داڭگال--سەنسىزلىك

Danggal

	ئايالىمغا ئېيتالمىغان گەپلەر ئاپتۇرى:داڭگال 1    كۈندە ئولتۇرۇشقا مەجبۇر ئۆينىڭ بىر بۇلىڭىدىكى يالغۇز،كونا ياغاچ ئورۇندۇقتا ماجالى قالمىغاندەك قېيسايدىم.ئارزۇلۇرۇم،يەتمەكلىرىم خورىغان ئوخشايدۇ.كۈتۈش،ئىنتىزارلىرىمغا ئۈششۈك چۈشۈپ قەلىب،كۆڭۈل باغلىرىم سارغىيىپ كىتىپتۇ.ئالەم،مەن...تىمتاس. قولۇمغا قەلەم ئالالمىدىم. بەتلەر،باغرىم ئاق قېلىۋاتىدۇ سەنسىزلىكىمدىن.مىڭىۋاتىمەنكى ماڭغان يوللۇرۇمغا قەدەر ،ياشاش ئۈچۈنلا ئۆرنەك بولۇپ ئۆتىۋاتقان ھاياتىمنىڭ ھەر بىر قاتلاملىرىغا قەدەر ھېچ بىر مەنا يوق خۇددى بەتتام تائاملاردەك.زېرىكىشلىك ،ئۇزۇن قارا تۈنلىرىمنىڭ ئىتەكلىرى يىرتىلماس .دايىم كۆرۈلۈپ تۇرىدىغان  ۋە ياكى مۇشۇنداق بولمىسا بولمايدىغاندەك قېلىپلىشىپ كەتكەن كۈنلىرىمنىڭ ياپقۇچلىرى ئىچىلمىدى سەنسىزلىكىمدىن. ھاياتىمنىڭ ماشىنىسى بىمەھەل  كونىراپ كەتتى. ئەبجەق ماشىنىدا پىراۋىسىز رولنى زورىغا تۇتۇپ ئولتۇرىمەنكى يوللار،مەنزىللەر  تۇمان،دۇنيا تۇمان. 2   تاڭ ئاتماس كىچىللىرىم بويۇنتۇرۇقلىرىدا ئۇھسىنىپ ھاياتىمنىڭ بۈگۈنلىرىدە سۇئاللىرىڭغا جاۋاپ تاپتىم. سەن دايىم تەكىتلەيدىغان "سىز مىنى ھەقىقى سۆيمەيسىز"،"ماڭا كۆڭۈل بۆلمەيسىز"،"ماڭا ۋاپا قىلمايسىز"...دىگەندەك ئاغرىنىشلىرىڭنىڭ تەكتىگە يېتىمۋاتىمەنكى بۇلار ئەسلى سېنىڭ قالقانلىرىڭ ئىكەن. سەن ھېچنىمىنى تۇيمۇدۇڭ.خاتا قەدەملىرىڭ ئەقلىڭگە كىشەن بولدى.ھايات سىنى ئەزىزلىگەنلەردىن ئەزىزلەپ بولالمايدىغانلارنىڭ چاڭگىلىغا ئاتتى. سەن گويا سۆرەتتەك ھەۋەس،قىزىقىش بىلەن قوپۇرۇلغان ۋاقىتلىق سۆيگۈنىڭ كارىدورىغا مىخلاندىڭ. ھايات يالغانمۇ؟ ياق.بىز يالغانمۇ؟ ياق.ئادەم ئەسلى يالغان ئەمەس.ئۇنداقتا يۈرەك يالغانمۇ؟ ياق.ئۇ پەقەت بىر بويسۇنغۇچى.يالغان دىيىش توغرا كەلسە تۇيغۇڭ،ھېسلىرىڭ يالغان. دەرۋەقە.ھاياتتا قايتىش بولمايدۇ.پۇشايماننى قاتۇرۇپ كىيىپ ،كەلمەسلەرنى يەپ-ئىچىپ ،سېغىنىشتا نەپەسلىنىپ ياشىغىنى بولسا كاشكى! 3   رەھمەتلىك ئاپام دايىم ماڭا "سېنىڭ مۇشۇ سەمىمىلكىڭ،ئاق كۆڭۈللۈگۈڭ كۆزۈڭگە تەگمىسۇن" دىسە كۈلۈپ قويۇپتىمەن. دادام دايىم"ئوغۇل بالا دىگەن ۋاپادارلىق،ساداققەتتە بىرە بوشلۇق تاشلاپ ماڭمىسىمۇ بۇرنى قاناپ قالىدۇ" دەپ نەسىھەت قىلسا نىمە دەيدىكىن دەپتىمەن. ۋاھالەنكى ؛ئىشەنىچ،ئەقىدە گۇلخانلىرىم گۇمران بولۇپ،چىنلىقلىرىم قىلىچ ئۇردى ئارمانلىرىمغا مىنى تۈگىمەس غاپىللىقنىڭ زىندانىغا مەڭگۈلۈك مەھكۇم قىلىپ. داۋامى يېزىلۋاتىدۇ....

