتۇقچە بىھۇدە ئىشلارغا پۇل خەجلەش ئىسراپخورلىقتىن باشقا نەرسە ئەمەس.ئاددى ساددا ياشاش ئەڭ توغرا تۇرمۇش ئۇسۇلى.چاكىنىلىق رەزىللىكتۇر.ئاددا ساددا بولدۇم دەپ مۇتىئەسسىپلىك قىلىش نادانلىقتۇر.

musilina

	پۇل ئىنتايىن مۇھىم،بىراق پۇلنى ھەممە نەرسىنىڭ ئورنىغا دەسسەتكىىل بولمايدۇ... بۇ قېتىم ئوپراتسىيە قىلدۇرۇش ،بىر يىل ئىچىدە سەككىز قېتىم دوختۇرخانىدا يېتىش جەريانىدا پۇلنىڭ ئىنتايىن مۇھىملىقىنى،پۇل بولمىسا بولمايدىغانلىقىنى يەنىمۇ چوڭقۇر چۈشەندىم.... ئەھمىيەتلىك تېما ئەكەپسىز...