ئاكىلىرىمغا بىر كەلىمە...

布妮娅孜

	« ئوغۇل چوڭ بولسا ئۆيلەش ،قىز چوڭ بولسا ياتلىق قىلىش »  ئاتا - ئانىلار زىممىسىدىكى بىردىنبىر پەرىز ھەم قەرىز . ئاتا- ئانىلار مۇشۇ پەرىزلەرنى ئادا قىلىشنى ئۆزىنىڭ  مۇھىم بىر مەسئۇليىتى قىلىدۇ . قىز - ئوغۇللارنى بەخىتلىك قىلىش ، ئۇلارنىڭ خۇشال تۇرمۇشىنى كۆرۈش ئاتا - ئانىلارنىڭ ئەڭ چوڭ ئارزۇسى . شادىمان نەۋىرلىرنىڭ ئەركىلشى ، تەبەسسۇم قىلۋاتقان ئوغۇل - قىزلىرىنىڭ شاتلىقى ئاتا -ئانىلارنىڭ تىنىگە ساغلام روھ بىغىشلايدىغان شىپاھى مەلھەم دورا . بۇ دورىغا ئازراق ئاچچىق بولغان ئوغرى تىكەن ئۇرۇقى قوشۇلۇپ تەمىنى سەل ئاچچىق قىلغان بىلەن ،قىزىل گۈلنىڭ غۇنچىسى قوشۇلۇپ تەمى چۈچۈمەل بولىدۇ . ئاتا -ئانىلار بۇ دورىغا شۈكىرى دەپ ئىستىمال قىلىۋىرىدۇ . كۈنلەرنىڭ ئۆتىشى بىلەن بۇ دورا چۈچۈمەل ھالەتتىن ئاچچىق ھالەتكە ئۆتىدۇ . چۈنكى ئوغىرى تىكەن قىزىل گۈلنىڭ تەمىنى بىسىپ چۈشىدۇ -دە .         يۈزلىرىدە ئىمان نۇرى جىلۋە قىلىدىغان ، كۆزلىرىدە مىھرىبانلىق ، ۋاپادارلق چاقنايدىغان ، بۇرۇتلىرى خەت تارتقان ،بويى ئۆي تورىسىغا بەست تارتقان ، قامەتلىك ، كىلىشكەن يىگىت دەل تۇرسۇن ئاكام ئىدى . تۇرسۇن ئاكام كىشلەر بىلەن قىزغىن پاراڭلىشىدىغان  ، سىخىي قوللىرىنى ھەممە يۇرتقا تەڭ سوزۇيدىغان ،ئاتا - ئانام ۋە بىزلەرگە تولىمۇ ۋاپادارلىق قىلىدىغان ، ئىشچان ، ئاددى - ساددا بىر كىشى ئىدى . مانا ئەمدى دادام - ئاناملار ئۇنىڭ توي ئىشى ئۈچۈن باش قاتۇرۋاتاتتى . تاغامنىڭ تونۇشتۇرشى بىلەن دادام - ئاناملار قارا قاشلىق ، سۇمبۇل چاچلىق ، خۇمار كۆزلۈك ، مىھرى ئاتەش يۈزلۈك ، ئۇرۇق ، ئىگىزرەك قىزنى ئاكامغا ھالال جۈپتى قىلىش ئۈچۈن تاللىدى . ئاكاممۇ قىزنىڭ ئەدەپ - ئەخلاقلىقى ئۆي ئىشلىرىغا پىششىقلىقى قاتارلىق تەرەپلىرىنى تاغاملاردىن ئاڭلاپ  تىزلا قوشۇلدى . ئاددى - ساددا ئۆتكۈزۈلگەن توي خۇشاللىقى بىر ئايدا ھەقىقى مەنىسىنى ئاشكارلاپ چىقاردى . توينىڭ ئىككىنچى كۈنىدىن باشلاپ كىلىنچەك ئۆي ، ھويلا - ئاراملارنى پاكىزە تازلىدى ، تاماقلارنى جايىدا ئەتتى . قىيىن ئاپىسى ۋە قىيىن ئاتىسىنى ئۆز ئاتا - ئانىسىدەك كۆرۈپ ، ھالىغا يەتتى . كىشلەر ئۇنى ئاللاھ ئەۋەتكەن پەرىشتە سۈپەت قىزكەن ، كىلىن دېگەن شۇنداق بولسا دەپ ، ئاغزى - ئاغزىغا تەگمەي ماختاشتى . بۇ كىلىن  كىشلەرنىڭ نەزىرىدە ھازىرمۇ شۇنداق ئىشچان بىر كىلىن .مانا بەش يىل مابەينىدە يەر شارى ئوڭغا ئايلاندىمۇ سولغىمۇ ، بۇنىسى قاراڭغۇ ......         كىلىننىڭ بار ئەسيادى تىلۋىزور كۆرۈش ، ھىلىقى مىھرىبان ئاكامچۇ ؟  كىلىنىڭ چىرايىغا قاراپ ئولتۇرۇش . قورسىقى ئاچسا نان غاجىلىغان ، ياكى بولمىسا ئانا قورسۇقۇم ئاچتى ، تاماق ئىتىڭە  دەۋاتقان ، جاپاكەش مىھرىبان ئانام ئىتىز - ئىرىق ئىشلىرىنى قىلىپ ، ئۇلاغلارغا ئوت سىلىپ ، تاماققا تۇتۇش قىلۋاتقان . ئەسلىدە بۇ ئۆيگە كىلىن ئەمەس بىر قىيىنئانا كىرگەنتى .        بۈگۈن ئىشتىن كەلسەم ، ئانام چۆچۈرگە قىيما تەييارلاۋىتىپتۇ ، مېنىڭ ھاۋارايى ھەدەم تىلۋىزوز كۆرۋىتىپتۇ . تىلۋىزورنى  تولۇق كۆرەلمەي قالسا يۈزىنى قارا بۇلۇت قاپلايدىغان ھەدەم ئاشخانا ئۆيگە كىرىپ مەشكە كۆمۈر  سىلىپ قويۇپ چىقىپ كەتتى . بۇمۇ ئۇنىڭ تاماققا ياردەملەشكىنى ئىدى . ئانام ئككىمىز چۆچۈرنى تۈگۈپ بولۇشقا ئاز قالغاندا ئۇ ياردەملشتى . تاماق پىشىپ بولغۇچە قارا بۇلۇت تارىماي ، ئەكىسچە گۈلدۈرمامىلىق ھاۋا كۈچىيىپ قالغانتى . ئاكام ۋە باشقىلار ئۇنى تاماق يىيىشكە زورلىدى . ئۇ ئۆزىچە يىگۈم يوق دەپ بۇتناپ ئولتۇردى .ئىچىمدە ئەجەپ بىز گەپ قىلمىساق ، نىمىسىگە بۇتنايدۇ دەپ ئويلاۋاتسام ، تازا ئوخشىغان چۆچۈرىنىڭ مەزىلىك ھىدى دىمىغىغا ئۇرۇلۇپ ، چىقىۋاتقان ھورى بۇلۇتنى تاراتتىمۇ نىمە ؟  تاماقنى يىدى .  ئۇنىڭ بۇنداق خۇيى دائىم  ئشتاھىمىزنى كىمەيتىۋەتتى ، ( ئانامدىن ئاڭلىشىمچە تاماق ئىتىش جەريانىدا  بىر ئىغىز گەپ قلىقماسلىق ئۇنىڭ ئادىتى ئىكەن .)       