رازۋېدكا خاتىرىسى - سوت مەيدانىدىكى رازۋېدكا (4)

xamal1124

	تەپتىشنىڭ فاسەينى ئەسلا قويۇپ بەرگىسى يوقتەكلا قىلاتتى :« جاۋابكار ،سېنىڭ ئۇنى ئۆلتۈرگەن ۋاقتىڭ كەچ سائەت 0:45 دە. سەن تېخى سائەت 1 دە ئۇ كۆينەكنىڭ ئاق يېرىنى كۆردۈم دەيسەنغۇ ؟ قان 15 مىنۇت ئاققان تۇرسا ، كىيىمنى ئاللىبۇرۇن بوياپ بولغىنى ئېنىققۇ ! باش سوتچى ئەپەندىم، زىددىيەت كۆرۈلدى !» «لېكىن مەسىلە شۇكى ،مەن ھەقىقەتەن ئۇنىڭ كۆڭلىكىنىڭ ئاقلىقىنى كۆرگەن »دېدى فاسەيمۇ بوش كەلمەي. «ئەمىسە جاۋابكار ،سەن ئۇنىڭدىن باشقا يەنە نېمىلەرنى كۆردۈڭ ؟» « چاي ئۈستىلى ئۈستىدە چاي يوپۇرمىقى بىلەن تاماكا باركەن.» بۇ نۇقتىنى بايا تەپتىشمۇ ئېيتقان. «ئۇنىڭدىن سىرت تېلىۋېزور ئوچۇقكەن.» «ئو ؟ تېلىۋېزور ئوچۇقكەن ؟» «ھەئە. تېلىۋىزوردا « تېرلوسنىڭ قايتۇرما ھۇجۇمى » دېگەن فىلىم قويۇلىۋېتىپتىكەن » دېدى فاسەي. ئۆز باشچىلىق بىلەن تېلىۋىزورنىڭ ئوچۇقلىقىنى ھەمدە قويۇلىۋاتقان مەزمۇننى ئېيتالىغاندىكىن ،باش تەپتىش فاسەينى قاتىل ئەمەس دەپ ئويلاپ قالدى ھەم ۋۇ تەپتىشتىن سورىدى. ۋۇ تەپتىش بۇنىڭ راستلىقىنى ئېتىراپ قىلىپ ئېغىز ئاچتى :ساقچىلار يېتىپ بارغان ۋاقىتتا ،ئۆلگۈچىنىڭ ئۆيىدىكى تېلىۋىزور ھەقىقەتەن ئوچۇق ھالەتتە ئىكەنتۇق.ئۇنىڭدىن سىرت تېلىۋىزوردا دەرۋەقە «تېرلوسنىڭ قايتۇرما ھۇجۇمى »قويۇلىۋېتىپتىكەنتۇق.ئۇنداقتا...- دېدى تەپتىش جاۋابكارغا قاراپ - سەن ئەينى چاغدا ئۆلگۈچىنى كۆرگەن چاغدا چوقۇم بەك ھودۇقۇپ كەتتىڭ.ئۇنىڭ ئۈستىگە سېنىڭ ئۇنى كۆرگىدەك ۋاقتىڭمۇ يوق.ئەمىسە  قويۇلىۋاتقىنىنىڭ ئۇ فىلىم ئىكەنلىكىنى قانداق بىلدىڭ ؟ باش سوتچى ئەپەندىم ،مېنىڭچە ئۇ ئىككىسى چوقۇم بىللە ئۇ فىلىمنى كۆرگەن.»» بۇ تەپتىش نېمانچە دەلتە ؟ ،دەپ ئويلىدى جى لىڭ گې. بايا فاسەي ئېنىقلا ساقچىلانىڭ بەك ئۇزاقتا كەلگەنلىكىنى ئېيتقان تۇرسا ،ئۇنىڭ ئەلۋەتتە ئۆينى ماتىلاپ ،تېلىۋىزور كۆرگىدەك ۋاقتى ئېشىپ - تېشىپ تۇرمامدۇ. بۇ چاغدا باش سوتچى فاسەيدىن سورىدى :« قېنى جاۋابكار ،سەن ئۇ فىلىمنىڭ قويۇلىۋاتقىنىنى قانداق ئۇقتۇڭ ؟» «چۈنكى مەن بۇرۇن بۇ فىلىمنى كۆرۈپ بولغان. مۇزىكىسى بىلەن ئازراق دىئالوگىنى ئاڭلىساملا پەرق ئېتەلەيمەن.» «ھاھا  ، جاۋابكار - دېدى تەپتىش گەپ تارتىپ -  بۇ ئۆزۈڭگە ئۆزۈڭ گۆر كولىغىنىڭ ، مېنىڭچە سەن ئۇ فىلىمنى ئەزەلدىن كۆرۈپ باقمىغان ، بولمىسا ئۆلگۈچى قانداقسىگە يېرىم كېچىدە سەن بىلەن بىللە بۇ فىلىمنى كۆرىدۇ ؟» ئەگەر كۆرۈپ باققان بولساڭ ۋەقەلىكىنى بىر دەپ باق ؟ بولۇپمۇ ئەڭ ئاخىرىدىكى خاتىمىسىنى ،چوقۇم ئېنىق دە.» ئەسلى ۋۇ تەپتىش فاسەينى ھەقىقەتەنمۇ بۇ فىلىمنى كۆرۈپ باقمىغان دەپ مۇشۇنداق قىلغانىدى. ئەمما ئويلىمىغان يەردىن ،فاسەي فىلىم ۋەقەلىكىنى شۇنچىلىك راۋان ئېيتىپ بەردى. (كىنو ۋەقەلىكى قىسقارتىلدى. (特伦斯的反攻) ) «ھۇ ،فانتازىيەلىك فىلىممۇ...» باش سوتچى ئۆزىنىڭ كۆرۈپ باقمىغانلىقىنى ئېيتىپ ،ۋۇ تەپتىشتىن قانداقلىقىنى سورىدى. ۋۇ تەپتش ئامالسىز توغرىلىقىنى ئېتىراپ قىلدى. «جاۋابكار ،سەن بۇ فىلىمنى ئىلگىرى كۆرۈپ بولغان تۇرۇقلۇق ،يەنە نېمىشقا ئۆلگۈچى بىلەن بىللە كۆردۈڭ ؟» ۋۇ تەپتىش يەنىلا سورىماقتا ئىدى. ئۇنداق ئەسكى قىلتاققا ،فاسەي ئەسلا يىقىلمىغاچقا ،ئىككىلەنمەيلا جاۋاب قايتۇردى « مەن ئۇنىڭ بىلەن بىللە كۆرمىدىم.مەن تېخى ئۇنىڭ ئۇنداق كونا فىلىم كۆرگىنىگە ھەيران. ئۇ فىلىمنى بىزنىڭ « پىلانتلار ئۇرۇشى » ئوينايدىغانلارنىڭ ھەممىسى دېگۈدەك كۆرۈپ باققان.پېرتوس يېڭىلىپ قالغاچقا protoss نىڭ ئوينىغۇچىلىرى ئىسيان قوزغاپ كېتىشكەن تېخى.» بۇ چاغدا باش سوتچى ئېغىز ئاچتى :« جاۋابكار ،سېنىڭ يەنە باشقا دەيدىغىنىڭ بارمۇ ؟ سەن بايا ئۆلگۈچىنىڭ ئۆيىنى ئاختۇرغانلىقڭنى ئېيتتىڭ.» «ھەئە - دېدى فاسەي - مەن ئۇنىڭ ماڭا بىرنېمە بېرىمە ،دېگىنىنى دەپ تارتما ،ئىشكاپلىرىنى تولۇق ئاختۇردۇم. لېكىن تاپالمىدىم .» «ئىم...جاۋابكار..- دېدى بۇ چاغدا ۋۇ تەپتىش يەنە - سېنىڭ گېپىڭ يەنە زىددىيەتلىك چىقىپ قالدى.» ھە ؟ «سەن ئۇنىڭ ئۆيىگە ساڭا بەرمەكچى بولغان نەرسىنى ئالغىلى باردىڭ.» «ھەئە.» «لېكىن سەن ئۇ نەرسىنى بايقىمىدىڭ .» «ھەئە.» «مانا مۇشۇنىڭ ئۆزىلا زىددىيەتلىك ئەمەسمۇ ؟سېنىڭ ئۇ نەرسىنى تاپالمىغىنىڭ ئۇنىڭدا ئەسلا ساڭا بېرىدىغان نەرسىنىڭ يوقلىقىدىن دېرەك بەرمەمدۇ ؟ ياكى سەن ئۇ نەرسىنى ئېلىۋېلىپ ئۇنى ئۆلتۈرىۋەتتىڭ . بولمىسا ئۇ نەرسە نەگە كېتىدۇ ؟» بۇ ۋاقىتتا پەقەت جى لىڭ گې لا ئەمەس ،باش سوتچىمۇ سەل ھەيران قالدى. بۇنىڭ نەرى زىددىيەتلىك ؟ ۋۇ تەپتىش داۋاملىق سۆزلىمەكتە :« ئەگەر جاۋابكار قاتىل بولمىسا ، ئۇنداقتا پەقەت جەسەتنىلا ئەمەس ،بەلكى قاتىللىق قورالى بولغان تاپانچا بىلەن ئوقنىمۇ كۆرۈشى كېرەك ئىدى. سەن يەنىلا ياۋاشلىق بىلەن بىزگە ئوق بىلەن تاپانچىنى قانداق بىر تەرەپ قىلىۋەتكىنىڭنى ئېيتىپ بەر. بولامدۇ ؟» ئۇ ئېنىقلا فاسەينى ئېزىقتۇرماقچى. «مەن ئۇنداق بىر نەرسىلەرنى كۆرمىدىم.» دېدى فاسەي. «ئەمىسە ئۇنى قانداق ئۆلتۈردۈڭ ؟» «مەن ئۆلتۈرمىدىم.» «سەن بولمىساڭ كىم ؟» فاسەي بىرئاز ئويلانغاندىن كېيىن ئېغىز ئاچتى :«كاللاڭلا ھەجەپ ئىشلىمەيدىكەن. ئۇنى مەن ئۆلتەمىدىم دېدىمغۇ ؟ ئەمىسە يەنە بىرخىل ئېھتىماللىق مەۋجۇتقۇ !» «يەنە قانداق ئېھتىماللىق مەۋجۇت بولسۇن ؟ ئۆي ئىچىدىكى ئۇ ئەھۋالدىن قاراشتا ئۇنىڭ ئۆزىنى ئۆلتۈرۈۋالغانلىق ئېھتىماللىقى مەۋجۇت ئەمەس.پەقەت سېنىڭلا ئۇنى ئۆلتۈرگەنلىك ئېھتىماللىقىڭ مەۋجۇت.» فاسەي سەۋىرسىزلىك بىلەن ئېيتتى :«شۇڭا كاللاڭلا ئىشلىمەيدىكەن دەۋاتىمەن. ئۈچىنچى خىل ئېھتىماللىقنى ھېچقايسىڭلا ئويلاپ باقمىدىڭلاما ؟» توغرا. جى لىڭ گې بۇنى ئاللىبۇرۇن ئويلاپ يەتكەن . « قانداق ئېھتىماللىق ؟» «ۋەقە بولمامدۇ.» جى لىڭ گې ھەيران قالدى. چىن چىمىڭ بىلەن مىياۋزىمۇ ھەم شۇنداق. بۇ ئۇلار ئويلىغان ئۈچىنچى ئېھتىماللىق ئەمەسقۇ . «قانداق ۋەقە ؟ سەن يۇمۇر سۆزلەۋاتامسەن ؟» دېدى ۋۇ تەپتىش. چۈنكى بۇ دېگەن ئېنىقلا تاپانچا بىلەن ئېتىلىپ ئۆلتۈرۈلگەنلىك ! «ئاڭلاپ باقامسىلە ؟» دېدى فاسەي بىردىنلا كەسكىن پوزىتسىيەدە. «بولىدۇ. بىز ھەممىمىز سېنىڭ بۇ چاقچىقىڭغا قىزىقىۋاتىمىز.» «ھەممىڭلا دىققەت قىلدىڭلا. ئۈستەلدە چاي يوپۇرمىقى بار.ئەمىسە ئۇ چوقۇم چاي دەملىمەكچى.شۇڭا ئۇ چاي قاينىتىۋاتقاندا ۋەقە چىققان - دېدى فاسەي تەھلىل قىلىپ - تېرنېرنىڭ مېھمانخانىسىدىكى چاي قاينىتىغان چەينىكىنىڭ ئېغىزى سەل كىچىك ھەم غەيرىي.شۇڭا ئەينى چاغدا بىر نەرسە بىلەن توسۇلۇپ قالغان بولۇشى مۈمكىن. كېيىن سۇ قاينىغاندا ،تېرنېر دىققەت قىلمىغان.ۋاقىت ئۇزارغاندىن كېيىن ئۇ نەرسە بېسىم بىلەن ئېتىلىپ چىقىپ تېرنېرنىڭ بېشىنى تېشىۋەتكەن.» پۈتۈن مەيدان تىمتاسلىققا چۆمدى. جى لىڭ گې بۇ گەپتىن پۈتۈنلەي قېتىپلا قالدى. چىن چىمىڭ بولسا ئاڭقىرالماي ،ئاستا كۇسۇرلىدى :«شۇڭا تاپانچا بىلەن ئوق تېپىلماپتىكەندە...ئېسىل قىياس بولدى...» ئارىدىن خېلى ئۆتكەندىن كېيىن ،ۋۇ تەپتىشنىڭ ئاۋازى قايتا ياڭرىدى :«... باش سوتچى ئەپەندىم ،مەن جاۋابكارنىڭ مۇشۇنداق باھانە سەۋەب تاپىدىغانلىقىنى بىلەتتىم.