ئائىلە تۇرمۇشى توغرىسىدا مەسلىھەت سورايمەن

hazrat0998

	ئەسسالامۇئەلەيكۇم ! مىسرانىم مۇنبىرىدىكى ئاكا-ئاچاشلار،قېرىنداشلار! مەن تۇرمۇشۇمدا ئايالىم ئىككىمىز ئارىسىدا يۈز بەرگەن كۆڭۈلسىزلىك تۈپەيلىدىن مىسرانىم  مۇنبىرىدىكى ھەر بىر تورداشلاردىن مەسلىھەت سوراش ئۈچۈن بۇ تىمىنى يوللىدىم . تۇرمۇشنىڭ ئىسسىق-سوغۇقىنى بېشىدىن ئۆتكۈزگەن ئاكا-ئاچاشلارنىڭ ماڭا مەسلىھەت بىرىشىنى تۆۋەنچىلىك بىلەن ئۈمۈت قىلىمەن. ئالدى بىلەن ئۆزۈمنىڭ ئەھۋالىنى بايان قىلىپ ئۆتسەم.       مەن 2007-يىلى 7-ئايدا قەشقەر پىداگوگىكا ئىنىستىتۇتىدا ئوقۇش پۈتتۈرۈپ  شۇ يىلى 9-ئايدا قەشقەر ۋىلايىتىنىڭ ئوقۇتقۇچى تولۇقلاش ئىمتاھانىغا قاتنىشىپ ئىمتاھاندىن ئۆتكەندىن كىيىن 10-ئاينىڭ ئاخىرى مارالبېشى ناھىيسىنىڭ ئاقساقمارال يىزىسىدىكى بىر توققۇز يىللىق تۈزۈمدىكى مەكتەپكە تەقسىم قىلىندىم . ئۇ يەرگە بارغاندىن كىيىن 2013-يىلى 11-ئايغىچە 6 يىل ئوقۇتقۇچىلىق خىزمىتى بىلەن شۇغۇللاندىم . يېشىمنىڭ چوڭىيشىغا ئەگىشىپ ئاتا-ئانام تۇرمۇشلۇق بولۇشۇم توغرىسىدا كۆپ نەسىھەتلەرنى قىلدى . 2012-يىلى ئۆيدىكىلەرنىڭ تونۇتۇرۇشى بىلەن ئانام تەرەپتىن ئۇرۇق-تۇققانچىلىق مۇناسىۋىتى بار بىر تۇققىنىمىزنىڭ قىزى بىلەن تونۇشۇپ ، بىر يىلدىن كۆپرەك ۋاقىت ئىزدىشىپ ئۆتتۈق . بۇ ئارلىقتا ھەر ئىككىمىزدە بىر-بىرىمىزنىڭ مىجەز-خاراكتىرىگە قارىتا ئاز بولمىغان چۈشەنچىلەر پەيدا بولدى . ئاتا-ئانىلىرىمىزنىڭ مەسلىھەتى ۋە ئىككىمىزنىڭ پىكىردە بىردەكلىككە كىلىشى بىلەن 2013-يىلى 9-ئايدا توي قىلدۇق . ئايالممۇ ئالىي مەكتەپنى پۈتتۈرگەن بولغاچقا ئۆز تىرىشچانلىقى بىلەن قەشقەر شەھەر ئىچىدە مەلۇم بىر ئورۇندا خىزمەت قىلدى . تويدىن كىيىن مىنىڭ خىزمىتىم مارالبېشىدا ، ئايالىمنىڭ خىزمىتى قەشقەر شەھەر ئىچىدە بولغاچقا تۇرمۇشىمىزغا قولايسىزلىقلارنى ئېلىپ كەلدى .        شۇ سەۋەپتىن ئائىلە ۋە تۇرمۇش ئۈچۈن مەن خىزمىتىمدىن ئىستىپا بىرىپ يېنىپ كەلدىم ۋە بىر مەزگىل ئۆيدە بولدۇم . 2014-يىلى 3-ئايلاردا تۇنجى بالىمىز 2 ئايلىق بولغاندا ئايالىمنىڭ بويىدىن ئاجراپ كەتتى . ئارلقتا بىر مەزگىل ئۆتكەندىن كىيىن مەنمۇ قەشقەر شەھەر ئىچىدىكى بىر شىركەتتە ئىشلەشكە باشلىدىم . كەچتە ئىشتىن چۈشۈپ ئۆيگە كەلگەندىن كىيىن كومپىيۇتېردا ئانچە-مۇنچە ئويۇن ئوينىغاچ لاتارىيە سېتىۋالدىم . مىنىڭ لاتارىيە سېتىۋىلىشىمغا ئايالىم قارشى ئىدى . مۇشۇ تەرىقىدە ئارلىقتا بىر مەزگىل ئۆتكەندىن كىيىن 2014-يىلى 11-ئاينىڭ ئاخىرى ئايالىم دوختۇرخانىغا سالامەتلىكىنى تەكشۈرتكىلى بارسا ، دوختۇرلار تەكشۈرۈش ئارقىلىق ئايالىمنىڭ يەنە بويىدىن ئاجراپ كەتكەنلىكىنى ئېيتىپتۇ . شۇ ئىشتىن كىيىن ئايالىم ئاجرىشىش تەلىپىنى