شىنجاڭ ئۇنۋېرسىتىتىدا ئەھمىيەتلىك بىر يىغىلىش بولدى

Misranim2

	2014- يىلى 12 – ئاينىڭ 24 – كۈنى چۈشتىن كېيىن شىنجاڭ ئۇنۋېرسىتتىدا ئاخبارات – تارقىتىش ئىنىستىتوتى دىكتور – رىياسەتچىلىك 2012- يىللىق 2 – سىنىپ كوللىكتىپى ئانىلارغا سوۋغا نامىدىكى شېئىر - نەسىر دېكلاماتسىيە كىچىلىكى ئۆتكۈزۈلدى . پائالىيەتكە ھەرقايسى ئورۇنلاردىن بولۇپ 100 دىن ئارتۇق كىشى قاتناشتى . پائالىيەت بېشىدىلا ئانىلارنى زىيارەت قىلغان فىلىم قويۇلدى .ئانىلار مەدىھلەنگەن شېئىر ،نەسىرلەر دېكلاماتسىيە قىلىندى . پائالىيەت داۋامىدا ئۇستاز سەنئەتكار ئابدۇللا ئابدۇرېھىم ئۆزىنىڭ قازاقىستاندىكى كېچىلىكتىكى تەسىرلىك مىنۇتلارنى قىسقا سۆزلەپ تۆۋەندىكىلەرنىڭ يۈرەك تارىنى چەكتى. بىز تور بېكىتىمىزگە ۋاكالىتەن ،تېرىشچان ، ئىقتىدارلىق ئوقۇغۇچىلارنىڭ ئىشلىرىغا بەرىكەت، ئائىلىسىگە خوشاللىق تىلەيمىز. كەسىپ جەھەتتە ئۈزلۈكسىز تېرىشىۋاتقان ،شۇنداقلا ھەممە ئالدىراش ۋاقىتلاردا ئويلاپ بولالمىغان ۋە سەل قارىغان يورۇق تېمىلارنى سەھنىگە ئېلىپ چىقىپ ، كىشىلەردە ئاتا – ئانىنى قەدىرلەش ۋە ئۇلارنىڭ ئەجرىگە جاۋاب قايتۇرۇش ئېڭىنى ،ھېسياتىنى تېخىمۇ يۇقىرى كۆتۈرگەنلىكىگە ئاپىرىن ئېيتىمىز.

madonna

	ئەھمىيەتلىك ئىش بولۇپتۇ . خەۋرىم يوق بولۇپ قاپتۇ . بولمىسا مەنمۇ كۆرۈپ كىلەركەنمەن .

soygum

	ئوبدان ئىش بولۇپتۇ،ئانچە مۇنچە ئېتوتلار ئوينالغان ئوخشايدۇ،مەزمۇندا بۇگەپلەر يوق رەسمدە بار ،يەنە بۇ خەۋەر ئاجايىپ يېزلىپتۇ،ئانىلار مەدھىلەنگەن پائالىيەتتە ئابدۇللا نېمە قازاقستاننىڭ گېپنى قىلىپ يۈرىدۇ؟ناخشا كېچىلىكتە يۈرەكنىڭ تارسىنى چەككۇدەك نېمە ئىشلار بولىدۇ بولسىمۇ بۇ نەسىر پائالىيتى بىلەن نېمە مۇناسىۋتى دەيمەندە

derex

	soygum يوللىغان ۋاقتى  2014-12-24 10:41 PM ئوبدان ئىش بولۇپتۇ،ئانچە مۇنچە ئېتوتلار ئوينالغان ئوخ ... رەسىمدىكسى ئىتوت ئەمەس، نەسرىي درامما دېگەن يېڭى ئۇقۇم بىلەن شەرھىلىسەك بولىدىغان ئوخشايدۇ... ئەسەر پۈتۈنلەي نەسر سۈپىتىدە ئوقۇلدى، ئاندىن سەھنىدە نەسردىكى قىسقا ۋەقەلىك ئوينالدى... مۇناسىۋىتى بار ئىش ئىكەن شۇ... قازاقىستاندىكى كېچىلىكىدە يۈز بەرگەن «ئانا» ناملىق ناخشىسىنى ئېيتىشتىن بۇرۇنقى ئانىلارغا مۇناسىۋەتلىك كىچىككىنە بىر تەسىرلىك كارتىنىسىنى بىز بىلەن ئورتاقلاشتى...

turmux.net

	ھەقىقەتەن ئەھمىيەتلىك ئىش بولۇپتۇ .

hokumran

	ئەھمىيەتلىك پائالىيەتلەر ئۈزۈلمىسۇن! بالىلارغا ئاتا-ئانىلارنى ئۇلۇقلاش، ھۆرمەتلەش توغرۇلۇق تەربىيە ئىشلەش ھازىرقى جەمىيىتىمىزدە ئىنتايىن مۇھىم. نۇرغۇن بالىلارنىڭ ئاتا-ئانىسىغا قىلىۋاتقان مۇئامىلىسى بۇنى ئىسپاتلاپ تۇرۇپتۇ. ئاتا-ئانا بىز ئۈچۈن مەڭگۈ باقىۋەندە ئەمەس، شۇنداقلا مەڭگۈلۈك ھەمراھمۇ ئەمەس(ئۈلۈم ھەممە ئادەمنىڭ بېشىدا بار، بۇنىڭدىن ھېچقايسىسىمىز مۇستەسنا ئەمەسمىز). شۇڭلاشقا ئاتا-ئانىمىزنىڭ ھۆرمىتىنى ئۇلار ئۆلگەندە ئەمەس، بەلكى ھاياتلىقىدا قىلايلى! ھەربىر گەپ-سۆزىمىزدە، ئىش-ھەركىتىمىزدە ئۇلارغا بولغان ھۆرمىتىمىز، سۆيگۈمىز ئىپادىلەنسۇن!!

