دىلكۈيى شىركىتى يەتتە ناخشا پىلاستىنكىسىنى تارقاتتى

Misranim2

	كۈنسىرى سۇسلىشىۋاتقان مەدەنىيەت بازارلىرىمىزنى جانلاندۇرۇش ۋە تۆھپە قوشۇش يولىدا ئۈزلۈكسىز تېرىشىپ كېلىۋاتقان دىلكۈيى مەدەنىيەت تارقىتىش چەكلىك شىركىتى قېرىنداشلارنىڭ مەنىۋىيتىنى بېيىتىش ئۈچۈن بىرلا قېتىمدا يەتتە پىلاستىنكىنىڭ تارقىتىش پائالىيتىنى ئۆتكۈزدى . پائالىيەتتە ھەربىر پىلاستىنكا ئۈچۈن ئەجىر قىلغان ئەزىزلەر ئۆز يۈرەك سۆزلىرىنى قىلدى ۋە ھەر بىر پىلاستىنكا چىقارغۇچى دوستىمىز بىردىن ناخشىنى نەق مەيداندا ئورۇنداپ بەردى . بۇ قېتىمقى پائالىيەتتە شىنجاڭ دىل كۈيى مەدەنىيەت تارقىتىش شىركىتىنىڭ يېڭى يىللىق سوۋغۇسى سۈپىتىدە ناخشىچىلىرىمىزدىن ئىلھام ئىمىنجاننىڭ << گۈزەل دۇنيا>> ، <<ھەزرىتى ئەلى مۇھەممەدتۇرسۇن ناخشا كېچىلىكى >> رافەت ئەل روماننىڭ << رافەت ئەل رومان ئۈرۈمچى ناخشا كېچىلىكى >>،<<ئەركىن كېرەم سەنئەت كېچىلىكى >>، غولام ئېلى غوپۇرنىڭ<<دەردىمنى ئال >>،قەيسەر ھەبىبۇللارنىڭ<< كۆل بويىدا >>، ئابدۇغېنى ئابلىكىمنىڭ << ۋىسال كۈيى >> قاتارلىق پىلاستىنكىلىرىنى بازارغا سالدى. پائالىيەتتە يەنە دىلكۈيى مەدەنىيەت شىركىتىنىڭ قۇرغۇچىسى روزى مۇھەممەد ئەپەندىم ، ھاجى مۇختار بۇغرا، مىسرانىم تورىنىڭ قۇرغۇچىسى ئابابەكرى مۇختەر قاتارلىقلار ساختا پىلاستىنكىلارنىڭ نەشىر قىلىنىشىنى توسۇش ، ئۆز مەنىۋىيتىمىزنى بېيىتىۋاتقان شىركەت ۋە كارخانىلارنى قوللاش قاتارلىق مەزمۇنلاردا سۆز قىلىپ ئۆتتى . پائالىيەتكە مۇناسىۋەتلىك بىرقىسىم رەسىملەر.

aptap104

	خەۋەر تاپتىم رەخمەت ، سىتىۋىلىشقا ئالدىرمايمەن . لىكىن سىتىۋالمەن .

M/MpiRaToR

	قانداق پىلاستىنكىدۇ تۇردا تارقىتىشنى كىچىكتۈرۈش كىرەك بولمىسا كىم پىلاستىنكا سىتىۋالدۇ مۇشۇ كەمدە

باشتۇغ

	مۇبارەك بولسۇن .