ئۇ شۇ تاپتا پۈتۈن مەسئۇلىيەتنى چەينەككە ئارتىپ قويۇۋاتىدۇ. نېمانچە كۈلكىلىك قىياس بۇ. ئۇ قاتىل بولمىسا نېمە ئەمدى....» «كۈلكىلىكمىكەن. بۇ ئېنىقلا ۋەقە ! - دېدى فاسەي  - مەن ئىشىكتىن كىرىپلا چىراغ بىلەن تېلىۋىزورنىڭ ئوچۇقلىقىدىن سىرت يەنە تېخى ئوچاقتا چاي قايناۋاتقىنىنى كۆرگەن.» «ئوۋ ؟ - بۇ گەپنى ئاڭلاپ ۋۇ تەپتىش كۈلۈپ قويدى - ھى ھى ، جاۋابكار. ئەمدى نائۈمۈد بوپ قالىدىغان بولدۇڭ.سېنىڭ بۇ ئىسپاتىڭ ئەمەلىيەتكە ئۇيغۇن كەلمىدى.» ئىم ؟ جى لىڭ گې چۆچۈپ كەتتى. فاسەي قانداقسىگە ئەمەلىيەتكە ئۇيغۇن ئەمەس سۆزلىسۇن ؟ «بىرىنچىدىن ،سەن دېگەندەك ئۇنداق ۋەقەنى ساقچىلار قوراللىق قەستلەش دېلوسى ئورنىدا بىر تەرەپ قىلمايدۇ. ئەجەبا بۇنىمۇ بىلمەمسەن ؟ ئۇنىڭدىن سىرت ،ساقچىلار يېتىپ بارغان ۋاقىتتا ،ئوچاقتا ئەسلا ئوت يوق ئىكەن.  - دېدى ۋۇ تەپتىش - سەن ئاخىرى چوڭ يوچۇق چىقىرىپ قويدۇڭ. ئۆلگۈچى چوقۇم 0:30 بۇرۇن چاي قايناتقان.سەن ئۇ ۋاقىتتا ئۇنىڭ ئۆيىدە ئىكەنسەن . بولمىسا قانداقسىگە چاينىڭ قاينىغىنىنى كۆرەلەيسەن ؟» «ئەمىسە.. بەلكىم چاي قايناپ تېشىپ چىقىپ ئوتنى ئۆچۈرىۋەتكەندۇ.» دېدى فاسەي تىركىشىپ. «جاۋابكار ،ئەينى چاغدا ئوچاقنىڭ كۇنۇپكىسى off (ئېتىك) دېگەن ئورۇندا ئىكەنتۇق.» دېدى ۋۇ تەپتىش  ئاخىرى فاسەينىڭ يوچۇقىغا چاپلىشىپ. جى لىڭ گې ئەنسىرەشكە چۈشتى. فاسەي قانداقسىگە مۇنداق سۆزلەپ يۈرۈيدۇ ؟ « ئۇنبڭدىن سىرت ،ساقچى تەرەپنىڭ تەكشۈرۈشىگە ئاساسلانغاندا ، چەينەكتىكى سۇ ئەسلا قايناق سۇ ئەمەسكەن. لېكىن ئوچاقتا ھەقىقەتەنمۇ چاي قويغانلىق ئىزى بار ئىكەن.لېكىن ،بۇنىڭ ۋاقتىمۇ جاۋابكارنىڭ ئۆلگۈچىنىڭ ئۆيىگە يېتىپ بارغان ۋاقتغا توغرا كېلىدىكەن. ئۇنىڭدىن سىرت ،چاي قويۇلغان بىلەن ئەسلا قاينىمىغان ،شۇڭا ئوچاقتىكى ئوتنى ئۆچۈرىۋېتىشى مۈمكىن ئەمەس .» دېدى ۋۇ تەپتىش كۈلۈپ تۇرۇپ. «مەن... ئوچاق ئەينى چاغدا ئوچۇقكەن (ئېلىكتىرونلۇق ئوچاق دېمەكچى )، لېكىن ئۇنتۇپ قالما ،مەن دېلو يۈز بەرگەندىن كېيىن نەق مەيدانغا چېقىلغان.سۇنىڭ قاينىماسلىقىدىكى سەۋەب شۇكى ،ئۇنى مەن ئۆچۈرىۋەتكەن .» ۋۇ تەپتىش بۇ گەپتىن قاقاھلاپ كۈلۈپ كەتتى. «ساقچى تەرەپنىڭ تەكشۈرۈشىگە ئاساسلانغاندا...