سېنى سۆيىمەن
يالقۇنلۇق مىسرادا ئۆچمەس مۇھەببەت،
باغلىغاچ سۆيگۈگە ئىشەنچ ساداقەت .
قەلەممۇ كۈيلىمەي قىلالماس تاقەت ،
مەن سېنى سۆيىمەن ئەبەدىل -ئەبەت .
قىسمەتلەر يولۇمنى قىلمىسىكەن تار ،
قولۇڭنى بىر ئۆمۈر تۇتۇپ ماڭغۇم بار .
ئىشەنگىن ئەي گۈلۈم ئەي سۆيۈملۈك يار،
مەن سېنى سۆيىمەن ئەبەدىل -ئەبەت .
يوقالغان يۈرەككە چۈشكەن قارا داغ،
بەخىتنىڭ ئىشكىنى چەككەن ئاشۇ چاغ.
ۋەدەم چىن يەلكەمنى باسسىمۇ گەر تاغ،
مەن سېنى سۆيىمەن ئەبەدىل -ئەبەت .
رىئالدىن تاشقىرى ئەمەستۇر ئارمان،
ۋەلېكىن كۆيۈككەن ھەممىدىن يامان.
سېنىڭسىز بۇ دۇنيا مەنىسىز جانان،
مەن سېنى سۆيىمەن ئەبەدىل-ئەبەت .
تىلىگىم-ئايرىما مەندىن گۈلۈمنى ،
ئاسان قىل سۆيگۈ دەپ باسقان يولۇمنى.
قىلغۇچە ئەزرائىل تارتۇق ئۆلۈمنى ،
مەن سېنى سۆيىمەن ئەبەدىل- ئەبەت.
ئەپچىلەم ئىجادىيىتى