 |
 |
 |
 |
دەۋىرىمىزدىكى تور تەرەققىياتى كىشىلەر بىلەن كىشىلەر، رايونلار بىلەن رايونلار ۋە دۆلەتلەر بىلەن دۆلەتلەر ئارىسىنى يېقىنلاشتۇردى، بەلكىم مانا بۇ دەۋىر ژۇرنىلىنىڭ ئابلاجاننى زىيارەت قىلىشىدىكى ئاچقۇچ بولىشى مۇمكىن.
ئېنتىرنېتنىڭ ياردىمىدە دەۋىر ژۇرنىلىنىڭ مۇناسىۋەتلىك خادىملىرى خېلى بۇرۇنلا ئابلاجاننىڭ رايونىمىزدىكى ئۇتۇقلىرىدىن خەۋەر تاپقان بولۇپ ئۇلار باشقا بىر نەچچە مۇخبىرنىڭ ئابلاجان توغرۇلۇق يېزىلغان ئېنگىلىزچە ماقالىسىغا دىققەت قىلغان، ھەمدە توردىن ئابلاجاننىڭ رەسىم، خەتلىك ماتېرىيال، سۈرەتلىك ناخشا قاتارلىقلارنىڭ ياردىمىدە ئابلاجاننى يۈزەكى چۈشەنگەن. ئۇلارنى قىزىقتۇرغىنى ئوتتۇرا ئاسىيانىڭ يىراق بىر يېزا قىشلىقىدا ئۆسۈپ يېتىلگەن بىر يىگىتنىڭ بۈگۈنكى كۈندە قىزغىن ئالقىشقا ئېرىشكەن بىر ناخشا چولپىنىغا ئايلىنىپ مودا ئېقىمدا ناخشا ئورۇنلاپ خەلقئارا ئۇسلۇبقا يېقىنلاشقىنى بولغان.
ئۇلار شۇ قاراشتا بولۇۋاتقىنىدا ئاخبارات ۋاستىلىرى ئارقىلىق 2014-يىلى 1-ئايدا ئابلاجاننىڭ گۇاڭجۇ شەھىرىدە خەنزۇتىلى ئالتۇن ناخشا مۇكاپاتى تارقىتىش مۇراسىمى، تۇنجى خەنزۇتىلىدىكى پىلاستىنكىسىنى تارقىتىش مۇراسىمى ۋە ئابلاجان قوللىغۇچىلىرى گۇاڭجۇ يىغىلىشى قاتارلىق بىر تۈركۈم پائالىيەتلەرگە قاتناشماقچى بولغىنىدىن خەۋەر تېپىپ ئېتىبار بەرگەن، شۇنداقلا شۇ ۋاقتىدىكى ئابلاجاننىڭ ۋاكالەتچىسى، دېۋىيلۇڭ مەدەنىيەت تارقىتىش شىركىتىنىڭ سابىق دېرىكتورى رۇيۋېنبىن 芮文斌ئەپەندى بىلەن ئالاقىلىشىپ ئابلاجاننى زىيارەت قىلىش ئىستىكىنى بىلدۈرگەن. رۇي ئەپەندىم مۇخبىرلار ئۈچۈن قولايلىق يارىتىپ مۇناسىۋەتلىك ھۆكۈمەت تارماقلىرىغا دوكلات قىلىپ قولايلىق ياراتقان، مۇناسىۋەتلىك مۇخبىرلارمۇ ئۆزلىرىنىڭ تەييارلىقىنى پۈتتۈرگەن.
