ئانا، ئوغول ، كېلىن ......

d@tman

	كېلىن قېينىئانىسىغا: - تۇزى كەم بولسا يېمىسىڭىز، ئازراق تېتىپ قالسا تۇزلۇقكەن دېسىڭىز، سىز گە زادى نىمە قىلىپ بەرسەم بولىدۇ ؟ - دىدى زەردە بىلەن . ئانا ئوغلىغا بىر قاراپ قويغاندىن، كىيىن تاماقنى مەجبۇرى يىيىشكە باشلىدى. ئوغلى ئانىسىنىڭ تامىقىنى بىر چوكا يەپلا تۈكۈرۋەتتى ۋە ئايالىغا : - مەن سىزگە بۇرۇنلا ، ئاپامنىڭ كېسىلىگە تۇزلۇق تاماق زىيان قىلىدۇ دىگەنغۇ؟ كىلىن ئالىيىپ تۇرۇپ : - ھە مەيلى ، ئەمىسە ئۆزىڭىزنىڭ ئاپىسى بولغاندىكىن ، تاماقنى ئۆزىڭىز ئېتىپ بېرىڭ! - دىگىنىچە ھۇجرىسىغا كىرىپ كەتتى . ئوغلى ئېغىر خۇرسىنغىنىچە : -بولدى ئانا يىمىگىن، مەن ساڭا باشقا تاماق ئىتىپ بېرەي. - دىدى . ئانا ئوغلىغا: - ئوغلۇم ماڭا دەيدىغانا گىپىڭ باردەكلا قىلىدىغۇ ، قىنى دەپ باقمامسەن؟ ئىچىڭگە يۈتىۋەرمە ... ئوغلى سەل ئوڭايسىزلانغان ھالدا : -ئانا ئەمىلىم ئۆستى. ئەمدى بۇندىن كىيىن بەكلا ئالدىراش بولۇپ كېتىمەن ، كىلىنىڭنىڭمۇ خىزمەت قىلغۇسى باركەن . ئانا خۇددى ئوغلىنىڭ ئىچىدىكىنى بىلگەندەكلا يېلىنغان ھالدا: - ئوغلۇم مىنى قېرىلار ساناتورىيىسىگە ئاپىرىۋەتمىگىن! - دىدى . ئوغلى بىردەم سۈكۈت قىلدى، بەلكىم ئۇ تىخىمۇ ياخشى سەۋەپ ئىزدىگەندۇ ؟ ئۇ : - ئانا ! يەنىلا قېرىلار ساناتورىيىسىدە تۇرساڭ ياخشى ئەمەسمۇ، كىلىنىڭ خىزمەت قىلسا ، مىنىڭمۇ خىزمىتىم ئالدىراش بولۇپ كەتسە، ئۆيدە ھالىڭدىن كىم خەۋەر ئالىدۇ؟ ئۇ يەردە مەخسۇس كۈتىدىغان ئادەم بار تۇرسا ، مەنمۇ سىرتقا خىزمەتكە چىقساممۇ خاتىرجەم بولىمەن ئەمەسمۇ ؟ - دىدى . ئوغلى يۇيۇنۇپ بولۇپ ، تەييار چۆپنى يەۋىلىپلا كۈتۈپخانىغا كىرىپ كەتتى . ئۇ ئىككىلىنىپ قېلىۋاتاتتى ، دادىسى ئۇ كىچىك چېغىدىلا ئۆلۈپ كەتكەن بولۇپ ، ئاپىسى ياشلىقىنى ئۇنىڭغا بېغىشلاپ قايتا تويمۇ قىلماي ئۇنى بېقىپ قاتارغا قوشقان ئىدى ، ئەمما خوتۇنى "ئاجرىشىپ كىتىمەن" دەپ تەھدىت سىلىۋاتاتتى .... ئۇ يەنىلا ئىككىلىنىپ قالدى ... " كىيىنكى ئۆمرۈڭدە ساڭا ھەمراھ بولىدىغىنى ئاپاڭمۇ خوتۇنۇڭمۇ ؟ ئاناڭ ئاللىقاچان قېرىپ قالدى ، ئۇ قانچىلىك ئۆمۈر كۆرەلەيدۇ؟ " دوستىنىڭ سۆزى قۇلاق تۈۋىدە جاراڭلىغاندەك بولۇپ ، ئۇنى خىياللار قوينىدىن رىئاللىققا قايتۇردى . ئۇ يەنە ئويلىنىشتىن قورقۇپ قالدى، ئۆز قارارىدىن يېنىپ قېلىشتىن قورقتى ... كەچ كىردى، قۇياش ئالتۇن رەڭلىرىنى يىغىشتۇرۇپ تاغ كەينىگە مۆكتى . تاغ ئارىسىغا جايلاشقان بىر قېرىلار ساناتورىيىسى بار بولۇپ ، بۇ يەرگە پەقەت پۇلى بارلارلا كىرەلەيتتى . ئوغلى ئانىسىغا پۇلنى كۆپرەك خەجلىسە كۆڭلى سەل جايىغا چۈشكەندەك ھېس قىلاتتى . ئوغلى ئانىسىنى ئېلىپ كەلگەندە زالدا سافادا نەچچە ياشانغان ئەر- ئاياللار ئولتۇرۇپ تىلىۋىزور كۆرىۋاتاتتى ، ئۇلار ئۇلارغا خۇرسىنىپ قويدى . ئوغلى ئانىسىنىڭ يورۇققا ئامراقلىقىنى بىلەتتى، شۇڭا ئۇ ئانىسىغا قۇياش نۇرى چۈشۈپ تۇرىدىغان، بىر ئۆينى تاللاپ قويغان ئىدى . دېرىزىدىن چىملىقنى، سۈنئىي تاغنى ، گۈللۈكنى كۆرگىلى بولاتتى . ئوغلى دېرىزە يىنىغا كىلىپ ، بىر سېستىرانىڭ بىر موماينى چاقلىق ئورۇندۇق بىلەن ئىتتىرىپ كېتىۋاتقانلىقىنى كۆرۈپ كۈۆڭلى سەل يېرىم بولدى. ئۇ ئانىسىغا ھەمراھ بولۇپ بىردەم ئولتۇردى. كەچ كىردى، بۇ يەرنىڭ كەچلىك مەنزىرىسى ئادەمنىڭ ئىچىنى سىقاتتى . ئۇ يەنە ئېغىر خۇرسىندى: - ئانا مەن كەتتىم . - ئۇ ئانىسى بىلەن خوشلاشتى . ئانا خۇددى ئۇنىڭغا دەيدىغان گىپى باردەك گەز باغلاپ كەتكەن لەۋلىرىنى ئۆمەللىدى-يۇ، توختاپ قالدى . ئوغلى شۇندىلا ئانىسىنىڭ قېرىغانلىقىنى ھىس قىلدى . ئۇ تۇرۇپلا كىچىك ۋاقتىدىكى بىر ئىشنى ئەسلەپ قالدى ، ئۇ چاغدا ئۇ 6 ياش ئىدى، ئانىسىنىڭ يۇرتىغا بارىدىغان مۇھىم ئىشى چىقىپ قالغان بولغاچقا، ئۇنى تاغىسىنىڭ ئۆيىگە قويۇپ قويماقچى بولدى . ئانىسى ماڭىدىغان چاغدا ئۇ ئانىسىنىڭ پۇتىغا مەھكەم يىپىشىۋىلىپ " ئانا! مىنىمۇ بىللەپ ئىلىپ بار، مىنىڭ بۇ يەردە قالغۇم يوق " دەپ يىغلاپ تۇرىۋالدى، ئانا ئاخىرى ئۇنىمۇ بىللە ئىلىپ باردى . ئۇ ئىشىكنى ئىتتىكلا يىپىۋەتتى ، ئۇ يەنىلا قارارىدىن يېنىپ قېلىشتىن قورقتى ... ئوغلى ئۆيىگە كەلدى ، خوتۇنى بىلەن قىيىنئانىسى ئۇنىڭ ئانىسىنىڭ ھۇجرىسىنى رەتلەۋاتقان بولۇپ ، يەردە بىر مۇكاپات لوڭقىسى ياتاتتى . ئۇ __ ئۇ باشلانغۇچتىكى ۋاقتىدا «مىنىڭ ئانام» تىمىسىدىكى، ماقالە يىزىش مۇسابىقىدا ئالغان لوڭقا بولۇپ ، ئانىسى ئۇنى تەبرىكلەش ئۈچۈن نەچچە ئاي پۇل يىغىپ شىنخۇا ئىنگىلىز تىلى لۇغىتىنى ئېلىپ بەرگەن ئىدى . يەنە تىخى ئانىسىنىڭ كەچلىكى سۈرىدىغان رىماتىزىم دورىسىمۇ يەردە تۇراتتى. دىمەك ، ئۇلار بۇنىمۇ ئەخلەت قاتارىغا چىقىرىۋىتىپتۇ-دە ، ئۇ چىداپ تۇرالمىدى ... - بولدى! بولدى قىلىڭلار ، ئاتماڭلار! - بۇ ئەخلەتلەرنى تاشلىۋەتمىسەم مەن نەرسىلىرىمنى نەگە قويىمەن ؟