يېڭى بىر دۇنيا (14)

xamal1124

	باشلانغۇچ مەكتەپتەئوقۇۋاتقان چاغلىرىم ئىدى. ئادەتتە مەكتەپتە ئوقۇتقۇچۇم قالدۇرغان تاپشۇرۇقنى ئانچە تولۇق ئىشلەپ كەتمىسەممۇ ،دەرىسلەرنى ئانچە بەك تەكرار قىپ كەتمىسەممۇ ،نېمىشقىكىن ،نەتىجەم ئىزچىل ياخشى بوپ ماڭاتتى. بۇنىڭغا گاھىدا ئۆزۈممۇ ھەيران قالاتتىم. مۇشۇ سەۋەبدىن بولسا كېرەك ، ئۆگىنىشكە.شۇنچىلىك قىززىقىشى بار ،ئەمما ئىزچىل نەتىجىسىنى يۇقىرى كۆتۈرەلمەي كېىۋاتقان سىنىپ باشلىقىمىز ،ماڭا پات پات كايىپ قوياتتى. «ھەي نەبى - دەيتتى ئۇ  ھەر قېتىم ئوخشاشلا قىلىپ - سەن زادى قانداق ئۆگىنىش قىلىسەن ؟» « ئىم... ناخشا ئۆگەنگەندەك شۇ...»دەيتتىم مەنمۇ ئوخشاشلا قىلىپ. ئۇ چۈشەنمەي داۋاملىق سورايتتى « ئەمىسە ناخشىنى قانداق ئۆگىنىسەن ؟» «شۇ... دەرس ئۆگەنگەندەك شۇ..» بۇ چاغدا ئۇنىڭ ئەلپازى بۇزۇلۇپ ،قاپىقى ئالاھىدە دەرجىدە تۈرۈلەتتى. ئۇنىڭ ئۇ ئەلپازىنى كۆرۈپ ،شۇ زامان مىسال ئېلىپ چۈشەندۈرەتتىم :« مۇنداق ، سىز مانداق بىر ئىشنى ئويلاپ بېقىڭە ،  مەسىلەن ،سىز مەلۇم بىر ناخشىنى ئۆگەنمەكچى دەيلى .ئەشۇ ئۆگەنمەكچى بولغان ناخشىڭىزنى قايتا - قايتا ئىككى قېتىملا ئاڭلىسىڭىز ، قانچىلىك ئۆگىنەلەيسىز ؟» «ئىككى قېتىملا ؟» «ھەئە.» « نېمە بىلىمە مەن .» ئۇ يەنە ئالىيىشقا چۈشەتتى. مەن يەنە داۋاملىق سۆزلەپ كېتەتتىم :« ئەمىسە سىز يولدا كېتىۋاتقان بولسىڭىز ، قايسى بىر يەردىن شۇنداق سەت ،تېتىقسىز ناخشىنىڭ بىر بۆلىكىنى ئاڭلاپ قالسىڭىز ، شۇ بۆلەك ئېسىڭىزدە قالامدۇ قالمامدۇ ؟» «ۋاي تاڭ.» «ئۇف... يا ئاللا ، نېمانداق....» «بۇ ئىككىسىنىڭ نېمە مۇناسىۋىتى قاپاق ؟!» «مۇناسىۋىتى با !» « قانداق مۇناسىۋەت ؟» « ماڭا نىسبەتەن ئوقۇتقۇچى سۆزلەۋاتقىنى ھېلىقى يولدا ئاڭلاپ قالغان تېتىقسىز ناخشا.ئۆزۈمنىڭ خوشى يوق. لېكىن ئاشۇنداق ئاڭلىسام ئېسىمدە قالىدىغان نەرسە.» « بولمىسىغۇ دەرس ۋاقتىدا ئويناپلا ئولتاغىنىڭنى كۆرىمەن سەن قاپاقنىڭ  .» «خوشام بوممىسا شۇ .» « ۋاي ئويان قېپى ...» « ھى ھى ھى...» سۆھبىتىمىز دائىم مۇشۇنداق كۈلكىدە ئاخىرلىشاتتى.