توي قىلىپ ھېس قىلغانلىرىم -- توۋا دەيمەن

marwary

	توي قىلىپ ھېس قىلغانلىرىم : بىر يەرگە بارسام ئاپتوبۇسقا چىقىدىغان بولدۇم ! چۈنكى ھازىر ھەممىلا يەردە ماشىنا جىق قىستاڭچىلىق، ئۇنىڭ ئۈستىگە ب ر ت دېگەن نېمە ئۆزىنىڭ يولىدىلا ماڭىدۇ،قىستاڭچىلىقتىن خالىي. كاررىفورغا كىرسەم قەيەردە نېمە نەرسە بارلىقىنى ئوبدان بىلىدىغان ،ئۆيۈمگە لازىملىق نەرسىلەرنى تەمتىرمەيلا ئۇدۇل تېپىپ ئالالايدىغان،لازىم ئەمەس نەرسىلەرگە كۆز قىرىمنىمۇ سالماي ئۇدۇل قايتىپ چىقىدىغان،ئوخشاش ھەم تۈرى جىق نەرسىلەرنىڭ بولسا باھاسى ئەرزاننى ئالىدىغان بولدۇم ! پۇل خەجلەپ سىرتتا تاماق يىگەننىڭ ئورنىغا شۇ پۇلغا گۆش،كۆكتات ئەكىرىپ ئۆيدە تاماق ئېتىپ يەيدىغان بولدۇم. قىسقىسى بۇرۇن سىرتقا ئاتايىتەن تاماق يىگىلى چىققان بولسام ھازىر تاماق يىگىلى ئۆيگە قايتىدىغان بولدۇم! قانداقلا نەرسە سېتىۋالسام چوڭ قاپلىقى بىلەن كىچىك قاپلىقىنىڭ گىرام سانىنى سېلىشتۇرۇپ قايسىسى ئەرزان ھەم جىق بولسا شۇنى ئالىدىغان بولدۇم. تۇغۇلغان كۈن يېڭى يىل دېگەنلەرنى ئۆيدە ئۆتكۈزىدىغان بولدۇم.چۈنكى بۇرۇن بۇنداق سورۇنلارغا ئاتا - ئانامدىن پۇل ئالغان بولسام ھازىر يېڭى ئائىلىمىزنىڭ ئىقتىسادىغا زىيان يەتكۈزگۈم كەلمەيدىغان بوپ قالدىم توۋا! قىسقىسى پىخسىقلىشىپ كەتتىم . ئەڭ دادىللىق بىلەن چىقارغان يەنە بىر قارارىم ساۋاغداشلار ئارا ئوينىغان چېيىمدىن باشقا ھەرقانداق چايلىرىمنى قىسقارتىۋەتتىم. شۇنىڭدىمۇ كۈنلىرىم ئۆتىۋاتىدۇ ھە كۈنۈم ئۆتمەسمىكى دەپتىكەنمەن ！ بۇرۇن ئاپام بىر تال سەۋزىنىڭ بىر ئۇچى سېسىپ قالسا كېسىۋېتىپ يەنە بىر ئۇچىنى ئېلىپ قويۇپ تاماققا سالسا ئاچچىقىم كېلەتتى،ئۆزۈم ئەتسە م تاشلىۋەتكەن بولاتتىم. ھازىر بىر باش چامغۇرۇم سېسىماقچى بولسا زايا قىلماسلىق ئۈچۈن بۈگۈنلا شورپا سېلىپ يەۋېتىدىغان بولدۇم. ئاپام توڭلاتقۇدىكى كۆك سەيلەر سېسىپ كېتەي دەپتۇ سەي قورۇپ لەغمەن ئېتەيلى دېسە ئۇنىماي كارىم يوق،پولو ئېتىپ يەيلى دەيتىم. ھازىر ئىشتەي نېمىنى تارتىدۇ ئۇنىڭ بىلەن چاتىقىم يوق توڭلاتقۇدا نېمە سەي بار شۇنىڭغا قاراپ تاماق ئېتىدىغان بولدۇم. يەنە بىرتوۋا ! بۇرۇن ئاپام بىلەن دادام بىر قوينىڭ گۆشىنى ئۆزلىرى پارچىلاپ كىچىك خالتىلارغا سېلىپ بولۇپ ماڭا توڭلاتقۇغا ئەكىرۋېتىشىمنى ئېيتقىنىدا قولۇم گۆش پۇراپ قالىدۇ دەپ قولۇمنىڭ ئۇچىدا تۇتۇپ بەك تەستە توڭلاتقۇغا سالاتتىم.ھازىر بەزى يولدىشىم يوق ۋاقىتلار گۆشلەرنى ئۆزۈم بىر قوللۇق پارچىلاپ تىزىۋېتىمەن بۇنىڭغا مىڭ توۋا دەي ！ بۇرۇن گۆشنىڭ قانچە پۇل،ئۇن گۈرۈچلەرنىڭ قانچە پۇللىقىنى بىلمەي ياشاپتىكەنمەن قىسقىسى سۈتمۇ ئېلىپ باقماپتىكەنمەن . ھازىر ئازراق كۆكتات ئېلىش ئۈچۈنمۇ قىممەت دۇكان بىلەن ئەرزان دۇكاننى ئوبدان پەرق قىلدىغان بولدۇم. تۇرمۇش تۇتۇش ھەقىقەتەن بەك تەسكەن. بىر جان ئىككى بولدۇق،ئىككى جان ئۈچ بولدۇق. تېخى ئەتە ئۆگۈن تۆت - بەشمۇ بولۇپ قالىمىز. بۇرۇنقىلار بىر ئۆيدە بەش - ئون بالىنى ئاچ قويماي يالىڭاچ قويماي قانداقمۇ باققاندۇ دەپ ئويلايمەن. ياكى ھازىرقى ياشلار چىدىماسلىق قىلىپ ۋايساۋاتامدۇق؟ يولدىشىم بىلەن توي قىلىشتىن بۇرۇن كۆرۈشۈپ تاماق يىسەك چوقۇم ئەڭ ياخشى تامىقى ئېسىل تاماقخانىغا باراتتۇق. بىر قېتىم كۆرۈشسەك ئۇ ئاز دېگەندە ئىككى يۈز يۈەن خەجلىمىسە كۆڭلۈم ئۇنىمايتتى.بۇرۇن ئۇنى قانچىلىك جىق پۇل خەجلەتسەم ئۆزۈمنى شۇنچىلىك غەلبە قىلغاندەك ھېس قىلاتتىم ھازىر ماقۇل دېسىمۇ ئۇنداق بەدخەجلىك قىلىشقا كۆڭلۈم ئۇنىمايدۇ.مۇشۇنچىلىك ئىنسابلىق بولۇپ كەتكىنىمگە ئۆزۈممۇ بەك ھەيران توۋا! مەھەللىمىزنىڭ خوجىلىق پۇلى،توك ،سۇ پۇلى ئەخلەت پۇلى قاتارلىقلارنى مەن تۇغۇلۇپ ھازىرغىچە ئاپام - دادامنىڭ قانچە پۇل تۆلەۋاتقانلىقىنى بىلمەي كەپتىكەنمەن. ھازىر بۇ ھەقلەرنىڭمۇ تۇرمۇشىمىزنىڭ چىقىمىغا بەلگىلىك تۆھپە قوشىۋاتقانلىغا قاراپ تېخىمۇ توۋا دېدىم. توي قىلىش ھەقىقەتەن مۇھەببەتلىشىشكە ئوخشىمايدىكەن. مۇھەببەتلىشىشتە قىز - يىگىت بۈگۈننى قانداق قىلغاندا ئەھمىيەتلىك خوشال ئۆتكۈزۈش ئۈچۈن پىلان تۈزىسە توي قىلغاندىن كېيىن كەلگۈسى ئۈچۈن پىلان تۈزىدىغان بولۇپ قالىدىكەن. ھىچقىسى يوق. تۇرمۇش دېگەن مۇشۇنداق بىردە بار بىردە يوق بولىدۇ.ھېچكىم بۇياقتىن توي قىلىپلا ئۇياقتىن باياشاد تۇرمۇشقا ئېرىشمىگەن. مۇسۇلماندارچىلىق ئاستا-ئاستا دەپتىكەن.ئاللا بەرگەن پەرزەنتىم بار،شۇ بەخىتلىك ئىناق ئائىلەمگە قاراپلا ئەسلىدە مېنىڭ ھىچنېمەم كام ئەمەسكەن دەپ ئويلاپ قالىمەن. ئايال كىشى بولغانىكەنمىز بەدخەجلىك قىلماي ،بۇزۇپ چاچماي،ئېرىمىزنىڭ تېپىپ بەرگىنىگە شۈكرى قىلىپ تاپا تەنە قىلماي ئۆي تۇتقاندىلا ئاللا سەبىر ۋە بەرىكەت ئاتا قىلىدۇ.   مىسرانىم مۇنبىرىدىكى مەرۋەرى