- قىيىنئانا ھەيرانلىق نەزىرى بىلەن كۈيئوغلىغا قارىدى . - شۇ ئەمەسمۇ ، ئۇلارنى تاشلىۋەتمىسەك نەگە ئاپىرىمىز؟ يەنە تىخى ماۋۇ كونا كارۋاتمۇ بار، ئەتە مەن ئانامغا يىڭى كارۋاتنى ئېلىپ كەلسەم نەگە قويىمىز؟- خوتۇنى غۇدۇرىغاچ بىر مۇنچە سۈرەتلەرنى يەرگە ئاتتى . ئۇلار ھەممىسى ئۇنىڭ بالىلىق ۋاقتىدىكى سۈرەتلەر بولۇپ ، ئانىسى ھەر يىلى پۇل تىجەپ باغچىلارغا ئاپىرىپ چۈشۈرۈپ قويغان سۈرەتلەر ئىدى ، ئانىسى ئۇلارنى بايلىقى ھىسابلايتتى . - ئۇ ، ئۇلار دىگەن ئانامنىڭ نەرسىلىرى ، تاشلىۋەتسەك بولمايدۇ! - دەپ ۋاقىرىدى . كىلىن :- بۇ نىمە دىگىنىڭىز؟ ئانامغا ۋاقىرىسىڭىز قانداق بولىدۇ؟ ئانامدىن كەچۈرۈم سوراڭ ! - دەپ ۋاقىرىدى. ئوغلى خوتۇنىدىن : - مەن سىزنى ئالغاچقا، سىزنىڭ ئانىڭىزنىمۇ شۇنداق ياخشى كۆرىمەن. سىز نىمىشقا مىنىڭ ئانامغا ئۇنداق مۇئامىلە قىلىسىز؟ - دەپ سورىدى . يامغۇردىن كىيىنكى ھاۋا سەل سوغۇق ئىدى ، شەھەر كىچە جىمجىتلىقىغا چۆمگەن بولۇپ، يولدا ماشىنىلارمۇ ئىنتايىن شالاڭ ئىدى . بىر تۇلپار ماركىلىق ماشىنا ياشانغانلار ساناتورىيىسىگە قاراپ ئۇچقاندەك كىتىۋاتاتتى ، تۇلپار ياشانغانلار ساناتورىيىسگە كىلىپ توختىدى ، ئوغلى ماشىنىدىن چۈشۈپ بىناغا قاراپ يۈگۈردى . ئوغلى ئانىسىنىڭ ھۇجرىسىغا كىرگەندە ئانا تىزىنى ئۇۋىلاپ ئولتۇراتتى ، ئانا ئوغلىنىڭ قولىدىكى دورا قۇتىسىنى كۆرۈپ كۆڭلى سەل جايىغا چۈشكەندەك بولدى -دە ، ئوغلىغا : - ئىلىۋىلىشنى ئۇنتۇپ قاپتىمەن ، ھىلىمۇ ياخشى ئالغاچ كەپسەن، - دەپ ئىللىق كۈلۈمسىرىدى . ئوغلى ئانىسىنىڭ يىنىغا كېلىپ يۈكۈندى . - كەچ بولۇپ كەتتى ئوغلۇم ، تىزراق قايتقىن ، ئەتە يەنە ئىشقا بارىسەن ئەمەسمۇ ؟ دورىنى مەن ئۆزۈم سۈرىۋالىمەن ، تىزراق قايتقىن . - ئانا ئوغلىنى قايتىشقا ئۈندىدى . ئوغلى ئېسەدەپ تۇرۇپ : - ئانا ، مىنى كەچۈرگىن! بىللە قايتايلى! -   مەنبە؛پەرشتە مۇنبىرى      بەك تەسىرلىكەن شۇڭا ئالغاچ كەلدىم .