مانا مۇشۇنداق كۈنلەردە ئاكام بىرەر ئىش بولسا ئانامغا ئاچچىقلايدىغان بولۋالدى . ئانامنىڭ ئەڭ ئامراق تاتلىق نەۋرىسىمۇ ئانامغا : سەن ئەسكى ، ئاپام ئوبدان  ، دەيدىغان بولدى . بۇغۇ ئۈچ ياشلىق گۆدەكنىڭ مۇنداقلا ئىيىتقان سۆزى . لىكىن ئانامنىڭ باغرى تولىمۇ يۇمشاق بولغاچقا ، بۇ گەپلەرنى خىلىلا ئۆزىگە ئىلۋالغانتى . بۇ كۈنلەر داۋاملىشىپ ئانامنىڭ تىنى خىلىلا ئاجىزلىشىپ قالدى . ھىلىقى شىپالىق دورىسىنى ئەمدى ئىچەلمەيۋاتاتتى . « قىزنىڭ بالىسى قىزىل گۈل ئانىسى ،ئوغۇلنىڭ بالىسى ئوغرى تىكەن ئانىسى » دېگەندەك  نەۋرىسىنىڭ ئوغرى تىكەن ئانىسىنىڭ شەربىتى ئوغلى قىزىل گۈلنىڭ شەربىتىنى بىسىپ چۈشۈپ بۇ دورا ئاچچىق بولۇپ كەتتى .مىھرىبان ئانام  بۇ دورىنى ئىچمەسلىككە ئامالسىز . ئانامنىڭ بۇ ئاچچىق دورىنى ئىچىشىگە چىدىمىدىم . ئاخىرى ئاكام بىلەن يالغۇز پاراڭلاشتىم . ئاكامدىن تىلمۇ ئاڭلىدىم ، لىكن ئۇنىڭغا نەسىھىيەتمۇ قىلۋالدىم . ئۇنىڭغا : « سىز ئىلگىركى تۇرسۇن ئاكام ئەمەس ، ھازىر ئۆزگىرىپ كەتتىڭىز ، قېنى سىزنىڭ  مىھرىبانلىقىڭىز ، قېنى سىزنىڭ كۆيۈمچانلىقىڭىز » دەپ يىغلاپ تۇرۇپ ۋارقىراپ سۆزلەشلىرىم ئۇنى ئويلاندۇردىمۇ تاڭ بىشى چۈشۈپلا كەتتى . بىراق ئىشلار ئويلىغىنىمنىڭ ئەكىسچە . ئەتىسى ھەدەم ماڭا ئاڭلانغۇدەك قىلىپ ،  ‹ بۇ ئۆيدە تۇرغۇچىلىقم قالمىدى ، مەكتەپتە بىر چىرايلىق ئوقۇتۇپ قويساق ،ھالى ئۆسۈپ قاپتىمۇ تېخى ، بولدى ، مەن بۇ ئۆينىڭ قۇلى ئەمەس ،كىتىمەن بولدى ›  دەپ ئاكامنىڭ ياقىسىغا چاڭ سالدى . ئىشنىڭ پەمىنى ئۇقسام ئاكام ھەممە گەپ سۆزلەرنى ئىيىتقانكەن . ئۇنى دەپ بۇنى دەپ يالۋۇرۇپ تۇرۇپ ئاخىر ئۇنى ئىلىپ قالدىم . بۇ يەنىلا شۇ ئەخمەق ، ئايالىغا تولىمۇ سادىق  ئاكامنىڭ سەن كەتكۈزۋەتتىڭ ، دەپ مېنى ئەيىپلىشىدىن قورقۇپ ئۇنىڭغا يالۋۇرشىم ئىدى .   شۇ كۈنى كەچتە ياتاق ئۆيۈمدە بىر كىچە يىغلاپ چىقتىم . ئاكامغا زادى نىمە بولغاندۇ ؟ ئەجىبا ئايالى ئانامدىنمۇ ، بىزلەردىنمۇ مۇھىممىدۇ ؟؟؟ دەپ ئويلىدىم  ، سەۋەبىنى ھىچبىر تاپالمىدىم .  . . . . .  . . .     بىزمۇ كىيىنچە كىلىن بولىمىز . ئۇلۇغ ئاللاھ ،  قىيىن ئانىسى بىلەن مۇڭداشمايدىغان ، ھالىغا يەتمەيدىغان ، تۇققانلىرىغا كۆيۈنمەيدىغان ، شۇ ئۆينى ئۆز ئۆيىدەك كۆرمەيدىغان ، ھازازۇل كىلىن بولۇپ قىلىشتىن ئۆزى ساقلىسۇن !     ئاللاھ خالىسا ، شۇنداق ياخشى بىر كىلىن بولىمەن ، ھەممە ھەيران قالىدىغان ، يامانلىقتا ئەمەس ، بەلكى ياخشى بىر ئىشلار بىلەن ، ھەممىنى ھەيرانى ھەۋەستە قالدۇرغۇدەك ، ئاتا- ئانام ۋە قىيىن ئاتا - ئانام پەخىرلەنگۈدەك ، ئىغىزدا ئەمەس ، بەلكى ئەمەليەتتە شۇنداق قىلىمەن  . ئۇلۇغ ئاللاھ شۇنداق قىلالايدىغان جاسارەت ۋە غەيرەت ئاتا قىلغاي !      بارلىق قىزلار سەمىگە :     كىلىن بولىسىز  ، قىيىنئانىمۇ بولىسىز . قىيىنئانىڭىزغا قانداق قىلسىڭىز كىلنىڭىزدىن شۇنى كۆرىسىز .( لىكىن ئانامنىڭ قىيىن ئانىسى يوقكەنتۇق دەپ تۇرۋالسام . ) ئۇينىڭ بىشىغا كەلگەن كۈن موزاينىڭ بىشىغىمۇ كىلىدۇ . دېمەك  ئۆز رولىڭىزنى ياخشى جارى قىلدۇرۇڭ .      ئەي يىگىتلەر ، ئىسىڭلارنى يىغىڭلار ، دۇنيادا ئانا پەقەت ۋە پەقەت بىرلا ، قىرىنداش پەقەت بىرلا .  بىر يوق بولدى ، ئككىنچى تاپالمايسىلەر ، قەلىپ كۆزۈڭلارنى ئىچىڭلار ، ئاناڭلارنىڭ كۆزىدىن قان ياش تۆكۈلمىسۇن ! بىر ئەرنى ئەمەس ، بىر ھەقىقى ئەركەكنى تۇغۇپتىكەنمەن ، دەپ پەخىرلەنگۈدەك ياشاڭلار ، ئەي ئەركەكلەر .  ئاياللىرىڭلارنى ئەردەك باشقۇرۇڭلار ، ئۇلار يىتىلگەن يىپقا ئەگىشىپ مىڭىۋەرسەڭلار  چىتقا ئىلمىشىپ قالىسىلەر . شۇڭا ھەقىقى ئەردەك ياشاڭلار  ۋە ئاياللىرىڭلارغا ئەردەك مۇئامىلە قىلىڭلار . پۈتۈن دۇنيا سىلەردىن پەخىرلەنگۈدەك ئەر بولۇڭلار ، ئە   ئەمەس  ، بەلكى ھەقىقى « ئەركەك »  بولۇڭلار !                                                    مەنبە : ئاجىز قەلىمىم .                                                                   23- يانۋار