- دېدى ئۇ سوغۇق قىلىپ - ئوچاقنىڭ كۇنۇپكىسى ئۈستىدە ،سېنىڭ بارماق ئىزىڭ يوق ئىكەن !» نېمە ؟! «سەن ئەسلا ئوچاققا چېقىلمىغان !- دېدى تەپتىش مەغرۇرلانغىنىچە - جاۋابكار ،ئەمدى قانۇن تورىدىن قېچىپ قۇتۇلالمايسەن !» بۇ ۋاقىتتا ،ھەممەيلەننىڭ كۆزى فاسەيگە تىكىلدى.ھەممىسى فاسەينىڭ قانداق چۈشەندۈرۈشىنى كۈتۈپ تۇرماقتا. «ھى ھى... - فاسەي تولىمۇ سوغۇق كۈلگىنىچە سۆزلىدى - مەن دەل مۇشۇ پەيتنى ساقلاۋاتقان.» مۇشۇ پەيىتنى ساقلاۋاتقان ؟ بۇ نېمە دېگەنلىك ؟ جى لىڭ گې ئويلىدى. ئەجەبا ئۇ... بۇ چاغدا فاسەي داۋاملىق سۆزلىدى:« كەچۈرىسىلە. مەن ئەينى چاغدا ئوچاقتا چاي قايناۋاتقىنىنى ئەسلا كۆرمىگەن. كۇنۇپكىمۇ ئەسلا ئوچۇق ئەمەسكەن.» « ئىم ؟ - ۋۇ تەپتىش بۇ چاغدا ئەسكەرتىش بەردى - سەن بۇلارنى ئەمدى دېسەڭ ئۈلگۈرەم سەن ؟» «ئەلۋەتتە ئۈلگۈرىمەن. چۈنكى مەن بايا دېگەن چەينەككە مۇناسىۋەتلىك گەپنىڭ ھەممىسى يالغان گەپ.» جى لىڭ گې چۆچۈپ كەتتى. بۇ فاسەي... سوت مەيدانىدا تۇرۇقلۇق ئۆزىنىڭ يالغان سۆزلىگەنلىكىنى ئېتىراپ قىلىۋاتىدۇ ! بۇ قانداق قاپيۈرەلىك ؟ بۇ چاغدا باش سوتچى غەزەپ بىلەن ئېيتتى :« جاۋابكار ، سەن زادى نېمە دېمەكچى ؟» فاسەي بۇنىڭغا ئالدىرىماي جاۋاب بەردى :«ئەمەلىيەتتە ،مېنىڭ بايا ئۇلارنى دېيىشتىكى مەقسىدىم ، ئۇنىڭ ئاغزىدىن ئەينى ۋاقىتتىكى تەكشۈرۈش نەتىجىسىنى ئاشكارىلاتقۇزۇش خالاس. ئۇ مېنى جىنايەتچى دەپلا بېكىتىۋالسا ،ئۇ تەكشۈرۈش نەتىجىلىرىنى ھەرگىز دېمەيدۇ.» ئەجەبا فاسەينىڭ چاي قايناۋاتقىنىنى كۆردۈم دېگىنى ، ئەمەلىيەتتە...ئورا كولىغىنى ؟ ئۇ قەستەن ۋۇ تەپتىشنى بۇ ئورىغا سەكرەتكەنمۇ ؟ «ئەمىسە ھازىرچۇ ؟ سەن نېمە دېمەكچى ؟» فاسەي بۇ چاغدا ۋۇ تەپتىشكە قاراپ سۆزلەشكە چۈشتى :« بايا سەن ئوچاقتا چاي قويۇقلۇقكەن ،لېكىن چاي قاينىماپتۇ ،دېدىڭ ،شۇنداققۇ ؟» ۋۇ تەپتىش بېشىنى لىڭشىتىپ قويۇپ ئۇنىڭدىن ياندۇرۇپ سورىدى :«ھەئە. جاۋابكار ،سەن شۇنچە كۆپ يالغان سۆزلەپ يۈرۈپ يەنە ئۆزۈڭنى گۇناھسىز دېمەكچىمۇ ؟» «ئاۋۋال مېنىڭ يالغان سۆزلىگىنىمنى بىر چەتكە قويۇپ قويغاچ تۇرايلى .بولامدۇ ؟  مەن شۇنى سورىماقچى ... - دېدى فاسەي يۈزىنى چۆكۈرۈپ - ئەگەر مەن تېرنېر بىلەن داچىدا خېلى تۇرغان بولسام ،ئۇ ماڭا چاي دەملەش ئۈچۈن چاي قويغان بولسا ، ئۇ قويغان سۇ نېمىشقا قاينىمىدى ؟» «شۇنىمۇ سوراش كېتەمدۇ ؟ چۈنكى ئۆلگۈچى ئەمدى چاي قويۇپ تۇرىشىغا ، سەن ئۇنى ئۆلتۈرىۋەتتىڭ.» «ئەمىسە نېمىشقا چاي قاينىمىدى ؟ - دېدى فاسەي - ئەجەبا مەن ئۇنى ئۆلتۈرىۋەتكەندىن كېيىن ، ئۇ قايتا ئورنىدىن تۇرۇپ ئوچاقنىڭ ئوتىنى ئۆچۈرىۋەتتىمۇ ؟» «ئەمىسە...- دېدى تەپتىش بىر ئاز ئويلىنىپ - ئوتنى سەن ئۆچۈرىۋەتكەنسەن ؟» «بۇرىغۇچ ئۈستىدە مېنىڭ بارماق ئىزىم بارمىكەن ؟» «بۇ....» ۋۇ تەپتىش بايا تېخى ئېنق قىلىپ فاسەينى ئوچاققا يېقىن يولىمىغان ،دېگەن ئەمەسمىدى. بۇ نۆۋەت ،ۋۇ تەپتىش تامامەن ئۈندىيەلمەي قالدى. چەينەكتىكى سۇ ،زادى نېمىشقا قاينىمىدى ؟ فاسەي ئېغىر بېسىقلىق بىلەن بۇ سوئالغا جاۋاب بەردى :«مەن دەل سىلەرنىڭ بۇنى بايقىمىغانلىقىڭلاردىن ئەنسىرەپ ،سىلەرگە باشتا دەپ بەرمىگەن. مەن ئۆيگە كىرگەن چېغىمدا ، ئوچاقنىڭ ئوتى ئۆچۈككەن .لېكىن سۇ ئىللىق تۇرۇپتۇ - يۇ ،قاينىماپتۇ. بۇ ماڭا غەيرىي تۇيۇلدى. سىلەرگە ئۇنداق تۇيۇلمىدىمۇ ؟» فاسەينىڭ تېخى يوشۇرغان نەرسىلىرى باركەن دېسە... «ئادەتتە بىز چاي قايناتقاندا ، چاي قايناپ بولغاندىن كېيىن ئاندىن ئوتنى ئۆچۈرىمىز ، لېكىن تېرنېرنىڭ چاينى قاينىتىپتۇ يۇ ،چاي قاينىماستا ئوتنى ئۆچۈرىۋېتىپتۇ. بۇ نېمە ئۈچۈن ؟» ۋۇ تەپتىش يەنە زورىغا ئېيتتى :«ئۇنى ئۇ ئۆچۈرمىگەن دېدۇق. ئۇ ئاللىبۇرۇن...» «شۇڭلاشقا - دېدى فاسەي كۈلۈپ تۇرۇپ - ئۇ ئۆلگەن كىشى بولغاندىكىن ،مەنمۇ ئوچاققا چېقىلمىغاندىكىن....» دېمەك ،بۇ ئوتنى... «ئۈچىنچى بىر شەخىس ئۆچۈرگەن - دېدى فاسەي - سۇنىڭ قايناپ قۇرۇپ كېتىپ ئاپەت چىقىرىپ ساقچىلارغا مەلۇم قىلىنپ قالماسلىق ئۈچۈن ئوتنى ئۆچۈرىۋەتكەن.» ئۈچىنچى شەخىس ؟ بۇ قانداق مۈمكىن بولسۇن ؟ ساقچى تەرەپ ئۈچىنچى بىر شەخىسنىڭ مەۋجۇتلىقى توغرىلىق ھېچقانداق پاكىت تاپالمىغان ئىدىغۇ ؟ « سىلەر ئۆيگە كىرگەن ئۈچىنچى بىر شەخىسنىڭ مەۋجۇتلىقى توغرىلىق ھېچقانداق پاكىت تاپالمىدۇق ،دېدىڭلارغۇ ؟   ۋۇ تەپتىش ، مېنىڭ ئۇ دېگەنلىرىمگە ئېسىلغانلىقىڭزغد كۆپ تەشەككۈر.  