دادا،مېنى دېھقان بولغىلى قوي!(3)

ئەلى1104

	(ئەسلى ھەممىسىنى ئىنكاس شەكىلدە يازسام ياخشى بولاتتى، مەن مۇنبەرنىڭ ئۇ ئىقتىدارىنى بىلمىگەچكە مۇشۇنداق يېزىشقا مەجبۇر بوپ قالدىم، رەنجىمىگەيسىلەر ئەزىزىلەر) كۈندە ئاڭلىندىغان ئەتىگەنلىك مۇزاكىرە مۇزىكىسىدىن، ئورنۇڭدىن تۇر دىگەندەك لايدەك ئېزىلىپ ئاران تۇردۇم، قارسام ياتاقتا ھەممىسى ئۇخلاپ ياتقان، يوتقانمۇ يىپىنماي، ئاياق ، پايپاقلارنىمۇ سالماي يېتۋاپتىمىز، ئېغىزىم قۇرۇپ، كالپۇكلىرىم يېرىلىپ كىتەيلا دەپ قالغاندى، ئۇدۇل سۇخانىغا يۈگۈردۈم ۋە يۈز-كۆزۈمنى يۇيۇپ ، مۇزدەك تۇربا سۈيىدىن نەچچە يۇتۇپ گۈپۈلدىتىپ ئىچىتىم. بالىلارنى بىر قۇر ئويغاتقاندىن كىيىن، ئالدىراپلا گىمناستىكا مەيدانىغا قاراپ يۈگۈردۈم.مەيدانغا چىقىشىمغا مۇزىكا باشلاندى، ھەممەيلەن چالا ئۇيقۇلۇق ، كۆزىمىزنى ئاران ئېچىشىپ، خۇش ياقىمىغان ئەتىگەنلىك گىمناستىكا مۇزىكىسغا جۆر بولدۇق. ھاراق دىگەن بەلەن نەرسە ئەمەس، ئاشۇ كۈنى بىر كۈن ناھايتى روھسىز ، تاماقمۇ خۇش ياقىماي، خۇددى ئۆلۈكتەكلا يۈردۈم، ھېچ ئىش خۇش ياقمىدى، ئىچىمدە ئۇ يەرگە بېرىپ ئوينىغىنمىدىن مىڭ پۇشايمان قىلدىم، ئۆزۈمنىڭ باشقىچە بوپ قالغىنىمغا ئاچچىقىم كىلىپ. دەرستىن چۈشۈپلا يوتقانغا كىرۋالدىم.بۇنىڭدىن كىيىن ئۇنداق يەرگە بارماسلىققا ئۆز - ئۆزۈمگە ۋەدە بەردىم. ئاخىرى ماۋسۇملۇق ئىمتاھانلارمۇ ئېلىندى، تەتىللىك تاپشۇرۇق بېرىشىچۇ تېخى! ئالىي مەكتەپتىمۇ تەتىلىك تاپشۇرۇق بېرىشىنى قانداق قىلاي؟! مۇناسۋەتلىك ئورۇنلاشتۇرۇشلار بىر قۇر ئورۇنلاشتۇرۇلغاندىن كىيىن ، ئائىلىمىزگە ئەۋەتلىدىغان نەتىجە قەغىزى ئۈچۈن، بىر پارچىدىن كونۋېرىت تەييارلاپ ئائىلىمىزنىڭ ئادىرسىنى يېزىشتۇق، مۇئەللىم يىغۋالغاندىن كىيىن ، بىر - بىرىمىز بىلەن خوشلىشىپ، ياتاقلارغا قايتىپ نەرسە- كېرەكلىرىمىزنى يىغىشتۇرۇپ كەتتۇق. -ئاداش، تۇرپانلارغا بېرىڭە، شادىمان پىرقىراپ، گۇيتوزىلار بىلەن ئامدان ئىچىشىپ يۈرىمىز! -ئېدىش، ئۆيەڭلىگە باماي بىزنىڭكىگە بېرىڭلا، تەتىلنى بەلەن ئۆتكۈزۈپ كىلىمىز دەيمە! -ۋاي، بىزنىڭ خوتەنگە باسا بومامتا، جۇڭلا بى ماڭتىمىز، ماشىنا كەپ قاپتۇ! -...... -مۇشۇنداق تەكلىپ قلىشلار بىر-بىردىن قېلىشمىغۇدەك بولۇشتى، مەنمۇ بوش كەلمەي ئۇلارنى تەكلىپ قىلدىم، يۇرتىمىزنىڭ دولان -مەشرەپ ماكانى ئىكەنلىكىنى ، پات-پات دۇلان-مەشرەپ ئۆتكۈزۈلۈپ تۇرىدغانلىقنى ئېيتتىم، ئەمما ھەممەيلەن ئۆيىگە ئالدىراۋاتقان بولسا كېرەك، ھېچكىممۇ ئۆز ئۆيدىن باشقا يەرگە بېرىشىنى چىرايلىق رەت قىلىشىپ، بىر-بىرلەپ چامدان ، نەرسىلىرنى كۆتۈرشۈپ چىقىپ كىتىشتى.مەنمۇ ئاددىيغىنە چامدىنمنى يىغىشتۇرۇپ، يولغا چىقتىم، مەكتەپ دەرۋازىسدىن چىقىپ ئاممىۋىي ئاپتۇبۇس بىلەن بىكەتكە كەلدىم، بىكەتكە كىرىپ يۈك-تاقلارنى جايلاشتۇرۇپ، ماشىنىنىڭ مېڭىشىنى ساقلاپ ئولتۇردۇم. بۇ بىر ماۋسۇم شۇنداقلا ئۆتۈپ كەتتى، ،ماڭا نىسبەتەن شۇنداق تېزلا ئۆتۈپ كەتتى ، مەن تېخى ھېچقانچە ئۈگنىش قلمىغاندىم، ھەقىقىي ئالىي مەكتەپكە كەلگەندەك ھېسيات-تۇيغۇ مەندە بولۇپ باقمىغاندى.ئۆزۈممۇ بىلمەيتىم، پەقەت تېلۋېزۇردا قاتار- قاتار سىتۇدېنتلارنىڭ كىتابلارنى كۆتۈرۋېلىپ ئالدىراش ماڭغان كۆرۈنۈشلىرىنى كۆرگەن ئىدىم.