تۇز: زور بايقاش !

.tuz.

	ئەسسىلامۇ ئەلەيكۇم                ئافرىقىلىقلارمۇ ئاياغ كىيىدۇ ئامېرىكىدىكى بىر ئاياغ زاۋۇتى بازار كېڭەيتىش ئۈچۈن ، بازار ئېچىشقا مەسئۇل بىر دېرېكتورنى ئافرىقىدىكى بىر يالغۇز ئارالغا بازارنى تەكشۈرۈپ تەتقىق قىلىشقا ئەۋىتىدۇ . ھېلىقى دىرېكتور يېتىپ بېرىپلا ، يەرلىك كىشىلەرنىڭ ئاياغ كىيىشىگە ئادەتلەنمىگەنلىكىنى بايقاپتۇ- دە ، مېھمانخانىغا قايتىپ ، دەرھال خوجايىنىغا تېلېگىرامما يوللاپتۇ : « بۇ يەردىكى كىشىلەر ئەزەلدىن ئاياغ كىيمەيدىكەن ، بازار ئېچىشقا قەتتى بولمايدىكەن .» خوجايىن تېلېگىراممىنى تاپشۇرۋالغاندىن كېيىن ئۇزۇن ئويلۇنۇپ ، بازار ئېچىشقا يېڭىدىن قوبۇل قىلغان بىر ئالى مەكتـەپنى پۈتتۈرگەن بازار ئېچىشقا مەسئۇل يېڭى دىرېكتورنى شۇ يەرگە بىرىپ تەكشۈرۈپ تەتقىق قىلىشقا ئەۋەتىپتۇ . بۇ دىرېكتور شۇ يەردىكى كىشىلەرنىڭ ھەممىسىنىڭ يالاڭ ئاياغ يۈرگەنلىكىنى كۆرۈپ قاتتىق خوش بوپ كېتىپتۇ - دە دەرھال مېھمانخانىغا قايتىپ ، خوجايىنىغا تېلېگىرامما يوللاپتۇ : « بۇ يەردىكى كىشىلەرنىڭ كېيىدىغان ئايىغى يوق ئىكەن ، غايەت  زور يوشۇرۇن بازار ئىكەن ، دەرھال بىر مىليۈن جۈپ ئاياغ ئىشلەپ تىزدىن ئەۋەتىڭلار » بۇ تېمىدىكى ھېكمەت : ئوخشاش بىر ئەھۋالغا قارىتا ، ئوخشىمىغان كۆز قارش ۋە يەكۈن بولىدۇ . ئەمەلىيەتتە ، بىز دائىم ئىشنىڭ يامان تەرپىنىلا ئويلىساق ، نۇرغۇن « مۇۋەپپەقىيەت قازىنىش پۇرسىتى» نى قولدىن بېرىپ قويىمىز . ئەكسىچە ، بىز دائىم ياخشى تەرپىنى ، ئىجابىي تەرپىنى ئويلىساق ، ئويلاپ باقمىغان نۇرغۇن پۇرسەتلەرنى تېپىپ چىقالايمىز ، خەتەر ئىچىگىمۇ پۇرسەت يوشۇرۇنغان بولىدۇ .            ياشاشتىكى شەرتىڭىز بەك يۇقۇرى بوپ كەتمەي تۆۋەنرەك بولسۇن قەدىمقى ئىراننىڭ داڭلىق شائىرى سادى ئۆزىنىڭ تەقدىرىدىن قىلچىمۇ ئاغرىنمايدىغانلىقى توغرىسىدا توختىلىپ ئۆزى يولۇققان مۇنداق بىر ئىشنى ئېيىتقان : سادىنىڭ ئاياغ ئالىدىغان پۇلى بولمىغاچقا بازارغا يالاڭ ئاياغ بىرىشقا مەجبۇر بولغان . ئۇ بازارنىڭ ئالدىغا كەلگەندە ، ئۆزىنىڭ ھەقىقەتەن بىر بەختسىز نامرات ، يوقسۇل ئىكەنلىكىدىن ئۆكۈنگەن . دەل شۇ ۋاقىتتا بىر چەتتە پۇتى يوق بىر ئادەمنى كۆرۈپ قىلىپ ، ئۆزىنىڭ بۇ دۇنيادا ئەڭ بەختسىز ئادەم ئەمەسلىكىنى ھېس قىلغان ھەمدە ئايىغى يوقلىقدىنمۇ ئاغرىنىپ ھەسرەتلىنىپ كەتمىگەن ، ۋە مۇنداق دەپ يازغان : « قورسىقى توق ئادەملەرنىڭ نەزىرىدە ، غاز كاۋىپىمۇ ئوت- چۆپتەك تېتيدۇ ؛ ئاچ قورساق ئادەملەرنىڭ نەزىرىدە ، بەسەيمۇ ئېسىل يىمەكلىك ...... ئادەم سۇسىز قۇملۇقتا قالغان چاغدا ئارزۇ قىلدىغىنى ھەرگىزمۇ پۇل ۋە بايلىق  بولماستىن ، بەلكى ھاياتىنى ساقلاپ قالدىغان ئۇسسۇزلىقىنى قاندۇردىغان بىر ئوتلاپ سوغۇق سۇدۇر . نەچچە كۈن ئاچ قالغان چىغىدا ئويلايدىغىنى بىر ۋاق تاماقتۇر » بۇ تېمىدىكى ھېكمەت : تۇرمۇشىڭىزدىن قانائەت ھاسىل قىلالمىغان چاغدا ، ئۆزىڭىزدىنمۇ جاپالىق شارائىتتا ياشاۋاتقان ئادەملەرنى كۆز ئالدىڭىزغا كەلتۈرسىڭىز ، ئۆزىڭىزنىڭ يەنىلا بەختلىك ياشاۋاتقانلىقىنى ھېس قىلالايسىز . بىر ئادەم پەقەت پۈتۈن كۈچى بىلەن تىرشىپ ئىشلىسىلا ، ھاياتتا كۈتكەن ئارزۇ 0 ئارمانلىرى ھاسىل بولىدۇ . ئادەمنىڭ نەپسى مەڭگۈ قانائەت تاپمايدۇ . بىراق ياشاشتىكى شەرتىڭىزنى ئەڭ ئۈستۈنگە قويۋالماي شەرتىڭىز نورمالراق بولسىلا ، تۇرمۇشتىن ھوزۈر ئالالايسىز . تىرىشچانلىقنى قولدىن بەرمەي تېخىمۇ تىرشىڭ . مەنبە : ساغلام تەپەككۇر شىپاسى مۇنبەرگە يوللىغۇچى : تۇز 2015- يىلى 2- ئاينىڭ 11- كۈنى ئەزىزانە شەھرى قەشقەر

