شۇ غۇبارسىز ۋاقتىمدىكى بالىلىقىمنى تولىمۇ سېغىندىم

ruzemammat

	كىچىكىمىزدە يېڭى ئاياغ كېيىپ چىقساق ھەممىسى «يېڭىلىق» دەپ دەسسەپ قوياتتى. مانا ئەمدى ھايات ئۈچۈن يېڭى بىر قەدەم ئالماق بولساق پۇتى سۇنغىچە دەسسەيدىغان بولۇپ كەتتى. كىچىكىمىزدە ئەللىك تىين پۇلنى ئىككىگە بۆلگىلى بولمىسىمۇ ئىككەيلەن تەك خەجلەيتتۇق، مانا ئەمدى ئىككى يۈز سوم پۇلنىمۇ بۆلۈشەلمەيدىغان بولۇپ كەتتۇق. كىچىكىمىزدە دۇكاندىن قانداقلا نەرسە ئالساق مەن بىلەن بىر چىشلەمدىن بىللە يەيدىغان ئاغىنىلىرىم بارئىدى، مانا ئەمدى ھەممەيلەن بىردىن ئالساقمۇ تەڭ ئولتۇرۇپ يىيىشقا كۆڭۈللەر تارتماس بولۇپ كەتتى. كىچىكىمدە مەھەللىنىڭ ئاينىڭ نۇرى ئاستىدا مۆكۆ-مۆكۆلەڭ ئوينايتتۇق، ئەگەر ئارىمىزدىن بىرەرسىنى تاپالماي قالسا تاكى ئاپىسى چاقىرغۇچە ئىزدەيتتى، مانا ئەمدى بىرەر ئىشنى شۇنچە تاپىلىسىمۇ قىلمايدىغان بولۇپ كەتتى. كىچىكىمدە خەتەرلىك ئويۇنلارنى ئوينىغاندا ئاجىزراق بالىلارنى شاللىۋېتەتتۇق، مانا ئەمدى كىم كۈچلۈك قابىلىيەتلىك بولسا شۇنى چەتكە قاقىدىغان بولدۇق. كىچىكىمدە مەيلى قانداقلا ئويۇن ئوينىمايلى مىنۇت ئىچىدە بۆلۈنۈپ ئويۇنغا تەييار بولاتتۇق، مانا ئەمدى ۋەيران بولۇشىمىز ئوپ-ئوچۇق بولسىمۇ ھەمكارلىشالمايدىغان بولۇپ قالدۇق. كىچىكىمدە چىقىر ئۈجمىگە چىقىۋېلىپ ئېغىز-بۇرنىمىز مىلىنىپ كەتكۈچە يەيتتۇق، مانا ئەمدى ھېچ قانداق ئىز قالدۇرماي بىر-بىرىمىزنىڭ گۆشىنى يەيدىغان بولدۇق. كىچىكىمدە ئاپئاق قار ئۈستىدە پېقىرغۇچ(نۇر) سوقۇشتۇرۇپ ئوينايتتۇق، مانا ئەمدى ھاياتنىڭ قاتتىق سوغۇقلىرىدا يۈرەكنى سۇقۇشتۇرىدىغان بولۇپ كەتتۇق. كىچىكىمىزدە چىمچىلاق بارماقلىرىمىزنى كىرىشتۈرۈپ (قو قو قۇق نېمە تاپساق تەڭ يەيمىز) دەپ دوستلىشىپ كىچىككىنە قەلبىمىزدە بىر-بىرىمىزنىڭ سىرلىرىنى ساقلايتتۇق، مانا ئەمدى ھاياتتا ياشاش ئۈچۈنلا بىر يىپقا باغلىنىپ قالغانلىقىمىز ئۈچۈن، نۇرغۇن ئىشلارنى بىر-بىرىمىزدىن سىر تۇتۇپ يۈرۈپتىمىز. توغرا ئەشۇ چاغلاردا قانغۇچە ئوينايتتۇق، يۈرەك بىلەن ئوينايتتۇق. ھازىر كاللا بىلەن ئوينايمىز!!! كۆردۈم! شۇچاغلاردىكى بىز ئاۋات قىلغان كوچىلار ئېغىر سۈكۈتكە چۆكۈپتۇ. ھېسقىلدىم! ياشاش ئۈچۈن مېڭىۋاتقان يوللىرىمىزھەم خارابىلىققا ئايلىنىپتۇ! ئاشۇ غۇبارسىز ،ئاشۇ  غەمسىز چاغلىرىمدىكى ئاشۇ باللىقىمنى ئەجەپمۇ سېغىندىم ……  بارلىق دوستلۇرۇمنىڭ بالىلىقىغا بېغىشلايمەن ！