ئەمما ، مەكتەپتە ئوقۇۋاتقان ھەممە ئوقۇغۇچى ئورتاق ئارزۇ قىلىدىغان تەتىل مەزگىلى يېتىپ كەلگەندە ،ئىككىمىزنىڭ ئارىسىغا سوغۇقچىلىق چۈشۈپ قالاتتى. « ھەي نەبى !  تەتىل تاپشۇرۇقىنى ئىشلىگەن بولساڭ بېرىپ تۇرە .» «ۋاي تېخى ئىشلىمىدىم.» «ئەمىسە كېلەر جۈمە كۈنى بېرىپ تۇر .» ( ئۇ چاغلاردا ھەر جۈمە كۈنى چۈشتە ، ئوغۇللارنى مەكتەپتە يىغاتتى.) ھەپتە ئۆتۈپ يىغىلغان چاغدا ... «نەبى ،تاپشۇرۇقۇڭنى بېرىپ تۇرە.» «مەن تېخى ئىشلىمىدىم...» «...» يەنە نەچچە ھەپتە ئۆتۈپ يىغىلغاندا «تاپشۇرۇق...» «ئىشلىمىدىم...» «تېزراق ئىشلە دەيمە.تەتىل.توشقىلى ئاز قالدى.» تەتىل توشۇپ يىغىلغان كۈنى « بولە بولە. تاپشۇرۇقۇڭنى گاچچىدە بېرىپ تۇرە. ھېلى يىغقان چاغدا چاتاق چىقىدۇ بولمىسا.» « ۋاي شۇ.. تېخى ئىشلىمىگەن تۇرسام...» «ھە ؟ ھەي قاپاق ،چاقچاق قىلما دەيمە.» «راس شۇ.» «بىرە بەتمۇ ئىشلىمىدىڭ ؟» «ۋاي ئۇ نەرسەم يۈتۈپ كەتكىلى نەۋاخ... يۈتۈپ كەتكەندىكىن ئىشلىمىدىم شۇ. »     «xxx!»   كېيىن ،ئوقۇتقۇچىمىز ئىشخانىسىدىن چىقىپ ،سىنىپقا كىرىپ بولغىچە ، تەتىل تاپشۇرۇقى ئىشلىگەنلەرنىڭ تاپشۇرۇقى سىنىپتا ئەڭ تېز سۈرئەتتە «كۆچۈرۈلۈپ »  كېتەتتى دە ،سىنىپ باشلىقىمىزنىڭ ئايلىق تاپشۇرۇقى ،شۇلارنىڭ سېپى ئىچىدە نەچچە ئون مىنۇتتا ئىشلىنىپ تۈگەيتتى. ئوقۇتقۇچىمىزمۇ سىنىپقا كىرىپ ،كېلەركى مەۋسۈملۈك پىلانلار توغرىسىدا ئازراق سۆزلىگەندىن كېيىن ،سىنىپتىكىلەرگە چوڭ تازىلىق قىلىشنى بۇيرۇپ ،سىرتقا مېڭىشقا تەمشىلىشىگە ،سىنىپ باشلىقىمىز ئېغىز ئاچاتتى ( تۆت يىل ئوخشاش قايتىلانغان ئىش)«  خانىم...» «ھە ، نېمە ئىشتى ؟» «تەتىل تاپشۇرۇقىنى...» «ھەراست ھە..  قېنى ، ئىشلىگەنلە قول كۆتۈرۈڭلا. » مەندىن باشقا ئاساسەن ھەممىسى قول كۆتۈرەيتتى. «ھە ،قارىغاندا ھەممىڭلا ئىشلىگەن ئوخشايسىلە. يىغمايلى بولدى.» « ھە ماقۇل...» سىنىپ باشلىقىمىز بۇ چاغدا ماڭا قاراپ قالاتتى... ئاھ خۇدا ،يەنە شۇ تۈرۈلگەن قاپاق...

