مەن ياقتۇرغان ھېكىمەتلەر

arzugul.halam

	مەن  ياقتۇرغان ھېكىمەتلەر 1.پۇل ھەممىگە ھۆكۈمران بولۇشقا باشلىغاندا،ھەقىقەت يېتىم قالىدۇ 2.ناداننىڭ سۆھبىتىدىن زىنداننىڭ ئازابى ياخشىراق . 3.يامان ئىشنى يامان تاپار ،سېسىق گۆشنى چىۋىن تاپار. 4.ئوغرى ئاسماقچى كېلەر،غالچا غەيۋەتچى . 5.خوراز يېڭىلسە ۋاك دەيدۇ،دوختۇر يېڭىلسە راك دەيدۇ. 6.ئۆپكىنىڭ دورىسى چامغۇر ،چىشنىڭ دورىسى ئامبۇر. 7.ئۆلۈكنىڭ كۆزى يامان ،ئۇرۇشقاقنىڭ سۆزى. 8.چىشقاق پاقلانغا چىۋىن ئەگىشەر ،كۈلگەك چوكانغا يىگىت . 9.ھاراقكەش ئادەم خۇددى ھاراق بوتۇلكىسغا ئوخشايدۇ،ئۇنىڭ بوينى ،قورسىقى بار ،لىكىن كاللىسى يوق. 10.كىشىنىڭ ئەقلى كەم بولسا بېشىدا،سۆزى كۆپ بولىدۇ ئۇنىڭ تىلىدا. 11.نۇرمال يېيىلمىگەن تاماق ،جانغا سېلىنغان قارماق. 12.ئالدامچىنىڭ گېپى چىرايلىق ،كۆڭلى تۈزنىڭ قىلىقى . 13.ئۆرلىگەندە چۈشۈشنى ئويلا ،بولمىسا ھەممىدىن قۇرۇق قالىسەن . 14.ئەخمەققە بېرىلىدىغان جاۋاپ سۈكۈتتۇر. 15.نەپسىڭنىڭ كەينىگە كىرمە،ئۇ سىنى ھامىنى ھالاك قىلىدۇ. 16.ئۆزۈڭنىڭ مېھنىتى  بىلەن كەلگەن بىر تېيىن باشقىلار بەرگەن خەزىنىدىن ئارتۇق. 17.ھەر قانداق ئىشنى تەدبىرىڭ بىلەن ئىشلىسەڭ ،تەقدىرىڭ ئۆز قولۇڭدا بولىدۇ.ئەكسىچە ئىش قىلساڭ باشقىلارنىڭ قۇلىغا ئايلىنىپ قالىسەن . 18.بۇ ئۆمىدلىك دۇنيا ئىكەن ،ئۈمىد قىلغان مۇرادىغا يەتسە،نا ئۈمىد ئۆز ئايقىغا پۇتلىشىدۇ. 19.كۆڭۈل ئىختىيارى ياخشىلىققا مايىل بولسا ،خەيرىلك ئىشلار دائىم يۈز بېرىپ تۇرىدۇ. 20.شۇنى ئېسىڭدە تۇتقىنكى ،قېرىنداشلار ئىناقلىقى مىراس دەۋاسىدىن خالىي قىلىدۇ،مىراس قالدۇرۇشنى ئويلىما ،ئادىميلىكنى مىراس قالدۇرساڭ شۇ كۇپايە. 21.يامان سۆزمۇ،ياخشى سۆزمۇ خۇددى نەيزىگە ئوخشايدۇ،كۈنلەرنىڭ بىرىدە نىشانغا تېگىدۇ. 22.ئىلىمسىزلىك-قارغۇلۇق ،نادانلىق ،ۋە بىخودلۇقنىڭ دوستى . 23.تەۋرىنىپ تۇرىدىغان روھتا مۇكەممەللىك بولمايدۇ. 24.ئەقىلنىڭ ئالامىتى كەمتەرلىك،ئەخمەقلىقنىڭ بەلگىسى تەكەببۇرلۇقتۇر. 25.مۇۋاپپەقىيەت يولىدا ئۆزىنى كەمسىتىشكە بولمايدۇ. 26.كۆڭلى-كۆكسىڭنى كەڭ تۇتساڭ ،ئۆمرۈڭ ئۇزۇن بولىدۇ. 27.پاراسەيكە جاسارەت قوشۇلغاندىلا،كاتتا ئىشلارنى ۋۇجۇدقا چىقارغىلى بولىدۇ. 28.ئۆزىدىن نەپىرەتلىنىشنى بىلمىگەن ئىنسان ئۆزىنى بارغانسىرى نەپىرەتلىك سېيماغا ئايلاندۇرۋاتقان غاپىل ئىنساندۇر. 29.يۈزى چىرايلىق ،خۇلقى سەت كىشى ئىملاسى خاتا خۇش خەتكە ئوخشايدۇ. 30.