saliha24

	بەكمۇ ئەھمىيەتلىك بىرتىما بۇپتۇ ، جاپا چەكتىڭىز.

روھسان

	مەن مۇشۇ كىتاپتىن بىرنى سېتىۋالاي دىگەن كىتاپخانىلاردا بارمىدۇ تۇز ئەپەندىم؟

izqel

	بۇ ماقالىنىڭ ياخشى تەرىپى بولسا شۈكىرى قانائەتلىككە ... ئەكىسچە تەرىپى بولسا ھازىرقى كىشىلىك تۇرمۇش بۇ مەنتىقىغە چۈشمەسلىكى...

turmux.net

	ياخشى تېمىلارنى يوللاۋاتىسىز، رەھمەت !

mehriya

	ئەھمىيەتلىك تېمىلار ئۈزۈلۈپ قالمىغاي

ئۇزدىل

	مەن بۇ مۇنبەردە مۇسۇلمانلىق دەۋاسىنى قىلىدىغان ئەمما ئىچى قوتۇر باشقۇرغۇچىلارنىڭمۇ بارئىكەنلىكىنى تونۇپ يەتتىم توۋا.....................................

.tuz.

	ئۇزدىل يوللىغان ۋاقتى  2015-2-11 03:21 PM مەن بۇ مۇنبەردە مۇسۇلمانلىق دەۋاسىنى قىلىدىغان ئەمما  ... ئەسسىلامۇ ئەلەيكۇم تەپسىلىرەك دىسىڭىز ئۆزدىل ئەپەندى ، يېتەرسىزلىك بولسا تۈزتىۋالساق ، قايسى باشقۇرغۇچى مۇسۇلمانلىق داۋاسى قىلىپ ئىچى قوتۇرلۇق قىپتۇدەك ؟

تەقۋا0997

	مۇشۇنداق ياخشى تىمىلانى يولىغىنىڭىزغا رەھمەت!!!!!!!!!!!

adip0903

	بەزى نامۇۋاپىق ‹مۇنازىرە›چىلەر گە بەك باپ ئىكەن.