تەڭرىتاغ كوماندىسى گۇاڭشىيا كوماندىسىدىن ئۆچىنى ئالدى

waskitbol0903

	ئۇيغۇر ۋاسكېتبول تورى خەۋىرى؛  ئۈرۇمچى ۋاقتى 2015-يىلى1-ئاينىڭ 14-كۈنى كەچ سائەت 00؛6دە ،  2014-2015- پەسىللىك جۇڭگو ۋاسكېتبول بىرلەشمىسى دائىملىق مۇسابىقىسىنىڭ ئوتتۇز ئىككىنچى ئايلانما مۇسابىقىسى ئىلىپ بېرىلىپ، شىنجاڭ تەڭرىتاغ يىزا سودا بانكىسى ئەرلەر ۋاسكىتبول  كوماندىسى  يىڭى ساھىپخان مەيدانى سانجى تەنتەربىيە سارىيدا جېجىياڭ گۇاڭشىيا كوماندىسىنى كۈتىۋالدى.  شىنجاڭ تەڭرىتاغ يىزا سودا بانكىسى كوماندىسىدىن جۇچى بىلەن شىرئەلىجان يارىسى ياخشىلىنىپ مەيدانغا چىقتى ، تەڭرىتاغ كوماندىسى  چەتئەللىك ئەزا  ئاندىرى بىراچنىڭ  47 نومۇر، 19 قېتىم گاردىن قايتقان توپ ئېلىشتەك ئالاھىدە ئىپادىسىگە تايىنىپ باشتىن ئاخرى ئۈستۈنلكنى ئىگەللەپ ئاخىرى 110-96 نەتىجە بىلەن رەقىبى جېجىياڭ گۇاڭشىيا كوماندىسىنى مەغلۇپ قىلىپ.   ئالدىنقى قىتىملىق ئۇچۇرشىشتا مەغلۇپ بولغاندىكى ئۆچىنى ئالدى. تەڭرىتاغ كوماندىسى ئۇدا ئۈچ مەيدان غەلبە قىلدى. تەڭرىتاغ كوماندىسى ئالدىنقى قىتىملىق ئۇچۇرشىشتا مىھمان مەيدانىدا 108-111 نەتىجە بىلەن جېجىياڭ گۇاڭشىيا كوماندىسىىغا ئۇتتۇرغان ئىدى.   بۇ مەيدان مۇسابىقىدە، شىنجاڭ كوماندىسىدىن  ئۈچ ئەزا قوش خانىلىق نومۇر ئالدى، كوماندا ئەزاسى  ئاندىرى بىراچ 47 نومۇر، 19 قېتىم گاردىن قايتقان توپ ئالدى، 4 قېتىم ياردەمچى پاس بەردى؛ سىباستئان تېلفىر  20 نومۇر،  1 قېتىم گاردىن قايتقان توپ ئالدى، 3 قېتىم ياردەمچى پاس بەردى؛ لىيۇۋىي 24 نومۇر، 2 قېتىم گاردىن قايتقان توپ ئالدى، 2 قېتىم ياردەمچى پاس بەردى ھەمدە 1 قىتىم توپ تارتىۋالدى؛  سۇۋىي  6 نومۇر، 4 قېتىم گاردىن قايتقان توپ ئالدى؛ قىرانبېك ماقان 5 نومۇر، 2 قېتىم گاردىن قايتقان توپ ئالدى؛  لىيۇشۇنەن 3 نومۇر، 3 قېتىم گاردىن قايتقان توپ ئالدى؛  جۇچى 3 نومۇر، 3 قېتىم گاردىن قايتقان توپ ئالدى ھەمدە 4قېتىم قالپاق كىيدۇردى ؛ شىرئەلىجان 2 نومۇرئالدى. يىڭى پەسىللىك مۇسابىقە ئورۇنلاشتۇرۇش رەت تەرتىپى بويىچە  2015-يىلى1-ئاينىڭ 21-كۈنى شىنجاڭ كوماندىسى مىھمان مەيدانىدا بىيجىڭ كوماندىسى بىلەن مۇسابىقە ئوينايدۇ. ئەسلى مەنبە؛ ئۇيغۇر ۋاسكىتبول مۇنبىرى؛ http://waskitbol.com/forum.php

