تۇز: ئاتاڭغا قەرزدارسەن

.tuz.

	ئەسسىلامۇ ئەلەيكۇم سۇئال : پەرزەنتىگە پايدىسى تەگمىگەن ئاتىنىڭمۇ رازىلىقى مۇھىممۇ ؟ جاۋاب: ئانا ھەرقانچە يامان پېئىللىق ، ئاتا ھەرقانچە يامان ئاتلىق بولسىمۇ ، ھەممە ئۇلاردىن يۈز ئۆرۈپ كەتسۇن ، ئەمما پەرزەنتنىڭ بۇنداق قىلىشىغا زىنھار ھەققى يوق ! چۈنكى ئۇنىڭ ماڭلىيىدا ئاتاسى پالانچى ، ئانىسى پۇستانچى دېگەن پۈتۈك بار ! ئۇنى ياراتقۇچى پۈتكەن . ئاتا بىرقانات ، ئانا يەنە بىر قانات بولمىسا پەرزەنت ئاتلىق قۇشچە قايدىن كېلەتتى ؟! بالام ، ياخشى ۋە يامان ، سەندىن يىراق ۋە يىقىن بولغان ئاتاڭدىن ياشاپ بېرۋاتقان ھەر بىر كۈنۈڭ ئۈچۈن قەرزدارسەن . سەندىن ۋاز كىچىپ كەتكەن بولسىمۇ ، ھېچ بولمىسا ئالقىنىدا بىر قىتىم دان بىرىپ ئەركىلەتمىگەن نامەرد بولسىمۇ ، ئەمما ئۇنىڭ بىر قېتىم ئەستايىدىل « ئاشۇ بالام قەيەردە بولسۇن ئامان بولسۇن » دەپ ياراتقۇچى ئۇلۇغ ئاللاھدىن دۇئاغا قول كۆتۈرۈپ سوراپ قويغان يىرى بولسا ، سەن ئۇنىڭغا قەرزدارسەن . بەلكى ئاشۇ ئاتاڭ دۇئاسى بىلەن مەۋجۇد بولۇپ يۈرگەندۈرسەن . ئاتا- ئانىنىڭ ياخشى يامانلىقىدىن قەتئىينەزەر ، پەرزەنتلىرى ئۈچۈن قىلغان دۇئالىرى ، ياخشى تىلەكلىرىنى رەببىمىز ئۇلۇغ ئاللاھ ئىجابەت قىلغۇچىدۇر ، ئىنشائاللا ! ( ئاتا - ئانا دۇئاسى پەرزەنت ئۈچۈن تىز ئىجابەت بولۇر ) بىر ئادەمنىڭ بىشىغا قاتتىق مۇسۇبەت چۈشۈپتۇ . ئۇنىڭغا يىقىن دوست بۇرادەرلىرى ماددى ياردەم بېردىغان بولۇشۇپتۇ . ئەمما ئۇ « مەن ئاتام بىلەن ئانامنىڭ دۇئاسىنى ۋە رازىلىقىنى ئالغانمەن ، ئىنشائاللا ، ئاللاھ ئەجرىمنى يەردە قويمايدۇ » دەپ باشقلارنىڭ ياردىمىنى رەت قىپتۇ . ھەقىقەتەن ئاتا دۇئاسىنى ، ئانا دۇئاسىنى ئالغان بۇ ئادەم تىزدىنلا راۋاج تىپىپ قەددىنى تىكلەپتۇ . ئەسلىدە بۇ ئادەمنىڭ دادىسى يىگىرمە يىلغىچە كارۋاتقا مىخلنىپ كېسەل بىلەن ياتقان ئىكەن . ئۆغلى ئەمەلدارلىق كۇرسىدا بولسىمۇ ، ھەرقانچە ئالدىراش بولسىمۇ ، ئەڭ مۇھىم ئىشىنى ئاشۇ دادىسىغا قاراش ، ھەر كۈنى ئۆز قولى بىلەن پەرۋىش قىلىپ ، دورىسىنى بىرىپ ، ھاپاش قىلىپ كوچىلارنى ئايلاندۇرۇپ ، چوقۇم ساقىيىپ كىتىسەن جىنىم دادا ، دەپ ياخشى گەپلەر بىلەن كۆڭلىنى ئاۋۇندۇرۇپ ، خۇرسەن قىلغانىكەن ......... ئوغلۇم ، شۇنى بىلگىنكى ، ئاتا - ئانىنىڭ خاتالىقى ۋە گۇناھىنى باھالىغۇچى ياراتقۇچىدۇر . سەن ئۆز قىسمىتىڭنى ياخشىلاي دىسەڭ ، كېيىنكى كۈنلىرىم بەختىيار ئۆتسۈن دېسەڭ ، دۇرۇس ۋە نادۇرۇس ئاتا- ئاناڭنى ئالقنىڭدا كۆتۈر . ھەر بىر نەسەھەتىنى ئاڭلا ، خىزمىتىنى ئوبدان قىل ، سېنى تاشلاپ كەتكەن بولسىمۇ ئىزدەپ تىپىپ پەرزەنتلىك مەجبۇريىتىڭنى ئادا قىل ، رازى قىل ، دۇئاسىنى ئال ! ھەرقانچە ئەسكى بولسىمۇ ، ھەر قىتىم دۇئايىڭدا ياراتقۇچىدىن  ئىنساپ سورا ، چىن دىلىڭ بىلەن يىغلاپ ئىنساپ سورا ، بىلىپ - بىلمەي ئۆتكۈزگەن گۇناھلىرىنىڭ كەچۈرۈم قىلنىشىنى تىلە ! شۇنى بىلگىنكى دىلىڭ يىغلىسىمۇ ، ھېچكىمگە سازايى قىلىپ داتلىما ، تىلىڭنى زىنھار ئۇلارنىڭ غەيۋىتىگە ئىشلەتمە ! سەن شۇندىلا كۆكلەيسەن ، بەختىيار ياشاسەن ، پەرزەنتلىرىڭمۇ ياشنايدۇ ! پەرزەنتلىرىڭدىن راھەت كۆرىسەن ، ئاتا- ئاناڭغا قىلغان ئەجرىڭ بالىلىرىڭدىن قايتىدۇ . مەنبە : نازۈك سۇئال مۇنبەرگە يوللىغۇچى : تۇز 2014- يىلى 12- ئاينىڭ 27- كۈنى ئەزىزانە شەھرى قەشقەر