شۇ سەۋەب ئەمدى «ئوچاقتا چاي قاينالغان » دېگەن يىپ ئۇچىغا ئېرىشتىڭلار. مەن سىلەرگە ئېيتىپ بەردىم.» جى لىڭ گې بىرنى ئۇھسىندى. فاسەينىڭ سوت مەھكىمىسىمۇ ئورا كولىغىنى ،ئادەمنى ئەنسىرەتمەي قالامدىغان. «ئەمىسە... ئۈچىنچى بىر شەخىس ھەقىقەتەن مەۋجۇتكەن...» دېدى ۋۇ تەپتىش. « بولدى - دېدى باش سوتچى سەل خاپا بولغىنىچە - ئۇنداقتا جاۋابكارغا ھازىرچە گۇناھ بېكىتىلمەيدۇ. تېخىمۇ ئېنىق قىلىپ ئېيتساق ، ۋۇ تەپتىش ، سىزدە جاۋابكارغا گۇناھ بېكىتكىدەك قىلچىلىك ئىسپاتمۇ يوقكەن .» « ئىم... بىراق... - دېدى ۋۇ تەپتىش ئوڭايسىزلانغىنىچە - جاۋابكار ئۇ، ئۇ نۇرغۇن يالغان گەپلەرنى قىلىپ... يەنە تېخى چەينەكنىڭ ھېكايىسىنى توقۇپ...» «ئۇلارنىڭ ھەممىسى مۇھىم ئەمەس - دېدى باش سوتچى سوغۇق قىلىپ - بۈگۈنكى سوتقا ئاساسەن ،بىز دېلو مەيدانىدا ئۈچىنچى بىر شەخىسنىڭ مەۋجۇتلىقىنى بايقىدۇق.مانا بۇ مۇھىم نۇقتا.» «بىراق... ئەگەر ئۈچىنچى شەخىس قاتىللىق قىلغان دېيىلسە ،  ئۇ ئادەم چوقۇم قولىغا پەلەي ،پۇتىغا خالتا كىيگۈزگەندىن سىرت يەنە قاتىللىق قورالى بولغان ئوق بىلەن تاپانچىنى ... بۇمۇ بەك....» « بىراق ئۇ ھەقىقەتەنمۇ مەۋجۇت » دېدى فاسەي. باش سوتچىمۇ مۇشۇنداقلىقىنى تەكىتلىدى.  ئۇنڭدىن سىرت ،ئۇمۇ فاسەينىڭ  نېمىشقا يالغان سۆزلىگەنلىكىنى تولۇق چۈشەندى. فاسەي ئۈچىنچى بىر شەخىسنىڭ مەۋجۇتلىقىنى ئىسپاتلاپ ،ساقچىلارنىڭ ئۇنى ئۆزىنى ئۆلتۈرۈۋېلىش دېلوسى قاتارىدا بىرتەرەپ قىلىۋەتمەسلىكى ئۈچۈن سوتتا شۇنداق گەپ ئەگىتىپتۇ. «يىپ ئۇچىنىڭ يېتەرلىك بولمىغانلىقى تۈپەيلى ، بۇ ئۈچىنچى شەخىسنى تۇتۇشۇڭلار ئۈچۈن يەنە ئۈچ كۈن مۆھلەت بېرىلدى.ئەگەر ئۇ مەۋجۇت بولسا ،ئۇنىڭ ھەقىقىي قاتىل ئىكەنلىكىگە مەن ئىشىنىمەن.» « بولىدۇ...» «جاۋابكار فاسەي ئەپەندىم »دېدى باش سوتچى يەنە. «ئىم ؟» «سىز ئۆزىڭىزنىڭ گۇناھسىزلىقىنى ئىسپاتلاش بىلەن بىر ۋاقىتتا ،يەنە تېخى ساقچى تەرەپكە ئۈچىنچى شەخىسنىڭ مەۋجۇتلۇقىنى ئىسپاتلاپ بەردىڭىز...مەن ئىزچىل سىزدىن گۇمانلىنىپ باقمىدىم. چۈنكى مېنىڭچە سىز شۇنچىلىك ئەقىللىق ئادەم.شۇڭا ،مەن ھازىر بۇ يەردە سىزنىڭ گۇناھسىزلىقىڭىزنى جاكارلاش بىلەن بىر ۋاقىتتا ،ساقچى تەرەپكە تېخىمۇ كۆپ يىپ ئۇچى تېپىشىپ بېرىپ ، ئۇ ئۈچىنچى شەخىسنى تېپىشىپ بېرىشىڭىزنى سورايمەن.» «ئوۋ....» «ھېلىقى....» دېدى باش سوتچى يەنە. « ھە ؟» « بۇ... مەن بۈگۈن تېخى تۇنجى قېتىم سوت مەھكىمىسىدە يالغان سۆزلىسىمۇ ماڭا گۇمانلىق تۇيۇلمىغان جاۋابكارنى ئۇچراتتىم.» دېدى باش سوتچى كۈلۈمسىرىگىنىچە.                  تورغا ئېلان قىلىنغانلىرى تولۇق ئاخىرلاشتى. 双子星罗يازمىسى شامال تەرجىمىسى

