ئەركىن ۋاھىدوف ： ياش شائىرلارغا

b1a2g

	ياش شائىرلارغا             ئەركىن ۋاھىدوف(ئۆزبىكىستان)             "ئاھ ،سېنىڭ ياشلىقىڭ بولسىدى مەندە "                                         __ھەمىدە غۇلام كاتتا شائىرلارغا قىلماڭ ھېچ ھەۋەس ، سىزگە ھەۋەس قىلسۇن كاتتا شائىرلار .    چۈنكى شېئىر بەختىگە ئۇستازلار ئەمەس ، مۇيەسسەر بولىدۇ كۆپرەك شاگىرتلار . تېخى ياش سىز،                        تېخى شېئىرىڭىز غورا، ئەلنىڭ نەزىرىدىن تېخى خوپ يىراق . لېكىن يۇرتقا مەشھۇر شائىردىن كۆرە ،          سىز بەلكى يۈز ھەسسە ئوشۇق شائىرراق. شېئىر سىزگە ھەۋەس،                                  لېكىن ئەمەس ئىش ،      شېئىرغا چىن دىلدىن كۆيدىڭىز ھامان . ئوۋ پەيتى ئۆزىنى قىلماي نامايىش ، پاناھىدا بولىدۇ مەرگەن ھەر قاچان. تەنھالىق شائىرغا دىل ئېھتىياجى،   خىيالغا ئاشىنالىق _بۈيۈك بەختىڭىز .       قونسا بېشىڭىزغا شۆھرەت گۈلتاجى ، مەجاز ئىزلىمەككە قالماس ۋاقتىڭىز .      ئۇ چاغدا كۆپ بۇلۇر يارۇ -دوست ،چۆرە   ئابروي-مەرتىۋىدە يۈكسەك بولىسىز . ئۇ كەمدە دەپتەرۇ قەلەمدىن كۆرە ، بايراملارغا كۆپرەك كېرەك بولىسىز.     شائىرلار دېگەندە،ھەممنىڭ بىردەك ، كېلەر كۆز ئالدىغا ئەلگە جان پىدا .                  كىمگىدۇر بەخىت بولسا سىز بىلەن ئىچمەك ، نېمىشقا قىلغۇلۇق بۇنىڭدىن جۇدا.             سىزنى سوراپ، سىزنى ئىزلەپ جاراڭلار ، بۇ ئالەمنىڭ بارچە قوڭغىراقلىرى .            سىز بىلەن ئۇچراشساق دەپ ئارزۇ قىلار ، يان قوشنا باغچىنىڭ ئۇماق باللىرى. نەگىلا بارسىڭىز ،ئەنە شائىر ،دەپ كۆزىتەر ئەل ھەر بىر قەدىمىڭىزنى .    سىز ئىنسان قەلبىنى ئۆگنمەستىنلا،        باشقىلار ئۆگىنىشكە باشلايدۇ سىزنى .             ئەجەپ ئەمەس بەلكىم كەلسە بىر ئامەت ، (ئامەت دېگەنمۇ ھەم بارغۇ دۇنيادا). دانىشمەن كىشىلەر دەر :                                 "بۇ قانداق گەپ ،     مۇشۇنداق ئادەملەر يۈرسە پىيادە ؟!"      سىزگە يار بولىدۇ ئەمەلدارلىق ھەم ، خىزمەتتە بولىدۇ ماشىنا ھەر كۈن .     تاڭدا ئېلىپ كېتىپ مېغىزىڭىز بىلەن ،         تاشلاپ كېتەر شاكال قىلىپ كەچقۇرۇن.        بىر چۈشۈپ قالسىڭىز ئەلنىڭ كۆزىگە ،          ئەمدى كۆزدىن نېرى كەتمەيسىز بىردەم . پەخرى ئەزا قىلار سىزنى ئۆزىگە ،    چاشقان تۇتقىچىلار جەمىيىتى ھەم.     بىئارام قۇشلاردەك ئۇچۇپ ۋە قۇنۇپ ،     ھەيئەتتىن ھەيئەتكە پەرۋاز قىلىسىز .      ئاخشىمى قەلەمنى ئالدىرماي يۇنۇپ،    ئەتىكى مەجلىسكە نۇتۇق پۈتىسىز.           سىزدە بار جاھاندا بارنىڭ ھەممىسى ،        يەتكەن سىز ھەر قانداق  تىلىكىڭىزگە. لېكىن يېزىلمىغان شېئىر چوغى ، كۈل بولۇپ تۈكۈلەر يۈرۈكىڭىزگە .      بىر كۈن تاغدا ئاپئاق چېچىڭىز تاراپ ،       شاگىرتلىق ۋاقىتنى ئالىسىز ئەسكە .          ئېيتىسىز ھەۋەسكار ئۆسمۈرگە قاراپ :           "ئاھ ،سېنىڭ ياشلىقىڭ بولسىدى مەندە "       كاتتا شائىرلارغا قىلماڭ ھېچ ھەۋەس ،        سىزگە ھەۋەس قىلسۇن كاتتا شائىرلار .            چۈنكى شېئىر بەختىگە ئۇستازلار ئەمەس ،    مۇيەسسەر بولىدۇ كۆپرەك شاگىرتلار .       مەنبە : "دۇنيا ئەدەبىياتى"ژورنىلى 1987-يىل 3-سانى

Gvlmisal

	ئاچچىقىم كىلىۋاتىدۇيا؟

azizyaxa

	ئاھ !سىنىڭ ياشلىقىڭ بولسىدى مەندە سەندە ئۇخچىغان ئىلھاملار بولسا مەندە ھەققەت يېزىپ ھەقنى سۆزلەپ مەيلى ئەمەسمۇ مەيدە مەيدە بوپ كەتسە جەسەت تەندە

feruq

	مەن مۇشۇ ئۆزبېك تىلىنى ئۆگىنىۋاتىمەن. چۈنكى ئۆزبېك تىلىدا يېزىلغان ئەسەرلەر ئۇيغۇر تىلىدىكى ئەسەرلەرگە قارىغاندا كۆپرەك.

Nimjan

	ئەركىن ۋاھىدوۋنىڭ «ئۆزبېگىم» ناملىق تېكىستىگە ئوقۇلغان شىرئەلى جۇرايېۋنىڭ بۇ ناخشىسى ماڭا بەك يارايدۇ!

turmux.net

	ياش شائىرلارغا ئىلھاملاندۇرۇش... ياخشى يېزىلىپتۇ...

FOCUS

	Nimjan يوللىغان ۋاقتى  2015-2-1 11:17 PM ئەركىن ۋاھىدوۋنىڭ «ئۆزبېگىم» ناملىق تېكىستىگە ئوقۇل ... يۈرەكنى تىترىتىدىغان ناخشادە بۇ، شىرئەلى جۇرايۇپ ھىچكىم دوراپ بولالمايدىغان سەنئەت ئۇستازى، ھەقىقى ئۆزبېك دۆلەت ئاتىسى.

توقماق

	مانا بۇ شېئىر!

باشتۇغ

	بۇ ھەقىقەتنى چىقىش قىلىپ تۇرۇپ يازغان ئىسىل شېئىركەن .