ABDUSAMIJK

	يو  ماڭغىلا  ئوخشايدىكەنسىز   ھازىر كومپىيوتىرنىڭ ئالدىدىن قوپۇپ تاپشۇرۇق ئىشلەيدىغان گەپ  بۇ مەكتاپتىن بەك توياپ كەتتىم

xamal1124

	ABDUSAMIJK يوللىغان ۋاقتى  2014-12-26 09:30 PM يو  ماڭغىلا  ئوخشايدىكەنسىز   ھازىر كومپىيوتىرنىڭ ئالد ...

turmux.net

	ئوقۇش ھاياتىدىكى ئىشلار...

hadrat

	ھەي..مەكتەپ ھاياتى...

ئىپارە

	ئەسسالامۇ ئەلەيكۇم ئىنىم بۇ تېمىڭىزمۇ بەك ياخشى چىقىپتۇ، مىنىڭ ھىلىقى دەرستە ياخشى سىڭلىمنى ھازىر ئوقۇتقۇچىسى مەكتەپكە سىغداماي ئۇنۇڭ بىلەن ئېلىشىپ خاتىرجەم ئوقۇغىلى قويمايۋاتىدۇ، بىز قانداق قىلىپ تاقابىل تۇرۇشمىزنى بىىلەلمەيۋاتىمىز ،  بەلكىم ئۇ سىڭلىمنى دەرستىن چىكىندۈرۈش ئۈچۈن شۇنداق قىلىۋاتامدىكىن  ، ……

رەئسە

	مەن تىخى ئاغىرنى يوللىمامدىكىن دەپ ئويلىغان بەك ياخشى چىكىپتۇ

رەئسە

	ئىپارە يوللىغان ۋاقتى  2014-12-27 01:53 PM ئەسسالامۇ ئەلەيكۇم ئىنىم بۇ تېمىڭىزمۇ بەك ياخشى چىقىپ ... نىمىشقا ئۇنداق قىلدۇ ؟

ئىپارە

	رەئسە يوللىغان ۋاقتى  2014-12-27 02:34 PM نىمىشقا ئۇنداق قىلدۇ ؟ چۈنكى ئۇ باشقا مىللەتلەردىن ئېشىپ دۆلەت بويىچە بىرىنجى، ئاپتونۇم رايون بويىچە بىرىنجى بولغان، ھەم ئوقۇغۇچىلار ئويۇشمىسىنىڭ رەئىسى، ھەم ئۈگۈنۈش ھەيئىتى، شۇ ئۇ خەنچە ئوقۇۋاتقان،مەكتەپ ئالماشتۇرساق بولامدۇيا？ بۇ يىل ئالىي مەكتەپكە ئىمتىھان بېرەتتى،مۇشۇنداق ياخشى ئوقۇغۇچىلارغا قانداق ياخشى سىياسىتى باردۇر ھۆكىمەتنىڭ،ئۇ سىڭلىم ھەر جەھەتتە ياخشى بولۇپلا قالماستىن ئەخلاقىمۇ ياخشى،مۇشۇ ۋاققا بىرەسى بىلەن ئارلىشىپ  باقمىدى، ئۇنۇڭ غايىسىمۇ بەك يوقۇرى، ئاللاھ ئاسان قىلار ئىلاھىم.

xamal1124

	ئىپارە يوللىغان ۋاقتى  2014-12-27 03:09 PM چۈنكى ئۇ باشقا مىللەتلەردىن ئېشىپ دۆلەت بويىچە بىرىن ... قايسى  مەكتەپتە ئوقۇيدۇ ؟ مەن سۈرۈشتۈرۈپ ،ئەھۋال ئىگەللەپ باقاي.