ھەققانىي: پارچىلار

akkani

	پارچىلار ، ئاپتۇرى :ئابدۇۋەلى راخمان ھەققانى. نامراتلىق پۇرىقى كەتمەس بوشاڭدىن، شاللايدۇ ھۇرۇننى بۇ جاھان شۇنداق. بىر چىنە ئاش يىسەڭ بىر چىنە تەر تۆك، ئامەتمۇ ئەزەلدىن ئىشچانغا ئامراق. *** ھاياتقا ئېكەكتۇر ئازاپ ۋە قايغۇ، ئۈمۈتۋار ياشاشتۇر شىپالىق دورا، كالىندار ئىشلەتمەس پېشكەللىك دېگەن، گاھ شاتلىق،گاھى غەم ئىنسانغا ھەمرا. *** يېشى چوڭ بولسىلا ئەمەس دانىشمەن، ماختانما ئەي ئادەم ئاپپاق ساقالدىن. نىمانچە مەغرۇر سەن ،خەۋىرىڭ يوقمۇ ؟ سەللە يۈك، ساقال تۈك ، دىگەن ماقالدىن. *** سەمىمى تۈلكە يوق،قان ئىچمەس پاشا، شوڭا بۇ ئالەمدە سەزگۈر بوب ياشا. ساختادوست،ساختا سۆز،ساختا قىياپەت، ھەممىمىز دۇچ كەلگەن بۈگۈنكى ۋابا. *** ئەمىليەت بىلىمنىڭ ئانىسى، كانى، بىلىم ئۇ تۇرمۇشنىڭ چىرىغى -جانى. ئارزۇيۇم :ھەر كىملەر بىلىم ئېگەللەپ، ئازلىسا بولاتتى ناداننىڭ سانى. *** تاغ پىسەنت قىلمايدۇ بوران گۈكرىسە، چىغ تۇرار پەرۋاسىز توشقان ھۈركىسە. تۈگەمدۇ بىرادەر نىجاسەت ھىدى، ئېشەك بار ئېغىلغا ئەتىر پۈركىسە. *** ئالۋاستى ئەسلىدە قورققىدەك ئەمەس ، قورققۇلۇق تەخسىكەش خوشامەتچىدىن. ئېغىزى قىزىلچا ،كۆڭلى قىزىلمۇچ، گەپ-سۈزى چىرايلىق پەيلى ئەسكىدىن. *** تۈلكە ئۇ بولسىمۇ ھەر قانچە مەككار، تېرىسى دۇكاندا ئېسىقلىق تۇرار. ئۆزىنى بەك زىرەك چاغلىغان قۇۋنى، خالايىق ئاشۇنداق سازايى قىلار. **** مەنبىئە :ئۆزۈم .

turmux.net

	ئەجەپ پەيزى چىقىپتۇ ماۋۇ شېئىر... بولۇپمۇ مەزمۇنى ئاخىرقى كوبلىتتا ناھايتى ياخشى خۇلاسىلىنىپتۇ.  رەھمەت، قەلىمىڭىز بەرىكەت تاپسۇن !

fatih0304

	شېئىر تولىمۇ ياخشى يېزىلىپتۇ،بۇلۇپمۇ ئەڭ ئاخىرقى كۇپلىتنى بەكرەك ياقتۇردۇم،بۇندىن كېيىن تېخىمۇ ياخشى يازمىلارنى مەيدانغا كەلتۈرۈشىڭىزنى ئۈمۈد قىلمەن

nazigul8

	تىلى ئۆتكۈر چىقىپتۇ.

خەنجىرى

	مەزمۇنى مولكەن

زەردار007

	بەك ياخشى چىقىپتۇ،رەھمەت سىزگە...

feruq

	تورداشلاردىن سوراپ باقسام، ئورخان پامۇكنىڭ (باشقىچە رەڭلەر— خەنزۇچە ئىسمى 别样的色彩) ناملىق كىتابىنىڭ ئۇيغۇرچە نەشىرى نەشىردىن چىققانمىدۇ؟كىتابخانىلاردىن تاپقىلى بولارمۇ؟ بىلىدىغانلار جاۋاب بېرىۋەتكەن بولساڭلار.

hadrat

	ھەققانى ئاكىمىزنىڭ تىنىگە سالامەتلىك قەلىمىگە بەرىكەت ئىشلىرىغا ئاسايىشلىق تىلەيمەن.

magrurjan

	ھەقىقەتەن ئىسىل چىقىپتۇ  بەكمۇ ياقتۇردم ئىلھاملىرىڭىز ئۈزۈلۈپ قالمىغاي!