Danggal

	‹4›      ماڭا «بىكۆيۈم»،«نامەرت»،«ئىچى تار»،«شەخسىيەتچى»...ئاتالغۇللىرىنى يۈكلەپ يۈزۈڭنى ئۆرىگەن،قوللۇرۇڭنى ئۈزگەنلىرىڭنىڭ سەۋەبىگە يىقىنلىشىۋاتىمەنكى بۇلار پەقەت  سېنىڭ  لوزىنكىللىرىڭ ئىكەن شاماللاردا ئۇچۇپ يۇرگەن. «مىنى ياخشى كۆرەمسىز؟»،«مىنى سۆيەمسىز؟»  دىگەنلىرىڭدە ئاغزىڭغا ئۇرمىغان گۇناھلىرىم بار.بىر بىرمىزنى ياخشى كۆرگەچ داۋانلار ئاشمىدۇقمۇ؟ بىر بىرمىزنى سۆيگەچ نى مۈشكۈل،تۈرلۈك توساقلارنى يەر بىلەن يەكسان قىلمىدۇقمۇ؟ تالاي يوقلۇقلارغا بەردەم شىجائەت تۇغلىرىنى ئىگىز كۆتۈرۈپ ۋىسالچۈن قۇربانلارنى بەرمىدۇقمۇ؟ نىھايەت،نىكاھىمىز ھەق ئىدى.ئۇنۇڭدا ئالامچە سۆيگۈ پارلايتى.پۈتۈن جىسمىمىمىز ،ئىشقىمىزنىڭ پاك،چىن مەۋجۇدى بىزنى ھالال بىر ياستۇققا باش قويدۇرغان «مۆھۈر»ئىدى.بىزنىڭ نىكاھىمىزغا باش تارتىشقا ھەققىمىز يوق .نىكاھىمىزدىن گۇمانلىنىپ ،داغ تەككۈزۈشكە ئەدناسى چاقچاق يۇسۇندىمۇ ئۇنۇڭغا شەك قوندۇرۇشقا ھېچقانداق باناھىمىز بولماسلىقى لازىم ئىدى. بىلسەڭ ئۇ سۆيگىمىزنىڭ ئاخىرقى پەللىسى.بىلسەڭ ئۇ سۆيگىمىزنىڭ ئەڭ يارقىن،ئەڭ باھادىر،ئەڭ مۇكەممەل گۇۋاھچىسى ئىدى.   بىلسەڭ ، سېنى سۆيگەچ  «ئالدىم» دىگەن،سېنى ياخشى كۆرگەچ «ئالدىم» دىگەن! - ئەي خالايىق ،ھالال جۈپتۇڭلار ينىڭلاردا يىتىپ تۇرۇپ «مىنى ياخشى كۆرەمسىز» دىسە ئاغزىغا ئۇرۇڭلار -دىگۈم كىلىدۇ.ئەپسۇسكى ئۆزۈمنىڭ شۇنداق قىلالمىغىنىمغا مىڭ بىر پۇشايمان!

bulaksu2

	داڭگال، بۇ سەپتىمۇ بارمۇ سىز؟ مۇبارەك بولسۇن!

