تەڭرىتاغ كوماندىسى فوشەن كوماندىسىنى ئۇتتى يەنىلا 8گە كىرەلمىدى

waskitbol0903

	ئۇيغۇر ۋاسكېتبول تورى خەۋىرى؛  ئۈرۇمچى ۋاقتى 2015-يىلى2-ئاينىڭ 1-كۈنى كەچ سائەت 30؛5دە ،  2014-2015- پەسىللىك جۇڭگو ۋاسكېتبول بىرلەشمىسى دائىملىق مۇسابىقىسىنىڭ ئەڭ ئاخىرىقى ئوتتۇز سەككىزىنچى ئايلانما مۇسابىقىسى ئىلىپ بېرىلىپ، شىنجاڭ تەڭرىتاغ يىزا سودا بانكىسى ئەرلەر ۋاسكىتبول  كوماندىسى  مىھمان مەيدانىدا،  فوشەن ئەرلەر ۋاسكىتبول كوماندىىسى بىلەن مۇسابىقىلەشتى.    تەڭرىتاغ كوماندىسى  چەتئەللىك ئەزا  ئاندىرى بىراچنىڭ  35 نومۇر، 13 قېتىم گاردىن قايتقان توپ ئېلىشى ۋە  بەش ئەزانىڭ قوش خانىلىق نومۇر ئېلىشى بىلەن ئاخىرى 129-103 نەتىجە بىلەن رەقىبى فوشەن كوماندىسىنى مەغلۇپ قىلدى. ئەمما دۇڭگۇەن كوماندىسى ساھىپخان مەيداندا بىيجىڭ كوماندىسىنى مەغلۇپ قىلدى. شۇڭا تەڭرىتاغ كوماندىسى نەتىجە رەت تەرتىۋىدە داۋاملىق توققىزىنچى ئوروندا تۇرغاچقا يەنىلا پەسىلدىن كىيىنكى مۇسابىقىدىن مەھرۇم قالدى. بۇ شىنجاڭ كوماندىسىنىڭ يىقىنقى يەتتە پەسىللىك بىرلەشمە مۇسابىقىدىن بۇيان بىرىنچى قىتىم پەسىلدىن كىيىنكى مۇسابىقىدىن مەھرۇم قىلىشى ھىساپلىنىدۇ.  پەسىلدىن كىيىكى مۇسابىقە 2-ئاينىڭ 6-كۇنى باشلىنىدۇ.  پەسىلدىن كىيىكى مۇسابىقگە گۇاڭدۇڭ، لىياۋنىڭ، چىڭداۋ، بىيجىڭ، گۇاڭشىيا، جىلىن، شەنشى، دۇڭگۇەن كوماندىلىرى قاتارلىق  سەككىز كۈچلۈك كوماندا قاتنىشىدۇ. بۇ مەيدان مۇسابىقىدە، شىنجاڭ كوماندىسىدىن  بەش ئەزا قوش خانىلىق نومۇر ئالدى، كوماندا ئەزاسى  ئاندىرى بىراچ 35 نومۇر، 13 قېتىم گاردىن قايتقان توپ ئالدى، 2 قېتىم ياردەمچى پاس بەردى ھەمدە  2 قىتىم توپ تارتىۋالدى؛ قىرانبېك ماقان 26 نومۇر، 3 قېتىم گاردىن قايتقان توپ ئالدى ؛   لىيۇۋىي 24 نومۇر ئالدى، 9 قېتىم گاردىن قايتقان توپ ئالدى، 4 قېتىم ياردەمچى پاس بەردى؛  تاڭ جىڭدۇڭ 21 نومۇر، 9 قېتىم گاردىن قايتقان توپ ئالدى؛ جۇچى 12 نومۇر، 3 قېتىم گاردىن قايتقان توپ ئالدى ھەمدە 5 قېتىم قالپاق كىيدۇردى؛شىرئەلىجان 6 نومۇر، 2 قېتىم گاردىن قايتقان توپ ئالدى، 1 قېتىم ياردەمچى پاس بەردى.   بىز كىلەر پەسىللىك مۇسابىقىدە شىنجاڭ گۇاڭخۇي ۋاسكىتبول كوماندىسى ئەزمەتلىرىنىڭ يىڭى قىياپەت بىلەن مەيدانغا چىقىشىنى ئۈمۈت قىلىمىز. ئەسلى مەنبە؛ ئۇيغۇر ۋاسكىتبول مۇنبىرى؛ http://waskitbol.com/forum.php

