مېنىڭ جاپاكەش ئانام(ھېكايە)

Girl

	ھېچقانداق بىر كىشى دۇنيادا سىزنى ئانىڭىزدەك شەخسىيەتسىز سۆيمەيدۇ، ئانا مۇھەببىتى ئۇ بىر دېڭىز، سىزنىڭ بارلىق خاتالىقلىرىڭىز، بارلىق بالىلىقلىرىڭىز  قورام تاشقا ئايلىنىپ ئۇنىڭغا توسالغۇ بولسىمۇ، ئۇنى ھالسىزلاتسىمۇ، ئۇ يەنىلا ھەرقاچان سىزنى ئۆز قوينىغا ئالىدۇ. ئانا مۇھەببىتى ئۇ بىر قۇياش، بارلىق كائىناتقا ئۆز مېھرىنى چاچسىمۇ، لېكىن ھەرقانداق ئوڭۇشسىزلىققا يولۇققىنىڭىزدا، ئۆزى كۆيۈپ سىزنىڭ يولىڭىزنى يورۇتۇپ تۇرىدۇ.ئانا مۇھەببىتى ئۇ بىر كىتاب، ئۇسىزگە ھاياتلىق سەپىرىڭىزدە نۇرغۇنلىغان بىلىملىرىنى ئۆگىتىدۇ. مېنىڭمۇ ئەنە شۇنداق ئۇلۇغ، مېھرىبان، جاپاكەش ئانام بار، ئۇ بۇ يىل53ياشقا كىردى، ئۇنىڭ تارتقان رىيازەتلىرىنى پېشانىسىدىكى قورۇقلاردىن، قولىدىكى قاداقلاردىن، تەڭگە تەمرەتكىلەردىن كۆرۈۋالالايسىز. ھەر قېتىم ئۇنىڭ قوللىرىنى چىڭ تۇتۇپ سۆيۈپ كەتكىنىمدە ئۇ كۆزلىرىگە ئىسسىق ياش ئالىدۇ.چۈنكى بۇ قوللار بىزنى بېقىش داۋامىدا نۇرغۇن قۇربانلىقلارنى بەردى. ئۇنىڭ تولا يىغلاپ نۇرى ئاجىزلىغان كۆزلىرى ھامان بىزگە مېھرىبانلىق بىلەن تىكىلىپ تۇرىدۇ، ئۇنىڭغا بىزگە بولغان بارلىق ئۈمىدلىرى يوشۇرۇنغان.مەن ئانامدىن پەخرلىنىمەن، گەرچە تولىمۇ كېچىكىپ ئېسىمنى بىلسەممۇ، ئىنسانچىلىقتا بالىلىق قىلساممۇ، ئاخىرىدا بۇ دۇنيادا ئانامدىن بۆلەك ئادەمنىڭ پۈتۈن ھاياتىنى مەن ئۈچۈن بېغىشلىمايدىغانلىقىنى ھېس قىلدىم.ئانا، مېنى كەچۈرۈڭ. مەن تۇغۇلغاندىمۇ ئانامنى ئارامىدا قويماپتىمەنكەن، ئانام دوختۇرنىڭ بۇ بالىنى تۇغسىڭىز ھاياتىڭىزغا خەۋپ يېتىدۇ دېگىنىگە قارىماي قىينالسىمۇ، ئۆزى تۇغۇپتىكەن.مەن 3كىلو500گرام تۇغۇلغان بولۇپ، ئانام مېنىڭ سالامەت تۇغۇلغىنىمنى كۆرۈپ، قولىغا ئېلىپ خېلى ئۇزۇنغىچە ھاياجانلىق ياشلىرىنى تۆكۈپتىكەن، بەلكىم ئانامنىڭ مەن ئۈچۈن تۆككەن ياشلىرى شۇنىڭدىن باشلانغان بولسا كېرەك. (داۋامى ئىنكاس شەكىلدە يوللىنىدۇ)

memeteli0998

	7جىڭ بولسا خېلى يوغان تۇغۇلۇپتىكەنسىلە...

nurbanu.

	يۈرەككە تەككۈدەك قۇرلار ئىكەن،داۋامىنى تىزراق يىزىڭە،،،،،،

oygurum

	كۆزۈم  ئەسەرىڭىزنىڭ  ئاخىرىدا ، غەيرەت قىلىڭ ! مېنىڭ  ئاپامدىن  ئۈچ ياش چىكىككەنتۇق  ئاپىڭىز..

musilina

	مېنىڭ ئاپاممۇ بىر ئۆمۈر بىز ئالتە پەرزەنتنىڭ ئوتىدا كۆيۈپ ،سۈيىدە ئېقىپ ،بارلىقىنى بىزگە بېغىشلىدى،گەرچە ئانامنىڭ سالامەتلىىك ياخشغى بولمىسىمۇ،دائىم مېنىڭ سالامەتلىكىمدىن ئەنسىرەپ يۈرىيدۇ،مۇشۇ يېقىندىن بۇيان ئانامنىڭ سالامەتلىكى تازا ياخشى ئەمەس،ئۆپكە تىبىركىلىيوز كېسىلى قىش كىرسىلا ئەدەپ كېتىدۇ..... يازمىڭىزنىڭ داۋامىنى كۈتىمەن ئاپئاق.... كۆپىنچە ئاتا -ئانىلار  بىر ئۆمۈر پەرزەنت ئۈچۈن جاپا چەككۈچىلەردۇر....

izlayman520

	martam يوللىغان ۋاقتى  2014-12-9 08:28 PM بۇنداق تىمىلارغا مەن بەك ئۆچ. مېنىڭ ئاپام يوق ئەمەس بار ... بۇ نىمە دىگىنىڭىز.........؟                 ئاللاھ ۋە ئاللاھنىڭ رەسۇلىدىن قالسا ئاتا-ئانىمىز دىنمۇ ئۇلۇغ ئىنسان يوق قېرىندىشىم   بەلكىم بۇنداق دىيىشىڭىزدىكى سەۋەپلەرنى ئۈزىڭىز بىلەرسىز ئەمما ئانىڭىزنىڭ ھەرقانچە خاتالىقى بولسىمۇ ئانىڭىزدىن نەپرەتلەنسىڭىز بولمايدۇ  بىز پەرزەنتلەر ئانىمىزنى بىر ئۆمۇر يۈدۈپ باقساقمۇ  ئانىلىرىمىزنىڭ بىزلەرنى بىر قېتىم ئىمىتكەننىڭ ھەققىنى ئادا قىلالمايمىز   سىزمۇ بىر ئانىكەنسىز ئانىلارنىڭ قەلبىنى چۈشىنىسىز ئەلۋەتتە.......................................................

izlayman520

	تىمىڭىزنىڭ ئاخىرنى ساقلايمەن قېرىندىشىم  تىزرەك يوللاسىز