ھايات ھەقىقىيتى

ruzemammat

	بىر زامانلاردا بىر ئادەم ئافرىقىدىكى ئورمانلىقتا كىتىۋاتقان ئىكەن. ئافرىقا تىرۇپىك بەلۋاغقا جايلاشقان بولۇش سۈپىتى بىلەن تەبىئى مەنزىرىسى جەلىپكار، دەرەخلىرى ناھايىتى ئېگىز ئۆسكەن ئىكەن. ئۇ قويۇقلىقىدىن قوياش نۇرىنى توسۇپ تۇرغان دەرەخلەرنىڭ مەنزىرىسىدىن ھوزۇرلىنىپ،ھەر خىل قۇشلارنىڭ سايراشلىرىدىن بەھرلەنگەچ خۇشپۇراق گۇللەرنىڭ ھىدلىرىنى ھىدلاپ كىتىۋاتقىنىدا بىر نەرسىنىڭ ھۆركىرىگەن ۋە يۈگۈرگەن ئاۋازىنى ئاڭلاپتۇ، ئاۋاز بارا - بارا كۈچىيىپ ئېنىق ئاڭلىنىۋاتقۇدەك. ئۇ ئارقىغا قاراپتۇ. ‏قارىسا شۇنداق چوڭ بىر شىر ئۆزىگە قاراپ ئوقتەك ئېتىلىپ كىلىۋاتقۇدەك. شىر قاتتىق ئېچىرقىغانلىقتىن ئىككى بىقىنى كۆرىنەرلىك دەرىجىدە كىرىپ كەتكەنمىش. ئۇ ھىچنىمىگە قارىماي قېچىپتۇ شىر ئارقىدىن قوغلاپتۇ. شىر يىتىشىۋالاي دەپ قالغىنىدا ئۇ ئادەم بىر كونا قۇدۇقنى كۆرۈپتۇ . ئۇ پۈتۇن كۈچى بىلەن بىرنى تاقلاپ قۇدۇققا ئۆزىنى ئېتىپ قۇدۇقتا ئۆزىنى كۆرۈپتۇ ۋە قۇدۇقتىن سۇ تارتىدىغان قۇدۇق ئارغامچىسىنى تۇتىۋاپتۇ. ئۇ قۇدۇق ئىچىگە قاراپ بىر ئاز چۈشۈپتۇ ھەم بىر نەچچىنى چوڭقۇر تىنىپ ، قورقۇنچىسى سەل بېسىقىپتۇ. شىرنىڭ ھۆركىرىشىمۇ يوقاپ ئەتراپ جىمىپ قاپتۇ. شۇ ئەسنادا ئۇشتۇمتۇت قۇدۇق ئىچىدىن باشلىرى يوغان، ناھايىتى ئۇزۇن بىر يىلاننىڭ كۇشۇلدىغان ئاۋازىنى ئاڭلاپتۇ. ئۇ يىلان بىلەن شىردىن قانداق قۇتۇلۇش ھەققىدە ئويلىنىپ تۇرغاندا بىرى ئاق يەنە بىرى قارا ئىككى چاشقان ئارغامچىنىڭ تۆۋەنكى ئۇچىدىن يۇقىرىغا قاراپ چىقىپ كىلىۋاتقۇدەك. ھەمدە ئارغامچىنى چىشلىرى بىلەن قىرقىشقا باشلاپتۇ. قورقۇنىچتىن بۇ ئادەمنىڭ جېنى چىقىپ كەتكىلى تاسلا قاپتۇ. ئۇ چاشقانلارنى قاچۇرۇش مەقسىتىدە ئارغامچىنى سىلكىشكە باشلاپتۇ. ئارغامچىنى كۈچەپ سىلكىپ يۈرۈپ قۇدۇقنىڭ ئىچىدە پۇلاڭلاپ ئېسىلىپ قاپتۇ. ۋە قۇدۇقنىڭ يېنىغا ئۇ يەر بۇ يەرلىرى تېگىشكە باشلاپتۇ. شۇ ئەسنادا ئۇ قۇدۇقنىڭ يان تەرىپىدىن ھۆل شىلىمشىق بىر نەرسىنىڭ ئۆزىگە تەگكەنلىكىنى ھىس قىلىپ جەينىكىنى تەككۈزۈپ بېقىپتۇ قارىسا ئۇ نەرسە تاغ دەرەخلەرنىڭ ئۈستىگە شۇنىڭدەك غارلارغا ئۇۋا سالىدىغان ياۋا ھەسەل ھەرىسىنىڭ ھەسەلى ئىمىش . ھەسەلنى تېتىپ بېقىپتۇ ئارقىدىن يەنە يالاپتۇ يالاپتۇ..... ھەسەلنىڭ قاتتىق شىرىنلىكىدىن ئۆزىنىڭ نىمە ھالدا ئىكەنلىكىنىمۇ ئۇنتۇپتۇ. ئۇ ئادەم شۇ ھالدا ئۇشتۇمتۇت ئۇيقۇدىن ئويغىنىپتۇ قارىسا بايىقىسى ئۇنى قارا باسقىنى ئىكەن. ئۇ بۇ چۈشىگە تەبىر بىرىدىغان بىر ئالىمنىڭ ئالدىغا بېرىش مەقسىتىدە بىر ئالىمنىڭ قېشىغا قاراپ يول ئاپتۇ. ۋە ئالىمنىڭ ئالدىغا بېرىپ چۈشىنى سۆزلەپ بېرىپتۇ ئالىم كۈلۈپ كىتىپ چۈشۈڭنىڭ تەبىرىنى بىلمەمسەن؟ دەپ سوراپتۇ. ئۇ بىلمەيدىغانلىقىنى ئېيىتقان ئىكەن ئالىم دەپتۇ: ئارقاڭدىن كەلگەن شىر ئۇ ئۆلۈم پەرىشتىسىدۇر. يىلان بار ھېلىقى قۇدۇق سېنىڭ قەبرەڭدۇر. ‏سەن ئېسىلىۋالغان ئارغامچا بولسا ئۆمرۈڭدۇر. ئاق - قارا ئىككى چاشقان كېچە ۋە كۈندۈز بولۇپ بۇ ئىككىسى سېنىڭ ئۆمرۈڭنى قىرقىيدۇ - دەپتۇ. ‏ئۇ : ئۇستاز، ئۇنداقتا ھېلىقى ھەسەلچۇ؟ دەپ سورىغان ئىكەن ئالىم جاۋابەن: ئۇ مانا موشۇ دۇنيا، ئۇ شىرىنلىكىدىن ئارقاڭدا ئۆلۈم بىلەن ھىساپنىڭ بارلىقىنى ساڭا ئۇنۇتتۇرغاندۇر - دەپتۇ.

ilmi

	پاھ    ھەسەلدەك  تاتلىق  بىر تېما  بۇپتۇ    لىكىن  يەنە  بىر  يەرلىرى  كۆڭۈلنى  غەشمۇ  قىلىدىكەن      ياشاش  نەقەدەر گۈزەل  ھە ؟

turmux.net

	ئەجەپ ئېسىل تېمىدىن بىرنى يوللاپسىز. بولۇپمۇ ئاۋۇ چۇشكە ھەقىقەتەن ھاياتقا تەدبىقلاپ تەبىر بىرىپتۇ.

umut47

	مەزمۇنى شۇنداق ياخشىكەن ھەقىقەتەن ............................