izlayman520

	ئاللاھ رازى بولسۇن رەھمەت سىزگە قېرىندىشىم..................... راستىنلا بەكلا تەسىرلىك ئىكەن................

nasif

	ئاجرىشىپ كىتىمە دەپ قوقاق سالىدىغانلارنى كۆرسەم ئاشۇ.. ئاۋۇ دوستىمۇ تازا بىر ۋاپاسى يوق نىمە ئوخشايدۇ، بەرگەن مەسلىھەتلىرىنى ئادەمنىڭ كۆڭلىنى ئېلەشتۈرۈپ....

abat

	ئانا  دىدۇق  شىېئر يېزىپ  ماختىدۇق ، تىللاپ  قويسا ئەمەس  دەپمۇ  ئاقلىدۇق  . ئەر  خۇتۇنلار  رىستۇراندا  يۈرگەندە، كارامىز يوق  سانوتىريەگە باپلىدۇق

hadrat

	بۇ ئەسەرنى بۇ مۇنبەردە ئۆتكەندە ئوقۇغاندەك قىلغان.

turmux.net

	تەسىرلىك ئىكەن... ئەمما، يازمىدىكى بۇ مەزمۇن، بولۇپمۇ ياشانغانلارنىڭ قېرىغاندا كۈتۈنۈش مەسىلىسى ھەر بىر ئائىلىدىكى بىر چوڭ باش قىتىنچىلىقىمىكىن دەپ ئويلايمەن. شەھەرلەرگە نېسبەتەن ئەر - ئايال خىزمەت ئىشلىسە، چوڭلارنىڭ ھالىدىن خەۋەر ئىلىش، داۋالىتىش... ئىشقىلىپ مەخسۇس بىر ئادەم قارىمىسا بولمايدىغان ئەھۋاللارمۇ شەكىللىنىدۇ. پىلانلىق تۇغۇت سىياسىتىنىڭ يۈرگۈزۈلۈشى بىلەن بىر ئائىلىدىكى  ئىككى پەرزەنت ئىككى ئاتا، ئىككى ئانىنىڭ ھالىدىن خەۋەر ئىلىش مەسئوليىتىنى ئۈستىگە ئىلىشقا مەجبۇر بولىدۇ. مېنىڭچە بۇنىڭدىن كېيىنكى دەۋىردە قېرىلىق دەۋرىمىزنى ساناتۇريىدە ئۆتكۈزۈشكە ئىدىيىدە تەييارلىق قىلىپ قويساقمۇ بولىدىغاندەك...

alemdarapandem

	كۆزۇڭنى ئاچ ئۆزۇڭنى تاپ ئەركەكلەر سۆيۇپ تۇرۇپ ساۋاپ تۇرغىن ئەركەكلەر ئەرلا بولماي ئەركەكمۇ بول ئەركەكلەر خوتۇنلارغاخوتۇن بولما ئەركەكلەر

gorki

	بىر ئانا 10 بالىنى باقالايدۇ.10بالا بىر ئاننى............... ئاجىرشىمەن دەپ باھانە تىپىپ ئاتا ئانىسنىڭ ھۆرمىتىنى قىلماي  قورقاق سالدىغان خوتونلارنى چىچىدىن ئىسىپ، بىر كىچە ساۋاپ ئەتىسى خىتىنى بىرىپ مۇرادىغا يەتكۈزۈش كىرەك

saliha24

	بەك بەك تەسىرلىك چىققىپتۇ ، مەزمۇنى  تۈرۈكنىڭ« پەرىشتە »ناملىق فىلىمىگە ئوخشاپ كىتىدىكەن .