مۇقىم سەككىز سائەت دەرس ئۆتۈلدىغان، ئەتىگەن كەچلىرى مۇزاكىرە ئورۇنلاشتۇرىلىدىغان، ئەتىگىنى سائەت 6بىلەن گىمناستىكا ئوينىلدىغان، ھەپتىنىڭ بىردىن باشلاپ ھەپتىنىڭ بەشىگىچە مەكتەپ دەرۋازىسى تاقىلىدىغان مەكتەپ ھاياتىمغا قاراپ ، تۇلۇق ئوتتۇرغا سېلىشتۇرغاندا ھېچقانچە ئۆزگىرىش يوقلىقىنى ، ھېچقانچە يېڭىلىق يوقلىقىنى، نەدىمۇ ئالىي مەكتەپتە ئوينايسىلەر دىگەن گەپنىڭ قىلچىلىك ئاساسى يوق گەپلىكنى ئەمدىلىكتە ھېس قىلماقتا ئىدىم. مەن ئارزۇ قىلغان ئالىي مەكتەپ بولسا ، دەرسلىرى كۆپ بولمىغان، بىكار ۋاقىتلاردا ئۆزلىكىدىن ماتىريال كۆرۈپ ، ئۆز كەسپىنىڭ تېخىمۇ كۆپ قائىدە -قانۇنىيەتلىرىنى ئۈگندىغان ، چارچاپ قالغاندا بولسا مەدىنىي بولغان پائالىيەتلەر بىلەن ئوقۇش تۇرمۇشنى موللاشتۇردىغان ....دىگەندەك ئىدى. ئەمما رېئال شارائىت بۇنداق ئەمەس ئىدى، مەندەك بىر چەت سەھرادىن كەلگەن دېھقان ئوغلىنىڭ خىيالى شۇنداق بولامدىغاندۇ ياكى.....ئىشقىلىپ مىنىڭ ئويلاپ باقانلىرىم شۇ ئىدى. مەن بىر ئاددىي دېھقان ئائىلىسىدىن، شارائىتىمىز دىگەندەك ياخشى بولمىسىمۇ، ئارا-ئانام مىىنى چىداپ تۇرۇپ ،ئۈچ يىل تولۇقتا ئوقۇتقان ئىدى. مىنىڭ ئوقۇش ئىستكىم بەك يۇقىرى بولغاچقىمۇ، ئۆيدىكلەر ئوقۇتمايمىز دېسىمۇ، مەن تولۇق ئوتتۇرا مەكتەپكە كىلۋېلىپ ، ئۆيگە بىرەر ئايچە بارمىغاندىن كىيىن ، ئۆيدىكلەر مىڭ تەستە ئوقۇتىدىغان بولغاندى، شۇ بىر ئايدا نەچچە قېتىم ئاچ يۈرگىنمنى ، يەيدىغان تىرناقچىلىك نەرسە يوق، باشقىلار يەپ بولامىغان نەرسىلەرنى يەپ ئۆتكەن كۈنلىرىمنى ئويلىسام ئىچىم سىيىرىلىدۇ. ھەر ماۋسۇم ئوقۇش پۇلى ، كىتاپ پۇلى ، سۇغۇرتا پۇلى، كومپىيۇتېر ئۈگتىش ھەققى دىگەندەك پۇللارنى يىغقاندا بەكلا ئېغىر كىلەتتى. ئۆيدىكلەرگە بەك تەس ئېغىز ئاچاتتىم. تۇنجى يىلى بىر يىل ئوقۇش پۇلۇمنى مەكتەپتىن  كەچۈرۈم قىلغان ئىدى، كىيىنكى يىللىرى بەكلا قىينىلىپ دىگەندەك تولۇقنى پۈتتۈرگەن بولدۇم. سىنىپتىكى 50نەچچە ساۋاقدېشىمنىڭ ئىچىدە 3-4-بولۇپ ئوقۇدۇم. ئالىي مەكتەپكە كەلگەندە ، ئوقۇش پۇلىنى تۆلىمىسەك ياتاق بەرمەيدىغانلىقىنى ئاڭلاپ ،ئامال يوق ئوقۇش پۈلى 4500يۈئەننى  تۆلىۋەتكەن بولدۇق. ئۆيدىكلەرنىڭ قانچىلىك تەستە بۇ پۇلنى تەييار قىلىغىننى ھېلىمۇ ئويلاپ يىتەلمەيمەن. بۇ بىر ماسۇمدا ئېيىغا 250-300يۈئەنگىچە خىراجەت قىلىپ ، خېلى قىينالمايلا ئوقۇۋالدىم. ( بۇ 2009-يىللار ئىدى) ھېلىمۇ ياخشى كىراغا لايىق پۇل ساقلاپ قويۇپ ، يەنە ئازراق ئېشىپ قاپتىكەنتۇق، بازارغا چىقىپ بەكلا تەستە چەرچىن ماللار كوچىسىدىن ئانامغا بىر باش ياغلىق، دادامغا بىر دوپپا، ئىنىمغا بىر توپچىلار كىيىمى ئېلۋالدىم. مۇشۇلارنى ئويلاپ ئولتۇرغىنىمدا ، بېلەت تەكشۈرگۈچى خىيالىمنى ئۈزۈپ قويدى. مەن بېلىتىمنى كۆرسىتىپ بولغاندىن كىيىن ئۇزاق ئۆتمەي ماشىنا قوزغالدى، يۈرۈكۈم ھاياجان ، يۇرتۇمغا، ئاتا-ئانامغا بولغان سېغىنشىم ئۆزۈمنى ھاياجانلاندۇرۇپ قويدى. ماشىندا قويۇلۋاتقان كىنوغا ئانچە ئېرەن قىلىپ كۆرۈپ كەتمىدىم، كۆزۈم ماشىنىڭ سىرتىدا ئارقىمىزدا قېلۋاتقان مەنزىرە، كاللامدا بولسام تۈرلۈك خىيال، كەلگۈسۈمگە بولغان تۈگىمەس ئارزۇ -ئارمانلار........

