كۈتمەيمەن ئامرىغىم ساڭا زار بولۇپ

arzugul.halam

	كۈتمەيمەن ئامرىغىم ساڭا زار بولۇپ                              ئارزۇگۈل ھۈسەن خالەم گۈللەرگە ئورۇنۇپ كەلگەندە باھار ،           مۇڭلىنار قىردىكى بىچارە يالپۇز .              كۈتمەيمەن ئامرىغىم ساڭا زار بولۇپ  ،            جىگدىنىڭ ھېدىنى پۇرايمەن يالغۇز .                                                       بۇلبۇلنى باغاشلاپ كەلگەندە باھار ،                                                     يۈرەكتىن رەڭ ئالار غېرىپ قىزىل گۈل .                                                      كۈتمەيمەن ئامرىغىم ساڭا زار بولۇپ ،                                                    تەنھالىق جېنىمنى قىلسىمۇ جۇل-جۇل .            ئەگىزنى چاقىرىپ كەلگەندە باھار ،           ئېرىقتا ئاققىنى كۆز يېشىم مىسال .          كۈتمەيمەن ئامرىغىم ساڭا زار بولۇپ ،         ئالۋۇندەك كۆرۈنسە يىراقتىن ۋىسال .                                                    يامغۇرنى چاقىرىپ كەلگەندە باھار ،                                                  جۈپ گەۋدە يوللاردا ئاقىدۇ تۈركۈم .                                                   كۈتمەيمەن ئامرىغىم ساڭا زار بولۇپ ،                                                  يىغلىما ئۇنۇتقىن بىچارە كۆڭلۈم . جىلمىيىپ ،نازلىنىپ كەلگەندە  باھار ، باغلاردا ئاشۇقلار تاپىدۇ دىدار . كۈتمەيمەن ئامرىغىم ساڭا زار بولۇپ ، قەلبىمدە زىمىستان باھاردىن بىدار .          (    ئۆز ئىجادىيىتىم )

arzugul.halam

	زىمىننى سۆيمەكتە ئەنە تۇنجى قار ئارزۇگۈل ھۈسەن خالەم زىمىننى سۆيمەكتە ئەنە تۇنجى قار ، بېغىشلاپ رەڭگىدىن پاكىز ساداقەت . شۇ ئوتلۇق كۆزۈڭدە تىكىلىپ تۇرۇپ ، تىلىدىڭ مىنىڭدىن سەنمۇ مۇھەببەت . زىمىننى سۆيمەكتە ئەنە تۇنجى قار ، بېغشلاپ ئىشقىدىن تاتلىق مۇھەببەت . ئۇياتچان ئاي، يۇلتۇز مۆكۈنگەن كېچە ، سۆيگەنتىڭ قار كەبى سەنمۇ تۇنجى رەت . زىمىننى سۆيمەكتە ئەنە تۇنجى قار ، كىيدۈرۈپ ئاق رەڭلىك قېلىن يېپىنچا . سەنمۇ ھەم خۇش ھېدىڭ سڭگەن چاپاننى ، قىلغانتىڭ مەن ئۈچۈن ئىسسىق سېلىنچا . زىمىننى سۆيمەكتە ئەنە تۇنجى قار ، ئىز سېلىپ ئاق رەڭدە چەكسىز دالاغا . ئىز سالدىڭ قەلبىمگە سەنمۇ شۇ قېتىم ، دەپتىمەن يول ئالدۇق ئەھدى- ۋاپاغا . زىمىننى سۆيمەكتە ئەنە تۇنجى قار ، كائىنات پاكلىقتىن كەتتى ئاقىرىپ . قار بولۇپ قەلبىڭگە ياغسام شەپىسىز ، سەن كەتتىڭ ئارقاڭدىن قالدىم چاقىرىپ . زىمىننى سۆيمەكتە ئەنە تۇنجى قار ، زىمىننىڭ باغرىغا باغرىنى يېقىپ . مەن ئۈچۈن سېلىنچا قىلغان چاپاننى ، بىلمىدىم كىملەرگە يۈرسەن يېپىپ . زىمىننى سۆيمەكتە ئەنە تۇنجى قار ، كائىنات قار بىلەن كۆمۈلدى سەھەر . مەيلىتى زىمىنغا ئايلىنىپ كەتسەم ، ئازابىم قار بىلەن  كۆمۈلسە ئەگەر . (     ئۆز ئىجادىيىتىم )

tumaris01

	بۇ  شېئىرلار  تۇلىمۇ  لىرىك  ھېسىيات   بىلەن  يېزىلىپتۇ ، شۇ  تاپتا  مېنىڭمۇ  شېئىر  يازغۇم   كېلىۋاتىدۇ ،   شائىرەنىڭ قەلەم  تۇلپارى  ھارماي   چاپقاي ••••••••

alhumar137

	يامان ئەمەس

99sahrayi99

	ئاشۇقلار دەپ يازماي ئاشىقلار دەپ ئېلىنسا توغرا بولامدۇ قانداق؟!.. ھەر ئىككىلى شېئىر بەك ياخشى چىقىپتۇ!.. بولمىسا!..

جۈرئىتى

	يەنىمۇ تىرىشىڭ ؟.