مىسرانىمداشلارغا ئىككى كەلىمە
ئەسسالامۇ ئەلەيكۇم، مىسرانىم مۇنبىرىدىكى بارلىق قېرىنداشلىرىم:
2014-يىل ئاخىرلىشىشقا ئاز قالغان كۈنلەردە 2015-يىلى ئۇيغۇرلارنىڭ كىتاپ ئوقۇش يىلى بولىشى كېرەك دىگەن تەشەببۇسنىڭ ئوتتۇرغا قۇيۇلىشى بىلەن، نۇرغۇن كىشىلەرنىڭ قىزغىن قوللىشىغا ئېرىشىپ، جەمىيتىمىزدە بەلگۈلىك زىل-زىلە پەيدا قىلغاچقا، كۆڭۈللىرىمىز يورۇپ قالغان ئىدى. چۈنكى «كىتاپ ئوقىمىغان مىللەتنى كەلگۈسى تاشلىۋېتەتتى».
ھالبۇكى يېڭى يىلنىڭ كىرگىنىگە ھەپتە ئون كۈن بولابولمايلا، پىسخولۇگىيە پەنلىرى دوكتۇرى زىۋىدە خانىمنىڭ ئەلى مۇئەللىمنىڭ مىللەتلەر ئۇنۋىرستېتىدىكى لىكسىيەسى(خانىم يازمىسىدا مەن بۇ يازمىنى ئەلى قۇربانغا ئاتاپ ئەمەس، لىكسىيە ئاڭلىغۇچىلارغا ئاتاپ يازدىم دەپ ئەسكەرتكەن بولسىمۇ ئەمما يازمىدا ئەلى مۇئەللىم ھەققىدە مۇلاھىزە قىلىنغان) ھەققىدە يازغان يازمىسىنىڭ باغداش ۋە مىسرانىم مۇنبىرىدە ئېلان قىلىنىشى بىلەن بىزنىڭ نۇرغۇن تورداشلىرىمىز بىر نەچچە تەرەپ بولۇپ بۇ يازما ھەققىدە، زىۋىدە خانىم ھەققىدە، ئەلى مۇئەللىم ھەققىدە ھەتتا بىر-بىرلىرى ھەققىدە نۇرغۇن ئىنكاسلارنى يوللىشىپ مۇنبەرلەردىن «ئوت» چىقىرۋەتتى. مەن ئىنكاسلارنى بىر چەتتە تۇرۇپ تەپسىلىي كۆرۈپ چىقىش جەريانىدا كاللامدا تۈۋەندىكىدەك بىر قانچە خىل پىكىر تۇغۇلۇپ قالدى؟
1. ئۇيغۇرنىڭ ئالىمى بولماق بەسىي مۈشكۈلمۇ قانداق؟
2. ئۇيغۇردا داڭ چىقارغان ئادەم بولماق بەسىي مۈشكۈلمۇ قانداق؟
3. ئۇيغۇردا باشقىلار ھەققىدە ئىككى ئېغىز لىللا گەپ قىلماق بەسىي مۈشكۈلمۇ قانداق؟
4. ئۇيغۇردا يول ئېچىپ ئىلگىرلىمەك بەسي مۈشكۈلمۇ قانداق؟
5.ئۇيغۇردا ئىتىراپ قىلىنىشقا ئېرىشىش بەسىي مۈشكۈلمۇ قانداق؟
مەن مۇنبەرداشلار ئوتتۇرغا قۇيۇۋاتقان تۈرلىك ئىنكاسلارنى ئوقۇش جەريانىدا « شور پىشانە مىللەت تاپا-تەنىچى كېلىدۇ » دىگەن بىرگەپ ئىختىيارسىز ئىسىمگە كىپ قالدى.
ئەسلىدە بەزى ئىشلارغا سۈكۈت ئەڭ ياخشى جاۋاپ ئىدى. ئەمما مۇنبەرداشلارنىڭ كەيپىياتىنى كۈرۈپ سۈكۈت قىلغۇم كەلمىدى .
بىز نېمە ئۈچۈن بىر-بىرىمىزگە تاپا-تەنە قىلىمىز؟ بىز نىمە ئۈچۈن بىر-بىرىمىزگە نەشتەر سانجىيمىز؟
بىز نىمە ئۈچۈن بىر-بىرىمىزنىڭ ئۇلىنى كولايمىز؟
بىز نېمە ئۈچۈن بىر-بىرىمىزنى تار كوچىدا قىستايمىز؟
بىز نىمە ئۈچۈن بىر-بىرىمىزنى چۈشۈرۈشكە ئۇرىنىمىز؟
ئەمما مەن شۇنىڭغا قەتئى ئىشىنمەنكى خەلقىمىز ھامان دان بىلەن ساماننى ئايرىيالايدۇ. تارىخ ھامان ھەممىنى ئىسپاتلايدۇ. شۇڭا قېرىنداشلار قېنىمىزنى قىززىق قىلمايلى، يۇقىلاڭ ئىشلار ئۈچۈن بىر-بىرىمىزنىڭ كۆڭلىگە ئازاربەرمەيلى.
ئاخىردا ئارزۇ قىلىدىغىنىم ئاكتىپ ئىنىرگىيەتارقىتىپ بىر-بىرىمىزنى قوللاپ قۇۋەتلەيلى!!!
ئاكتىپ ئىنىرگىيە مىسرانىمدىن، باغداشتىن تارقالسۇن!!! ئاكتىپ ئىنىرگىيە ھەر-بىرىمىز ياشاۋاتقان جايدىن تارقالسۇن!!! ئاكتىپ ئىنىرگىيە بىز ياشاۋاتقان بۇ ئانا تۇپراقنى قاپلاپ ئىشلىرىمىزدا رۇناق تېپىشىمىزدىكى مەنىۋىي كۈچكە ئايلانسۇن!!!!!
( قوش تىرناق ئىچىگە ئېلىنغان سۆزلەر ئىلغارزىيالىلىرىمىزنىڭ سۆزى ئىدى. يەنە باشقا بىر مۇلاھىزىنىڭ ئوت پىلتىسى بولۇپ قالماسلىقى ئۈچۈن ئىگىسىنى ئەسكەرتىمىدىم)
بارلىق مۇنبەرداشلارنىڭ تىنىگە سالامەتلىك،ئىشلىرىغا ئاسايىشلىق تىلەپ: قېرىندىشىڭلار روھساندىن.
2015-يىلى 1-ئاينىڭ 7-كۈنى
بۇ يازمىنى ئاخىرىدا روھسان تەھرىرلىگەن. ۋاقتى 2015-1-7 06:49 PM
يوللىغان ۋاقتى 2015-1-7 06:44:40 PM
يوللىغان ۋاقتى 2015-1-9 09:10:07 AM