ئانا تىل سۆيگۈسى......

شورلۇق2

	ئانا تىل سۆيگۈسى ( يۇلغۇن ) قايماق دەيمەن ئانا تىلىمنى، ئالماس دەيمەن ئانا تىلىمنى. ئامان بولسۇن سۆزلەيمەن ھارماي، بايراق دەيمەن ئانا تىلىمنى . زۇلپىقاردۇر بىسى قايرىلماس، بايراق -تۇغدۇر مەڭگۈ يىقىلماس. تاجۇ-تەختىم ، بايلىقىم ،بەختىم، ئۇلۇغلىقى ئۆزىگىلا خاس. سۆزلەپ بىرەر توتېم-رېۋايەت، ئۈگىتىدۇ ئۇدۇم ھېكايەت. ئەجداتلاردىن ئەۋلادلارغىچە، غايە، ئىشەنچ ، نىشان ، ئاناۋەت... مۇقاملارغا قان بېرىپ كەلدى، مەشرەپلەرگە جان بېرىپ كەلدى. يۈكسەك غايە ئارمانلار بىلەن ، ئۆچمەس ، يارقىن ئىز سېلىپ كەلدى. غورۇرۇم ھەم دۆۋلىتىم دەيمەن، سۈلكىتىم ھەم سۆھلىتىم دەيمەن. جۇشقۇن مەزمۇت قىلغان قەددىمنى، ئىززىتىم ھەم قىممىتىم دەيمەن. *** ھاڭ-تاڭ قويغان كۈللى جاھاننى، قايماق تىلىم ، ئالماستەك تىلىم . يۈكسەك غايە ، ئوتلۇق ئارماندۇر، بايراق تىلىم، گېگانىت تىلىم.

turmux.net

	ياخشى يېزىپسىز...

izqel

	دۇنيادىكى ئىككىنجى چوڭ ئىقتىسادى گەۋدە بولغان دۇنياۋى چوڭ دۆلەتنىڭ ئىككىنجى تېلى...ئىچكىردە بەزى مەركىزى شەھەرلەردە ئۇيغۇر تېلى بانكا سېستىمىسىدا بار ئىكەن.يەنى تېل تاللاش رامكىسىدا ئۇيغۇرچە مۇلازىمەت شەكلىمۇ پەيدا بوپتۇ.بۇمۇ بىر خۇشاللىق ئىش. ئەمدىكى گەپ ئۆزىمىزدە،يەنى ئىملا ۋە مەنىسىگە دىققەت قىلىش كىرەك. ئاتا ئانىلارمۇ ھازىرقى تەرەققىياتنى كۆزدە تۇتۇپ قوش تېللىق شارائىتىدا تەربىيلەشكە بىرىۋاتىدۇ باللىرىنى،بۇمۇ زامانغا ماسلىشىش.بىراق باللاردىكى مەنانى بىلگىلى بولمايدىغان قىزىقارلىق دىئالوگلار مەيدانغا چىقىپ تۇرىدىكەن.بىر چاغدا خۇشنىمىزنىڭ بالىسى ئۆيگە كېرىپ ئاپىسىغا:ئاپا،سېرىتتا بىر قوي ئۆرۈلۈپ كەتتى دەيدۇ.بىر ھازا تۇرىۋىتىپ ئاندىن قاتتىق كۈلۈشۈپ كەتتۇق.ئەسلى بىر قوي ئوتنى يەپ بلۇپ يىتىۋاپتىكەن. يەنە بىرى،ئۆزىمزنى ئۇيغۇر دىگەن بىلەن ئۇيغۇرنىڭ قەدىمكى ۋە ھازىرغىچە بولغان تارخىىنى بىلىدغانلار كۆپ ئەمەس.بىزنىڭ تېلىمىز قايسى تېل سېستىمىسىغا كېرىدۇ دىسە ئوننىڭ بەشى بىلىدۇ يا ئۇلاردىن ئاز. بىر چاغدا بىر ئۇيغۇرچىنى ئۆزلىكىدىن ئۆگەنگەن كادىر خەنزۇ:ھازىرقى ئۇيغۇرلاردىن ئۇيغۇر تېلىدا ئېمتاھان ئالسا 90%تولۇق نۇمۇر ئالالمايدۇ دىگەنلىكى ئىسىمدە.يەنى ئىملانى كۆزدە تۇتۇپ شۇنداق دىگەن ئىدى.قوش تېللىق بولۇش شەرەپ،كۆپ تېللىق بولۇش تېخىمۇ شەرەپ،بىراق ئۆزىنىڭ ئانا تېلىغا ھۆرمەتسىزلىك قېلىش يامان ئىش.باشقا ئېنگىلىزچە يىزىقنى،خەنزۇ يىزىقىنى بىيخۇا بۇشۇ لاردىن تارتىپ توغرا ۋە ئۆلچەملىك يېزىشىمىز.بېراق ئۆزىمىزنىڭ يېزىقىدىكى پەش چېكىتلەر دائىم ئالمىشىپ تۇرىدۇ.ئەگەر بۇنداق قېلىشنى ئادەت قىلغانلار ئويلىنىپ بىقىڭلار،خەنزۇ يىزىقىدا بىر خەت يېزىپ بىر چېكىت ياكى بىر تۈز سېزىقنى كام قىلىپ بىقىڭلار....باشلىقىڭلاردىن تەنبىھ ئاڭلىشىڭلار ئىنىق.

hadrat

	ياخشى يىزىپسىز،ھەممىمىز ئالدى بىلەن ئانا تىلنى ياخشى ئۆگىنەيلى.

زىبا.

	شېئىرنىڭ   ھەر   بىر   مىسراسىدىن  ئانا  تىل  سۆيگۈسى    بالقىپ  تۇردىكەن  .

15001506547

	قەشقەرلىك بوۋامنى ئەسلىتىپ قويدىڭىز

flood

	izqel يوللىغان ۋاقتى  2015-2-11 07:20 PM دۇنيادىكى ئىككىنجى چوڭ ئىقتىسادى گەۋدە بولغان دۇنياۋى ... توغرا دەيسىز…

flood

	چوقۇم تېرىشىمىز

tumaris01

	ئانا  تىلىم ، گۈل تىلىم ، ئانا  تىلدا  سۆزلىسەم  يايرايدۇ  دىلىم  …

tawpik02tatt

	ئۆلدى دەپ بىلىڭلار ئىلىمدىن كەچسەم،                                جاھالەت باسىدۇ بىلىمدىن كەچسەم.ئۇيغۇر تىزىمىدىن ئۆچۈرۈڭلار مېنى جان ئانام ئۆگەتكەن تىلىمدىن كەچسەم.مەنبە submarne دېگەن تورداشنىڭ ئىنكاسىدىن.