Danggal

	‹5›    سەنسىز سەھەر ئوت قالانمىدى ئوچاقلارغا،سەنسىز كىر قاتلار دۆۋلۈنۈپ، جۇدۇن توپا ئۆرلەپ كەتتى ئۆي-ئايۋانلارغا. غېرىپ باستى ۋۇجۇدۇمنى  تاكى باسقان ھەر بىر قەدەم ئىزلاردىن ئالەمگىچە. «ماڭا ئەركىنلىك بېرىڭ»،«كۆزۈمگە كىرۋالماڭ»،«مىنى توسماڭ»...دىيىشلىرىڭنىڭ تانىللىرى ئۈزۈلدى. ئەمدى ھېچكىم ھېچكىمدىن قاخشىمايدۇ،قاخشىيالمايدۇ.ھېچكىم ھېچكىمدىن ئىلتىجالاردا بولمايدۇ.ھېچكىم ھېچكىمگە باتناپ ،ھېچكىم ھېچكىمدىن قېيدىيالمايدۇ،قاخشىيالمايدۇ.                                                      ‹6›    سەن يالغۇز  كەتمەپسەن.ئۆزۈڭ بىلەن نۇرغۇن نەرسىلەرنى بىللە ئىلىپ كىتىپسەن.ئۆتمۈشىمىزنى،كەلگۈسىمىزنى ئىلىپ كىىپسەن. سەن يالغۇز كەتمەپسەن.كىشىلىك مۇناسىۋەتلىرىمىزنى،بىرىش-كىلىشلىرىمىزنى،ئادىملىك،ئادىمگەرچىلىك يوللىرىمىزنى قۇلۇپلاپ كىتىپسەن. سەن يالغۇز كەتمەپسەن. بىر ئائىلىنىڭ خاتىرجەملىكىنى، تىچلىقىنى پايخان قىلىپ ساڭا يانداش بىر پۈتۈن ئالەمنىڭ ئىللىقلىقىنى ،گۈزەللىكىنى دۇتخان قىلىپ كىتىپسەن. سەن يالغۇز كەتمەپسەن.پەرزەنتىڭگە يىتىملىك،ماڭا يوقلۇق تامغىسىنى ئۇرۇپ مۇشاقەتلەردە بىزنى كۈلدۈرگەن بەختىيارلىرىمىزنى يەتمەكلەردىن سۆيۈندۈرگەن مىھىرلىرىمىزنى تىرىك كۆمۈپ كىتىپسەن!

ranjimayman

	چالما تورداشنىڭ يازمىسى ياخشى.

turmux.net

	داڭگالنىڭ يازمىلىرى ھەقىقەتەن ياخشى، بۇرۇن بەك ئوقۇيدىغان مەن.

