2015-يىلى 1-ئاينىڭ 1-كۈنىدىن باشلاپ يېڭى " ماتۇرلۇق قاتناش ۋاستىلىرى كىنىشكىسىنىڭ ئىشلىتىلىش بەلگىلىمىسى" يولغا قۇيۇلۇشقا باشلايدۇ. بەلگىلىمىدىن قارىغاندا جەرىمانە قۇيۇلىدىغان قائىدىلەر ناھايىتى بۇلۇپ ، 27 قائىدە ئەڭ ئاسان جەرىمانە قۇيۇلىدىكەن، ئەگەر ھەممىسىگە خىلاپلىق قىلساق جەمى 126 نۇمۇر بۇلىدىكەن. تۈۋەندە بىز كۆپچىلىككە يېڭى قائىدىدىكى جەرىمانە قۇيۇلىدىغان مۇھىم تۈرلەردىن تۇنۇشتۇرۇپ ئۆتىمىز.
● تۈۋەندىكى قائىدىگە خىلاپلىق قىلىش ئەھۋاللىرىدا 12 نۇمۇر تارتىلىدۇ.
1. يۇقىرى سۈرئەتلىك تاشيولدا ماشىنىنى كەينىگە ياندۇرۇش، قارشى يۈنىلىشتە مېڭىش، ئوتتۇردىكى ئايرىش بەلبىغىنى بۆسۈپ ئۆتۈپ ئايلىنىش. يۇقىرى سۈرئەتلىك تاشيولدا كەينىگە ياندۇرۇش قارشى يۈنىلىشتە مېڭىش ئادەمگە ۋە مال-مۈلۈككە زىيان سالىدىغان ئېغىر ئەھۋال.
2. چەكلەنگەن سۈرئەتتىن %50 پىرسەنىت ئېشىپ كەتكەندە 12 نۇمۇر تارتىلىدۇ. ئەسلىدىكى 6 نۇمۇر، 12 نۇمۇر تارتىلىشقا ئۆزگەرتىلىپتۇ. 10 قېتىملىق ماشىنا ۋەقەسىدە 9 سى ماشىنىنى تېز ھەيدەشتىن كىلىپ چىقىدۇ.
3. ھاراق ئىچىپ ماشىنا ھەيدەش، مەس بۇلۇپ ماشىنا ھەيدىگەنلەردىن 12 نۇمۇر تارتىلىدۇ. ھاراق ئىچىپ ماشىنا ھەيدىگەنلەردىن 12 نۇمۇر تارتىشتىن سىرت يەنە پىراۋىسى 6 ئاي تۇتۇپ قېلىنىدۇ ھەمدە 2000 يۈەندىن تۈۋەن جەرىمانە قۇيۇلىدۇ. مەس بۇلۇپ ماشىنا ھەيدىگەنلەرنىڭ پىراۋىسى ئەمەلدىن قالدۇرۇلىدۇ ھەمدە 5 يىل ئىچىدە پىراۋا ئېلىشقا روخسەت قىلىنمايدۇ.
4. ۋەقە چىقىرىپ قېچىپ كەتكەنلەر، لېكىن جىنايەت سادىر قىلمىغانلاردىن 12 نۇمۇر تارتىلىدۇ. بۇ دىگىنى ۋەقە چىقىرىپ قېچىپ كەتكەن، لېكىن ئادەم يارلىنىش ئەھۋالى كۆرۈلمىگەن ۋە 300 مىڭدىن ئارتۇق ئىقتىسادى زىيان كەلتۈرۈپ چىقارمىغانلىقنى كۆرسىتىدۇ.
5. نۇمۇر تاختىسى ئاسمىغان، ئۆزى ياسىۋالغان، ئۆزگەرتكەن، نۇمۇر تاختىسىنى قائىدە بۇيىچە ئاسمىغانلاردىن 12 نۇمۇر تارتىلىدۇ.
● تۈۋەندىكى 4 خىل ئەھۋالدا 6 نۇمۇر تارتىلىدۇ.
1. پىراۋىسى تۇتۇپ قېلىنغاندىن كىيىنمۇ يەنە داۋاملىق ماشىنا ھەيدىگەنلەردىن 6 نۇمۇر تارتىلىدۇ.
2. ماشىنا توسۇلۇش كۆرۈلگەندە جىددى قۇتقۇزۇش يولىنى ئىگەللىۋالغانلاردىن 6 نۇمۇر تارتىلىدۇ. جىددى قۇتقۇزۇش يولى يەنە ھاياتلىق يولى دەپمۇ ئاتىلىدۇ، يولدا كاشىلا كۆرۈلگەندە، جىددى قۇتقۇزۇش ماشىنىسى، كاشىلا تازىلاش ماشىنىسىنىڭ تېز سۈرئەتتە كاشىلا كۆرۈلگەن رايۇنغا بېرىشى ئۈچۈن مەخسوس تەييارلانغان يول.
3. مەكتەپ ماشىنىسغا يول بەرمىگەنلەردىن 6 نۇمۇر تارتىلىدۇ. بۇ قېتىمقى يېڭى قائىدىگە قوشۇلغان يېڭى تۈزۈلمە.
4. قىزىل چىراقنى بۆسۈپ ئۆتكەنلەردىن 6 نۇمۇر تارتىلىدۇ. ئەسلىدىكى 3 نۇمۇرنى 6 نۇمۇرغا ئۆزگەرتتى.
ئېغىر بولغان جەرىمانە قۇيۇش پەقەت كۆپچىلىكنى قاتناش قائىدىسىگە بويسۇنۇشنى ئەسكەرتىش.