دەيۈز شەيتان

زىياگۈل

	دەيۈز شەيتان(نەسىر) زۇلپىيە ئەنۋەر خىزمەت       ئازدۇرۇشقا كەپتۇ شەيتان «جېنىم داۋاملىق ئۇخلىغىن،تاتلىق ئۇيقۇدىن ،شىرىن چۈشىرىڭدىن لەززەت ئال»دەپ. بىر ئۆمۈر ئۇخلاپ ھۇزۇرلانغىلى بولىدىغاندەك گېپىگە ئىشىنىپ چوڭقۇر چۈڭكىنىپ خۇرەكنى  قايتا باشتىن ئەۋجىگە چىقاردىم. بىراق قۇلاق تۈۋۈمدى يەنە بىر ئاۋاز بار «چاققان بول تىزدىن سېپىمىزگە  قوشۇل دە ، ئارزۇيىڭغا قاراپ ئاتلان» دىدى. قارىسام بۇ ئاۋازغا ئەگەشسەم بىر ئاز جاپادا قالغۇدەكمەن.شۇئان جاپا مۇشەققەتسىز مىۋە يىغىشنى ئويلىشىۋاتقان كاللامنى تازا كەلتۈرۈپ بىرنى سالدىم.       ئويغاندىم،سىرتنىڭ ئاسمىنى بىر قەۋەت قىزغۇچ پەردە بىلەن ئورالغانكەن.شۇنچىكى گۈزەل مەنزىرىنى كۈندە ئۇيقىدا ئۆتكۈزۈپ قويغىنىمدىن بەكلا ئەپسۇسلاندىم.شۇندىلا دەيۈز شەيتاننىڭ "شىكەر"يالىتىلغان دەۋەتلىرىنىڭ مېنى نۇرغۇن ئېسىل ساباھلاردىن مەھرۇم قىلغىنىنى ھېس قىلدىم.       ياشاپتىمەن،بىراق ئۆلگەندىن پەرقىم يوق. بەزىلەر بار،ھەتتا ئۆلۈپ كەتسىمۇ ئەل ئارىسىدىن يۈتۈپ كەتمەيدىغان.بىر ئۆمۈر تىرشىپ -تىركىشىپ،شاھانە ئەسەرلىرىنى دۇنياغا تەغدىم ئىتىدىغان.مەن قاچانلاردا شۇ پىلسىراتتىن ئۆتىمەن بۇنىسى نامەلۇم،بىراق ئېنىقكى مەندە ئەۋلادلىرىمغا قالدۇرۇپ كەتكۈدەك ھېچ نەرسە يوق.بۇ دۇنيادا ئۆزۈم ئۈچۈنلا ياشىدىم.          شۇنداق بىر زامانلاردا ياشاۋېتىپتىمىز،دوستى -دۈشمەنلەر پەرقسىز،ياخشى -يامانلار ئارلىشىپ كەتكەن،ھەقىقەتنى بايقاش تەس بولىۋاتىدۇ.بۈگۈن «دىلىمنى ئاغرىتتى دىلىمدىكىلەر«نى ئاڭلاپ ئولتۇرۇپ،تىكىستىگە ئالاھىدە دىققەت قىلىپ ئاندىن چۈشەندىم.ئەسلىدە مېنى ھاردۇرىۋاتقىنى دىلىمدىكىلەرگە  بولغان ئىشەنچىمنىڭ كەسىر سىزىقىنىڭ سۈرئىتىدە ئۆز پېتى تۇرىشى،شەخسىيەتچىلىكنىڭ مەخرىجىدە داۋاملىق يۇغىناپ ، دىلىمنى يارا قىلىۋاتقانلىقىنى بايقىدىم. ئاخىرى ماڭىمۇ قۇدرەت بەرسە ئىدى، مەنمۇ ئۇلارنى كەچۈرىۋەتسەم، ئىككى دۇنيادا خاتىرجەم بۇلارمىدىم دەپ ئويلىدىم.          دەيۈز شەيتان ئالتۇندىن قىممەتلىك مەسئۇلىيەت تۇيغۇسىنىمۇ بوش قويماي،ئالتۇننىڭ باھاسىغا ئەگەشتۈرۈپ تاغ باغرىغا دۇملىتىپ، نۇرغۇنلىغان بەخىتلىك ئائلىلەرگە ئاپەت ياغدۇردى.       ئاڭلىدىڭمۇ؟يىتىم قىز بەخىتلىك پىچىرلاۋاتىدۇ.مېيىپ جانلار شۈكرى ئېيتىشىۋاتىدۇ.ئىشقىلىپ جىمىكى ئىنسانلار شۇنچىكى خۇشال،نە بېسىم نە خاپىلىق يوق،شۇنداق راھەت بىر جاي ئىكەن.ئۆمىلەپ داۋان ئاشتىم،يېقىنلاشتىم بىراق ھەرقانچە قىلساممۇ ئۇلارغا زادىلا قېتىلالمىدىم.نېمىشقىدۇ؟      يول بۇيىدىكى سۆگەتكە يۆلىنىپ،جاۋابىنى ئىزدەشكە باشلىدىم.قايسى بىر چاغدا كىچىك دۇككاندىن مال سېتىۋېلىپ چاندۇرماي پۇلىنى بەرمەي قېچىپ چىققان،كىچىكلىكىمدە ئەتراپىمدىكى دوسلۇرۇمنى ئۇرۇپ تىللايتتىم،لاۋدانىڭ كۈنىنى كۈرەتتىم. چوڭ بولغىنىمدا ناتوغرا يوللاردا ، ھاۋايى -ھەۋەسنى قوغلۇشۇپ، ئۆز خاھىشىم بويىچە راھەت-پاراغەتكە بىرىلىپ ئەسلىمنى ئۇنۇتتۇم. يېقىنلىرىم كەملەپ كەتتى دەپ زارلىنىپ يۈرۈپتىمەن، ئەسلىدە مەن ئۇلارنى رەنجىتىپ، ئامالسىز قالدۇرۇپتىمەن. دەيۈز شەيتاننىڭ دېپىغا جۈر بولۇپ،نۇرغۇن گۇناھلارنى ئۆتكۈزۈپ سەزمەپتىمەن. پۇشايمان قىلدىم ،ھەقىقەتەنمۇ پۇشايمان قىلدىم. كەينىمگە يانغۇدەك پۇرسەت بەرسىچۇ دەپ يىلىندىم، بىراق سادا قايتمىدى. ئۆمۈر مەنزىلىم مانا شۇنداق ئاخىرلىشىپ، دۇنيا راھىتىنى سۈرۈپ كۆنگەن دىلىم، ئۇدۇنيا راھىتىدىن مەھرۇم قالدى. ئۆز قەلىمىم