2014-يىلى 5-ئاينىڭ 15-كۈنى ئامېرىكا دەۋىر ژۇرنىلىنىڭ مۇخبىرى كانادالىق مۇخبىر ئەمىلىي رائۇھالا Emily Rauhalaۋە ئۇنىڭ ياردەمچىسى جۇڭگولۇق گۇيوڭچىياڭ 谷勇强ئۈرۈمچى شەھىرىگە يېتىپ كېلىپ ئابلاجانغا بولغان زىيارىتىنى باشلىغان، ئۇلار ئابلاجان بىلەن نەچچە قېتىم سۆھبەت ئۆتكۈزۈپ ئۇنىڭ بالىلىق ۋە سەزگۈرەشتىللىرىنى ئاڭلىغان، ئۇنىڭ دۇنيا ۋە تۇرمۇش قاراشلىرى توغرۇلۇق سۆھبەت ئېلىپ بارغان، ئابلاجاننىڭ نام چىقىرىش تارىخىنى ئىگىلىگەن. ئابلاجاننىڭ ئىشخانىسىنى زىيارەت قىلغان، مەشىقلىرىگە شاھىت بولغان، شۇنداقلا 5-ئانىڭ 16-كۈنى ئابلاجان قاتارلىقلار ئۈرۈمچى كەسپىي تېخنىكا مەكتىپىدە ئۆتكۈزگەن ناخشا كېچىلىكىنى نەق مەيداندا كۆرگەن. 5-ئاينىڭ 17-كۈنى سەھەردە خوتەن ۋىلايىتىگە يېتىپ بېرىپ ئابلاجاننىڭ يۇرتى سانجۇ يېزىسىغا بىرىپ ئابلاجاننىڭ ئاتا-ئانا قېرىنداشلىرى بىلەن كۆرۈشكەن ھەمدە زىيارەت قىلغان.
5-ئاينىڭ 18-كۈنى ئۇلار بىيجىڭغا قايتىپ كەتكەن ۋە ماقالىنى يېزىشقا كىرىشكەن، شۇ تەرىقىدە مۇخبىرلار بىلەن ئابلاجان ئالاقىنى ساقلاپ يەنە بىر نەچچە قېتىم مۇخبىرلارنىڭ سوئالىغا جاۋاب بەرگەن. ژۇرنال 7-ئاينىڭ 29-كۈنى ئەنگىلىيىلىك مۇخبىر ئادام دىننىAdam Dean ئۈرۈمچىگە ئەۋەتىپ ئابلاجاننىڭ 30-كۈنى ئۆتكۈزىلىدىغان تور ناخشا كېچىلىكى ئۈچۈن فوتو خاتىرلىمەكچى بولغان، لېكىن مەلۇم سەۋەبلەر تۈپەيلىدىن ناخشا كېچىلىكى ئەمەلدىن قالدۇرۇلغانلىقتىن فوتوگراف قايتىپ كەتكەن. ئابلاجان تور ناخشا كېچىلىكى 8-ئاينىڭ 16-كۈنى ئۆتكۈزۈلگەن مۇخبىرلار تېلېفون ئالاقىسى ئارقىلىق ئەھۋالنى ئىگەللىگەن.
زىيارەت ئاخىرلاشقاندىن كىيىن ئابلاجان توغرىسىدىكى: «شىنجاڭنىڭ ئاۋازى، ئابلاجان ئاۋۇت ئايۇپ مودا ناخشا چولپىنى بولۇش سۈپىتى بىلەن ئۇ يۇرتىنىڭلا ئەمەس بەلكى پۈتۈن جۇڭگونىڭ ئۈلگىسى» ناملىق ماقالە ئامېرىكا دەۋىر ھەپتىلىك ژۇرنىلىنڭ 2014-يىلى 10-ئاينىڭ 6-كۈنلۈك سانىنىڭ 26،27،28،29-بەتلىرىگە بېسىلغان. ماقالىدە ئاساسلىق ئابلاجاننىڭ تۇغۇلغان يۇرتى سانجۇ يېزىسىنىڭ ئەھۋالى، ئابلاجاننىڭ قىسقىچە تارىخى ۋە ھازىرقى خىزمەت ئەھۋالى قاتارلىقلار تونۇشتۇرۇلغان.
ماقالە ئاپتورى : ئەمىلىي رائۇھالا Emily Rauhala
فوتوگراف: ئادام دىن Adam Dean
مەنبە؛نۇر تورى
بۇ يازمىنى ئاخىرىدا دىل گۈزەل تەھرىرلىگەن. ۋاقتى 2015-2-5 08:37 PM
|
 |
 |
 |
 |
|
يوللىغان ۋاقتى 2015-2-5 08:05:29 PM
.gif)
.gif)