lukqek

	دوڭگۇەننىڭ بېيجىڭغا ئۇتتۇرۇشى تازا بىنورمالدەك بىلىنىۋاتىدۇ ماڭا

sardor0908

	8كۈچلۈك مۇقىلاشقاندۇ ؟

tusuntay

	شىرئەلىجان  يەنە  يارلىنىپ قالدىدە   ئىسىت  !   8 كۈچلۈكنىڭ  ئىچىگە  كىرەلىسىچۇ  شۇنداق   تىرىشقانغا  چۇشلۇق  ،

mercury

	بېيجىڭ كوماندىسى  ئويلىغىنىمدەكلا  شىنجاڭ كوماندىسىدىن ئۆچ ئالىدىغان پۇرسەتنى قولدىن بەرمىدى .  نىمانچە چاكىنىلىق ئۇ . شىنجاڭ كوماندىسى  ئەسلى  فۇجيەن بىلەن ئۈلۈشكۈن ئوينىغان مۇسابىقىدە يىڭىلىپ قالمىغان بولسا  بېيجىڭ بۈگۈن بۇنداق مازلىقىنى چىقارسىمۇ بىكار ئىدى .

magrurjan

	mercury يوللىغان ۋاقتى  2015-2-2 01:00 AM بېيجىڭ كوماندىسى  ئويلىغىنىمدەكلا  شىنجاڭ كوماندىسىدى ... ئەگەشتىم...بوپتىلا كىلەر يىلى قايتا كىلەيلى!

xajarim

	lukqek يوللىغان ۋاقتى  2015-2-1 09:20 PM دوڭگۇەننىڭ بېيجىڭغا ئۇتتۇرۇشى تازا بىنورمالدەك بىلىن ...   بىيجىڭغا ئۇتتۇرماپتۇ .. ئۇتۇپتۇ  بىيجىڭنى .. .    قايتا قاراپ بىقىڭ .. ئەمما زە ..  ماۋۇ شىرئەلىجان  نىمە بولغاندۇ  . بۇ قىتىمقى مۇسابىقىلەردە  قوش خانىلىق نومۇر  ئالالمىدى يا ....قىرانبىكنىڭ  ئىپادىسى  ياخشى  بولۇپ كىلۋاتىدۇ.     غەيرەت  قىلىڭ  شىرئەلىجان ..

abu12

	فۇجىيەن كوماندىسىغا ئۇتتۇرمايتتى ئەسلى ،ھېلىقى چەتئەللىك ما ئىر بەك ئۆز بېشىمچىلىق قىلدى،بېيجىڭ كوماندىسىمۇ قەستەن ئۇتتۇرغاندەك،

compass

	ئۆزىنىڭ تەقدىرىنى ئۆز قولىدا تۇتمىسا مۇشۇنداق ئاقىۋەتكە قالىدۇ.بوپتۇ كىلەر يىلى قايتا كىلەيلى.شىرئەلىجاننىڭ تىزرەك ئەسلىگە كىلىشىنى تىلەيمەن.

yusup0998

	بوپتۇ ، ئەمدى ئۈمۈد قىلدىغىنىمىز بىراچ نىڭ كوماندىدىن كەتمەسلىكى ، شىرئېلىجانىڭ بالدۇراق ئەسلىگە كېلىشىنى ، ھېلىقى ئۆزبېشىمچى توپ ئويناشنى ئۇقمايدىغان تېلفىر دىگەننى سېتىۋېتىپ ، باشقا توپ ئويناشنى بىلىدىغانراق توپچىنىڭ كېلىشىنى ، كېلەركى پەسىللىك مۇسابىقىدە تېخىمۇ ياخشى نەتىجىگە ئېرىششنى ئۈمۈد قىلىمىز !!