tohuwaz

	داڭگال،،،،مەندەك سەھرالىق داڭگال ئىكەنسەندە

Danggal

	7 ھاياتتا دىيىلمىلەردەك،يېزىلمىلاردەك ياشىيالامتۇق! ھەر كىم ياشاۋاتۇدىكى ئۆز كۆرمۈش ،كەلمىشلىرى بىلەن.پۈتۈلگىنىنى ئۆزگەرتىشكە قادىر ئەمەس ئۇ گەر ئىنسان سانالسا.   مانا قارا،ئىككمىزنىڭ كومىدىيەسىدە سەھنىدە مىنى يالغۇز قالدۇرۇپ كۈلكىگە قويدۇڭ.نۇرغۇن كىشىلەر تاماششىمىزنى كۆرۈۋاتىدۇ.بەزىلەر ئازاپ،ھېجرانلىرىمىزدىن مەسخۇش،بەزىلەر قۇربانلىرىمىزغا چاۋاك ئۇرۇۋاتسا ۋە بەزىلەر ئۆكسۈش،ئۆكۈنۈشلىرىمىزدىن نەملەنمەكتە. كەلمىگەن تەلەيلىرىمىزگە بۇتناپ ئۆتۈپ كىتىشكە مەجبۇر ئەمەسقۇ-ئاخىر! تەنھالىقتىن بەزدۈرەلمىگەن ھاياتقا قېيداپ.                                                           8   يىقىلغان ئورنۇمدىن دەس تۇرىۋاتىمەن.چىدام،غەيرەتنىڭ نەپەسلىرىدە تېخىمۇ كۈچلەندىم. بىلىمەن،سەندە بالىلىقىمنى تاشلاپ گۈلدەك ياشلىقىمنى ئاۋۇندۇرۇپ قېرانىمغا يەتتىم.مۇساپىللىرىمنىڭ ئۇنتۇلغۇسىز دەقىقىللىرى سەن بىلەن پۇتتى،ئاز ئازدىن خوراپ قاراسلاپ سۇندى.ئاتقان ئوقنى قەيتۇرۋالغان كىمكەن؟ ھېچكىم.يوقاتقاننى قايتۇرۋالغان كىمكەن؟ھېچكىم.ماددى نەرسىلەرنى قايتۇرۋالغىنى بار ئىمكان،مەنىۋىيەت يوللىرىدا  خارۇ-زار سۇلتان. نىھايەت ھايات بىزنى تاشلىۋەتمىدى، تاراشلىۋەتتى.ھايات بىزنى تۈكۈرۈپ تاشلىغىنى يوق ،تۈركۈملىۋەتتى.ھايات بىزنى قارغىۋەتتىمۇ،ياق قارلىۋەتتى تاماششىبىنلىرى بىلەن.

Danggal

	9   كۆز يۇممايمەن،ئېرىشىشكە تىگىشلىكلىرىمنى بەردىڭ.ئائىلە بەردىڭ.ئىپپەت بەردىڭ.قىزلىق ھۆسنىڭنىڭ گۈزەل پەسىللىرى قىسسىللىرىمنىڭ تۇنجى بابلىرىدا جۇلالاندى.ياشىماقنىڭ،جاھاندارچىلىقنىڭ قەدەملىرى تۇنجى بوپ سەن بىلەن ئىلىندى.ئەر بولۇش،تۇۋرۈك بولۇش،ئاتا بولۇش...دەك ھۆرمەت تاجلىرى سەن بىلەن كىيىلدى.كىيىنلەرگە سوقۇلغان تامنىڭ سۇۋاقلىرىدا قوللۇرۇڭ قالدى،ئىزىڭ قالدى. ئەپسۇسكى سەن بىلەن قوپۇرۇلغان ئەشۇ تۆت تامنىڭ ئىچىدە ماڭغان يوللۇرۇڭ،غېرىپ بىر بۇلۇڭ ئۆكسىدى،قالدى.                                                            10   يوقلۇقلۇرۇڭدىن ئۈزۈپ كىلىۋاتىمەن يالغۇزلۇقلۇرۇمغا.كۆنۈۋاتىمەن سەنسىزلىكنىڭ تەڭداشسىز قۇربانلىرىغا.سېغىنىش گىرۋەكلىرىدە تىپچەكلىدى قۇربۇللۇرۇم ھەتتا ئەلەم كاۋاكلىرىغا سىرغىپ چۈشكەندەك سەرسان ھېسلىرىم. ئەقىدەمنى ساتتىڭ كىمنىڭ ئالداملىرىغا ،قەدرى ئۈزۈلدى سۆيگۈمنىڭ ناتۇنۇش كۆزلەر زىندانلىرىدا.ۋادەرىخا! پۈشمان قىلماسمەن خوشاللىقلىرىمىزنى دارغا ئاسقان كۈلپەتلىرىمگە.شىرىن ئەمەستۇر قېرتىغى يوق ھايات بىر ئۆمۈر ياشىساڭمۇ نازۇك دىلىڭغا قامچا سالمىسا. ئاچچىق ھېجرانلىرىڭدىن تىتىلسا كۆڭلۈم يالغۇز ئەمەسمەن كۆمگەن تۇيغۇمدا.قىلىۋەرسۇن ئۆز ئەركىدە ئۇمۇ مىنىڭدەك .بەس،يىتەر ئەمدى چېقىلما خىياللىرىمغا!

muslina216

	يەنە بامۇ؟