«شىنجاڭ مەدەنىيەت ھەپتىلىكى » بېرلىندا قانات يايدۇرۇلدى .

Misranim2

	‏«شىنجاڭ  مەدەنىيەت ھەپتىلىكى » بېرلىندا قانات يايدۇرۇلدى . مىسرانىم تورى خەۋىرى روسىيە موسكىۋا كۆرگەزمە پائالىيىتى ئاخىرلاشقاندىن كېيىن ، بېرلىندا يەنە بىر مەيدان « جۇڭگو شىنجاڭ مەدەنىيەت ھەپتىلىكى » پائالىيىتى باشلاندى . شۇ يەر ۋاقتى 10-ئاينىڭ 31-كۈنى كەچ ، جۇڭگو شىنجاڭ مەدەنىيەت ھەپتىلىكى پائالىيىتى بېرلىندىكى جۇڭگو مەدەنىيىتى مەركىزىدە داغدۇغا بىلەن باشلانغان بولۇپ  گىرمانىيەلىكلەر بۇ خىل گۈزەللىك ۋە زامانىۋىلاشقان شىنجاڭ مەدەنىيىتىدىن مەپتۇن بولۇشتى . باشلىنىش مۇراسىمىنىڭ تۇنجى نومۇرى بولغان « شادلىققا تولغان شىنجاڭ » ناخشا-ئۇسسۇللۇق سەنئەت نومۇرى 200 كىشى سىغىشىدىغان سەنئەت مەيدانىغا ، ئادەم سانىدا چەكلىمە قويۇلغان بولسىمۇ سان ئارتىپ 300 گە يەتتى . ‏   سەھنىدە ئويۇن قويۇلغىنىدا تۆۋەندىكى تاماشىبىنلارنىڭ چاۋاكلىرى ئۈزۈلمىدى .  بېرلىن كۇڭزى ئالىي مەكتىپىنىڭ ئىنىستىتوت مۇدىرى :« بىز ئۇ قىزنىڭ ئۇسۇلىنى ئىنتايىن ياقتۇردۇق ، گىرمانىيەلىكلەرنىڭ شىنجاڭغا ئالاقىدار مەلۇماتلىرى ئاز ئەمەس » دېدى . ‏   شىنجاڭ سېرىك ئۆمەك ئارتىسى ئەكبەر نەق مەيدان نومۇر ئورۇندىغىنىدا تۆۋەندە تاماشىبىنلار ئارىسىدا يۇقىرى كەيپىيات دولقۇنى كۆتۈرۈلدى . ‏   بېرلىن ئاسىيا سەنئەت موزىيىنىڭ موزاي باشلىقى لۇكىس مۇنداق دېدى :« ئۇلار چالغان مۇزىكا شۇ قەدەر يېقىملىق ، ئوينىغان ئۇسۇلىمۇ يۇقىرى سەۋىيەدىكى ئۇسسۇل ، مەن ئەزەلدىن بۇ قەدەر قالتىس ئورۇندالغان نومۇرنى كۆرۈپ باقمىغان .» ‏   بېرلىن تاماشىبىنى :« بۈگۈن ئورۇندالغان نومۇرلارنى بەك ياقتۇردۇم ، بۇ نومۇرلار ھەممىسى ھاياتى كۈچكە تولغان . مەن بەش يىلنىڭ ئالدىدا شىنجاڭغا بارغان ، ئۇلار بىلەن بىللە ئۇسۇل ئويناپ باققان ، بىللە تاماق يەپ باققان ، مەن ئۇلارنىڭ مەدەنىيىتىنى بەكمۇ ياقتۇرىمەن ، شۇنداقلا بۇگۈن سەنئەت نومۇر ئورۇندىغىلى كەلگەن ئارتىسلارغا چىن دىلىمدىن رەھمىتىمنى بىلدۈرىمەن . ‏   ئېنىقلاشلارغا ئاساسلانغاندا بېرىن جۇڭگو مەدەنىيەت مەركىزى قۇرۇلغاندىن بۇيان ، ئالدى-كەينى بولۇپ ئون نەچچە ئۆلكە بۇ يەردە مەدەنىيەت پائالىيىتى ئۆتكۈزگەن . بۇ قېتىمقى شىنجاڭ مەدەنىيىتى پائالىيىتىنىڭ بۇ يەردە 2- قېتىم ئۆتكۈزۈلىشى ئىكەن .

evir

	ۋېنا ئالتۇن زالىدا ئويۇن قويغان جۇڭگولۇقلاردەك بىر ئىشمۇ يا بۇ؟

rinatcn

	ئۇلارنىڭ ئويۇنىنىڭ مۇئەپىقىيەتلىك بولۇشىنى،ئىشلىرىنىڭ ئوڭۇشلۇق بولۇشىنى ئۇمۇت قىلىمەن.

كۆلەڭگە

	مەدەنىيىتىمزنى دۇنياغا تۇنۇتىۋاتقانلارغا ئامەت يار بولسۇن.

bulaksu2

	ئۇيغۇرلارنىڭ خەلقئارادىكى ئىجابىي تەسىرىنى مانا مۇشۇنداق يوللار بىلەن كېڭەيتىش كېرەك...

alzaman

	ئىملاغا سەل دىققەت قىلىپ قويسىڭىز بوپتىكەن،موزىي باشلىقى دېگەن سۆز موزاي باشلىقى بولۇپ قاپتۇ. يەنە بىرلىن دېگەن بىرىن بولۇپ قاپتۇ.

سەدەف

	پائالىيەتلەرنىڭ كوللىكتىپ خاتىرە سۈرەتلىرىدە بىر ئەدەپسىزلىككە دىققەت قىلىپ كېلىۋاتىمەن: نېمىشقا كۆپۈنچە سۈرەتلەردە پەقەت قىزلارلا پۇكۇلۇپ ئولتۇرۇشى كېرەك؟ ئۇلارمۇ مەغرۇر تۇرسۇن قاتاردا. بولۇپمۇ،كۆينەك كىيىدىغان قىزلىرىمىزنىڭ ئېتەك-چۆرىسىنى يىغىشتۇرۇپ ئولتۇرۇشىمۇ مىنۇت ئىچىدە ئاخىرلىشىدىغان بۇ پەيتتە بىرمۇنچە ئوڭايسزلىنىشلارنى كەلتۈرىدۇ.

سەدەف

	يىگىتلەر،ئەركەكلەر! خانىم-قىزلىرىمىزنى ئەتىۋارلاشنى قاچانمۇ ئۆگۈنەرسىلەر؟

Nimjan

	رۇسچە ئېلانلارغا قارىغاندا بۇ سۈرەت تارتىلغان جاي موسكۋا ئىكىنە ...

alhumar137

	قالتىس  ئىملا خاتالىقىكەن بۇ موزاي باشلىقى