uzum-tal

	turmux.net يوللىغان ۋاقتى  2015-2-14 01:08 PM تەسىرلىك ئىكەن... ئەمما، يازمىدىكى بۇ مەزمۇن، بولۇپمۇ ي ... ساناتۇريەدە ئاش-نام بار. بۇ تاماقتا ئۆي تامىقىنىڭ تەمى يوق . ساناتۇريەدە مۇلازىمەتچى بار  ،بىراق ئائىلىدىكى مىھرى-مۇھاببەت يوق . شۇڭا كۆپ سانلىق ئاتا-ئانىلار باللىرى يىنىدا بىر ئاز سىلكىشلەنسىمۇ . بىر ئاز رەنجىشلارگە ئۇچۇراپ تۇرسىمۇ   يەنىلام باللىرىنىڭ يىنىدا تۇرۇشقا ئامراق . مىھرى-مۇھاببەتنىڭ نىمىلىگىنى پۇل تىپىپ تازا پۇخادىن چىققۇچە خالىغاننى يەپ ئىچىپ . خالىغاننى كىيىپ بولغاندىن كىيىن بىلدىكەنمىز .   ساناتۇرىيە مەسىلىگە بولغان كۆز-قاراشلىرىمىز غەرىپلىكلەر بىلەن بىر لىنيەدە ياتمايدۇ . غەرىپلىكلەر ئەڭ ئالدى بىلەن ماددىي مەنپەتنى كۆزدە تۇتىدۇ . بىزلەر تولاراق ماددىي مەنپەتكە مىھرى-مۇھاببەت .كۆڭۈل خۇشنى  تىتىقۇ سۈپۈتىدە ماددىي مەدىنىيەت بىلەن تەڭ  ئىشلىتىمىز .   ئۇيغۇرلارنىڭ كۆپ ئىشلىرىغا دىققەت قىلسىڭىز . ھەر قانچە ياخشى خىزمەت شارائىيتتى . ھەر قانچە تەمىناتى ياخشى بولۇشتىن قەتئىي نەزەر. شۇ جايدا بىر خىل كۆڭۈل خۇشى ،ئۆزى بىلەن سىردىشىپ تۇردىغان مۇقىم قەلىبدىشى بولمسا شۈنچە ياخشى بولغان خىزمەتنى تاشلاپ شارائىيتى ئانچە كۆڭۈلدىكدەك ئەمەس بىراق خالىغان ئادەم بىلەن خالىغان چاغدا پاراڭلىشىپ سىردىشالايدىغانغا ئادەملەر كۆپ تىپىلىدىغان ئورنغا يۆتكىلىپ ئىشلەشنى خالايدۇ .  بەزى يۆتكۈلۈشتە  يۆلەنچۈكى يوق . يولى يوق...كىشىلەر ئامالسىز ئىشلەپ كىتىدۇ .         ئاتا-ئانىمزدىن دادا-ئانا سەنمۇ ھىس قىلغانسەن . بىز سىللەرنىڭ ھالىڭلاردىن ياخشى خەۋەر ئىلىپ بولالمىدۇق . ئايالىم بىلەن مەسلەھەتلىشىپ ئىككىڭلارنى ساناتۇرىيەگە ئورۇنلاشتۇرۇپ قويايلى دىگەن . ئىككىڭلارچە مۇشۇنداق قىلساق بولارمۇ ؟ دەپ  سوراپ باقايلى . ناۋادا ئاتا-ئانىلللرىمىز ۋاي ئەقىللىق جىنىم بالام . نەچچە ۋاقىتتىن بىرى سىلەرنى قاچان مۇشۇنداق دەركىن دەپ ئىڭىكىمىز چۈشۈپلاۋاتقان ئىدى. بىز بۇ خىيالنى ئويلاشقىلى ئۇزۇن بولغان . بىراق سىلەرنىڭ ۋاي دادا ۋاي ئانا نىمە سىلەر بۇ ياشلىقىم بولغاندا سەتلىشىپ بىزدىن ئايرىلىپ ياشاشنى ئويلىشىپ قالغانسىلەر ؟ سىلەر دىگەن بىزگە تەۋەرۇك ۋە مىھمان سىللەرنى ئۆز قولۇڭلار بىلەن بىقىۋالمساق بولمايدۇ دەپ بىزلەرنى تەڭلىكتە قويۇپ تۇرۋالارمۇ دەپ سىللەرگە ئۇندىمىگەن ئىدۇق. ياخشى ئويلاپسىلەر باللىرىم . قىران يىگىت. جەبزىدار ئاياللىق لاتاپەتكە توشقۇچە سىللەرنى قاچان مۈشۈنچىلىك ئەقىلگە كىلەر دەپ داداڭلار بىلەن مىنىڭ كۆزىمىز تۆت بولۇپ كەتكەن . پوق يىگەن توخۇچىلىك ئەقىل بولسىمۇ كىرىپتۇ سىلەرگە بالام . ئەتىلا ئاپىرىپ قويۇڭلار دىسە . مەيلى 30 يۈۋەنلىك نىلۇڭ يوتقان بىلەن بىر دانە كۆرپنى شوينا بىلەن تىڭىپ ئاتا-ئانىمىزغا كۆتەرتىپ ساناتۇريەگە ئورۇنلاشتۇرۇپ قويايلى . ناۋادا ساناتۇرىيەنىڭ مەزلىك تامىقى . قولتۇق ھاسىسى . مىيىپلار ھارۋىسى . چىرايىدىن سۈنئىي كۈلكە ئىغىزىدىن جاننى ئىلىپ جاڭگالدا قويۇدىغان تەنە گەپ چۈشمەيدىغان مۇلازىمەتچى ...لەردەك مول كۈتۈۋىلىشلەرنىڭ قەدىرنى بىلمىسە شورلىقى ئۆزىدىن . بىز ئۇلاردەك نوچىسىنى ئىتىپ بىرەلمەيمىز. بىزمۇ نىمە يىسەك شۇنى . نىمە كەيسەك شۇنى قىلىپ بىرىپ ئاتا-ئانا بولغانغا تويغۇزۇپ باقىمىز . قىنى نەچچە بالىنى بىقىپ قاتارغا قوشۇپ چاچ-ساقاللىرىغا ئاق كىرگەن پەرىشتە سۈپەت ئاتا-ئانىلار سىلەرنىڭ ساناتۇرىيەدە ھەر كۈنى تېلۋۇزۇر كۆرۈپ . ئاپتاپقا قاقلىنىپ .....ياشىغۇڭلار بارمۇ ياكى شۇ باللىرىڭلارنىڭ ئاۋازى ئىچىدە بالىرىڭلار نىمە يىسە سىلەرمۇ شۇنى يەپ ئەل قاتارى ياشىغۇڭلار بارمۇ ؟ چاپسان بىر نىمە دەڭلار . بىز سىللەرنى ساناتۇرىيەگە ئاپىرىشقا دىيشىپ قويغان تاكسى ئىچىدە سىلەرنى ساقلاپ قالدۇق . ناۋادا ساناتۇرىيگە بارغۇڭلار بولسا كەچكۈچە مىسلداپ شوپۇرنى ساقلىتىپ تۇرماي  گاچ-گاچ يوتقان-كۆرپەڭلارنى كۆتۈرۈپ ماشىنىغا چىقىڭلار. سىلەر تىرناق تاتلاپ مىسىلداپ يۈرگەن بىلەن شوپۇر ئۇستام بىسىپ قويغان ھەق ھىساپلىغۇچ ئېكرانىدا پۇل مۇسبەت كۆرسەتكۈچ ھالىتىدە توختىماي ھەركەتلىنىۋاتىدۇ .