بۈگۈننى ئۆلتۈرۈش

bahwanbiz

	بۈگۈننى ئۆلتۈرۈش يامغۇر بولۇپ كېچىلەر دەرىزەمنى يۇيماقتا ، قانائەتجان جىمجىتلىق كىرپىكىمگە چاپلىشار . كۈلكىلىرى سۇسلىشىپ قالدى لېۋەن گۈللەرنىڭ، بىر بىرىگە يوپۇرماق ئۈمۈدىنى تاپلىشار . لەيلىمەكتە زىمىنغا ئاپئاق خىيال ئاسماندىن ، غۇنچىلايدۇ سىنتەبىر ھارغىن مەشنىڭ تۈۋىدە . قار لەۋلىرى ئېرىيدۇ تېرەكلەرنىڭ باغرىدا ، پەسىللەرگە  كېكەچلەپ مۇزلىماقتا دەقىقە . باتاريىسى توشماستىن سۈيگۈسىراپ قانسىراپ ، يېپىنچاقلاپ چاپاننى قايتتى كۈندۈز كەينىگە . شەپەرەڭگە ئوخشايدۇ روھى قۇرغاق كېچىلەر، چىقىپ كەلدى ئۆيىدىن مۇزدەك شامال سەيلىگە . چىشلىرىدا داڭ ئۇرۇپ كىرىشمەكتە ئۇھسىنىش ، پايپاقلىرى يىرتىلدى شېكەر تەملىك ئازاپنىڭ . رېلىسىدىن قاچماقتا سېيرىتمىلىق پۇشايمان ، خاتىمىسى شۇمىدۇ تەقدىر ناملىق تۇۋاقنىڭ . گۈل ئېچىلدى- يەڭگىدى ،دادا بولدى بارمىقىم ، ئىپادەمگە سىنچىلاپ جان ئۈزىمەن تەشتەكتە . سايەم بىلەن سەتلىشىپ روھىم كىردى يوتقانغا ، قۇرت بولۇپ ئەنئەنەم تاپىنىمنى تەشمەكتە . بۈگۈنىمنى ئوغۇرلاپ قايتا نەشىر قىلمىغان ، قانىتى كەڭ كېچىلەر دەرۋازامغا ئۇرىلار . قەستەنلىگىم كۆرەڭلەپ مەن بۈگۈننى ئۆلتۈردۈم ، ئىچى كاۋاك ۋۇجۇدۇم ئاستا -ئاستا  قورۇلار . ئاپتۇرى : ئابلەت مۇھەممەت

abbasjan

	قالتىس  يېزىلىپتۇ

mastana888

	ئاپرىن ياخشى يىزىپسىز ئىككىنجى كۇبلىتىدىكى سىنتەبىر دىگەن بوغۇمنىڭ ئورنىغا نويابىر دەپ ئالسغان بولسىڭىز تىخىمۇ يىقىشلىق چىقاتتى

99sahrayi99

	ئىشقىلىپ بەك ئۇستىلىق بىلەن يېزىلغان شېئىىركەنغۇ! ھارمىغايسىز باغۋەن!...

mehriya

	ئاپىرىن . سىزگە ئۇتۇقلار يار بولسۇن .

alenur

	قاندا كىلدىغاندۇ بۇ ئىلھاملار سىزگە

alhumar137

	ياخشى

axek13999649893

	بۈگۈنىمنى ئوغۇرلاپ قايتا نەشىر قىلمىغان ، قانىتى كەڭ كېچىلەر دەرۋازامغا ئۇرىلار . قەستەنلىگىم كۆرەڭلەپ مەن بۈگۈننى ئۆلتۈردۈم ، ئىچى كاۋاك ۋۇجۇدۇم ئاستا -ئاستا  قورۇلار

turklan

	مەن  دەل  مۇشۇ  خاسلىقتىكى شېئىر يىزىشنى بىلەلمەي  يۈرەتتىم،رەھمەت  ماڭا  ئۇستاز  بولغۇدەك  شېئىردىن  بىرنى  يېزىپسىز،ئىلھاملىرىڭىزدىن ئۆرنەك  ئالىمەن،تەپەككۈرىڭىز  بەك چۇڭقۇركەن،ئۇيغۇر  تىلىمنىڭ  پاساھىتىنى  يەنە  بىر  قېتىم  قايتا  ھېس  قىلغاندەك  بولدۇم  ،ئىلھاملىرىڭىز  ئۈزۈلمىگەي

bahwanbiz

	turklan يوللىغان ۋاقتى  2014-11-19 11:36 PM مەن  دەل  مۇشۇ  خاسلىقتىكى شېئىر يىزىشنى بىلەلمەي  يۈرە ... ئۇيغۇر تىلنىڭ پاساھىتى بىر ئەۋلاد قەلەمكەشلەر قوشۇنىنىڭ ئورتاق تىرىشچانلىقىدىن كېلىدۇ ، بۇ ساھەدە تىنىمسىز ئىزدىنىۋاتقان قەھىرمانلىرىمىز كۆپىيىۋاتىدۇ ، سىزنىڭ شېئىريەتكە بولغان ئوتتەك ئىشتىياقىڭىزنى ھېس قىلدىم . مەندىمۇ شېئىريەتكە بولغان ئوتتەك قىزىقىش بار ، بۇ تەرىپىمىز ئوخشاشكەن . بىرلىكتە پىكىرلىشىپ تۇرايلى . كەمچىللىكلەر بولسا ئورتاق تۈزىتەيلى ، ئۆز ئارا تەسىر كۆرسىتىشەلسەك ئەڭ ياخشى ھەمكارلىق ھېساپلىنىدۇ .