مەخەت ئابدۇرېھىم:گۈزەل كىلىچەك

mahatjan

	گۈزەل كىلىچەك                          نەسىر                              مەخەت ئابدۇرېھىم         گۈزەل كىلىچەككە قاراپ ئىنتىلىۋاتقان،ئۇنىڭ شەيداسى بولوپ قىممەتلىك ھاياتىنى پىدا قىلىۋاتقان مەردانە سەركەردىلەر ھايات سەپىرىمىزنىڭ ئالدىدا جەۋلان قىلىپ كىتىۋاتىدۇ.ئۇلارغا بۇ باتۇرلۇق قەيەردىن كەلگەندۇ؟ بۇ باتۇرلۇق يېڭىلمەس،قۇدرەتلىك مەنىۋى كۇچ زىمىنىدا مەيدانغا كەلگەن،ئۇ بولسىمۇ ئەڭ ئۇلۇق غايە،مانا بۇ ئۇلۇق غايىنى ئەنە شۇ گۈزەل كىلىچەك ئاپىرىدە قىلغان.      ئاھ گۈزەل كىلىچەك! سەن ئىنسان بالىسىغا ئەنە شۇنداق يۈكسەك شىجائەتلەرنى، چەكسىز كۇچ- قۇدرەتنى،نۇرلۇق مەشئەلنى ئاتا قىلدىڭ.ئىنسانلار سىنىڭ بەخىت-سائادەتلىك باغرىڭغا ئىنتىزار بولوپ كەلدى.مانا بۇ ئىنتىزارلىق سانسىزلىغان ئۈممدۋارلارنىڭ يالقۇنلۇق قەلبىدە بۈيۈك غايىنىڭ ئالتۇن قەسىرىنى تۇرغۇزدى.شۇنىڭ بىلەن ئۇلار قىممەتلىك ھاياتىنى ئەنە شۇ ئۇلۇغۋار غايىگە يىتىش ئۈچۈن ئاتىۋەتتى.      ھەممىگە گۇۋاچى بولغان مۇقەددەس تارىخ ئۆزىنىڭ مەڭگۈ ئۆڭمەس بەتلىرىگە ئەل-ۋەتەن ئۈچۈن ئۇلۇغۋار غايە تىكلەپ،ئۇنىڭ قۇدرەتلىك جاسارىتىنىڭ يىتەكچىلىكىدە تاغ-داۋانلارنى ئېشىپ،چۆل جەزىرىلەرنى كىزىپ،دېڭىز ئوكيانلاردا ئۈزۈپ بىزنىڭ بۈگۈنىمىزنى ياراتقان.بىز ھازىر ئۇنىڭدىمۇ گۈزەل بولغان بىر كۈننى ئارزۇ قىلىۋاتىمىز،ئۇ بولسىمۇ گۈزەل كىلىچەك.      ئاھ گۈزەل كىلىچەك!سەن بىزنىڭ ئالغا بېسىش يولىمىزدىكى نۇرلۇق مەشئەل،بىزنىڭ ۋۇجۇدىمىزغا غەيرەت شىجائەت ئاتا قىلغۇچى مۇقەددەس يۈرەك.بىزنىڭ كۆرەش قىلىش نىشانىمىزنى يوروتقۇچى نۇرلۇق ماياك.     گۈزەل كىلىچەككە ئىنتىلگۈچىلەر، يېڭىلىق ياراتقۇچىلار قەلىپ بوستانىمىزدا ئۇلۇغۋار غايە چىچەك ئاچسۇن.چۈنكى ،ئۇلۇغۋار غايە بىزنى ئالغا يىتەكلەيدۇ،ئەۋلاتلىرىمىزنىڭ تەپەككۇرىنى ئويغۇتىدۇ،تەسەۋۋۇرىنى ئۇلغايتىدۇ.      ئەي گۈزەل كىلىچەككە ئىنتىلگۈچىلەر!ھايات سەپىرىمىزدە غالىبانە ئۇچۇرۇشايلى،ئۇ بىزنى ۋە ئەۋلاتلىرىمىزنى بەخىت سائادەتكە ئىرىشتۈرگۈچىدۇر،قېنى گۈزەل كىلىچەككە ئىنتىلگۈچىلەر قول تۇتۇشۇپ ئۇلۇغ غايىنىڭ يىتەكلىشدە ئالغا!          مەخەت ئابدۇرېھىم.

ئلھام

	بۇ  نەسىرنى ئوقۇپ  كەلگۈسگە بولغان ئىشەنچىم  تېخمۇ ئاشتى  ....تىما  ئىگسىگە  رەھمەت  مۇشۇنداق تىتىملىق يازمىللىرىڭىزنى ئايمىغايسىز ئۇستاز .......

axik884

	كىلىچەك،   كەلگۈسىمىز دىگەن گەپ بولسا ، كىلەچەك دەپ ئالسىڭىز توغرا بولامدۇ قانداق ھە  مەخەتكا،

xajarim

	axik884 يوللىغان ۋاقتى  2015-1-26 07:15 AM كىلىچەك،   كەلگۈسىمىز دىگەن گەپ بولسا ، كىلەچەك دەپ ئال ...   شۇنى بى دەڭە .. مەن تىخى  گۈزەل كىلىنچەك   دەپ ئوقۇپ  يۈگۈرۈپ كىرىپتىمەن ئەمەسمۇ

sardor0908

	ياخشى ئەسەر . سالامەت بولۇڭ مەخەتچان ئاكا.

xiraq

	ھەممىگە  گۇۋاچى بولغان مۇقەددەس تارىخ ئۆزىنىڭ مەڭگۈ ئۆڭمەس  بەتلىرگە  ئەل- ۋەتەن ئۈچۈن مۇقەددەس غايە تىكلەپ ،ئۇنىڭ قۇدىرەتلىك جاسارىتىنىڭ يېتەكچىىلىكىدە تاغ -داۋانلارنى ئېشىپ، چۆل- جەزىرىلەرنى كېزىپ، دېڭىز -ئوكيانلاردا ئۈزۈپ بىزنىڭ  بۈگۈنىمىزنى ياراتقان. يۇقارقى باياندا لوگىكا خاتالىقى باردېكمۇ ، ئۇستاز ؟ مەن ئۇقالمىدىممۇ .ئارلىقتا بىرەر سۆز كامدېكلىيا ؟

bulaksu2

	مەخەت مۇئەللىمگە قۇت بولغاي!

hadrat

	ياخشى ئەسەركەن.

خەنجىرى

	مەخەتكام ياخشى يېزىپتۇ