ئاتامنىڭ سۈرىتى پاتمىغان ئالبۇم

مۇرادىل

	ئاتامنىڭ سۈرىتى پاتمىغان ئالبۇم ئېسىمنى بىلىپ ئاق -قارىنى پەرق ئەتكۈدەك بولغاندىن تارتىپ تاكى ھازىرغىچە ئۆزۈمگە نىسبەتەن ئەڭ قىممەتلىك ، ئەڭ ئەھمىيەتلىك نەرسىلەرنى ساقلاپ كېلىۋاتىمەن . چۈنكى ئۇلار مېنىڭ خۇشاللىقىمنىڭ ، غەم قايغۇمنىڭ شاھىدى . ئەلۋەتتە ئالبۇممۇ كەم ئەمەس . چۈنكى ئالبۇم ئەسلىمىنىڭ قاتۇرۇلغان نۇسخىسى ،ھايات كارتىنىلىرىنىڭ نامايەندىسى . تۇيۇقسىز بىر كۈنى ئالبۇمنى كۆرۈش ئىستىكى قوزغىلىپ قالدى .ئالبۇمنىڭ بىرىنجى بېتىنى ئاچتىم . ئۇنىڭدا ئاغىنىلىرىم بىلەن چۈشكەن بىر نەچچە پارچە سۈرەت تۇراتتى . ئىككىنجى بېتىدە تولۇقسىز ۋە تولۇق ئوتتۇردىكى ساۋاقداشلىرىم بىلەن چۈشكەن سۈرەت بار ئىدى . ھەي ! نەقەدەر گۈزەل چاغلار ئىدى ھە ! شۇنداق شېرىن خىياللار ئىلكىدە ئالبۇمنى ۋاراقلاپ ئەڭ ئاخىرقى بەتكە كەلگەندە كۆزلىرىم بىر نۇقتىغا تىكىلىپ قالدى . چۈنكى بۇ يەردە ئانامنىڭ سۈرىتى تۇراتتى . پەقەت ۋە پەقەت بىر پارچە سۈرەت. تېخى سۈرەتنىڭ بىر بۇرجىكى يىرتىق . شۇ ھامان  تېزلىكتە ئالبۇمنى ۋاراقلىدىم . ۋاراقلىغانسېرى قوللىرىم ئاستىلىغىلى تۇردى.مەن ئالبۇمنى كۆرمەسلىكنى قارار قىلدىم . چۈنكى بۇنىڭدا تۈۋرىكىم دادامنىڭ سۈرىتى يوق . مېھرىبانىم ئانامنىڭ پەقەت بىر پارچە سۈرىتى بار ئىدى . مەن ئۆزۆمگە نەپرەتلەندىم . مەن ئۈچۈن گۈلدەك ئۆمرىنى خازان قىلغان ، ئۇلار بولمىسا ياشىيالمايدىغان ئەڭ سۆيۈملۈك ، ئەڭ قەدىرلىك ئىنسانلارنىڭ سۈرىتى ئالبۇمۇمدا يوق . ئۇلار يېقىنلىرىم ، دوست - بۇرادەرلىرىم بەرگەن مۇھەببەتتىن ، خۇشاللىقتىن نەچچە ھەسسىلەپ بەرگەنىدى. ئەجىبا ئۇلارنىڭ ئەجرى ئالبۇمدىكى سۈرەتچىىلىك بولالماسمۇ ؟! مەن ئاپاراتىمنى ئالدىم .ئاتام بىلەن ئانامنى ئەڭ مەنزىرىلىك جايغا ئاپاردىم . چۈنكى بۇجاي ئاتام بىلەن ئانام بولغاچقىلا سۈرەتتە ئۆز قىممىتىنى تاپقان.   ئاتا! ماڭا قاراپ بىر كۈلگىن ، سېنىڭ كۈلگەندىكى چىرايىڭنى قەلبىمنىڭ ئەڭ چوڭقۇر قاتلىمىغا ساقلىۋالاي! ئانا ! چىرايىڭنى ئاشساڭچۇ ، نە ھاجەت ئارتۇقچە غەم ، ئارتۇقچە ئەندىشە. بىردەم بولسىمۇ چىرايىڭدىن نۇر يېغىپ تۇرغان تەبەسسۇمىڭنى كۆرەي ! يىللار سىلەرنى قېرىتتى . سىلەرنىڭ قامەتلىك بەدىنىڭلارنى ، ئەۋرىشىم بەللىرىڭلارنى مۈكچەيتتى . يىللار خۇددى ئۆزىنىڭ  شانلىق تارىخىنى يازماقچى بولغاندەك ، خۇددى بۇ زىمىنغا يەنىلا ئۆزىنىڭ ھۆكۈمران ئىكەنلىكىنى ئىسپاتلىماقچى بولغاندەك سىلەرنىڭ يۈزلىرىڭلارغا يول- يول قورۇقلارنى قالدۇرۇپ كەتتى .  خەير ، بىز ۋاقىت ئالدىدا ئامالسىز . ئەمما بىزنىڭ قولىمىزدىن كېلىدىغىنى ئاشۇ ئۆتكۈنچى ۋاقىتتا ئەڭ يېقىنلىرىمىز بىلەن ئەڭ گۈزەل ئەسلىمىلەرنى قالدۇرۇش ! مەن ئاتام بىلەن ئانامنىڭ سۈرىتىنى ئالبۇمۇمنىڭ تۇنجى بېتىگە قىستۇرۇپ قويدۇم . گەرچە يىللار ئۆمۈرنى ئېلىپ كەتكىنى بىلەن ، مەن ئۆمۈردىن ئارىيە ئېلىۋالدىم .