تۇرمۇش بەخت بىلەن ئازاپتىن تەركىب تاپقان تەسۋى . 31.بىلىم بىلەن شىجائەت ئۆلمەيدۇ،شۇ سەۋەپتىن ئۇ سىنىمۇ ئۆلمەس قىلالايدۇ. 32.دۇمباقنىڭ ئاۋازى يوغان ،ئىچى بوش؛ماختانچاقنىڭ گېپى يوغان ،بېلى بوش. 33.دېھقاننىڭ كۆزى توق ،قورسىقى ئاچ؛باينىڭ قورسىقى توق،كۆزى ئاچ. 34.ئۈزگەك كالىغا ئارقان توشىماس ،چىشقاق بالىغا ئىشتان توشىماس. 35.بايدا ئارغامچا ،دېھقاندا كۇلا؛ باي بولاي دىسەڭ دېھقاننى بۇلا. 36.ئات مىنسەڭ تاي مىنمە يولدا قالىسەن ،يار تۇتساڭ كۆپ تۇتما داغدا قالىسەن . 37.ئۆز يۇرتۇڭنى تاشلىما چەت بولسىمۇ،ئۆز يارىڭنى تاشلىما سەت بولسىمۇ. 38.ھالقىلىق پەيىتىكى تەمكىنلىك شاھلىق مەرتىۋىسى بىلەن باراۋەر . 39.بىلمسىزگە ھال ئېيتقۇچە ئىچىڭدە سېسىپ كەتسۇن . 40 .دائىم قاقاقلاپ كۈلگەنلەرنىڭ يىغىسى ئەڭ ئېچىنىشلىق بولىدۇ. 41.ساڭا مەسلىھەتىم ،بىرنىچى قېتىم خورلۇق ھېس قىلغىنڭدا سۈكۈت قىلما ،بولمىسا خورلۇق ئادەتكە ئايلىنىپ قالىدۇ. 42.ئات ئىگىرى ،ئىت زەنجىرى بىلەن ئىنسانغا بويسۇنسا ،ئىنسان ئۆز نادانلىقى بىلەن باشقىلارغا بويسۇنىدۇ. 43.بۇ دۇنيادا ئەرلەر يوغان دەرەخ بولسا ،ئاياللار شۇ دەرەخنى باراخسان ئۆستۈرىدىغان دەرەخ. 44.ئادەم نىمىگە مۇھتاج بولسا شۇنى بەخت دەپ قارايدۇ. 45.شۇ نەرسە ئېنىقكى ،پۇرسەت كۈتۈش بىر بولسا ئاقىللىقنىڭ ،بىر بولسا تەييار تاپلىقنىڭ ئىپادىىسى ، 46.قورقۇنچاق ئادەم خەتەر كېلىشتىن بۇرۇن قورقۇدۇ،ئادەتتىكى كىشى خەتەر كەلگەندە قورقىدۇ،باتۇر خەتەر ئۆتۈپ كەيكەندىن كىيىن قورقىدۇ. 47.ئۆتمۈشىنى ئۇنتۇغان ئادەم كەلگۈسى تەرىپىدىن ئۇنتۇلىدۇ. 48.تىرىشچان ۋاقىتنىڭ خۇجىسى ،ھورۇن ۋاقىتنىڭ قۇلى . 49.ئانىنىڭ كۆڭلى-بالىنىڭ دەرسخانىسى. 50.يۇقىرى ئىقتىدارلىقلار ياسالمىلىقتىن خالىي بولىدۇ. 50.كىشى كۆڭلىگە ياخشى نىيەت پۈكسە ،دۇنيادا ھەممە ئىشى تىلىگەندەك بولىدۇ،ياخشى نىيەت قىلغان كىشىگە ياخشىلىق كېلىدۇ ،ساۋاپقا ئېرىشىدۇ. 51.ھايالىق ۋە ئەدەپلىك ياشا ئەدەپ كۆرىسەن . 52.سەنئەتچىنى بىردەمدە ئۆزگەرتىدىغىنى كىيىم بىلەن گىرىم ،ئادەم قېرىسىمۇ كۈچ -قۇۋەت ،ئابرۇيغا ئېرىشتۇردىغنى ئەخلاق ۋە بىلىم . 53.تەنتەكلەرنىڭ ئازابى قىزىقىشتىن باشلانسا ،نادانلارنىڭ ئازابى ئېزىقىشتىن باشلىنىدۇ. 54.بىكاردىن بىكارغا سۆزلەش ،قەستەنلىك بىلەن ۋاقىت ئۆتكۈزۈشتۇر. 55.ئاقىل كىشى ئىختىلاپتىن قاچىدۇ. (   ئۆزۈم  ياقتۇرۇپ توپلىغان ، كۆپچىلىكنى ھوزۇر ئالسۇن دەپ يوللاپ قويدۇم )