.tuz.

	ئەسسىلامۇ ئەلەيكۇم تالاي - تالاي قېتىم ئىسپاتلانغان ھەقىقەت شۇ : ئاتىسىنى خار قىلغان بالىسىغا خار بولىدۇ . ئاتا - ئانىسىنى قاقشىتىپ يىغلاتقان ھەرقانداق كىشى ئىلگىرى باسمايدۇ ، شۇنداق تىرشىپ باقىدۇ - يۇ راۋاج تاپمايدۇ !

nasif

	ئاتا-ئاناڭلار مۇشرىك بولسىمۇ، دىنغا مۇخالىپ ئىشقا زورلىمىسىلا مىھرىبانلىق كۆرسىتىڭلار دەيدىغۇ...

ئىپارە

	توغرا ئاتا دىگەن تاغ ئىكەن، ئانا دىگەن باغ ئىكەن！

turmux.net

	ئاتا-ئاناڭلار مۇشرىك بولسىمۇ، دىنغا مۇخالىپ ئىشقا زورلىمىسىلا مىھرىبانلىق كۆرسىتىڭلار دەيدىغۇ... ئەگەر ئەكسىچە بولسىچۇ ؟

ئاپتاپ

	مۇسا ئەلەيھىسالامنىڭ قوشنىلىرى دىگەن يازمىدا بار ؟

Ay.sadap

	دىققەت قىلساق بولغۇدەك، رەھمەت!

kaysar123

	ئەجەپ ياخىشى نەسىھەتلەر ئىكەن

nasif

	turmux.net يوللىغان ۋاقتى  2014-12-27 03:57 PM ئەگەر ئەكسىچە بولسىچۇ ؟ ئەكسىچە بولسا جان بىلەن خىزمىتىنىن قىلىش كېرەكتە ئەلۋەتتە.. مۇسۇلمان تەقۋا ئاتا-ئانا مىڭ مەەررە ئەلا ئەمەسمۇ؟؟..!!!!...

hadrat

	ئەلۋەتتە بالىنىڭ ئاتا-ئانىدىن رەنجىش ھۇقۇقى يوق دە،مەن ئويلايمەن بۇ تىما نۇرغۇن قاراڭغۇ دىللارنى يۇرۇتقۇسى......؟؟؟؟