qaxmazulal

	بىرخىل ھەيۋەت ئوينالدى دىسە ئاخشامقى مۇسابىقە...مەن بۇرۇن بۇ خىل مۇسابىقىلەرنى كۆرۈپ باقماپتىكەنمەن،بۇ نۆۋەتتىكىسىگە قىزىقىپلا قالدىم. ئويلاپ قالدىم،مۇشۇ بارلىق كوماندىلاردىكى چەتئەللىك ئەزالارنى چىقىرۋېتىپ تۇرغاندا قايسى كوماندا ئەڭ ياماندۇ؟؟؟

زەردار007

	بۇ مۇسابقىنى ياخشى ئوينىدى....

مەشئەل520

	بەلكىم يارا سەۋەبىدىنمىكىن،شىرئەلىجاننىڭ بۇيىلقى ئىپادىسى تازا ياخشى ئەمەس،

pariay

	بەك ياخشى بوپتۇ ، ھازىر شىنجاڭ كوماندىسى نەچچىنجى ئورۇندا تۇرىدۇ؟

idikut510

	شىرئەلىنىڭ ئەمدى ياخشى ئوينىيالىشى ناتايىن

izqel

	قايسى قانالدا،قايسى ۋاقىتتا بىرىدۇ بۇ ۋاسكىتبۇل مۇسابىقىسىنى...بىر كۆرەي قىزىقمىساممۇ.شېرئەلىنى دەپ بولسىمۇ كۆرەيچۇ...

باياۋان

	qaxmazulal يوللىغان ۋاقتى  2015-1-15 11:24 AM بىرخىل ھەيۋەت ئوينالدى دىسە ئاخشامقى مۇسابىقە...مەن بۇ ... مېنىڭچە چەتئەللىك ئەزالارنى چىقىرىۋەتسە ھەممىدىن يامىنى گۇاڭدوڭ كوماندىسى . چۈنكى گۇاڭدوڭ كوماندىسىدا يىجىيەنلەن ، جۇپىڭ ، جۇفاڭيۈ قاتارلىق دۆلەت كوماندىسىنىڭ 4 ئەزاسى بار ، ئۇلار تېخنىكىدا پىشقان ، تەجرىبىسى مول توپچىلاردۇر . ئۇلارغا سېلىشتۇرغاندا باشقا كوماندىدىكىلەر ياش جەھەتتە كىچىك ھەمدە توپ ئويناش تەجرىبىسى گۇاڭدوڭ كوماندىسىدىكىلەرگە قارىغاندا كەمچىل ، ئۇستا توپچىلار توپلاشمىغان . ئايرىم شەخسىي قەھرىمانلار نوچىلىق كۆرسىتىدىغان كوماندىلار بىرقەدەر كۆپ .

باياۋان

	pariay يوللىغان ۋاقتى  2015-1-15 03:56 PM بەك ياخشى بوپتۇ ، ھازىر شىنجاڭ كوماندىسى نەچچىنجى ئورۇ ... ئاخشامقى مۇسابىقىدىن كېيىن شىنجاڭ كوماندىسى 5-ئورۇنغا چىقتى . ئەمما بۇدا قېتىم بېيجىڭنى ئۇتمىسا بەك خەتەرلىك ، چۈنكى بېيجىڭغا ئۇتتۇرۇپلا قويسا كەينىدىكى شەنشى ، گۇاڭشىيا ، جىلىن ، دۇڭگۇەن قاتارلىقلار يېتىشىۋالسا بىراقلا 9-ياكى 10-ئورۇنغا چۈشۈپ قېلىشى مۇمكىن .

جۈرئىتى

	مەنمۇ بەك قىزىقىمەن .