ziyaliy

	بۇ تۇنجى تارقىتىش مۇراسىمىنىڭ ئوڭۇشلۇق ئۆتكۈزۈلگەنلىكىگە تىلەكداشمەن. ئۇيغۇرلارنىڭ سىن تارقىتىش مەدەنىيتى ۋە  ناخشا سەنئىتىنىڭ تەرەققىياتىغا ئۇتۇقلارنى تىلەيمەن!         ئەمما، بۇ لىنتىلار بىر تارقىتىلىپ نەچچە كۈنگە بارماي كوچا يايمىلىرىدا، پىلاستىنكا دۇكانلىرىدا 3 كويلۇق بوپ، تاللاڭ ئۈچ كوي، خىللاڭ ئۈچ كويغا ئايلىنىپ قالىدۇ.          سودا-سانائەت ئىدارىسى بىلەن مەدەنىيەت ئىدارىسى ئۆز رولىنى ياخشى جارى قىلدۇرۇپ، قانۇننى ياخشى ئىجرا قىلىپ، دۆلەت ۋە   سەنئەت ئالدىدىكى مەجبۇرىيتىنى ۋىجدانى بىلەن ئىجرا قىلسا  ئىدى، بۇ ھايانكەش نومۇسسىزلارغا زەربە بەرگىلى بولاتتى.      (  گىرمانىيەدە پىلاستىنكىنى كۆپەيتىپ تارقاتقان ياكى قانۇنسىز تارقاتقۇچىلار قانۇن بويىچە تۈرمىگە جازا ئۆتەشكە تاپشۇرلىدۇ ھەمدە ئېغىر ئىقتىسادىي تۆلەم تۆلىتىلىپ،  ئىشەنچلىك ئىناۋەت دەرىجىسى چۈشۈرۈلۈپ، بىر كىملىك نومۇر ئارقىلىق تورلاشتۇرۇلۇپ، ئىش تېىش، تىجارەت قىلىش، جۆرە تاللاش قاتارلىق نۇرغۇن جەھەتلەردە جازالىنىدۇ ،  خەلقمۇ سەمىمىيەتسىزلىك ۋە قانۇنغا بويسۇنماسلىقنى  نومۇس دەپ بىلىدىغان ئاڭغا سەۋىيەگە ئىگە )    بىزنىڭ دۆلىتىمىزدە بولسا مەركەزدىن مەدەنىيەت بازارلىرىنى تۈزەش دەيدىغان ھەرىكەت قانات يايدۇرۇلسا يىلدا بىرەر قېتىم تەكشۈرەپ قويىدۇ، تۇتىدۇ ، مۇسادىر قىلىدۇ ، ئەمما بۇ ھەرىكەت ئۆتۈپ كەتسە ھەممە ئىشلار ئۆز ئىزىغا چۈشىدۇ.        قانۇن تۈزۈم ئەمىللىشىدىغان، جەمئىيەت قانۇن ئارقىلىق ئىدارە قىلىنىدىغان،     كادىرلار خەلق ئۈچۈن خىزمەت قىلىپ،    مۇلازىمەت تىپىدىكى ھۆكۈمەت بارلىققا كېلىدىغان ۋەزىيەتنىڭ شەكىللىنىدىغانلىقىغا ئىشىنىمەن.

Qabiljan

	ئىنىم ئابدۇغېنى خالنىڭ يېڭى پىلاستىنكىسىنى مۇبارەكلەيمەن.تېزراق كۆرۈش ۋە  ئاڭلاش نىسىپ بولغاي!

parhat007

	ۋاقىت چىققاندا بىر كۆرۈپ باقمىسام

alzaman

	kaLGundi يوللىغان ۋاقتى  2014-12-6 01:19 AM ناخشىچى ئابدۇخالىق تۇرغۇن توغرىسىدا بىلسىڭىز سۆزلەپ  ... ئابدۇخالىق تۇرغۇننى قەشقەرۋىلايەتلىك 2. دۇختۇرخانىدا ئىشلەۋاتىدۇ دەپ ئاڭلىغان قالغىنىنى باشقا تورداشلار بىلەرمىكى.

barquk8

	قېرىندىشىم «ئابدۇغېنىجان ئابلىكىم خال » نىڭ يېڭى پىلاستىنكىسىنى مۇبارەكلەيمەن.تېزراق كۆرۈش ۋە  ئاڭلاش نىسىپ بولغاي!