كۆلەڭگە

	بىلىپ بىلمەي شەيتاننىڭ دېپىغا ئوسۇل ئويناپ قالدىغان ئىشكەن،ئەتە ئۆگۈن دەپ يەنە شۇ ئازدۇرۇشلارنىڭ، غەپلەتنىڭ پاتقىغىغا مېلىنىپ كېتىدىكەنمىز،ئارقىدىنلا يەنە تۆۋە ئىستخپار ئېيتىپ نۇرغا ئەگىشىدىكەنمىز. ھەي  بۇ ھاياتنىڭ قازىندا قاينماق تۇلىمۇ زور سەگەكلىك تەلەپ قىلدىكەن. تېمىڭىزغا كۆپ رەھمەت، مەنىلىك ھەم راۋان يېزىلىپتۇ.

saliha24

	ناھايىتىمۇ ئېسىل تىمىدىن بىرنى ئەكەپسز ، رەھمەت .

ئۆچمەس

	شەيتاننىڭ  ۋەسۋاسىدىن  يىراق  تۇرغىىنىمىز ياخشى

9bulak

	شەيتان ئېيتۇر ئۇخلا ئارام ئال   ئاڭلىغالا ئەسىر بولغۇسى مەڭگۈلۈك غەپلەت ئۇيقۇسىغا

firuz

	ئادەم ئۆزىچە بەزى ئىشلارنى توغرا قارار قىلدىم دەپ ئويلايدىكەن..ئەمىلىيەتتە بىر مەزگىل ئۆتكەندىن كىيىن شۇ قارارنىڭ ھاياتىدىكى ئەڭ چوڭ خاتالىق ئىكەنلىكىنى ھىس قىلغىنىدا بولسا ئاللىبۇرۇن تولدۇرۇپ قوپقۇسىز پۇشايمانغا قالىدىكەن...

nurizadam

	ھارمىغايسىز.....

alzapar0302

	بەك ئىسىل يېزىپسىز ، اللە ھەممىمىزنى غەپلەتتىن يىراق قىلسۇن .

mastana888

	ياخشى يىزىپسىز

nasif

	دەۋرى قىيامەتكىچە دۈشمەنغۇ زادى بىزگە بۇ لەنەتكەردە..