ئوتتۇرىغا قويدى . شۇنىڭدىن باشلاپ بۇرۇنقىغا ئوخشاش كومپىيۇتېردا ئويۇن ئوينايدىغان ، لاتارىيە سېتىۋالىدىغان ئىشلارنى توختاتتىم . ئايالىمنىڭ كەيپىياتى ياخشى بولمىغاچقا ئىشتىن چۈشۈپ ئۆيگە كىرسىلا مىنىڭ غورۇرۇمغا تىگىدىغان ، مىنى ھاقارەتلەيدىغان سۆزلەرنى كۆپ دەيدىغان بولۇۋالدى . شۇنداق بولسىمۇ ئايالىمنىڭ كەيپىياتىنىڭ ياخشى ئەمەسلىكىنى ئويلاپ شۇنداقلا ئۆزۈمنىڭ ئاجرىشىش خىيالىم بولمىغاچقا ، ئارلىقتا بىر مەزگىل ئۆتسە كەيپىياتى ياخشا بولۇپ كىتەر دىگەن ئۈمۈتتە سەۋىر تاقەت قىلىپ كەلدىم . لىكىن 12-ئاينىڭ ئوتتۇرلىرىدا ئايالىم ئاتا-ئانىسىنىڭ ئۆيىگە چىقىپ كىرىدىغانلىقىنى ئېيتىپ چىقىپ كەتكەنچە 2 ھەپتىدىن كۆپرەك ئاتا-ئانىسىنىڭ ئۆيىدە ئولتۇرىۋالدى . ( ئايالىمنىڭ خىزمەت ئورنى بىلەن ئۆيىمىز چوڭ يولنىڭ ئىككى تەرىپىدە قارىشىپلا تۇرىدۇ ) يېڭى يىل كىرگەندىن كىيىن ئايالىمنىڭ ئۆيىگە چىقىپ چوڭلاردىن ھەم ئايالىمدىن ئەپۇ سوراپ ئۆيگە ياندۇرۇپ كىردىم . ئايالىمنى ياندۇرۇپ كىرگەندىن كىيىن ئارىمىزدىكى سوغۇق مۇناسىۋەتنى تۈگۈتۈش ، ئائىلىمىزنى ساقلاپ قېلىش ئۈچۈن ئايالىمغا ياخشى مۇئامىلە قىلىپ كۆپ تىرىشچانىلق كۆرسەتكەن بولساممۇ ، ئايالىم داۋاملىق مىنى ھاقارەتلەيدىغان سۆزلەرنى قىلىۋەردى . شۇ سەۋەپلىك ئايالىمنىڭ دىگەن بىر ئېغىز سۆزىگە چىداپ تۇرالماي ئايالىمغا قول تەككۈزۈپ سالدىم . شۇ ئىشتىن كىيىن ئايالىم ئەمدى سەن بىلەن ھەرگىز ئۆي تۇتمايمەن ، ئاجراشقىنىم ئاجراشقان دەپ ئۆيدىن چىقىپ كەتكەنچە ئۆيگە كىرمىدى .     نىكاھتىن ئاجرىشىش رەسمىيتىنى بىجىردىغان ئورۇنغا بېرىپ ، ئەگەر نىكاھتىن ئاجراشماقچى بولسا ، ئەر-ئايال ئىككى تەرەپتىن بىرسى ئاجرىشىشقا قوشۇلمىسا يەنىلا نىكاھتىن ئاجرىشىش رەسمىيتىنى بىجىرگىلى بولامدۇ ؟ دەپ سورىسام چوقۇم ئەر-ئايال ئىككى تەرەپ قوشۇلغاندىلا ئاندىن نىكاھتىن ئاجرىشىش رەسمىيتىنى بىجىرگىلى بولىدۇ ، بىر تەرەپ قوشۇلمىسا ئاجرىشىش رەسمىيتىنى بىجىرگىلى بولمايدۇ دىدى . بۇ ئەھۋالنى ئايالىمغا تېلفۇندا دىسەم ئۇنداق بولسا سوتقا ئەرز قىلىمەن دەيدۇ .     مىنىڭ ئايالىم بىلەن ئاجرىشىپ ئائىلىمىزنى بۇزۇش مەخسىتىم يوق ، ئايالىمنىڭ ئۆيىدىكىللىرىمۇ ئايالىمغا ئاجراشماسلىق توغرىسىدا كۆپ نەسىھەت قىلغان بولسىمۇ ھېچكىمنىڭ نەسىھىتىگە قۇلاق سالماپتۇ .     تۇرمۇش تەجرىبەمنىڭ كەمچىل بولۇشى سەۋەبىدىن بۇ مەسلىنى قانداق ھەل قىلىشنى بىلەلمىدىم . شۇڭا مىسرانىم مۇنبىرىدىكى قېرىنداشلارنىڭ ماڭا يول كۆرسىتىشىنى ئۆتۈنۈپ مۇنبەرگە بۇ تىمىنى يوللىدىم . مۇنبەردىكى بارلىق ئاكا-ئاچا ، ئىنى-سىڭىل قېرىنداشلارنىڭ پايدىلىق مەسلىھەتى بولسا يول كۆرسىتىشىنى ئۈمۈت قىلىمەن .      ھۆرمەت بىلەن قەشقەر شەھرىدىن : ھەزرىتىئېلى