nazigul8

	ئادەمنى ئەجەپ ئويلاندۇرغىدەك نەق-نەق گەپلەرنى يېزىپسىز، بوپمۇ بۇرۇن يۈرەك بىلەن ئوينايتتۇق، ھازىر كاللا بىلەن ئوينايمىز دىگەن گەپلەر... بەك ياخشى تېمىلارنى سۇنىۋاتىسىز، رەھمەت سىزگە!

feruq

	بۇ تېمىنى ئوقۇپ بالىلىقىمنى ئەسلەپ قالدىم.

turmux.net

	ياخشى يېزىپسىز... يازمىڭىز ئالتۇنرەڭ بالىلىقنى يەنە بىر قېتىم ئەسلىتىپ قويدى...

rahmansaykin

	بالىلىق ھەي بالىلىق  ، كەلمەسكە كەتكەن بالىلىق

mamatkurban

	بەك ياخشى تىما يوللاپسىز .جەمئيەت تەرەققىياتى بىلەن نۇرغۇنلىغان ياخشىلىققا ئىرىشتۇق ،ئەمما نۇرغۇنلىغان نەرسىلەردىن ئايرىلىپ قالدۇق.ئادىمىيلىك،تۇغقاندارچىلىق،دوستلىق،قىېرىنداشلىق..........يەنە نىمىلەرنى يۇقىتارمىز؟؟؟؟؟؟؟؟؟.ئىرىشكىنىمىز ئەبجەش تىل مانا تەرەققىيات دىگەن

musilina

	بالىلىقىمدا كىشىلەردە پۇل ئاز،بىراق مېھر -مۇھاببەت  جىق ئىدى..... بالىلىقىمدا نۇرغۇن -نۇرغۇن .....نەرسىلەر بار ئىدى،ئەمدى چوڭ بولغاندا بۇ نەرسىلەر بارغانسېرى ئازلاپ كەتتى.... ئەھمىيەتلىك تېما ئەكەپسىز.... بالىلىقىمنى سېغىندىم،بىراق بالىلىقىم مەڭگۈ قايتىپ كەلمەيدۇ....

mahatjan

	بالىلىقىمنى ئەسلەپ قالدىم.

ئوسمان

	ئۇ چاغلاردا  خۇڭدۇلۇ موگۇ ئۇيۇننى پەيدۇي بولۇپ تىزىلىپ 5  موچەندىن ئويناپ كىتەتتۇق،...... غەم يوق دەرت يوق ئارزۇ ئارمان يۇق ھە راس  قوڭدا  ئىشتانمۇ يوق ئويناپ كىتەتتۇق.............. بولدىلا شۇ چاغلار نىمىدىگەن غەمسىز  .

vincent

	ھازىر  بالىلىقنى ئويلاشقا ۋاقىت چىقىرالمايۋاتقانلار ياشاش فورمىلاسىدا ئاساس سان  بولماقتا   .....  تىرىشىش  كىرەك ،قىرانچاغلارغىمۇ ئاز قالدى ، بالىلىقنى شۇ 60-70 ياشلارنىڭ قارىسىنى ئالغاندا ۋاراقلاش  كېرەك ،   ھازىر  بالىلىقنى ئەسلەيدىغان ياشلىرىمىز  ...............