akbarjan2015

akbarjan2015

	تىما ئىگىسىگە رەھمەت

akbarjan2015

	تىما ئىگىسىگە رەھمەت

jelwa

	تىما   ئىگىسىگە  رەھمەت  .  ياخشى تىمىدىن بىرنى  ئېلىپ كەپسىز.....

Ay.sadap

	ياخشى قىلىپسىز، دۇنيادا ئاتا-ئانا مۇھەببىتىلا ئەڭ ساپ، ئۆزگەرمەس، مىننەتسىز مۇھەببەت ئىكەن....

izqel

	كىيىن ئەسلىگەننىڭ مەنچە قىممىتى بۇرۇنقىدەك بولمايدۇ.خىجالەتچىلىك بۇرۇنقىدىن كۆپىيىدىكەن شۇ.

dilk@x

	بەك ياخشى قىپسىز دوس بۇرادەرلىرىمىزنىڭ بەرگەن خۇشاللىقى ھەرقانچە قىلسىمۇ ئاتا-ئانىمىز بەرگەن خۇشاللىققا ھەرگىز يەتمەيدىكەن. مەرھۇم قىينئانام تۇگەپ كەتكىلى32كۇن بولدى.توي قىلغان يەتتە يىلدىن بۇيان بىر ئويدە تۇرغاچقىمۇ.بىر نەرسەم كەملەپ كەتكەندەك. ئوي ئىچى قۇرۇقدىلىپ قالغاندەك. شۇنداق غىرىپسىنپ قالدىم.مەرھۇم ئانام ئوز قىزدىنمۇ بەك كويەتتى ماڭا. تىلپۇنۇمدىكى ئاشۇ سۇرەتلەر ماڭا ھەمرا

izlayman520

	رەھمەت ئەزىز قېرىندىشىم جاپا چەكتىڭىز.................

rana3345

	رەھمەت ياخشى تىمىكەن. ئويلاپ باقسام خىزمەت ،تۇرمۇش دەپ ئاشۇ مىھرىبانلىرىمىزغا كۆڭۇل بۆلەلمەپتىمىز. بۇندىن كىيىن بولسىمۇ ئازراق ۋاقىت چىقىرىپ ئۇلارنى يوقلاپ تۇرايلى.