ھاياتنىڭ مەنىسى
«ھاياتلىق»دائىم مۇشۇ سۆزنى ئاڭلىغىنىمدا ئويلاپ قالىمەن.تۇغۇلۇپ ئازغىنىكەم 16يىل
ئىچىدە نۇرغۇن ئىشلارنى كۆرۈپتىمەن،ئاڭلاپتىمەن لېكىن «ھايات»نىڭ مەنىسى زادى نېمە؟
بۇنىڭ تېگىگەزادىلا يىتەلمىدىم.
گەرچە يېشىم كىچىك بولسىمۇ لېكىن ھايات يولىدا نۇرغۇن ھەقىقەتلەرنى چۈشىنىپ يەتتىم.
ئەمما بۇلارنىڭ ھېچقايسىسى ھاياتلىقنىڭ ھەقىقى ماھىيىتىنى چۈشەندۈرەلمەيدۇ.بەلكىم مەڭگۈ
چۈشىنەلمەي ھاياتىم ئاخىرلىشار.چۈنكى نۇرغۇن ئۇلۇغلىرىمىزمۇ ھاياتنىڭ ھەقىقىتىنى بىلەلمەي
كۆڭلىدە ئارمانلىرى بىلەن كەتكەن ئەمەسمۇ؟!
ھاياتلىق راستىنلا ئاجايىپ سىرلىق،ئاجايىپ تىلسىم.شۇنداق مەن بىر چاغلاردا بىر
قۇرلاردىن «ھايات شۇنداق بىر زالىم ئۇستازدۇركى ساڭا ھېچقانداق دەرس بەرمەي يۇرۇپ
ئىمتىھان ئالىدۇ»دېگەن مىسرالارنى ئوقۇغان ئىدىم.ھەقىقەتەن شۇنداق ھاياتلىتا شۇنداق بىر
كۈنلەر كىلۇدىكى ئاسماندىن يەرگە قانداق چۈشۈپ كەتكەنلىكىڭنىمۇ بىلمەي قالىسەن.بەزى
چاغلاردا جەۋرى-جاپا دەستىدىن بېشىڭنى تاشقا ئۇرغۇدەك بولۇپ قالىسەن.بىر كۈنلىرى بېشىڭغا
كېلىپ قونغان ئامەت قۇشىدىن خۇشاللىقىڭنى باسالماي قالىسەن.مانا بۇ ھايات.
ھايات بەزىدە جۇدۇن-چاپقۇنلىرى بىلەن قىينايدۇ.بەزىدە بەخىت-سائادىتى بىلەن
بېشىڭنى سىلايدۇ.بەزىدە ئويلىغىنىڭغا ئېرىشتۈرمەي خالىمىغاننىڭ ئىگىسى قىلىپ قويىدۇ.لېكىن
شۇنى ئۇنۇتمىغىنكى جۇدۇن-چاپقۇننى بەخىت-سائادەتكە ئايلاندۇرغۇچى يەنىلا ئۆزۈڭ.چۈنكى
پەقەت ئۆزۈڭ تىرىشساڭ،ئۆزۈڭ ئىزدەنسەڭ ئاندىن ھايات ساڭا كۈلۈپ قارايدۇ.ئەڭ مۇھىمى
ھاياتقا كۈلۈپ باققىن.ئەگەر سەن ھاياتىڭدىن ئاغرىنساڭ ئۇنداقتا سېنىڭ ھاياتىڭ ھەسرەت-
نادامەتتە ئۆتىدۇ.چۈنكى قىسقىغىنە ھاياتىڭ بولغاچقىلا سەن بۇ دۇنيانىڭ نىممەتلىرىدىن
ھوزىرلىنىش،گۈزەللىكلىرىنى كۆرۈنۈش شەرىپىگە مۇيەسسەر بولالىغانسەن.
مەن ئەمدىلا ھاياتنىڭ مەنىسىنى تېپىش ئۈچۈن قەدەم باستىم.بەلكىم بۇ مۇساپەمدە نۇرغۇن
پىشكەلچىلىكلەرگە يولۇقۇشۇم مۇمكىن يەنە بەلكىم دۇنيادىن نېمىنىڭ قايغۇ-ھەسرەت ئىكەنلى-
كىنى بىلمەي ئۆتۈپ كېتىشىممۇ مۇمكىن.
.لېكىن مەيلى قانداقلا بولسۇن مېنىڭ بىردىنبىر تىلىگىم ھاياتنىڭ
ھەقىقى مەنىسىنى تېپىش ۋە ئاللاھ خالىسا مەنپەئەت يەتكۈزگۈچىلەردىن بولۇش.