خەنجىرى

	ئەر كىشىنىڭمۇ دەردى ئاز ئەمەس جۇمۇ，ئانا，ئاچا-سىڭىل， يەڭگە ۋە خوتۇن بار يەردە ئەركىشىگە كۈن ئالماق بەك تەس

خەنجىرى

	ئەر كىشىنىڭمۇ دەردى ئاز ئەمەس جۇمۇ，ئانا，ئاچا-سىڭىل， يەڭگە ۋە خوتۇن بار يەردە ئەركىشىگە كۈن ئالماق بەك تەس

saliha24

	ئېسىل تىما بوپتۇ ، ئاللاھ ئىمانىڭلارنى ساپ ، قەلبىڭلارنى پاك قىلسۇن ئەركەكلەر !!!!

مىھرىم007

	ياخشى  تىما  ئىكەن  بۇلۇپمۇ  ھازىرقى  زامانغا  لايىق  دىمىسىمۇ   شۇنداق   ئەرلە   كۆپ  ھازىر.ئاللا   قىز  ئاياللېرمىزنىڭ   ئەركەك  يىگىتلېرمىزنىڭ  ئىنسابىنى  بەرسۇن

sabir424

	تەسىرلەندىم، ئاللا  خالسا مەنمۇ  چۇقۇم كەلگۈسدە  كلىن ئەمەس بەلكى قىزى بۇلۇشقا تېرشىمەن . ئاللا  خالسا .......

hayat

	ياخشى تېما ، ئەتراپىمىزدىكى ئىشلار تولۇقى بىلەن يورۇتۇپ بېرىلىپتۇ. ھەممىدىن بەكرەك ئاۋۇ لاتا ئاكىڭىزغا ئاچچىقىم كەلدى. چۈنكى مېنىڭمۇ ئەتراپمىدا شۇنداق بىر ئىش بولغان ھېلىمۇ بولىۋاتىدۇ. كىچىك كىلىنىمىز سىز تەسۋىرلىگەن ھېلىقى پاخما باش كىلىننىڭ دەل ئۆزى. تاماق ئەتسە قاچا يۇيۇش يېشى يەتمىشكە يېقىنلاشقان ئانامنىڭ ئىشى. ئىشقىلىپ ئانام بىلەن ئىش قىلىشنىڭ چىگىرىسى ئايرىقلىق. قانداقمۇ كۈنلەرگە قالار دەپ ئويلاپ قالىمەن. ئېرى دېگەن خوتۇنىنىڭ تامبىلىغا سەجدە قىلىدىغان ھېجىقىز بۇ ئىشلار بىلەن پەرۋايى پەلەك قورسىقى تويسىلا بولدى. ئادەمدە ئىنساب، ئەقىل بولمىسا ئۇنىڭ مۇشۇنداق ھايۋاندىن پەرقى قالمايدۇ.

tumaris01

	ئوغۇل  ئانا  بىلەن  كېلىننىڭ  ئوتتۇرىسىدىكى  كۆۋرۈك  .    ئەسلى  ئوغۇل  ھەقىقى  ئەردەك  بولسا  ،  خوتۇنىنى  جايىدا  باشقۇرسا     ، كېلىننىڭ  خۇيى  بۇنداق  ئۆزگىرىپ  قالمايىتتى  ،  كېلىنىڭ    ئەسكى   بولسا   ئوغلوڭدىن  كۆر  ،  كۈيئوغلۇڭ   ئەسكى  بولسا    قىزىڭدىن  كۆر   دەيدىغان  بىر  گەپ  بار  ،     نىمە  قىلىدۇ  خوتۇنىنىڭ  گېپىنى  ئانىسىغا  ، ئانىسىنىڭ  گېپىنى  خوتۇنىغا  يەتكۈزۈپ  ،  شۇ  سەۋەبتىن  بۇنداق  ئەرلەر  ياخشى  كۈنگە  ئېرىشەلمەيدۇ  .

tumaris01

	ئوغۇل  ئانا  بىلەن  كېلىننىڭ  ئوتتۇرىسىدىكى  كۆۋرۈك  .    ئەسلى  ئوغۇل  ھەقىقى  ئەردەك  بولسا  ،  خوتۇنىنى  جايىدا  باشقۇرسا     ، كېلىننىڭ  خۇيى  بۇنداق  ئۆزگىرىپ  قالمايىتتى  ،  كېلىنىڭ    ئەسكى   بولسا   ئوغلوڭدىن  كۆر  ،  كۈيئوغلۇڭ   ئەسكى  بولسا    قىزىڭدىن  كۆر   دەيدىغان  بىر  گەپ  بار  ،     نىمە  قىلىدۇ  خوتۇنىنىڭ  گېپىنى  ئانىسىغا  ، ئانىسىنىڭ  گېپىنى  خوتۇنىغا  يەتكۈزۈپ  ،  شۇ  سەۋەبتىن  بۇنداق  ئەرلەر  ياخشى  كۈنگە  ئېرىشەلمەيدۇ  .