تۇز: ئىككى ئاچ كۆز يولۋاس....

.tuz.

	ئەسسىلامۇ ئەلەيكۇم ئىككى يولۋاس بولۇپ ، بىرى قەپەستە چوڭ بولغان ، يەنى بىرى دالىدا چوڭ بولۇپ ياشىغان ئىكەن . قەپەستىكى يولۋاس ئۈچ ۋاخ تامىقىدىن غەم قىلمايدىكەن ، دالىدىكى يولۋاس ئەركىن  - ئازادە ئىكەن . لىكىن تامىقىنى جاپالىق يوللار ئارقىلىق تىپىپ يەيدىكەن . ئىككى يولۋاس دائىم سىردىشىپ مۇڭدىشىپ تۇردىكەن . قەپەستىكى يولۋاس ھەمىشە دالىدىكى يولۋاسنىڭ ئەركىن - ئازادىلىكىگە ھەۋەس قىلدىكەن . دالىدىكى يولۋاس بولسا قەپەستىكى يولۋاسنىڭ راھەت تۇرمۇشىغا ھەۋەس قىلدىكەن . بىر كۈنى قەپەستىكى يولۋاس ، دالىدىكى يولۋاسقا : « بىز ئۆزىمىزنى ئالماشتۇرۇپ باقايلى »دەپتۇ . ھەر ئىككىلىسى قوشۇلۇپتۇ . شۇنىڭ بىلەن قەپەستىكى يولۋاس كەڭ تەبىئەت قوينىغا چىقىپتۇ ، دالىدىكى يولۋاس بولسا قەپەسگە كىرىپتۇ . قەپەستىن چىققان يولۋاس خۇشال بولۇپ ، كەڭ دالىدا جىنىنىڭ بارىچە چىپىپ ئويناقشىپ كىتىپتۇ . قەپەسكە كىرگەن يولۋاسمۇ ئىنتايىن خۇشال بولۇپ سۇنايلىنىپ يىتىپ ، ئوزۇق تۈلۈك ، يېمەك - ئىچمەكتىن غەپ قىلمايدىغان بوپتۇ . ئەمما ئۇزۇنغا بارمايلا ھەر ئىككىلا يولۋاس ئۆلۈپ قاپتۇ . قەپەستىن دالىغا چىققان يولۋاس ئاچلىقتىن ئۆلۈپتۇ . بۇ يولۋاس ئەركىنلىككە ئىرىشكەن بولسىمۇ ، تەييار نەرسىنىلا يەپ كۆنۈپ كەتكەچكە ، دالىدا ئوزۇق تىپىش ماھارىتىنى ئۇقماي ئاچلىقتىن ئۆلۈپ قالغان . قەپەسكە كىرگەن يولۋاس ، دالىدا ئەركىن يايراپ يۈرگەچكە ، قەپەستە قوسىقى توق بولسىمۇ ، بىراق كىچچىكىنە قەپەستە بىرۇختۇما بولۇپ ،تار ماكاندا ياشاش پىسخىكىسى ھازىرلانمىغاچقا ئۆلۈپ قالغان . بۇ تېمىدىكى ھېكمەت : نۇرغۇن ۋاقىتلاردا ، كىشىلەر ھەمىشە ئۆزىنىڭ ئەۋزەللىكىنى كۆرمەي ، باشقىلارنىڭ نەرسىلىرى ئەۋزەلدەك كۆرنىدۇ . يەنى بەزىلەر ، ئۆزىدىكى گۈزەللىكنى ھېس قىلماي ، باشقىلارنى گۈزەل دەپ ھېس قىلىدۇ . ئۆزىدىكى قالتىسلىقنى ھېس قىلماي ، باشقىلارنى قالتىس چاغلايدۇ . باشقىلارنىڭ قالتىسلىقىنىڭ ئۆزىگە ماس كېلىشى ناتايىنلىقىنى ئويلاپ باقمايدۇ .......               