ئارزۇ01

	كىمنىڭ ئۆلتۇرگىنىنى پاش قىلسا كەن داۋامنى يىزىڭە

nader1141

	ياخشى ئەسەركەن ....  كۈپ رەھمەت..

xamal1124

	ئارزۇ01 يوللىغان ۋاقتى  2014-12-27 02:02 PM كىمنىڭ ئۆلتۇرگىنىنى پاش قىلسا كەن داۋامنى يىزىڭە داۋامى تورغا ئېلان قىلىنمىغاچقا ،قولۇمدىكى كىتاپقا قاراپ ئىككىلىنىپ قېلىۋاتىمە. ئۇنىڭدىن سىرت ،ناۋادا داۋامىنى يوللىساممۇ ،مىسرانىمغا يوللىمايمەن.

turmux.net

	بۇرۇن بەك قىزىقاتتىم مۇشۇنداق رازۋېدكا ھېكايىلىرىگە

musilina

	xamal1124 يوللىغان ۋاقتى  2014-12-27 03:50 PM داۋامى تورغا ئېلان قىلىنمىغاچقا ،قولۇمدىكى كىتاپقا ق ... مىسرانىمغا نېمىشقا يوللىمايسىز...؟

xamal1124

	turmux.net يوللىغان ۋاقتى  2014-12-27 03:56 PM بۇرۇن بەك قىزىقاتتىم مۇشۇنداق رازۋېدكا ھېكايىلىرىگە ھازىر قىززىقمايدىكەنسىزدە

xamal1124

	musilina يوللىغان ۋاقتى  2014-12-28 12:31 AM مىسرانىمغا نېمىشقا يوللىمايسىز...؟ شۇنىڭ ئۈچۈن

xahida0997

	ۋاي  بەك  مۇھىم جايىغا كەلگەندە تۈگەپ كەتتىيا،داۋامىنى تەرجىمە قىلمامسىز؟مەن بارلىق ئەسەرلىرىڭىزنى ئىز قوغلاپ ئوقۇۋاتاتتىم،داۋامىنى مىسرانىمغا يوللىمىسىڭىز،ئىپتىخارغا يوللايدىكەنسىزدە،بىراق مەن بۇ مۇنبەرگە خېلى ئۇزۇندىن بۇيان چىقالمايۋاتىمە ن.ئادرىسىنى خاپا بولماي يوللاپ قويسىڭىز،داۋامىنى شۇ مۇنبەردىن تېپىپ ئوقۇسام.

1453

	خەخ كۈرمەيۋاتامدا