تەڭرىتاغ كوماندىسى يەنە جىياڭسۇ تۇڭشى كوماندىسىنى يەڭدى

waskitbol0903

	ئۇيغۇر ۋاسكېتبول تورى خەۋىرى؛  ئۈرۇمچى ۋاقتى 12- ئاينىڭ 31- كۈنى كەچ سائەت 00؛6 دە ،  2014-2015- پەسىللىك جۇڭگو ۋاسكېتبول بىرلەشمىسى دائىملىق مۇسابىقىسىنىڭ يىگىرمە ئالتىنچى ئايلانما مۇسابىقىسى ئىلىپ بېرىلىپ، شىنجاڭ تەڭرىتاغ يىزا سودا بانكىسى ئەرلەر ۋاسكىتبول  كوماندىسى ئۆزمەيدانى قىزىلتاغ تەنتەربىيە سارىيىدا ساھىپخان سۈپىتىدە،  ئۇيغۇر ۋاسكېتبولچىلىردىن ئاكا-ئۇكا مەۋلان مەردانلار توپ ئويناۋاتقان جىياڭسۇ تۇڭشى كوماندىسىنى كۈتىۋالدى.  شىنجاڭ تەڭرىتاغ يىزا سودا بانكىسى كوماندىسىدىن جۇچى بىيجىڭدا داۋالىنىۋاتقاچقا مەيدانغا چىقماي دەم ئالدى، لىيۇۋىي بىلەن سۇۋىينىڭ يارىسى ساقىيىپ مەيدانغا چىقتى، تەڭرىتاغ كوماندىسى ئالتە ئەزانىڭ قوش خانىلىق نومۇر  ئىلىشى بىلەن باشتىن ئاخرى ئۈستۈنلكنى ئىگەللەپ ئاخىرى 112-80 نەتىجە بىلەن رەقىبى جىياڭسۇ تۇڭشى كوماندىسىنى مەغلۇپ قىلدى.  تەڭرىتاغ كوماندىسى ئۇدا ئىككى مەيدان غەلبە قىلدى. تەڭرىتاغ كوماندىسى ئالدىنقى قىتىملىق ئۇچۇرشىشتا مىھمان مەيدانىدا 96-84 نەتىجە بىلەن جىياڭسۇ تۇڭشى  كوماندىسىنى مەغلۇپ قىلغان ئىدى.      بۇ مەيدان مۇسابىقىدە، شىنجاڭ كوماندىسىدىن  ئالتە ئەزا قوش خانىلىق نومۇر ئالدى، كوماندا ئەزاسى  ئاندىرى بىراچ 16 نومۇر، 8 قېتىم گاردىن قايتقان توپ ئالدى، 3 قېتىم ياردەمچى پاس بەردى ھەمدە 2 قىتىم توپ تارتىۋالدى؛ سىباستئان تېلفىر  19 نومۇرئالدى،  3 قېتىم گاردىن قايتقان توپ ئالدى، 7 قېتىم ياردەمچى پاس بەردى؛  تاڭ جىڭدۇڭ  18 نومۇر، 6 قېتىم گاردىن قايتقان توپ ئالدى؛ لىيۇشۇنەن 14 نومۇر، 6 قېتىم گاردىن قايتقان توپ ئالدى؛ قىرانبېك ماقان 12 نومۇر، 6 قېتىم گاردىن قايتقان توپ ئالدى؛ يۈچاڭدۇڭ 10 نومۇر، 5 قېتىم گاردىن قايتقان توپ ئالدى ؛ شىرئەلىجان 3 نومۇر، 1 قېتىم گاردىن قايتقان توپ ئالدى؛   سۇۋىي  6 نومۇر، 3 قېتىم گاردىن قايتقان توپ ئالدى . جىياڭسۇ تۇڭشى كوماندىسىدىن مەردان تۇرسۇن 12 نومۇر، 7 قېتىم گاردىن قايتقان توپ ئالدى؛ مەۋلان تۇرسۇن 4 نومۇر، 1 قېتىم گاردىن قايتقان توپ ئالدى. يىڭى پەسىللىكمۇسابىقە ئورۇنلاشتۇرۇش رەت تەرتىپى بويىچە 2015-يىلى1-ئاينىڭ 2-كۈنى شىنجاڭ كوماندىسى داۋاملىق ئۆز  مەيدانىدا جىياڭسۇ  كوماندىسى بىلەن مۇسابىقە ئوينايدۇ. ئەسلى مەنبە؛ ئۇيغۇر ۋاسكىتبول مۇنبىرى؛ http://waskitbol.com/forum.php

hadrat

	غەيرەت قىلىڭلار،باتۇرلار

umdi

	شىنىجاڭ كوماندىسىنىڭ يىڭى يىلىدا يىڭى نەتىجىلەر يار بولسۇن

YuRakTin

	مانا مانا ، شىنجاڭ كوماندىسى ئەمدى ئۆزىنى تېپىشقا باشلىدى،بۈگۈن ئالدىنقى ئايلانمىدا ئۇتتۇرۇپ قويغان جىياڭسۇنىڭ يەنە بىر كوماندىسى جىياڭسۇ جوڭتىيەن كوماندىسىنى يۇقىرى نومۇر بىلەن يېڭىدى ..بىراقلا 5-ئورۇنغا ئۆتتى .ئەمدى قىزىيدىغىنى 4-چىسلا يەنى يەكشەنبە ئوينايدىغان دوڭگۇەن كوماندىسى بولغان مۇسابىقە ، ئالدىنقى ئايلانمىدا دوڭگۇەنگە ئۇتتۇرىۋەتكەن ئىدى ، يەكشەنبە كۈنى ئۇلۇغ ئاللاھ خالىسا يېڭىغۇسى ..يەنە كىلىپ يەكشەنبە كۈنى شىرئەلىنىڭ تۇغۇلغان كۈنى .