كەتمەيدىغان ئادەم يوق
رۇستەم قاراسۇ
بۇ دۇنياغا تۇغۇلۇپ كەتمەيدىغان ئادەم يوق،
ھاياتلىقتا رىيازەت چەكمەيدىغان ئادەم يوق.
كىلىپ-كىتىش مىراسدۇر ئادەم بىلەن ھەۋادىن،
ئۆلۈم كۈنى بېشىغا كەلمەيدىغان ئادەم يوق.
تەغدىر دىگەن قاراڭغۇ كۈلدۈرەر يا يىغلىتار،
ھۆكۈمىگە تەغدىرنىڭ كۆنمەيدىغان ئادەم يوق.
ھەر جاندىن جان ئالىدۇ ئەزىرائىل گال سېقىپ،
جان قەرزىنى باشقىسى تۆلەيدىغان ئادەم يوق.
كارۋاندۇرمىز بارچىمىز كىلىپ-كەتمەك ھەقىقەت،
جاننى تەسلىم قىلغاندا بىلمەيدىغان ئادەم يوق.
بولسۇن گاداي ياكى باي ئاقىۋەتتە جان بىرىپ،
قارا تۇپراق قوينىغا كىرمەيدىغان ئادەم يوق.
رۇستەم قاراسۇ ئاتۇشتا يېزىلدى 2014.11.4
بۇ يازمىنى ئاخىرىدا rustorahbar تەھرىرلىگەن. ۋاقتى 2014-11-4 01:11 PM
يوللىغان ۋاقتى 2014-11-4 01:07:37 PM