بەيجان

	شۇ چاغلاردا بىز نىمىشقا تونىشمىغان بولغىيتۇق ئاداش؟ شۇ ۋاقىتلاردا تونۇشقان بولساق دەردىڭگە مەن بولسامممۇ ئازراق دەرمان بولاركەنمە . داۋامىغا تەشنامەن جىما

ئەقىدە02

	ئالى مەكتەپ ۋاقىتلىرىمنى ئەسكە سېلىپ قويدىڭىز، مەنمۇ نەق شۇ ۋاقىتلاردا ئوقۇغان..

turmux.net

	دېھقان بولماس تەس

zulpukar

	دېھقانلارنىڭ ئىچىدە پەرزەنتلىرنى ئالى مەكتەپلەردە ئوقۇتۇپ كېتەلەيدىغانلاردىن بەكلا ئاز چىقىدۇ......... يەنىلا دېھقان بولماق تەس شۇ.........  دېھقان بولغان تەغدىردىمۇ  تۈرلۈك ھاشار.......

kaysar123

	كۆردۆڭلار ھالىمىز شۇ قەدەر ناچار، قازناقلار قۇپ-قۇرۇق،چاشقانمۇ قاچار. قاچاندا بۇ ھالغا بوپ قالدۇق دۇچار، جاھاندا ھەممىدىن دىھقان بولماق تەس. دادۈيجاڭمۇ پۇل دەيدۇ،كاسسىرمۇ ھەم، ئوغوتمۇ پۇل دەيدۇ،يالتىراقمۇ ھەم. پۇل دەيدۇ يولدىكى بوغىناقمۇ ھەم، پۇل قىنى،پۇل نەدە  غەم ئۈستىگە غەم، جاھاندا ھەممىدىن دىھقان بولماق تەس            ھەييييييي...........يەنىلا دىھقان بولماق تەس جۇمۇ

ئارزۇ01

	ئنكاس شەكلى بىلەن يىزىش تەس ئەمەس ئىنكاس يازدىغان يەرگە يازسىز. داۋامىغا تەشنامەن. 2009.يىلى بارغانما ؟ قەشقەر سىفەن شۆيەندە ئوقۇغانمۇ؟

anwar1314

	داۋامىنى تىزراق يىزىڭ،

oyl

	kaysar123 يوللىغان ۋاقتى  2014-12-28 05:56 AM كۆردۆڭلار ھالىمىز شۇ قەدەر ناچار، قازناقلار قۇپ-قۇرۇق ... شۇ...شۇ....نەخلا يېزىپسىز.