axek13999649893

	مەنمۇ پىخسىق  بوپ كىتەمەنمۇ

unix212

	مورىدىن تۈتۈن چىقارماق تەس جۇمۇ....

tafakkur

	قىزلارنىڭ ھەممىسىنىڭ ھىچ بولمىسا توي قىلغاندىن كىيىن بولسىمۇ سىزدەك ياخشى بولوپ كىتىشىنى ئۇمۇد قىلىمەن.

نىلۇفەر

	ياخشى يېزىپسىز. تولىمۇ ئاددىي ۋە ھەقىقىي~ تېخىمۇ ياخشى يېزىشىڭىزنى ئۈمىد قىلىمەن.

ئەخمەد

	توۋاااا مېنىڭ ئايالىم تويدىن بۇرۇنلا مېنى بەك ئايايتى،تاماق يەيلى دېسەم ۋاي يېمىسەكمۇ بولىدۇ يەي،يىسەك ئاددىيلا تاماق يەيلى دەپ تۇراتتى،مەن ئايالىمدىن بەك رازى جۇمۇ ئىشقىلىپ

erpan0928

	ئىللىق ئائىلە ھەرقانداق بەخىتتىن ئارتۇق.

Chaplin

	ئوخشايدىكەن

Chaplin

	ھەممىمىزنىڭ كەچۈرمىشى

Chaplin

	بەزىلەر ئۇنداق بولالمايدۇ