hadrat

	بۇلارنىڭ ئىچىدىكى بەزى ھېكمەتلەرنى مەنمۇ ياقتۇردۇم....

mamatkurban

	مەنمۇ ياقتۇردۇم

turmux.net

	ئېسىل ھېكىمەتلەر ئىكەن، رەھمەت ! 5.خوراز يېڭىلسە ۋاك دەيدۇ،دوختۇر يېڭىلسە راك دەيدۇ.      ماۋۇسى تازا كەلگەن چىراي

xajarim

	turmux.net يوللىغان ۋاقتى  2015-1-17 06:54 AM ئېسىل ھېكىمەتلەر ئىكەن، رەھمەت ! 5.خوراز يېڭىلسە ۋاك دە ...    كالۋا دوختۇرلار   راك  دەپ قاچىدىكەن دە

ۆمۈتۋار

	مەن مۇ ياختۇردۇم ساخلاپ قۇياي چۇ

太阳

	ماڭىمۇ يارىدى،بەزىلىرىنىڭ قاپىيەسىمۇ خىلى كەپتۇ بىر خىل ئۆزگىچە ھى ھى،يەنە بولسا يوللاپ قوياسىز..

Azal111

	ئىسىل ھىكمەتلەر ئىكەن

Azal111

	بولىدىغان ھىكمەتلەر ئىكەن

سۈمەييە

	ئۆزەڭگە تايىنىپ ياشاشنى ئۆگىنەلىسەڭ باشقىلاردىن رەنجىمەيدىغان بولىسەن(سۈمەييە) ئىچىڭ قانچىكى تار بولسا تۇرمۇشۇڭ شۇنچىكى خار بولىدۇ ، ئىنسان دىگەن كەڭ قورساقلىقى بىلەن گۈزەلدۇر كۈلۈمسىرەش- سەن تاقايدىغان زىننەتلەرنىڭ ئەڭ چىرايلىقى ۋە يىقىملىقىدۇر بۈگۈننى مەنىسىز دەپ قاقشىما، سەن زىرىككەن بۈگۈن كەلگۈسىدە قايتىشنى ئارزۇ قىلساڭمۇ قايتالمايدىغان ئۆتمۈش مەنمۇ ياقتۇردۇم ئۆزۈممۇ تەپەككۇر تەمەچلىرىگە ئامراق