yurkimzida

	تۇرۇپلا شۇنداق ئويلاپ قالدىم ،ئۈرۈمچىدە بولغان بولسام ،ئابدۇللا ئابدۇرھېم بىلە بىر كۈرشىۋالدىكەنمە  ئەسلى ،باشقىچە ھۆرمىتىم با بۇ ئادەمگە

hokumran

	soygum يوللىغان ۋاقتى  2014-12-24 10:41 PM ئوبدان ئىش بولۇپتۇ،ئانچە مۇنچە ئېتوتلار ئوينالغان ئوخ ... رۇخسەت قىلسىڭىز بۇ سۇئالىڭىزغا مەن ئۆز-كۆز قارىشىمنى ئېيتىپ ئۈتەي. مىسرانىم ئەپەندى بۇ تېمىسىنىڭ مەزمۇنىنى ئەڭ زور دەرىجىدە قىسقارتىپ ئىپادىلەپتۇ. ناخشا- مۇزىكىنىڭ ئىنسان روھىيىتىگە بولغان تەسىرىنى سەل چاغلىماسلىق كېرەك. مەزمۇنى ۋە مۇزىكىسى ئېسىل ئىشلەنگەن بىر ناخشا(بىلىم ئىشقىدا، مەن ھايات، ئانا، قىرىقتىن ئۆتكەندە.... گە ئوخشاش)-مۇزىكىلار بىر ئىنساننىڭ ئۆز ھاياتى مۇساپىسى ھەققىدە باشقىچە ئويلىنىش پەيدا قىلىدىغىنىنى نەزەردىن ساقىت قىلمايلى. سىز ئاۋال ئەل سۆيگەن ناخشىچى ئابدۇللا ئابدۇرېيىمنىڭ قازاقىستاندا ئۆتكۈزگەن كېچىلىكىنى كۆرۈپ بېقىڭ! مەن يۇكۇ تورىدىن شۇ فىلىمنى كۆرگەن. ئابدۇللا ئابدۇرېيىم شۇ كېچىلىكتە ‹‹ئانا›› ناخشىسىنى ئېيتقاندا، شۇ يەردىكى كۆپلىگەن ئانىلار سەھنىگە چىقىپ ئابدۇللا ئابدۇرېيىمنى قۇچاغلاپ رەھمەت ئېيتىدۇ. لېكىن شۇ چاغدىكى تاماشىبىنلارغا توغرىلانغان ئېكراندىن نۇرغۇنلىغان ياشلارنىڭ كۆز يېشى تۈكۈۋاتقانلىقى ئېنىق كۆرۈنىدۇ. بىزدە ‹‹ئەركەك يىغلىمايدۇ، يىغلىسا يەر-جاھان يىغلايدۇ›› دېگەن گەپ بار. مۇشۇ كۆرۈنۈشتىنلا نۇرغۇن ياشلارنىڭ ئۆز ئاتا-ئانىسىغا قىلغان مۇئامىلىسىدىن پۇشايمان قىلغانلىقىنى بىلىۋالالايمىز. ئابدۇللا ئابدۇرېيىممۇ بەلكىم مۇشۇ كېچىلىكتىكى ئاشۇ ئىشلارنى بايان قىلغان بولۇشى مۇمكىن. بۇنىمۇ ئانىنى ئۇلۇغلاش تېمىسىغا مۇناسىۋەتسىز دىيەلەمدۇق؟ توردىشىم سۆيگۈم: ئىنكاسىمغا پىكرىڭىز بولسا، سەمىمىي تەنقىدىڭىزنى قۇبۇل قىلىمەن(جاۋابىڭىزنى كۈتىمەن). ئەمما ئىنكاس يازغاندا ئەستايىدىل بولۇشىڭىزنى ئۈمىد قىلىمەن.

soygum

	hokumran يوللىغان ۋاقتى  2014-12-25 12:42 AM رۇخسەت قىلسىڭىز بۇ سۇئالىڭىزغا مەن ئۆز-كۆز قارىشىمنى  ... دەرۋەقە بايا مۇنداق ئىشلار بولغان دەڭ،مەن ئابدۇللانىڭ قازاقستانغا كانسىرىت ئۆتكۈزىدىكەن دېگەن خەۋرىنىلا ئاڭلىغان لىكىن شۇ ئىش قاچان قانداق بولدى بۇنسىنى بىلمگەچكە،ئاۋۇ خەۋەر سەل غەلىتە بىلىندى،ئەمدى سىزنىڭ بايانىڭىزنى ئاڭلاپ شۇ دەقىقىلەردىكى كۆرنۇشلەردىن كۆڭلۈم سۆيۇندى،__________سۆيگۈم

yusup0998

	hokumran يوللىغان ۋاقتى  2014-12-25 12:42 AM رۇخسەت قىلسىڭىز بۇ سۇئالىڭىزغا مەن ئۆز-كۆز قارىشىمنى  ... بولسا ئاشۇ كېچىلىكىنىڭ ئادىرسىنى ئەۋەتىپ بەرگەن بولسىڭىز  رەھمەت