ئۆزىنى چاغلىماسلىقنىڭ ئاقىۋىتى ھالاكەت پاقا ئوتلاۋاتقان بىر كالىنى كۆرۈپ ، كالىنىڭ ناھايتىمۇ بەسىتلىك ئىكەنلىكىگە ھەسەت قىپتۇ . ئۇ ، بەدىنىمدىكى مۇسكۇللارنى چىنۇقتۇرۇپ سۆزۇپ چوڭلاتسام ، چوقۇم كالدەك يوغان بەستلىك بولالايمەن دەپ ئويلاپتۇ . شۇنىڭ بىلەن پاقا جىنىنىڭ بارىچە چىنىقىپ ، بارلىق كۈچىنى يىغىپ ھاۋانى سۈمۈرۈپ كۆپتۈرۈپتۇ . بىردەم ھاۋانى سۈمۈرۈپ قوسقىنى سەل ئىسىلدۇرغاندىن كېيىن كىچىك پاقىلاردىن كالىدەك يوغان بولدۇممۇ دەپ سوراپتۇ . «ياق تېخى» دەپ جاۋاپ بىرىپتۇ كىچىك پاقىلار . ئۇ يەنە بىر ھازا كۈچەپ ھاۋانى سۈمۈرۈپ ، كىچىك پاقىلاردىم ئۆزى بىلەن كالىنىڭ قايسىسىنىڭ يوغانلىقىنى سوراپتۇ . «كالىدەك بولىشىڭغا يەنە خېلى بار! » پاقا تومۇرى ئىتىلىپ كەتكۈدەك جىنىنىڭ بارىچە كۈچەپ ھاۋانى سۈمۈرۈپتۇ . نەتىجىدە بەك جىق سۈمۈرۋەتكەچكە ، پوسسىدا قىلىپلا قوسىقى يىرلىپ ئۆلۈپتۇ . بۇ تېمىدىكى ھېكمەت: رىقابەتلەشسەك بولىدۇ . رىقابەت جەريانىدا ، ھەممىلا ئادەم قالتىس ھەم كۈچلىك ، قابىلىيەتلىك بولىشنى ئارزۇ قىلىدۇ ، لېكىن رىقابەت دېگەن رەھىمسىز بولىدۇ . باتۇرلۇق ، تەۋەككۇلچىلىك ئەلۋەتتە قىممەتلىك ، ئەمما ، غەلبە قىلىشغا ، ئىشەنچ بولىشى شۇنداقلا ئەمىلىي كۈچ بولىشى كېرەك . ئۆزىمىزنى چاغلىماي ، ئۆزىمىزدىن كۈچلىكلەرگە رىقابەت ئېلان قىلساق ، مەغلۇبىيەتتىن ساقلىنالمايمىز . ئاددى مىسال بىلەن ئىيتساق ، بىر كىلو گوش ئېلىش ئۈچۈن چوقۇم بازار باھاسى بويىچە 50 يۈئەن پۇل بىلەن قاسساپنىڭ قىشىغا بىرشىمىز كېرەك . 30 يۈئەن بىلەن قاسساپنىڭ ئالدىغا بىر كىلو گوش ئالىمەن دىسەك ، قااساپ بىلەن جاڭجاللىشىپ ، باشقىلارنىڭ مەسخرىسىگە قالىمىز ......... مەنبە : ساغلام تەپەككۇر شىپاسى مۇنبەرگە: يوللىغۇچى : تۇز 2015- يىلى 2- ئاينىڭ 14- كۈنى ئەزىزانە قەشقەر

turmux.net

	مۇشۇنداق ئېسىل ھېكىمەتلىرىڭىز ئۈزۈلمىسۇن !

ئارزۇ01

	ئىسىل ھىكمەتلەر ئكەن ياقتۇردۇم راس مىنىڭ ئەسلمەمنىڭ تەستىقلانماسلىق سەۋەبىنى سۇرۇشتۇرۇپ باقسىڭىز

saliha24

	ياخشى چىقىپتۇ ،رەھمەت .

ئاكىجان

	بىر بىرىدىن قىممەتلىك ھىكىمەتلەركەن ، تەشەككۈر ....

feruq

	رەھمەت سىزگە جانابىي تۇز

13289986520

	ئالامەت تىمىلاركەن گەرچە كونا بولسىمۇ

قورغان

	ئەجرىڭىزگە رەھمەت!   ئەھمىيەتلىك تېمىلىرىڭىز نى كۆرۈپ تۇرغايمىز.

kudiratjan

	پازور تېمىكەن    توز موللام ئاشۇق ماشۇق  بايرىمىڭغا مەرەك بولسۇن

ansari0903

	ئالامەت ياخشى ھىكمەتكەن رەھمەت سىزگە