سۆيگۈ زارى
دالا جىم، ئاق يېغىن ياغماقتا سىم-سىم،
ھەر تامچە بىر دېڭىز، كىرپىكىمدە نەم.
كۆڭلۈمنىڭ شادلىقى ۋە يا قايغۇسى،
پەقەتلا ئەي نىگار ساڭا مۇجەسسەم.
يامغۇرلۇق شۇ كېچە چېقماس ئېسىمدىن،
ۋىسالغا زارىقتىم چاڭقاپ دەممۇ-دەم.
كۆزۈمدە دىل ئايان لىۋىمدە ھىجران،
ھەر تامچە يامغۇردا كۆرۈندى زەمزەم.
سېنى دەپ ياشىدىم مۇشۇ يولدىلا،
ئۆزگىسى تۇيۇق يول، يوللار قىيانلىق.
ئادەملەر ئۆلىدۇ، ئۆلمەيدۇ سۆيگۈ،
پاك سۆيگۈ چېھرىدە مەڭگۈ قىرانلىق.
كۈن ئايدەك بىلىندى، ئايلار ئەسىردەك،
چۈشمىدى شۇندىمۇ زاماندا نەرقىم.
تۇپراققا سەن ئەمەس، كۆمۈلدى سۆيگۈم،
يۈرىمەن پەرىشان زارىڭدا غەرقىم...
2014- يىل 12-ئاي
يوللىغان ۋاقتى 2014-12-15 11:54:24 AM