albax

	بۇ يەرگە يازمىسىڭىز بوپتىكەن ، بىر دەمدىلا يازغىنىڭىزغا تويغۇزىۋىتىدىغانلار چىقىدۇ . مىنى قۇشۇۋېلىڭ.چچ:948839916   مۇنبەرداشلار ، ئازار ئۈستىگە ئازار بەرمەي ياخشى مەسلىھەتىڭلار بولسا ئايىمىساڭلار ، بۇنداق ئىش بېشىدىن ئۈتۈلمىگەنلەر بولسا ئەڭ ياخشىسى ئىنكاس يازمىساڭلار .

idikut510

	قالىمەن دېگەننى قوغلىما، كېتىمەن دىگەننى تۇتىۋالما.

يولتۇز

	albax يوللىغان ۋاقتى  2015-1-15 04:42 PM بۇ يەرگە يازمىسىڭىز بوپتىكەن ، بىر دەمدىلا يازغىنىڭى ... پىكرىڭىزنى قوللايمەن ، ئازار بەرمىگەن ياخشى ، بېشىدىن ئۆتكۈزمەي تۇرۇپ باشقىلارغا باھابەرمىگەن تېخىمۇ ياخشى .

xahanime

	سىز  بىر مەزگىل ئايرىلىپ تۇرۇش تەلىپى قويۇڭ بۇنىڭدا ھەر ئىككىلى تەرەپ  ئايرىم تۇرۇش جەريانىدا ئۆزىدە بار خاتالىق ۋە قوبۇل قىلالمىغان رىئاللقلارنى  چۇشىنىپ يىتىدۇ. ئەگەر ئايرىلىپ تۇرۇش جەريانىدا ئايالىڭىزنىڭ كۆڭلى بۆلەكتە بولغانلىقىنى بايقىسىڭىز بۇ نىكاھنى ئاخىرلاشتۇرۇشنى ئويلىشىپ كۆرۇڭ ، ھەرقانداق بىر ئادەم يىنىدىن يوقىغاندا ئاندىن قەدىرلەشنى پۇشايمان قىلىشنى باشلايدۇ،

albax

	xahanime يوللىغان ۋاقتى  2015-1-15 04:52 PM سىز  بىر مەزگىل ئايرىلىپ تۇرۇش تەلىپى قويۇڭ بۇنىڭدا ھە ...   ماڭا ئوخشاشراق ھىس قىلدىڭىزمۇ نىمە ؟

alxir552

	تۇرمۇش ئىشىڭلارنى ياخشىسى مۇنبەردىكىلەرگە ئەمەس، ئەتراپىڭلاردىكى چوڭلارغا، ئاتا-ئاناڭلارغا مەسلىھەت سېلىڭلار.

hazrat0998

	كۆپنىڭ  ئەقلى  كۆپ  بولىدۇ  دەپ  قاراپ ، مۇنبەردىكىلەر  ياخشى  يول  كۆرسىتەرمىكىن  دىگەن  ئۈمۈتتە  مۇنبەرگە  يوللىغان  ئىدىم

ranjimayman

	تاشنى تاياققا تاڭغىلى بولاتتىمۇ؟ ئايالىڭىز شۈنچىلىك قىلغاندىن كىيىن..بىر خىتىنى بىرىۋەتسىڭىز بولمامدۇ؟ تۇغقانلار بىلەن توي قىلىشمۇ خاتا..ئىلىم پەن نوقتىسىدىن..بالىلارنىڭ ئىقلى ئىقتىدارى..چىرايى جەھەتتە مەسىلى كۆرىلىدۇ. ئەڭ ياخشىسى خىتىنى بىرىڭ. قەشقەردە ئەر ئەتىۋارغۇ؟ئوغۇل بالىنى،كىيوغالنى بەك قەدىرلەيدىغان شەھەردە تۇرۇپ،ھەيران قالدىم سىزگە ؟توۋا خۇدايىم.